ໂດຍ: ສ.ບຸດປະຊາ
ການຈັັດສັນທີ່ດິນຢູ່ຂັ້ນທ້ອງຖິ່ນຕ່າງໆ ທີ່ລຽບຕາມແລວທາງລົດໄຟລາວ-ຈີນ ໃຫ້ລະອຽດ ໂດຍສະເພາະແມ່ນການກຳນົດເຂດສະຫງວນ ເພື່ອນໍາໃຊ້ເຂົ້າໃນການຜະລິດກະສິກຳ, ການປຸກສ້າງ, ເຂດອຸດສາຫະກຳ, ການຄ້າ, ບໍລິການ, ວັດທະນະທໍາ, ການທ່ອງທ່ຽວ ແລະ ເຂດອື່ນໆ ເພື່ອຮອງຮັບການລົງທຶນ ແລະ ການລະດົມທຶນ ຢູ່ໃນເຂດດັ່ງກ່າວ ຕາມແຜນພັດທະນາເສດຖະກິດ-ສັງຄົມ ໄດ້ກຳນົດໄວ້ ແມ່ນໜຶ່ງໃນໜ້າວຽກຈຸດສຸມ ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ໃນຂະແໜງຊັບພະຍາກອນທໍາມະຊາດ ແລະ ສິ່ງແວດລ້ອມ (ຊສ) ໂດຍສະເພາະກໍແມ່ນ ໜ້າວຽກໃນການສຸມໃສ່ ມະຕິ 07/ລບ, ລົງວັນທີ 4/10/2021.
ໃນປີຜ່ານມາ, ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ (ກຊສ) ໄດ້ສຸມໃສ່ການສ້າງແຜນຈັດສັນທີ່ດິນ ຕາມແລວທາງລົດໄຟລາວ-ຈີນ ໃນ 5 ແຂວງ 22 ເມືອງ ຊຶ່ງໄດ້ມີຄວາມຄືບໜ້າເປັນຢ່າງດີ ແລະ ຫຼາຍໜ້າວຽກກໍໄດ້ສຳເລັດ ຊຶ່ງຂໍ້ມູນດັ່ງກ່າວນັ້ນ ໄດ້ລະບຸໃນບົດສະຫຼຸບການຈັດຕັ້ງປະຕິບັດແຜນການປະຈໍາປີ 2023 ແລະ ທິດທາງແຜນການປີ 2024 ຂອງຂະແໜງ ຊສ ໂດຍໃຫ້ຮູ້ວ່າວຽກງານນີ້ ມີຫຼາຍໜ້າວຽກທີ່ສຳເລັດ ໂດຍສະເພາະໄດ້ສຳເລັດການເກັບຂໍ້ມູນ ເພື່ອສ້າງແຜນຈັດສັນທີ່ດິນ ຄືຢູ່ແຂວງວຽງຈັນ, ແຂວງຫຼວງພະບາງ, ແຂວງຫຼວງນໍ້າທາ ແລະ ແຂວງອຸດົມໄຊ, ສຳລັບນະຄອນຫຼວງວຽງຈັນ ກຳລັງດຳເນີນງານການລົງເກັບຂໍ້ມູນ; ພ້ອມນີ້, ໄດ້ສຳເລັດການກວດກາພື້ນທີ່ສະຖານີລົດໄຟ ຈໍານວນ 12 ສະຖານີ ໃນ 5 ແຂວງນັ້ນ ເພື່ອກະກຽມອອກໃບຕາດິນໃຫ້ກະຊວງໂຍທາທິການ ແລະ ຂົ່ນສົ່ງ.
ບົດສະຫຼຸບຍັງລາຍງານຄວາມຄືບໜ້າຂອງວຽກງານດັ່ງກ່າວອີກ ໂດຍໃຫ້ຮູ້ວ່າ: ປັດຈຸບັນ ແມ່ນໄດ້ຮ່າງເບື້ອງຕົ້ນ ແຜນຈັດສັນດິນແຕ່ລະປະເພດ ກໍຄື 8 ເຂດດິນ ຊຶ່ງມີ ເຂດກະສິກຳ, ເຂດດິນປຸກສ້າງ, ເຂດອຸດສາຫະກຳ, ເຂດດິນການຄ້າ, ເຂດດິນບໍລິການ, ເຂດດິນວັດທະນະທໍາ, ເຂດດິນທ່ອງທ່ຽວ, ເຂດດິນປ້ອງກັນຊາດ-ປ້ອງກັນຄວາມສະຫງົບ (ສໍາລັບເນື້ອທີ່ ແມ່ນກຳລັງດຳເນີນຕາມຂະບວນການ ຮ່າງແຜນຈັດສັນທີ່ດິນຂັ້ນເມືອງ). ນອກນີ້, ກໍຍັງສຳເລັດກວດກາທີ່ດິນອ້ອມຂ້າງ ແລະ ສຳເລັດການຂຶ້ນທະບຽນ ອອກໃບຕາດິນ ໃຫ້ກັບສະຖານີລົດໄຟ ຈໍານວນ 22 ສະຖານີໃນ 5 ແຂວງດັ່ງກ່າວ ໂດຍມອບໃຫ້ກະຊວງໂຍທາທິການ ແລະ ການຂົ່ນສົ່ງ ເປັນຜູ້ຄຸ້ມຄອງ ແລະ ສະເໜີລັດຖະບານໃນການພັດທະນາຂັ້ນຕໍ່ໄປ.
ຄວາມຄືບໜ້າ ແລະ ຄວາມສຳເລັດນັ້ນ, ກໍຄືຜົນງານໜຶ່ງທີ່ສຳຄັນໃນປີຜ່ານມາຂອງ ກຊສ ໃນການຕັ້ງໜ້າປະຕິບັດວຽກງານຂອງຕົນ ປະກອບສ່ວນສຳຄັນ ເພື່ອຍູ້ແຮງການພັດທະນາເສດຖະກິດ-ສັງຄົມ ທັງແຜນປະຈໍາປີ ແລະ ເປັນສ່ວນປະກອບຂອງຜົນການຈັດຕັ້ງປະຕິບັດແຜນການ 5 ປີ ຂອງຂະແໜງ ຊສ ເພື່ອເປັນສ່ວນໜຶ່ງໃນໝາກຜົນຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ IX; ພ້ອມນີ້, ກໍເປັນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ຂອງປະເທດເຮົາ ໃຫ້ມີຄວາມຄືບໜ້າ ແລະ ກ້າວສູ່ການປະກົດຜົນເປັນຈິງ ເທື່ອລະກ້າວ.
(ພາບປະກອບຈາກເພສ: ທາງລົດໄຟລາວ-ຈີນ)
ການຈັັດສັນທີ່ດິນຢູ່ຂັ້ນທ້ອງຖິ່ນຕ່າງໆ ທີ່ລຽບຕາມແລວທາງລົດໄຟລາວ-ຈີນ ໃຫ້ລະອຽດ ໂດຍສະເພາະແມ່ນການກຳນົດເຂດສະຫງວນ ເພື່ອນໍາໃຊ້ເຂົ້າໃນການຜະລິດກະສິກຳ, ການປຸກສ້າງ, ເຂດອຸດສາຫະກຳ, ການຄ້າ, ບໍລິການ, ວັດທະນະທໍາ, ການທ່ອງທ່ຽວ ແລະ ເຂດອື່ນໆ ເພື່ອຮອງຮັບການລົງທຶນ ແລະ ການລະດົມທຶນ ຢູ່ໃນເຂດດັ່ງກ່າວ ຕາມແຜນພັດທະນາເສດຖະກິດ-ສັງຄົມ ໄດ້ກຳນົດໄວ້ ແມ່ນໜຶ່ງໃນໜ້າວຽກຈຸດສຸມ ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ໃນຂະແໜງຊັບພະຍາກອນທໍາມະຊາດ ແລະ ສິ່ງແວດລ້ອມ (ຊສ) ໂດຍສະເພາະກໍແມ່ນ ໜ້າວຽກໃນການສຸມໃສ່ ມະຕິ 07/ລບ, ລົງວັນທີ 4/10/2021.
ໃນປີຜ່ານມາ, ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ (ກຊສ) ໄດ້ສຸມໃສ່ການສ້າງແຜນຈັດສັນທີ່ດິນ ຕາມແລວທາງລົດໄຟລາວ-ຈີນ ໃນ 5 ແຂວງ 22 ເມືອງ ຊຶ່ງໄດ້ມີຄວາມຄືບໜ້າເປັນຢ່າງດີ ແລະ ຫຼາຍໜ້າວຽກກໍໄດ້ສຳເລັດ ຊຶ່ງຂໍ້ມູນດັ່ງກ່າວນັ້ນ ໄດ້ລະບຸໃນບົດສະຫຼຸບການຈັດຕັ້ງປະຕິບັດແຜນການປະຈໍາປີ 2023 ແລະ ທິດທາງແຜນການປີ 2024 ຂອງຂະແໜງ ຊສ ໂດຍໃຫ້ຮູ້ວ່າວຽກງານນີ້ ມີຫຼາຍໜ້າວຽກທີ່ສຳເລັດ ໂດຍສະເພາະໄດ້ສຳເລັດການເກັບຂໍ້ມູນ ເພື່ອສ້າງແຜນຈັດສັນທີ່ດິນ ຄືຢູ່ແຂວງວຽງຈັນ, ແຂວງຫຼວງພະບາງ, ແຂວງຫຼວງນໍ້າທາ ແລະ ແຂວງອຸດົມໄຊ, ສຳລັບນະຄອນຫຼວງວຽງຈັນ ກຳລັງດຳເນີນງານການລົງເກັບຂໍ້ມູນ; ພ້ອມນີ້, ໄດ້ສຳເລັດການກວດກາພື້ນທີ່ສະຖານີລົດໄຟ ຈໍານວນ 12 ສະຖານີ ໃນ 5 ແຂວງນັ້ນ ເພື່ອກະກຽມອອກໃບຕາດິນໃຫ້ກະຊວງໂຍທາທິການ ແລະ ຂົ່ນສົ່ງ.
ບົດສະຫຼຸບຍັງລາຍງານຄວາມຄືບໜ້າຂອງວຽກງານດັ່ງກ່າວອີກ ໂດຍໃຫ້ຮູ້ວ່າ: ປັດຈຸບັນ ແມ່ນໄດ້ຮ່າງເບື້ອງຕົ້ນ ແຜນຈັດສັນດິນແຕ່ລະປະເພດ ກໍຄື 8 ເຂດດິນ ຊຶ່ງມີ ເຂດກະສິກຳ, ເຂດດິນປຸກສ້າງ, ເຂດອຸດສາຫະກຳ, ເຂດດິນການຄ້າ, ເຂດດິນບໍລິການ, ເຂດດິນວັດທະນະທໍາ, ເຂດດິນທ່ອງທ່ຽວ, ເຂດດິນປ້ອງກັນຊາດ-ປ້ອງກັນຄວາມສະຫງົບ (ສໍາລັບເນື້ອທີ່ ແມ່ນກຳລັງດຳເນີນຕາມຂະບວນການ ຮ່າງແຜນຈັດສັນທີ່ດິນຂັ້ນເມືອງ). ນອກນີ້, ກໍຍັງສຳເລັດກວດກາທີ່ດິນອ້ອມຂ້າງ ແລະ ສຳເລັດການຂຶ້ນທະບຽນ ອອກໃບຕາດິນ ໃຫ້ກັບສະຖານີລົດໄຟ ຈໍານວນ 22 ສະຖານີໃນ 5 ແຂວງດັ່ງກ່າວ ໂດຍມອບໃຫ້ກະຊວງໂຍທາທິການ ແລະ ການຂົ່ນສົ່ງ ເປັນຜູ້ຄຸ້ມຄອງ ແລະ ສະເໜີລັດຖະບານໃນການພັດທະນາຂັ້ນຕໍ່ໄປ.
ຄວາມຄືບໜ້າ ແລະ ຄວາມສຳເລັດນັ້ນ, ກໍຄືຜົນງານໜຶ່ງທີ່ສຳຄັນໃນປີຜ່ານມາຂອງ ກຊສ ໃນການຕັ້ງໜ້າປະຕິບັດວຽກງານຂອງຕົນ ປະກອບສ່ວນສຳຄັນ ເພື່ອຍູ້ແຮງການພັດທະນາເສດຖະກິດ-ສັງຄົມ ທັງແຜນປະຈໍາປີ ແລະ ເປັນສ່ວນປະກອບຂອງຜົນການຈັດຕັ້ງປະຕິບັດແຜນການ 5 ປີ ຂອງຂະແໜງ ຊສ ເພື່ອເປັນສ່ວນໜຶ່ງໃນໝາກຜົນຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ IX; ພ້ອມນີ້, ກໍເປັນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ຂອງປະເທດເຮົາ ໃຫ້ມີຄວາມຄືບໜ້າ ແລະ ກ້າວສູ່ການປະກົດຜົນເປັນຈິງ ເທື່ອລະກ້າວ.
(ພາບປະກອບຈາກເພສ: ທາງລົດໄຟລາວ-ຈີນ)
