ນັບແຕ່ປີ 2007 ເປັນຕົ້ນມາ, ການພັດທະນາ ແລະ ຄຸ້ມຄອງເຂດເສດຖະກິດພິເສດສາມຫຼ່ຽມຄຳມາຮອດປັດຈຸບັນໄດ້ມີການລົງທຶນທັງໝົດ (ໂຕເລກລວມນັບແຕ່ມື້ສ້າງຕັ້ງປີ 2007 ເຖິງ 31 ທັນວາ 2023) ມີມູນຄ່າລວມທັງໝົດຂອງການລົງທຶນ 2.611.408.979 ໂດລາ. ໃນນັ້ນ, ເປັນການລົງທຶນຂອງລັດຖະບານ
27.082.546 ໂດລາ, ຜູ້ພັດທະນາ 1.149.059.023 ໂດລາ ແລະ ຜູ້ລົງທຶນລາຍຍ່ອຍ 1.435.267.410 ໂດລາ, ໂຕເລກການລົງທຶນຂອງພາກເອກະຊົນໄດ້ເພີ່ມຂຶ້ນໄວໃນປີ 2023-2024 ໂດຍສະເພາະແມ່ນຂົງເຂດການພັດທະນາອະສັງຫາລິມະຊັບ.
ທ່ານສົມພອນສຸທຳຮອງຫົວໜ້າຄະນະຄຸ້ມຄອງເຂດເສດຖະກິດພິເສດສາມຫຼ່ຽມຄຳໄດ້ລາຍງານສະພາບການພັດທະນາ ແລະ ຄຸ້ມຄອງເຂດເສດຖະກິດພິເສດສາມຫຼ່ຽມຄຳໂດຍຫຍໍ້ໃນວັນທີ 9 ມີນາຜ່ານມາວ່າ:
ເຂດເສດຖະກິດພິເສດສາມຫຼ່ຽມຄຳນັບແຕ່ປີ 2007 ເປັນຕົ້ນມາໄດ້ດຶງດູດນັກລົງທຶນມາຂຶ້ນທະບຽນວິສາຫະກິດ ມາຮອດປັດຈຸບັນມີຫົວໜ່ວຍທຸລະກິດທີ່ຍັງເຄື່ອນໄຫວທັງໝົດ 2.459ຫົວໜ່ວຍ, ມີທຶນຈົດທະບຽນ 1.435.267.410 ໂດລາ, ໃນນີ້, ບໍລິສັດ 331 ບໍລິສັດແລະ ຈຸນລະວິສາຫະກິດມີ 2.128 ຫົວໜ່ວຍ ຊຶ່ງ
ໄດ້ສຸມໃສ່ການກໍ່ສ້າງພື້ນຖານໂຄງລ່າງຖະໜົນຫົນທາງ, ຕຶກອາຄານ, ໄຟຟ້າ, ນໍ້າປະປາ, ສວນສາທາລະນະ
, ເສັ້ນທາງເບຕົງແຕ່ບ້ານນໍ້າເກິ່ງຫາບ້ານມອມ, ຕ້ານເຈື່ອນແຄມຂອງ ແລະ ສິ່ງອຳນວຍຄວາມສະດວກອື່ນໆ ມີຫຼາຍໂຄງການໄດ້ກໍ່ສ້າງສຳເລັດເຊັ່ນ: ໂຮງແຮມດາວດອກງິ້ວຄຳລະດັບ 5ດາວ, ໂຄງການກໍ່ສ້າງສະໜາມກ໊ອຟ
ພູກີ່ວລົມ 36 ຂຸມ, ໂຮງງານຜະລິດນໍ້າປະປາແຫ່ງທີ 2, ໂຮງງານບໍາບັດນໍ້າເສຍພາກຂະຫຍາຍ, ໂຄງການກໍ່ສ້າງສະໜາມຂີ້ເຫຍື້ອແຫ່ງໃໝ່, ການກໍ່ສ້າງ ແລະ ປັບປຸງເສັ້ນທາງຫຼາຍສາຍພາຍໃນເຂດ, ໂຄງການກໍ່ສ້າງສະໜາມບິນສາກົນບໍ່ແກ້ວ ຊຶ່ງໃນປີ 2024ນີ້ມີ36 ໂຄງການໄດ້ກໍ່ສ້າງສຳເລັດເຊັ່ນ: ຕະຫຼາດກາງຄືນ,ໂຄງການ
ອະສັງຫາລິມະຊັບຫຼາຍໂຄງການ, ໂຮງຮຽນປະຖົມດອກງິ້ວຄຳພາກຂະຫຍາຍຊັ້ນມັດທະຍົມ ແລະ ຫໍພັກ, ໂຄງການກໍ່ສ້າງຕະຫຼາດນໍ້າ, ຫ້ອງການດ່ານສາກົນສາມຫຼ່ຽມຄຳ, ສວນສາທາລະນະແຄມຂອງ ແລະ ອື່ນໆ.
ທ່ານກ່າວໃຫ້ຮູ້ອີກວ່າ: ໃນໄລຍະຜ່ານມາ, ໂຄງການລົງທຶນຂອງລັດປະກອບມີວຽກງານກໍ່ສ້າງພື້ນຖານໂຄງລ່າງທີ່ເຂດເສດຖະກິດພິເສດສາມຫຼ່ຽມຄຳເປັນຜູ້ພັດທະນາກໍຄືກຸ່ມບໍລິສັດດອກງິ້ວຄຳ ຈຳກັດ ໄດ້ລົງທຶນການກໍ່ສ້າງກ່ອນ ແລະ ໃຫ້ລັດຖະບານໃຊ້ແທນຄືນມີທັງໝົດ 2 ໂຄງການຄື: ໂຄງການກໍ່ສ້າງເສັ້ນທາງເບຕົງຈາກບ້ານນໍ້າເກິ່ງຫາບ້ານມອມມີໄລຍະທາງ46 ກິໂລແມັດ, ໂຄງການຕ້ານເຈື່ອນຈາກບ້ານສີບຸນເຮືອງຫາບ້ານພຽງງາມມີໄລຍະທາງ 7ກິໂລແມັດລວມມູນຄ່າການລົງທຶນທັງໝົດ: 60.600.000 ໂດລາ.ປັດຈຸບັນ, ລັດຖະບານໄດ້ໃຊ້ແທນຄືນ 2 ໂຄງການໂດຍມີການຫັກລົບຈາກອາກອນກໍຄືລາຍຮັບຈາກເຂດໄດ້ທັງໝົດ27.082.546 ໂດລາ ຊຶ່ງໃນປີ 2023 ຜ່ານມາ ເຂດເສດຖະກິດພິເສດສາມຫຼ່ຽມຄຳ ສາມາດຈັດເກັບລາຍຮັບໄດ້ທັງໝົດ 80,3 ຕື້ກີບ, ສຳລັບລາຍຮັບທີ່ເກີດຂຶ້ນຢູ່ດ່ານສາກົນສາມຫຼ່ຽມຄຳມີສອງພາກສ່ວນຄື:ຄ່າວີຊາກັບດ່ານ 1.442.330 ໂດລາ ແລະ ລາຍຮັບຂົງເຂດພາສີ 30,15 ຕື້ກີບ ຊຶ່ງເປັນລາຍຮັບເຂົ້າສູນກາງໂດຍກົງ.
ຂ່າວ: ພູວັນ
27.082.546 ໂດລາ, ຜູ້ພັດທະນາ 1.149.059.023 ໂດລາ ແລະ ຜູ້ລົງທຶນລາຍຍ່ອຍ 1.435.267.410 ໂດລາ, ໂຕເລກການລົງທຶນຂອງພາກເອກະຊົນໄດ້ເພີ່ມຂຶ້ນໄວໃນປີ 2023-2024 ໂດຍສະເພາະແມ່ນຂົງເຂດການພັດທະນາອະສັງຫາລິມະຊັບ.
ທ່ານສົມພອນສຸທຳຮອງຫົວໜ້າຄະນະຄຸ້ມຄອງເຂດເສດຖະກິດພິເສດສາມຫຼ່ຽມຄຳໄດ້ລາຍງານສະພາບການພັດທະນາ ແລະ ຄຸ້ມຄອງເຂດເສດຖະກິດພິເສດສາມຫຼ່ຽມຄຳໂດຍຫຍໍ້ໃນວັນທີ 9 ມີນາຜ່ານມາວ່າ:
ເຂດເສດຖະກິດພິເສດສາມຫຼ່ຽມຄຳນັບແຕ່ປີ 2007 ເປັນຕົ້ນມາໄດ້ດຶງດູດນັກລົງທຶນມາຂຶ້ນທະບຽນວິສາຫະກິດ ມາຮອດປັດຈຸບັນມີຫົວໜ່ວຍທຸລະກິດທີ່ຍັງເຄື່ອນໄຫວທັງໝົດ 2.459ຫົວໜ່ວຍ, ມີທຶນຈົດທະບຽນ 1.435.267.410 ໂດລາ, ໃນນີ້, ບໍລິສັດ 331 ບໍລິສັດແລະ ຈຸນລະວິສາຫະກິດມີ 2.128 ຫົວໜ່ວຍ ຊຶ່ງ
ໄດ້ສຸມໃສ່ການກໍ່ສ້າງພື້ນຖານໂຄງລ່າງຖະໜົນຫົນທາງ, ຕຶກອາຄານ, ໄຟຟ້າ, ນໍ້າປະປາ, ສວນສາທາລະນະ
, ເສັ້ນທາງເບຕົງແຕ່ບ້ານນໍ້າເກິ່ງຫາບ້ານມອມ, ຕ້ານເຈື່ອນແຄມຂອງ ແລະ ສິ່ງອຳນວຍຄວາມສະດວກອື່ນໆ ມີຫຼາຍໂຄງການໄດ້ກໍ່ສ້າງສຳເລັດເຊັ່ນ: ໂຮງແຮມດາວດອກງິ້ວຄຳລະດັບ 5ດາວ, ໂຄງການກໍ່ສ້າງສະໜາມກ໊ອຟ
ພູກີ່ວລົມ 36 ຂຸມ, ໂຮງງານຜະລິດນໍ້າປະປາແຫ່ງທີ 2, ໂຮງງານບໍາບັດນໍ້າເສຍພາກຂະຫຍາຍ, ໂຄງການກໍ່ສ້າງສະໜາມຂີ້ເຫຍື້ອແຫ່ງໃໝ່, ການກໍ່ສ້າງ ແລະ ປັບປຸງເສັ້ນທາງຫຼາຍສາຍພາຍໃນເຂດ, ໂຄງການກໍ່ສ້າງສະໜາມບິນສາກົນບໍ່ແກ້ວ ຊຶ່ງໃນປີ 2024ນີ້ມີ36 ໂຄງການໄດ້ກໍ່ສ້າງສຳເລັດເຊັ່ນ: ຕະຫຼາດກາງຄືນ,ໂຄງການ
ອະສັງຫາລິມະຊັບຫຼາຍໂຄງການ, ໂຮງຮຽນປະຖົມດອກງິ້ວຄຳພາກຂະຫຍາຍຊັ້ນມັດທະຍົມ ແລະ ຫໍພັກ, ໂຄງການກໍ່ສ້າງຕະຫຼາດນໍ້າ, ຫ້ອງການດ່ານສາກົນສາມຫຼ່ຽມຄຳ, ສວນສາທາລະນະແຄມຂອງ ແລະ ອື່ນໆ.
ທ່ານກ່າວໃຫ້ຮູ້ອີກວ່າ: ໃນໄລຍະຜ່ານມາ, ໂຄງການລົງທຶນຂອງລັດປະກອບມີວຽກງານກໍ່ສ້າງພື້ນຖານໂຄງລ່າງທີ່ເຂດເສດຖະກິດພິເສດສາມຫຼ່ຽມຄຳເປັນຜູ້ພັດທະນາກໍຄືກຸ່ມບໍລິສັດດອກງິ້ວຄຳ ຈຳກັດ ໄດ້ລົງທຶນການກໍ່ສ້າງກ່ອນ ແລະ ໃຫ້ລັດຖະບານໃຊ້ແທນຄືນມີທັງໝົດ 2 ໂຄງການຄື: ໂຄງການກໍ່ສ້າງເສັ້ນທາງເບຕົງຈາກບ້ານນໍ້າເກິ່ງຫາບ້ານມອມມີໄລຍະທາງ46 ກິໂລແມັດ, ໂຄງການຕ້ານເຈື່ອນຈາກບ້ານສີບຸນເຮືອງຫາບ້ານພຽງງາມມີໄລຍະທາງ 7ກິໂລແມັດລວມມູນຄ່າການລົງທຶນທັງໝົດ: 60.600.000 ໂດລາ.ປັດຈຸບັນ, ລັດຖະບານໄດ້ໃຊ້ແທນຄືນ 2 ໂຄງການໂດຍມີການຫັກລົບຈາກອາກອນກໍຄືລາຍຮັບຈາກເຂດໄດ້ທັງໝົດ27.082.546 ໂດລາ ຊຶ່ງໃນປີ 2023 ຜ່ານມາ ເຂດເສດຖະກິດພິເສດສາມຫຼ່ຽມຄຳ ສາມາດຈັດເກັບລາຍຮັບໄດ້ທັງໝົດ 80,3 ຕື້ກີບ, ສຳລັບລາຍຮັບທີ່ເກີດຂຶ້ນຢູ່ດ່ານສາກົນສາມຫຼ່ຽມຄຳມີສອງພາກສ່ວນຄື:ຄ່າວີຊາກັບດ່ານ 1.442.330 ໂດລາ ແລະ ລາຍຮັບຂົງເຂດພາສີ 30,15 ຕື້ກີບ ຊຶ່ງເປັນລາຍຮັບເຂົ້າສູນກາງໂດຍກົງ.
ຂ່າວ: ພູວັນ
