ກອງປະຊຸມສຳມະນາແລກປ່ຽນສົ່ງເສີມຮ່ວມມືການທ່ອງທ່ຽວ ແລະ ການຄ້າລະຫວ່າງນະຄອນຫຼວງວຽງຈັນ (ນວ)-ນະຄອນຫຼວງຮ່າໂນ້ຍຈັດຂຶ້ນວັນທີ 12 ມີນາ ນີ້ທີ່ໂຮງແຮມເມືອງແທງ ນະຄອນຫຼວງວຽງຈັນ ຊຶ່ງຝ່າຍນະຄອນຫຼວງວຽງຈັນນໍາໂດຍທ່ານ ອານຸພາບ ຕຸນາລົມ ຄະນະເລຂາທິການສູນກາງພັກ ເລຂາຄະນະພັກ ປະທານສະພາປະຊາຊົນ ນະຄອນຫຼວງວຽງຈັນ ແລະ ຝ່າຍນະຄອນຫຼວງຮ່າໂນ້ຍນໍາໂດຍທ່ານ ດິ່ງຕຽນ ຢຸງ ກຳມະການກົມການເມືອງສູນກາງພັກ ເລຂາຄະນະພັກນະຄອນຫຼວງຮ່າໂນ້ຍ, ມີບັນດາການນໍາ ນວ, ການນໍານະຄອນຫຼວງຮ່າໂນ້ຍ, ຫົວໜ້າ,ຮອງຫົວໜ້າພະແນກ,ຂະແໜງການ ສະພາການຄ້າ ແລະ ອຸດສາຫະກຳ ນວ, ນັກທຸລະກິດທ່ອງທ່ຽວ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ໄດ້ຮັບຟັງການນໍາສະເໜີການໂຄສະນາການທ່ອງທ່ຽວ, ການຄ້າ ນວ ແລະ ນະຄອນຫຼວງຮ່າໂນ້ຍ ນໍາສະເໜີຮູບພາບ ທ່າແຮງ ຈຸດແຂງການທ່ອງທ່ຽວ, ການຄ້າ ນວ ແລະ ຮ່າໂນ້ຍ ເຊັນບົນບັນທຶກຊ່ວຍຈຳການຮ່ວມມືສົ່ງເສີມ, ໂຄສະນາທ່ອງທ່ຽວ, ກໍ່ສ້າງ, ແນະນໍາທິດທາງວິຊາຊີບຫັດຖະກຳ, ເຊັນບົດບັນທຶກການຮ່ວມມືລະຫວ່າງພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ນວ ແລະ ສູນສົ່ງເສີມການລົງທຶນ, ການຄ້າ ແລະ ທ່ອງທ່ຽວນະຄອນຫຼວງຮ່າໂນ້ຍ ໃນວຽກງານຊຸກຍູ້ ສົ່ງເສີມໂຄສະນາການທ່ອງທ່ຽວ ການຄ້າຂອງສອງນະຄອນຫຼວງ, ເຊັນບົດບັນທຶກການຮ່ວມມືລະຫວ່າງບໍລິສັດທ່ອງທ່ຽວ BiiG Holiday Sole Co.,Ltd ແລະ ສະຫະບໍລິສັດ ທ່ອງທ່ຽວຮ່າໂນ້ຍ ໃນວຽກງານການຮ່ວມມືສຳຫຼວດລາຍການທ່ອງທ່ຽວ, ເສັ້ນທາງທ່ອງທ່ຽວລະຫວ່າງ ຮ່າໂນ້ຍ ແລະ ວຽງຈັນ, ເຊັນບົດບັນທຶກການຮ່ວມມື ລະຫວ່າງ ສະມາຄົມສິລະປະ ສິລະປິນ ນະຄອນຮ່າໂນ້ຍ ແລະ ສະມາຄົມ ກຸ່ມ ພາກສ່ວນສະເພາະ ອົງການຈັດຕັ້ງທ້ອງຖິ່ນ ຂອງ ນວ ໃນການແລກປ່ຽນ, ກໍ່ສ້າງ, ແນະນຳທິດທາງ ວິຊາຊີບຫັດຖະກຳ ສະມາຄົມເຟີນີເຈີ ນວ, ສະມາຄົມໄມ້ແກະສະຫຼັກ, ກຸ່ມຫັດຖະກຳເຄື່ອງເງິນ ກຸ່ມຫັດຖະກຳໄມ້ປ່ອງ.
ທ່ານ ອານຸພາບ ຕຸນາລົມໄດ້ກ່າວວ່າ: ບົນພື້ນຖານ ດ້ວຍຄວາມປາຖະໜາຢາກຍາດແຍ່ງທ່າແຮງ ຊຸກຍູ້ການຮ່ວມມືພັດທະນາຊຶ່ງກັນ ແລະ ກັນ ຕອບສະໜອງປີທ່ອງທ່ຽວແຫ່ງຊາດລາວ ປີ2024 ຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນຄອນຮ່າໂນ້ຍ ແລະ ນະຄອນຫຼວງວຽງຈັນ ໄດ້ຊີ້ນຳບັນດາອົງການຮ່ວມມືຈັດຕັ້ງການເຄື່ອນໄຫວສົ່ງເສີມການລົງທຶນ, ການຄ້າ ແລະ ການທ່ອງທ່ຽວສອງຝ່າຍ ໃນນັ້ນ ມີກອງປະຊຸມສຳມະນາຮ່ວມມືສົ່ງເສີມການທ່ອງທ່ຽວ ຮ່າໂນ້ຍ-ວຽງຈັນ ປີ2024.
ຜ່ານຂະບວນການຄັ້ງນີ້ບັນດາອົງການ ແລະ ສະມາຄົມວິສາຫະກິດຂອງສອງຝ່າຍຈະມີໂອກາດແລກປ່ຽນ ຮຽນຮູ້ ແລະ ສ້າງຕັ້ງສາຍພົວພັນຄູ່ຮ່ວມມື ສະເໜີໃຫ້ບັນດາຫົວໜ່ວຍສຸມໃສ່ຮ່ວມກັນຄົ້ນຄວ້າ ແລະ ປຶກສາຫາລືບັນດາວິທີແກ້ໄຂ ເພື່ອຟື້ນຟູ ແລະ ພັດທະນາການທ່ອງທ່ຽວສອງຝ່າຍ ເພີ່ມທະວີການນຳໃຊ້ເຕັກໂນໂລຊີດີຈີຕອນ, ສ້າງບັນດາຂະບວນການໂຄສະນາ ເຊື່ອມຕໍ່ບັນດາແຫຼ່ງມໍລະດົກໂລກ ຮ່າໂນ້ຍ ແລະ ນະຄອນຫຼວງວຽງຈັນ ພ້ອມທັງເຊື່ອມຕໍ່ກັບບັນດາທ້ອງຖິ່ນຂອງສອງປະເທດ, ສືບຕໍ່ພັດທະນາຜະລິດຕະພັນການທ່ອງທ່ຽວ ແລະ ເສັ້ນທາງເຊື່ອມຕໍ່, ສ້າງເງື່ອນໄຂ ໃຫ້ແກ່ນັກທ່ອງທຽວໄປມາສະດວກ ພ້ອມດຽວກັນກໍລົງທຶນເຂົ້າບັນດາໂຄງການ ພັດທະນາການທ່ອງທ່ຽວຢູ່ທ້ອງຖິ່ນ.
ບົນພື້ນຖານຄວາມຮັບຮູ້ວ່າ ການຮ່ວມມືດ້ານເສດຖະກິດ ແມ່ນເສົາຄ້ຳຕົ້ນຕໍ ແລະ ແມ່ນໜຶ່ງໃນບັນດາບຸລິມະສິດອັນດັບໜຶ່ງ ໃນການຮ່ວມມືຮອບດ້ານ ຫວຽດນາມ-ລາວ, ລາວ-ຫວຽດນາມ ຫວັງວ່າໃນໄລຍະຈະມາເຖິງນີ້ ນະຄອນຫຼວງຮ່າໂນ້ຍ ແລະ ນະຄອນຫຼວງວຽງຈັນ ຈະສືບຕໍ່ປະດິດສ້າງບັນດາວິທີການຮ່ວມມືດ້ານເສດຖະກິດ ເວົ້າລວມ ແລະ ການທ່ອງທ່ຽວ ເວົ້າສະເພາະ ໃຫ້ນັບມື້ເຂົ້າສູ່ລ່ວງເລິກ ແລະ ມີປະສິດທິຜົນ ສືບຕໍ່ເປີດໄລຍະໃໝ່ແຫ່ງການຮ່ວມມືພັດທະນາ ເພື່ອຜົນປະໂຫຍດຂອງປະຊາຊົນ ສອງປະເທດ ກໍຄື ສອງນະຄອນຫຼວງ ປະກອບສ່ວນເພີ່ມທະວີ ເຮັດໃຫ້ສາຍພົວພັນມິດຕະພາບທີ່ເປັນມູນເຊື້ອ ການຮ່ວມມື ແລະ ຄວາມສາມັກຄີແບບພິເສດ ຫວຽດນາມ-ລາວ ໃຫ້ເລິກເຊິ່ງກວ່າເກົ່າອີກ.
ຂໍ້ມູນ: ວຽງຈັນໃໝ່
ກອງປະຊຸມຄັ້ງນີ້ໄດ້ຮັບຟັງການນໍາສະເໜີການໂຄສະນາການທ່ອງທ່ຽວ, ການຄ້າ ນວ ແລະ ນະຄອນຫຼວງຮ່າໂນ້ຍ ນໍາສະເໜີຮູບພາບ ທ່າແຮງ ຈຸດແຂງການທ່ອງທ່ຽວ, ການຄ້າ ນວ ແລະ ຮ່າໂນ້ຍ ເຊັນບົນບັນທຶກຊ່ວຍຈຳການຮ່ວມມືສົ່ງເສີມ, ໂຄສະນາທ່ອງທ່ຽວ, ກໍ່ສ້າງ, ແນະນໍາທິດທາງວິຊາຊີບຫັດຖະກຳ, ເຊັນບົດບັນທຶກການຮ່ວມມືລະຫວ່າງພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ນວ ແລະ ສູນສົ່ງເສີມການລົງທຶນ, ການຄ້າ ແລະ ທ່ອງທ່ຽວນະຄອນຫຼວງຮ່າໂນ້ຍ ໃນວຽກງານຊຸກຍູ້ ສົ່ງເສີມໂຄສະນາການທ່ອງທ່ຽວ ການຄ້າຂອງສອງນະຄອນຫຼວງ, ເຊັນບົດບັນທຶກການຮ່ວມມືລະຫວ່າງບໍລິສັດທ່ອງທ່ຽວ BiiG Holiday Sole Co.,Ltd ແລະ ສະຫະບໍລິສັດ ທ່ອງທ່ຽວຮ່າໂນ້ຍ ໃນວຽກງານການຮ່ວມມືສຳຫຼວດລາຍການທ່ອງທ່ຽວ, ເສັ້ນທາງທ່ອງທ່ຽວລະຫວ່າງ ຮ່າໂນ້ຍ ແລະ ວຽງຈັນ, ເຊັນບົດບັນທຶກການຮ່ວມມື ລະຫວ່າງ ສະມາຄົມສິລະປະ ສິລະປິນ ນະຄອນຮ່າໂນ້ຍ ແລະ ສະມາຄົມ ກຸ່ມ ພາກສ່ວນສະເພາະ ອົງການຈັດຕັ້ງທ້ອງຖິ່ນ ຂອງ ນວ ໃນການແລກປ່ຽນ, ກໍ່ສ້າງ, ແນະນຳທິດທາງ ວິຊາຊີບຫັດຖະກຳ ສະມາຄົມເຟີນີເຈີ ນວ, ສະມາຄົມໄມ້ແກະສະຫຼັກ, ກຸ່ມຫັດຖະກຳເຄື່ອງເງິນ ກຸ່ມຫັດຖະກຳໄມ້ປ່ອງ.
ທ່ານ ອານຸພາບ ຕຸນາລົມໄດ້ກ່າວວ່າ: ບົນພື້ນຖານ ດ້ວຍຄວາມປາຖະໜາຢາກຍາດແຍ່ງທ່າແຮງ ຊຸກຍູ້ການຮ່ວມມືພັດທະນາຊຶ່ງກັນ ແລະ ກັນ ຕອບສະໜອງປີທ່ອງທ່ຽວແຫ່ງຊາດລາວ ປີ2024 ຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນຄອນຮ່າໂນ້ຍ ແລະ ນະຄອນຫຼວງວຽງຈັນ ໄດ້ຊີ້ນຳບັນດາອົງການຮ່ວມມືຈັດຕັ້ງການເຄື່ອນໄຫວສົ່ງເສີມການລົງທຶນ, ການຄ້າ ແລະ ການທ່ອງທ່ຽວສອງຝ່າຍ ໃນນັ້ນ ມີກອງປະຊຸມສຳມະນາຮ່ວມມືສົ່ງເສີມການທ່ອງທ່ຽວ ຮ່າໂນ້ຍ-ວຽງຈັນ ປີ2024.
ຜ່ານຂະບວນການຄັ້ງນີ້ບັນດາອົງການ ແລະ ສະມາຄົມວິສາຫະກິດຂອງສອງຝ່າຍຈະມີໂອກາດແລກປ່ຽນ ຮຽນຮູ້ ແລະ ສ້າງຕັ້ງສາຍພົວພັນຄູ່ຮ່ວມມື ສະເໜີໃຫ້ບັນດາຫົວໜ່ວຍສຸມໃສ່ຮ່ວມກັນຄົ້ນຄວ້າ ແລະ ປຶກສາຫາລືບັນດາວິທີແກ້ໄຂ ເພື່ອຟື້ນຟູ ແລະ ພັດທະນາການທ່ອງທ່ຽວສອງຝ່າຍ ເພີ່ມທະວີການນຳໃຊ້ເຕັກໂນໂລຊີດີຈີຕອນ, ສ້າງບັນດາຂະບວນການໂຄສະນາ ເຊື່ອມຕໍ່ບັນດາແຫຼ່ງມໍລະດົກໂລກ ຮ່າໂນ້ຍ ແລະ ນະຄອນຫຼວງວຽງຈັນ ພ້ອມທັງເຊື່ອມຕໍ່ກັບບັນດາທ້ອງຖິ່ນຂອງສອງປະເທດ, ສືບຕໍ່ພັດທະນາຜະລິດຕະພັນການທ່ອງທ່ຽວ ແລະ ເສັ້ນທາງເຊື່ອມຕໍ່, ສ້າງເງື່ອນໄຂ ໃຫ້ແກ່ນັກທ່ອງທຽວໄປມາສະດວກ ພ້ອມດຽວກັນກໍລົງທຶນເຂົ້າບັນດາໂຄງການ ພັດທະນາການທ່ອງທ່ຽວຢູ່ທ້ອງຖິ່ນ.
ບົນພື້ນຖານຄວາມຮັບຮູ້ວ່າ ການຮ່ວມມືດ້ານເສດຖະກິດ ແມ່ນເສົາຄ້ຳຕົ້ນຕໍ ແລະ ແມ່ນໜຶ່ງໃນບັນດາບຸລິມະສິດອັນດັບໜຶ່ງ ໃນການຮ່ວມມືຮອບດ້ານ ຫວຽດນາມ-ລາວ, ລາວ-ຫວຽດນາມ ຫວັງວ່າໃນໄລຍະຈະມາເຖິງນີ້ ນະຄອນຫຼວງຮ່າໂນ້ຍ ແລະ ນະຄອນຫຼວງວຽງຈັນ ຈະສືບຕໍ່ປະດິດສ້າງບັນດາວິທີການຮ່ວມມືດ້ານເສດຖະກິດ ເວົ້າລວມ ແລະ ການທ່ອງທ່ຽວ ເວົ້າສະເພາະ ໃຫ້ນັບມື້ເຂົ້າສູ່ລ່ວງເລິກ ແລະ ມີປະສິດທິຜົນ ສືບຕໍ່ເປີດໄລຍະໃໝ່ແຫ່ງການຮ່ວມມືພັດທະນາ ເພື່ອຜົນປະໂຫຍດຂອງປະຊາຊົນ ສອງປະເທດ ກໍຄື ສອງນະຄອນຫຼວງ ປະກອບສ່ວນເພີ່ມທະວີ ເຮັດໃຫ້ສາຍພົວພັນມິດຕະພາບທີ່ເປັນມູນເຊື້ອ ການຮ່ວມມື ແລະ ຄວາມສາມັກຄີແບບພິເສດ ຫວຽດນາມ-ລາວ ໃຫ້ເລິກເຊິ່ງກວ່າເກົ່າອີກ.
ຂໍ້ມູນ: ວຽງຈັນໃໝ່
