ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ໄດ້ຮ່ວມກັນລົງນາມ ເຊັນບົດບັນທຶກຄວາມເຂົ້າໃຈ ກັບບໍລິສັດ ປິໂຕຣລ້ຽມ ເທຣດດີ້ງລາວ ມະຫາຊົນ ເພື່ອສືບຕໍ່ໃຫ້ການສະໜັບສະໜູນ ງານຜະລິດຕະພັນລາວ ຫຼື Made in Laos ໃນວັນທີ 5 ຕຸລາ ນີ້ ທີ່ຫ້ອງປະຊຸມໃຫຍ່ ສຄອຊ.
ພີທິເຊັນບົດບັນທຶກຄວາມເຂົ້າໃຈ ຄູ່ຮ່ວມມືຍຸດທະສາດສະໜັບສະໜູນຫຼັກ ງານຜະລິດຕະພັນລາວ ໄດ້ມີການລົງນາມ ລະຫວ່າງ ທ່ານ ນາງ ຈັນທະຈອນ ວົງໄຊ ຮອງປະທານ ສຄອຊ ແລະ ທ່ານ ນາງ ຈັນທະດອມ ເມກສະຫວັນ ຮອງປະທານບໍລິສັດ ປິໂຕຣລ້ຽມ ເທຣດດີ້ງລາວ ມະຫາຊົນ ໂດຍມີບັນດາທ່ານຈາກທຸກພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.
ໃນພິທີ, ທ່ານ ນາງ ຈັນທະຈອນ ວົງໄຊ ກ່າວວ່າ: ຜະລິດຕະພັນລາວ ມີຫຼາກຫຼາຍ ແລະ ມີຄວາມເປັນເອກະລັກສະເພາະໃນແຕ່ລະແຂວງ ນັບແຕ່ພາກເໜືອ, ພາກກາງ ຕະຫຼອດຮອດພາກໃຕ້ ແຕ່ຜະລິດຕະພັນດັ່ງກ່າວ ແມ່ນຍັງຈະຕ້ອງມີການປັບປຸງ ແລະ ໄດ້ຮັບການສົ່ງເສີມ ເພື່ອໃຫ້ເປັນທີ່ຮູ້ຈັກຢ່າງທົ່ວເຖິງ. ດັ່ງນັ້ນ, ງານຜະລິດຕະພັນລາວ ຈຶ່ງເປັນເວທີໜຶ່ງໃນການເປີດໂອກາດໃຫ້ແກ່ຜະລິດຕະພັນລາວ ແລະ ຜ່ານມາ ສຄອຊ ພາຍໃຕ້ການຊີ້ນໍາຂອງລັດຖະບານ ກໍຄື ກະຊວງອຸດສາຫະກຳ ແລະ ການຄ້າ ໄດ້ພະຍາຍາມສ້າງກິດຈະກຳຕ່າງໆ ເພື່ອສົ່ງເສີມຜະລິດຕະພັນລາວ; ໃນນີ້, ບໍລິສັດ ປິໂຕຣລ້ຽມ ເທຣດດີ້ງ ມະຫາຊົນ ແມ່ນພາກສ່ວນສຳຄັນ ໃນການປະກອບສ່ວນສະໜັບສະໜູນການຈັດກິດຈະກຳຕ່າງໆ ທັງນີ້ ກໍທັງເປັນບໍລິສັດ ທີ່ໃຫ້ການສະໜັບສະໜູນຫຼັກ ແລະ ເປັນຄູ່ຮ່ວມຍຸດທະສາດ ສຳລັບງານຜະລິດຕະພັນລາວ ນັບແຕ່ປີ 2021 ເປັນຕົ້ນມາ.
ບົດບັນທຶກຄວາມເຂົ້າໃຈທີ່ລົງນາມໃນຄັ້ງນີ້, ແມ່ນເພື່ອສືບຕໍ່ໃຫ້ການສະໜັບສະໜູນງານຜະລິດຕະພັນລາວ ໃນໄລຍະເວລາ 3 ປີ ເລີ່ມແຕ່ປີ 2024-2026 ມີມູນຄ່າລວມ 900 ລ້ານກີບ ໂດຍໃຫ້ການສະໜັບສະໜູນ 300 ລ້ານກີບ ຕໍ່ປີ.
ທ່ານ ນາງ ຈັນທະດອນ ເມກສະຫວັນ ກໍໄດ້ກ່າວວ່າ: ການລົງນາມເຊັນບົດບັນທຶກຄັ້ງນີ້, ເພື່ອເປັນຄູ່ຮ່ວມຍຸດທະສາດ ໃນການສົ່ງເສີມຜະລິດຕະພັນລາວ ເຂົ້າສູ່ຕະຫຼາດພາຍໃນ ເພື່ອຍົກລະດັບຜະລິດຕະພັນລາວ ໃຫ້ໄດ້ມາດຕະຖານ ແລະ ກ້າວເຂົ້າສູ່ຕະຫຼາດສາກົນໃນອານາຄົດ ໂດຍຜ່ານງານວາງສະແດງຜະລິດຕະພັນລາວ ໃນໄລຍະ 3 ປີ ນີ້. ພ້ອມນີ້, ກໍຈະຊຸກຍູ້, ສົ່ງເສີມຜະລິດຕະພັນລາວທົ່ວປະເທດ ແລະ ຍົກລະດັບຄຸນນະພາບໃຫ້ທຽບເທົ່າລະດັບສາກົນ ໂດຍສະເພາະຜະລິດຕະພັນທ້ອງຖິ່ນ ໃຫ້ກາຍເປັນສິນຄ້າທີ່ໄດ້ມາດຕະຖານ ສາມາດເປັນທີ່ຍອມຮັບທັງພາຍໃນ ແລະ ຕ່າງປະເທດ; ພ້ອມດຽວກັນນີ້, ຍັງເປັນການສ້າງສາຍພົວພັນທີ່ດີ ສຄອຊ ແລະ ບໍລິສັດ ໃນການມີສ່ວນຮ່ວມສ້າງສາພັດທະນາເສດຖະກິດຂອງຊາດອີກດ້ວຍ.
(ຂ່າວ: ສຸກສະຫວັນ, ພາບ: ພັດ ລໍວັນໄຊ)
ພີທິເຊັນບົດບັນທຶກຄວາມເຂົ້າໃຈ ຄູ່ຮ່ວມມືຍຸດທະສາດສະໜັບສະໜູນຫຼັກ ງານຜະລິດຕະພັນລາວ ໄດ້ມີການລົງນາມ ລະຫວ່າງ ທ່ານ ນາງ ຈັນທະຈອນ ວົງໄຊ ຮອງປະທານ ສຄອຊ ແລະ ທ່ານ ນາງ ຈັນທະດອມ ເມກສະຫວັນ ຮອງປະທານບໍລິສັດ ປິໂຕຣລ້ຽມ ເທຣດດີ້ງລາວ ມະຫາຊົນ ໂດຍມີບັນດາທ່ານຈາກທຸກພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.
ໃນພິທີ, ທ່ານ ນາງ ຈັນທະຈອນ ວົງໄຊ ກ່າວວ່າ: ຜະລິດຕະພັນລາວ ມີຫຼາກຫຼາຍ ແລະ ມີຄວາມເປັນເອກະລັກສະເພາະໃນແຕ່ລະແຂວງ ນັບແຕ່ພາກເໜືອ, ພາກກາງ ຕະຫຼອດຮອດພາກໃຕ້ ແຕ່ຜະລິດຕະພັນດັ່ງກ່າວ ແມ່ນຍັງຈະຕ້ອງມີການປັບປຸງ ແລະ ໄດ້ຮັບການສົ່ງເສີມ ເພື່ອໃຫ້ເປັນທີ່ຮູ້ຈັກຢ່າງທົ່ວເຖິງ. ດັ່ງນັ້ນ, ງານຜະລິດຕະພັນລາວ ຈຶ່ງເປັນເວທີໜຶ່ງໃນການເປີດໂອກາດໃຫ້ແກ່ຜະລິດຕະພັນລາວ ແລະ ຜ່ານມາ ສຄອຊ ພາຍໃຕ້ການຊີ້ນໍາຂອງລັດຖະບານ ກໍຄື ກະຊວງອຸດສາຫະກຳ ແລະ ການຄ້າ ໄດ້ພະຍາຍາມສ້າງກິດຈະກຳຕ່າງໆ ເພື່ອສົ່ງເສີມຜະລິດຕະພັນລາວ; ໃນນີ້, ບໍລິສັດ ປິໂຕຣລ້ຽມ ເທຣດດີ້ງ ມະຫາຊົນ ແມ່ນພາກສ່ວນສຳຄັນ ໃນການປະກອບສ່ວນສະໜັບສະໜູນການຈັດກິດຈະກຳຕ່າງໆ ທັງນີ້ ກໍທັງເປັນບໍລິສັດ ທີ່ໃຫ້ການສະໜັບສະໜູນຫຼັກ ແລະ ເປັນຄູ່ຮ່ວມຍຸດທະສາດ ສຳລັບງານຜະລິດຕະພັນລາວ ນັບແຕ່ປີ 2021 ເປັນຕົ້ນມາ.
ບົດບັນທຶກຄວາມເຂົ້າໃຈທີ່ລົງນາມໃນຄັ້ງນີ້, ແມ່ນເພື່ອສືບຕໍ່ໃຫ້ການສະໜັບສະໜູນງານຜະລິດຕະພັນລາວ ໃນໄລຍະເວລາ 3 ປີ ເລີ່ມແຕ່ປີ 2024-2026 ມີມູນຄ່າລວມ 900 ລ້ານກີບ ໂດຍໃຫ້ການສະໜັບສະໜູນ 300 ລ້ານກີບ ຕໍ່ປີ.
ທ່ານ ນາງ ຈັນທະດອນ ເມກສະຫວັນ ກໍໄດ້ກ່າວວ່າ: ການລົງນາມເຊັນບົດບັນທຶກຄັ້ງນີ້, ເພື່ອເປັນຄູ່ຮ່ວມຍຸດທະສາດ ໃນການສົ່ງເສີມຜະລິດຕະພັນລາວ ເຂົ້າສູ່ຕະຫຼາດພາຍໃນ ເພື່ອຍົກລະດັບຜະລິດຕະພັນລາວ ໃຫ້ໄດ້ມາດຕະຖານ ແລະ ກ້າວເຂົ້າສູ່ຕະຫຼາດສາກົນໃນອານາຄົດ ໂດຍຜ່ານງານວາງສະແດງຜະລິດຕະພັນລາວ ໃນໄລຍະ 3 ປີ ນີ້. ພ້ອມນີ້, ກໍຈະຊຸກຍູ້, ສົ່ງເສີມຜະລິດຕະພັນລາວທົ່ວປະເທດ ແລະ ຍົກລະດັບຄຸນນະພາບໃຫ້ທຽບເທົ່າລະດັບສາກົນ ໂດຍສະເພາະຜະລິດຕະພັນທ້ອງຖິ່ນ ໃຫ້ກາຍເປັນສິນຄ້າທີ່ໄດ້ມາດຕະຖານ ສາມາດເປັນທີ່ຍອມຮັບທັງພາຍໃນ ແລະ ຕ່າງປະເທດ; ພ້ອມດຽວກັນນີ້, ຍັງເປັນການສ້າງສາຍພົວພັນທີ່ດີ ສຄອຊ ແລະ ບໍລິສັດ ໃນການມີສ່ວນຮ່ວມສ້າງສາພັດທະນາເສດຖະກິດຂອງຊາດອີກດ້ວຍ.
(ຂ່າວ: ສຸກສະຫວັນ, ພາບ: ພັດ ລໍວັນໄຊ)
