ໂດຍ:ວັນໄຊ ຕະວິນຍານ
ປີ 2024 ນີ້,ເປັນປີທີ 4 ຂອງການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີVIIIຂອງອົງຄະນະພັກແຂງ,ການຈັດຕັ້ງປະຕິບັດແຜນພັດທະນາເສດຖະກິດ5ປີ ຄັ້ງທີIX(2021-2025) ຂອງແຂວງຊຽງຂວາງ ຕິດພັນກັບການຈັດຕັ້ງປະຕິບັດ2ວາລະແຫ່ງຊາດໃຫ້ສໍາເລັດຕາມແຜນການທີ່ວາງໄວ້.
ໂດຍອີງໃສ່ການເຕີບໂຕຂອງເສດຖະກິດໃນປີ 2023 ຜ່ານມາ,ບວກກັບທ່າແຮງທີ່ມີອົງຄະນະພັກແຂວງຊຽງຂວາງ ຈຶ່ງວາງຄາດໝາຍສູ້ຊົນດ້ານເສດຖະກິດມະຫາພາກສູ້ຊົນໃນປີ 2024 ເພື່ອເຮັດໃຫ້ຈັງຫວະການຂະຫຍາຍຕົວຂອງເສດຖະກິດຢູ່ໃນລະດັບ 5,3%, ລວມຍອດຜະລິດຕະພັນພາຍໃນ (GDP) ໃຫ້ບັນລຸໄດ້ 6.469,81 ຕື້ກີບ. ໃນນັ້ນ, ຂົງເຂດກະສິກໍາ - ປ່າໄມ້ ຈະໃຫ້ຂະຫຍາຍຕົວໃນລະດັບ4%, ກວມ 34,76%, ຂົງເຂດອຸດສາຫະກໍາ - ກໍ່ສ້າງ ຂະຫຍາຍຕົວໃນລະດັບ 5,78%, ກວມ 34,42%, ຂົງເຂດການບໍລິການຂະຫຍາຍຕົວໃນລະດັບ 6,24% ກວມ 30,82%,ລາຍຮັບສະເລ່ຍຕໍ່ຫົວຄົນໃຫ້ໄດ້ 1.109 ໂດລາ/ຄົນ/ປີ.
ກ່ຽວກັບດ້ານການຜະລິດກະສິກໍາແຂວງຈະສູ້ຊົນປູກພືດສະບຽງອາຫານແລະພືດເປັນສິນຄ້າ ເປັນຕົ້ນແມ່ນປູກເຂົ້າໃຫ້ໄດ້ 28.368 ຮຕ, ຄາດຄະເນຜົນຜະລິດໃຫ້ໄດ້ 109.659 ໂຕນ. ໃນນັ້ນ, ເນື້ອທີ່ນາປີ 20.518 ຮຕ, ຄາດຄະເນຜົນຜະລິດ 92.039 ໂຕນ, ເນື້ອທີ່ປູກເຂົ້າເນີນສູງ 7.368 ຮຕ, ຄາດຄະເນຜົນຜະລິດ 15.508 ໂຕນ ແລະ ເນື້ອທີ່ປູກເຂົ້ານາແຊງ 482 ຮຕ, ຄາດຄະເນຜົນຜະລິດ 2.112 ໂຕນ; ຊຸກຍູ້ສົ່ງເສີມການປູກພືດເປັນສິນຄ້າຕົ້ນຕໍແມ່ນສາລີແຂງ ແລະ ສາລີຫວານ ໃຫ້ໄດ້ 23.336 ຮຕ, ຄາດຄະເນຜົນຜະລິດໝົດປີໃຫ້ໄດ້ 126.250 ໂຕນ ແລະ ປູກພືດອຸດສາຫະກໍາຕ່າງໆ ໃຫ້ໄດ້ 29.365 ຮຕ, ຄາດຄະເນຜົນຜະລິດໃຫ້ໄດ້ທັງໝົດ 155.117 ໂຕນຊຶ່ງປະກອບມີ: ສາລີແຂງ, ຢາສູບ, ອ້ອຍ, ກາເຟ, ຜັກທຽມ, ປະເພດຖົ່ວ, ໝາກເຜັດ ແລະ ພືດຜັກອື່ນໆ; ຈະສືບຕໍ່ສົ່ງເສີມການລ້ຽງສັດໃຫຍ່ເປັນຕົ້ນແມ່ນ ງົວ, ຄວາຍ ແລະ ມ້າ ໃຫ້ມີການຂະຫຍາຍຕົວຢ່າງຕໍ່ເນື່ອງ ເພື່ອສົ່ງຂາຍຕ່າງແຂວງ,ສົ່ງອອກໄປຕ່າງປະເທດ ແລະ ບໍລິໂພກພາຍໃນແຂວງ.
ສໍາລັບວຽກງານພະລັງງານ ແລະ ບໍ່ແຮ່ແຂວງຊຽງຂວາງ ຈະຂະຫຍາຍໄຟຟ້າໃຫ້ປະຊາຊົນໄດ້ຊົມໃຊ້ຢ່າງທົ່ວເຖິງ,ຜະລິດພະລັງງານໄຟຟ້າ ແລະ ປຸງແຕ່ງແຮ່ທາດ ເພື່ອສະໜອງຮັບໃຊ້ສັງຄົມໃຫ້ພຽງພໍ, ຄຸ້ມຄອງບັນດາໂຄງການກໍ່ສ້າງເຂື່ອນ, ໂຄງການຊອກຄົ້ນສຳຫຼວດແຮ່ ແລະ ໂຄງການຂຸດຄົ້ນ - ປຸງແຕ່ງແຮ່ ທີ່ລັດ ແລະ ເອກະຊົນເປັນຜູ້ລົງທຶນ ໃຫ້ໄປຕາມລະບຽບກົດໝາຍ; ສູ້ຊົນຜະລິດກະແສໄຟຟ້າໃຫ້ໄດ້ 102.820.000 Kwh, ໃຫ້ມີບ້ານທີ່ໄດ້ນໍາໃຊ້ໄຟຟ້າທັງໝົດ 460 ບ້ານ, ກວມເອົາ 96,63% ຂອງຈໍານວນບ້ານໃນທົ່ວແຂວງ (476 ບ້ານ), ໃຫ້ມີຄົວເຮືອນທີ່ຊົມໃຊ້ໄຟຟ້າຖາວອນ ໃຫ້ມີ 47.434 ຄົວເຮືອນ ກວມ 95,89% ຂອງຄົວເຮືອນທັງໝົດ.
ແຂວງຊຽງຂວາງຈະຂະຫຍາຍໂຮງງານປະເພດຕ່າງໆເພີ່ມຂຶ້ນ ຄາດຄະເນມູນຄ່າການຜະລິດອຸດສາຫະກໍາແລະຫັດຖະກຳໃຫ້ໄດ້ 4.370,09 ຕື້ກີບ. ໃນນັ້ນ, ມູນຄ່າການຜະລິດຈໍາໜ່າຍອຸດສາຫະກຳ ໃຫ້ໄດ້ 4.278,95ຕື້ກີບແລະ ມູນຄ່າຫັດຖະກຳ ໃຫ້ໄດ້91,14 ຕື້ກີບ.ສິນຄ້າສົ່ງອອກໃຫ້ໄດ້1.158,30ຕື້ກີບ, ສິນຄ້ານຳເຂົ້າໃຫ້ໄດ້ທັງໝົດ713,42 ຕື້ກີບ, ຄາດຄະເນປີ 2024 ແຂວງເກີນດູນການຄ້າ444,88 ຕື້ກີບ.
ປີ 2024 ນີ້, ແຂວງຈະສູ້ຊົນລະດົມການລົງທຶນທົ່ວສັງຄົມໃຫ້ໄດ້ທັງໝົດ 1.989,93ຕື້ກີບ (ບໍ່ລວມສິນເຊື່ອທະນາຄານ),ໃນນັ້ນການລົງທຶນຂອງລັດ137,38 ຕື້ກີບ, ກວມ 6,90% ຂອງການລະດົມທຶນທັງໝົດ, ການລົງທຶນຂອງພາກເອກະຊົນພາຍໃນແລະ ຕ່າງປະເທດ 1.447,21 ຕື້ກີບ ກວມ 72,73% ຂອງການລະດົມທຶນທັງໝົດ, ໃນນີ້, ກິດຈະການສໍາປະທານ ມູນຄ່າ 187,98 ຕື້ກີບ ແລະ ກິດຈະການທົ່ວໄປ ມູນຄ່າ 1.259,23 ຕື້ກີບ,ການຊ່ວຍເຫຼືອແລະກູ້ຢືມ 405,34 ຕື້ກີບກວມ 20,37% ຂອງການລະດົມທຶນທັງໝົດ, ຄາດຄະເນການລົງທຶນຂອງລັດໃນປີ 2024 ທີ່ແຂວງຊຽງຂວາງ ຈະໄດ້ຮັບການອະນຸມັດທຶນທັງໝົດ 137,38 ຕື້ກີບ, ທຶນດັ່ງກ່າວຕ້ອງໄດ້ສຸມໃສ່ແກ້ໄຂບັນດາໂຄງການໜີ້ສິນ, ໂຄງການສືບຕໍ່ ແລະ ໂຄງການສະເໜີໃໝ່ທີ່ມີຄວາມຈໍາເປັນທີ່ສຸດ, ໂຄງການບຸລິມະສິດຂອງລັດຖະບານ, ໂຄງການພັດທະນາຊົນນະບົດ ແລະ ແກ້ໄຂຄວາມທຸກຍາກ. ພ້ອມກັນນັ້ນກໍຕ້ອງຄຸ້ມຄອງ, ຕິດຕາມກວດກາການຈັດຕັ້ງປະຕິບັດບັນດາໂຄງການລົງທຶນຂອງລັດຢ່າງຮັດກຸມ ແລະສອດຄ່ອງກັບລະບຽບກົດໝາຍ.ການລົງທຶນ ຂອງພາກເອກະຊົນ ທັງພາຍໃນ ແລະ ຕ່າງປະເທດ ຈະໄດ້ປະມານ 1.447,21 ຕື້ກີບ,ການລົງທຶນແມ່ນຕ້ອງສຸມໃສ່ຂະແໜງການ ທີ່ເປັນທ່າແຮງຂອງແຂວງເປັນຕົ້ນ: ດ້ານພະລັງງານໄຟຟ້າດ້ານບໍ່ແຮ່, ດ້ານກະສິກຳ ແລະ ອື່ນໆ, ສ້າງເງື່ອນໄຂອຳນວຍຄວາມສະດວກໃຫ້ແກ່ນັກລົງທຶນ ພ້ອມທັງຕິດຕາມກວດກາບັນດາຫົວໜ່ວຍທີ່ໄດ້ຮັບອະນຸມັດໃຫ້ເຄື່ອນໄຫວໃຫ້ສອດຄ່ອງກັບລະບຽບກົດໝາຍ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງ.
ໃນປີ 2024 ນີ້,ແຂວງຊຽງຂວາງຈະສູ້ຊົນແກ້ໄຂຄອບຄົວທຸກຍາກໃຫ້ໄດ້ 1.157 ຄອບຄົວ, ແກ້ໄຂບ້ານທຸກຍາກໃຫ້ໄດ້ 21 ບ້ານ, ສ້າງຄອບຄົວພັດທະນາ ໃຫ້ໄດ້ 1.136 ຄອບຄົວ, ສ້າງບ້ານພັດທະນາ ໃຫ້ໄດ້ 18 ບ້ານ, ລຶບລ້າງເມືອງທຸກຍາກ ໃຫ້ໄດ້ 1 ເມືອງຄືເມືອງຄໍາ.
ປີ 2024 ນີ້,ເປັນປີທີ 4 ຂອງການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີVIIIຂອງອົງຄະນະພັກແຂງ,ການຈັດຕັ້ງປະຕິບັດແຜນພັດທະນາເສດຖະກິດ5ປີ ຄັ້ງທີIX(2021-2025) ຂອງແຂວງຊຽງຂວາງ ຕິດພັນກັບການຈັດຕັ້ງປະຕິບັດ2ວາລະແຫ່ງຊາດໃຫ້ສໍາເລັດຕາມແຜນການທີ່ວາງໄວ້.
ໂດຍອີງໃສ່ການເຕີບໂຕຂອງເສດຖະກິດໃນປີ 2023 ຜ່ານມາ,ບວກກັບທ່າແຮງທີ່ມີອົງຄະນະພັກແຂວງຊຽງຂວາງ ຈຶ່ງວາງຄາດໝາຍສູ້ຊົນດ້ານເສດຖະກິດມະຫາພາກສູ້ຊົນໃນປີ 2024 ເພື່ອເຮັດໃຫ້ຈັງຫວະການຂະຫຍາຍຕົວຂອງເສດຖະກິດຢູ່ໃນລະດັບ 5,3%, ລວມຍອດຜະລິດຕະພັນພາຍໃນ (GDP) ໃຫ້ບັນລຸໄດ້ 6.469,81 ຕື້ກີບ. ໃນນັ້ນ, ຂົງເຂດກະສິກໍາ - ປ່າໄມ້ ຈະໃຫ້ຂະຫຍາຍຕົວໃນລະດັບ4%, ກວມ 34,76%, ຂົງເຂດອຸດສາຫະກໍາ - ກໍ່ສ້າງ ຂະຫຍາຍຕົວໃນລະດັບ 5,78%, ກວມ 34,42%, ຂົງເຂດການບໍລິການຂະຫຍາຍຕົວໃນລະດັບ 6,24% ກວມ 30,82%,ລາຍຮັບສະເລ່ຍຕໍ່ຫົວຄົນໃຫ້ໄດ້ 1.109 ໂດລາ/ຄົນ/ປີ.
ກ່ຽວກັບດ້ານການຜະລິດກະສິກໍາແຂວງຈະສູ້ຊົນປູກພືດສະບຽງອາຫານແລະພືດເປັນສິນຄ້າ ເປັນຕົ້ນແມ່ນປູກເຂົ້າໃຫ້ໄດ້ 28.368 ຮຕ, ຄາດຄະເນຜົນຜະລິດໃຫ້ໄດ້ 109.659 ໂຕນ. ໃນນັ້ນ, ເນື້ອທີ່ນາປີ 20.518 ຮຕ, ຄາດຄະເນຜົນຜະລິດ 92.039 ໂຕນ, ເນື້ອທີ່ປູກເຂົ້າເນີນສູງ 7.368 ຮຕ, ຄາດຄະເນຜົນຜະລິດ 15.508 ໂຕນ ແລະ ເນື້ອທີ່ປູກເຂົ້ານາແຊງ 482 ຮຕ, ຄາດຄະເນຜົນຜະລິດ 2.112 ໂຕນ; ຊຸກຍູ້ສົ່ງເສີມການປູກພືດເປັນສິນຄ້າຕົ້ນຕໍແມ່ນສາລີແຂງ ແລະ ສາລີຫວານ ໃຫ້ໄດ້ 23.336 ຮຕ, ຄາດຄະເນຜົນຜະລິດໝົດປີໃຫ້ໄດ້ 126.250 ໂຕນ ແລະ ປູກພືດອຸດສາຫະກໍາຕ່າງໆ ໃຫ້ໄດ້ 29.365 ຮຕ, ຄາດຄະເນຜົນຜະລິດໃຫ້ໄດ້ທັງໝົດ 155.117 ໂຕນຊຶ່ງປະກອບມີ: ສາລີແຂງ, ຢາສູບ, ອ້ອຍ, ກາເຟ, ຜັກທຽມ, ປະເພດຖົ່ວ, ໝາກເຜັດ ແລະ ພືດຜັກອື່ນໆ; ຈະສືບຕໍ່ສົ່ງເສີມການລ້ຽງສັດໃຫຍ່ເປັນຕົ້ນແມ່ນ ງົວ, ຄວາຍ ແລະ ມ້າ ໃຫ້ມີການຂະຫຍາຍຕົວຢ່າງຕໍ່ເນື່ອງ ເພື່ອສົ່ງຂາຍຕ່າງແຂວງ,ສົ່ງອອກໄປຕ່າງປະເທດ ແລະ ບໍລິໂພກພາຍໃນແຂວງ.
ສໍາລັບວຽກງານພະລັງງານ ແລະ ບໍ່ແຮ່ແຂວງຊຽງຂວາງ ຈະຂະຫຍາຍໄຟຟ້າໃຫ້ປະຊາຊົນໄດ້ຊົມໃຊ້ຢ່າງທົ່ວເຖິງ,ຜະລິດພະລັງງານໄຟຟ້າ ແລະ ປຸງແຕ່ງແຮ່ທາດ ເພື່ອສະໜອງຮັບໃຊ້ສັງຄົມໃຫ້ພຽງພໍ, ຄຸ້ມຄອງບັນດາໂຄງການກໍ່ສ້າງເຂື່ອນ, ໂຄງການຊອກຄົ້ນສຳຫຼວດແຮ່ ແລະ ໂຄງການຂຸດຄົ້ນ - ປຸງແຕ່ງແຮ່ ທີ່ລັດ ແລະ ເອກະຊົນເປັນຜູ້ລົງທຶນ ໃຫ້ໄປຕາມລະບຽບກົດໝາຍ; ສູ້ຊົນຜະລິດກະແສໄຟຟ້າໃຫ້ໄດ້ 102.820.000 Kwh, ໃຫ້ມີບ້ານທີ່ໄດ້ນໍາໃຊ້ໄຟຟ້າທັງໝົດ 460 ບ້ານ, ກວມເອົາ 96,63% ຂອງຈໍານວນບ້ານໃນທົ່ວແຂວງ (476 ບ້ານ), ໃຫ້ມີຄົວເຮືອນທີ່ຊົມໃຊ້ໄຟຟ້າຖາວອນ ໃຫ້ມີ 47.434 ຄົວເຮືອນ ກວມ 95,89% ຂອງຄົວເຮືອນທັງໝົດ.
ແຂວງຊຽງຂວາງຈະຂະຫຍາຍໂຮງງານປະເພດຕ່າງໆເພີ່ມຂຶ້ນ ຄາດຄະເນມູນຄ່າການຜະລິດອຸດສາຫະກໍາແລະຫັດຖະກຳໃຫ້ໄດ້ 4.370,09 ຕື້ກີບ. ໃນນັ້ນ, ມູນຄ່າການຜະລິດຈໍາໜ່າຍອຸດສາຫະກຳ ໃຫ້ໄດ້ 4.278,95ຕື້ກີບແລະ ມູນຄ່າຫັດຖະກຳ ໃຫ້ໄດ້91,14 ຕື້ກີບ.ສິນຄ້າສົ່ງອອກໃຫ້ໄດ້1.158,30ຕື້ກີບ, ສິນຄ້ານຳເຂົ້າໃຫ້ໄດ້ທັງໝົດ713,42 ຕື້ກີບ, ຄາດຄະເນປີ 2024 ແຂວງເກີນດູນການຄ້າ444,88 ຕື້ກີບ.
ປີ 2024 ນີ້, ແຂວງຈະສູ້ຊົນລະດົມການລົງທຶນທົ່ວສັງຄົມໃຫ້ໄດ້ທັງໝົດ 1.989,93ຕື້ກີບ (ບໍ່ລວມສິນເຊື່ອທະນາຄານ),ໃນນັ້ນການລົງທຶນຂອງລັດ137,38 ຕື້ກີບ, ກວມ 6,90% ຂອງການລະດົມທຶນທັງໝົດ, ການລົງທຶນຂອງພາກເອກະຊົນພາຍໃນແລະ ຕ່າງປະເທດ 1.447,21 ຕື້ກີບ ກວມ 72,73% ຂອງການລະດົມທຶນທັງໝົດ, ໃນນີ້, ກິດຈະການສໍາປະທານ ມູນຄ່າ 187,98 ຕື້ກີບ ແລະ ກິດຈະການທົ່ວໄປ ມູນຄ່າ 1.259,23 ຕື້ກີບ,ການຊ່ວຍເຫຼືອແລະກູ້ຢືມ 405,34 ຕື້ກີບກວມ 20,37% ຂອງການລະດົມທຶນທັງໝົດ, ຄາດຄະເນການລົງທຶນຂອງລັດໃນປີ 2024 ທີ່ແຂວງຊຽງຂວາງ ຈະໄດ້ຮັບການອະນຸມັດທຶນທັງໝົດ 137,38 ຕື້ກີບ, ທຶນດັ່ງກ່າວຕ້ອງໄດ້ສຸມໃສ່ແກ້ໄຂບັນດາໂຄງການໜີ້ສິນ, ໂຄງການສືບຕໍ່ ແລະ ໂຄງການສະເໜີໃໝ່ທີ່ມີຄວາມຈໍາເປັນທີ່ສຸດ, ໂຄງການບຸລິມະສິດຂອງລັດຖະບານ, ໂຄງການພັດທະນາຊົນນະບົດ ແລະ ແກ້ໄຂຄວາມທຸກຍາກ. ພ້ອມກັນນັ້ນກໍຕ້ອງຄຸ້ມຄອງ, ຕິດຕາມກວດກາການຈັດຕັ້ງປະຕິບັດບັນດາໂຄງການລົງທຶນຂອງລັດຢ່າງຮັດກຸມ ແລະສອດຄ່ອງກັບລະບຽບກົດໝາຍ.ການລົງທຶນ ຂອງພາກເອກະຊົນ ທັງພາຍໃນ ແລະ ຕ່າງປະເທດ ຈະໄດ້ປະມານ 1.447,21 ຕື້ກີບ,ການລົງທຶນແມ່ນຕ້ອງສຸມໃສ່ຂະແໜງການ ທີ່ເປັນທ່າແຮງຂອງແຂວງເປັນຕົ້ນ: ດ້ານພະລັງງານໄຟຟ້າດ້ານບໍ່ແຮ່, ດ້ານກະສິກຳ ແລະ ອື່ນໆ, ສ້າງເງື່ອນໄຂອຳນວຍຄວາມສະດວກໃຫ້ແກ່ນັກລົງທຶນ ພ້ອມທັງຕິດຕາມກວດກາບັນດາຫົວໜ່ວຍທີ່ໄດ້ຮັບອະນຸມັດໃຫ້ເຄື່ອນໄຫວໃຫ້ສອດຄ່ອງກັບລະບຽບກົດໝາຍ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງ.
ໃນປີ 2024 ນີ້,ແຂວງຊຽງຂວາງຈະສູ້ຊົນແກ້ໄຂຄອບຄົວທຸກຍາກໃຫ້ໄດ້ 1.157 ຄອບຄົວ, ແກ້ໄຂບ້ານທຸກຍາກໃຫ້ໄດ້ 21 ບ້ານ, ສ້າງຄອບຄົວພັດທະນາ ໃຫ້ໄດ້ 1.136 ຄອບຄົວ, ສ້າງບ້ານພັດທະນາ ໃຫ້ໄດ້ 18 ບ້ານ, ລຶບລ້າງເມືອງທຸກຍາກ ໃຫ້ໄດ້ 1 ເມືອງຄືເມືອງຄໍາ.
