ພິທີສະເຫຼີມສະຫຼອງວັນສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ເບລາຣຸດຊີ ຄົບຮອບ 30 ປີ (7 ກຸມພາ 1994 - 2024)ໄດ້ຈັດຂຶ້ນໃນວັນທີ 14 ມີນາຜ່ານມາທີ່ນະຄອນຫຼວງວຽງຈັນໂດຍມີທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ, ມີທ່ານ ເຢັບເກນີ ເຊັດສະຕາກົບ ຮອງລັດຖະມົນຕີກະຊວງການຕ່າງປະເທດ, ມີແຂກຖືກເຊີນ, ບັນດາທູຕານຸທູດ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ສະເຫຼີມໄຊ ກົມມະສິດ ແລະ ທ່ານເຢັບເກນີ ເຊັດສະຕາກົບ ໄດ້ຜັດປ່ຽນກັນຂຶ້ນມີຄຳເຫັນ, ໂດຍສອງຝ່າຍ ໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນດີ ລາວ-ເບລາຣຸດຊີ ຕະຫຼອດໄລຍະຜ່ານມາ ທີ່ສືບຕໍ່ໄດ້ຮັບການເສີມຂະຫຍາຍຂຶ້ນຢ່າງຕໍ່ເນື່ອງ, ເຖິງແມ່ນວ່າສອງປະເທດ ຈະມີທີ່ຕັ້ງທາງດ້ານພູມສາດຫ່າງໄກກັນກໍຕາມ, ແຕ່ສອງປະເທດ ກໍຄື ປະຊາຊົນສອງຊາດໄດ້ມີຄວາມເຂົ້າໃຈ ແລະ ຮັກແພງສາມັກຄີກັນຊຶ່ງສະແດງອອກໃນການສະໜັບສະໜູນຊຶ່ງກັນ ແລະ ກັນ ຕະຫຼອດມາ. ໃນໄລຍະປົກປັກຮັກສາ ແລະ ສ້າງສາປະເທດຊາດຂອງ ສປປ ລາວ, ຜູ້ນຳສອງປະເທດ ໄດ້ມີການພົບປະແລກປ່ຽນການຢ້ຽມຢາມຊຶ່ງກັນ ແລະ ກັນ ເປັນແຕ່ລະໄລຍະ, ທັງໃຫ້ການສະໜັບສະໜູນຊຶ່ງກັນ ແລະ ກັນ ໃນເວທີພາກພື້ນ ແລະ ສາກົນ, ປະກອບສ່ວນອັນສໍາຄັນເຂົ້າໃນພາລະກິດ ສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາ. ພ້ອມນີ້, ສອງຝ່າຍ ກໍໄດ້ເອົາໃຈໃສ່ສຸມທຸກກຳລັງແຮງຂອງຕົນເຂົ້າໃນການຊຸກຍູ້ສົ່ງເສີມການຮ່ວມມືໃນຂະແໜງການຕ່າງໆ ເປັນຕົ້ນ ດ້ານການທະຫານ, ດ້ານເສດຖະກິດ-ການຄ້າ, ການລົງທຶນ, ການສຶກສາ, ສາທາລະນະສຸກ ແລະ ວັດທະນະທໍາ, ໂດຍຜ່ານກົນໄກການຮ່ວມມືຂອງທຸກຂະແໜງການກ່ຽວຂ້ອງທັງສອງຝ່າຍ ແລະ ກົນໄກກອງປະຊຸມຄະນະກໍາມາທິການຮ່ວມມືສອງຝ່າຍ ລາວ-ເບລາຣຸດຊີ. ພ້ອມດຽວກັນນີ້, ສອງຝ່າຍ ໄດ້ສະແດງຄວາມເຊື່ອໝັ້ນຢ່າງໜັກແໜ້ນວ່າ ສາຍພົວພັນມິດຕະພາບ ແລະ ການຮ່ວມມືທີ່ມີມູນເຊື້ອຂອງສອງປະເທດ ຈະສືບຕໍ່ໄດ້ຮັບການເສີມຂະຫຍາຍຂຶ້ນສູ່ບາດກ້າວອັນໃໝ່ໃນຊຸມປີຕໍ່ໜ້າ ແລະ ນຳເອົາຜົນປະໂຫຍດຕົວຈິງມາສູ່ ປະຊາຊົນສອງຊາດ ລາວ-ເບລາຣຸດຊີ.
ໃນໂອກາດດຽວກັນນີ້, ທ່ານສະເຫຼີມໄຊ ກົມມະສິດ ໄດ້ຕາງໜ້າໃຫ້ ລັດຖະບານ ແລະ ປະຊາຊົນລາວ ສະແດງຄວາມຮູ້ບຸນຄຸນ ແລະ ຂອບໃຈຢ່າງຈິງໃຈຕໍ່ ລັດຖະບານ ແລະ ປະຊາຊົນເບລາຣຸສຊີ ທີ່ໄດ້ໃຫ້ການສະໜັບສະໜູນຊ່ວຍເຫຼືອແກ່ ສປປ ລາວ ໃນໄລຍະຜ່ານມາ ຊຶ່ງໄດ້ປະກອບສ່ວນອັນສຳຄັນໃນທາງກົງ ແລະ ທາງອ້ອມຕໍ່ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.ພ້ອມທັງ ອວຍພອນໃຫ້ສາຍພົວພັນມິດຕະພາບອັນດີງາມ ລະຫວ່າງ ສອງປະເທດ ລາວ-ເບລາຣຸດຊີ ຈົ່ງໝັ້ນຄົງຂະໜົງແກ່ນຕະຫຼອດໄປ, ສືບຕໍ່ຈັດຕັ້ງປະຕິບັດ ພາລະກິດປົກປັກຮັກສາ ແລະ ສ້າງສາປະເທດຊາດ ເພື່ອນໍາພາປະເທດຊາດ ໄປສູ່ຄວາມຈະເລີນຮຸ່ງເຮືອງ ແລະ ວັດທະນະຖາວອນ.
ພິທີສະເຫຼີມສະຫຼອງວັນສຳຄັນດັ່ງກ່າວນີ້ ໄດ້ດຳເນີນໄປດ້ວຍບັນຍາກາດແຫ່ງໄມຕີຈິດມິດຕະພາບອັນອົບອຸ່ນ ເປັນນິມິດໝາຍທີ່ສຳຄັນຂອງສອງປະເທດ, ສ່ອງແສງໃຫ້ເຫັນເຖິງສາຍພົວພັນມິດຕະພາບລະຫວ່າງ ລາວ-ເບລາຣຸດຊີ ທີ່ສືບຕໍ່ນັບມື້ໄດ້ຮັບການເພີ່ມພູນຄູນສ້າງແລະ ໄດ້ຮັບຜົນສຳເລັດອັນໃຫມ່ຍິ່ງໃຫຍ່ກວ່າເກົ່າໃນຕໍ່ຫນ້າ.
ຂ່າວ-ພາບ: ກະຊວງການຕ່າງປະເທດ
ທ່ານ ສະເຫຼີມໄຊ ກົມມະສິດ ແລະ ທ່ານເຢັບເກນີ ເຊັດສະຕາກົບ ໄດ້ຜັດປ່ຽນກັນຂຶ້ນມີຄຳເຫັນ, ໂດຍສອງຝ່າຍ ໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນດີ ລາວ-ເບລາຣຸດຊີ ຕະຫຼອດໄລຍະຜ່ານມາ ທີ່ສືບຕໍ່ໄດ້ຮັບການເສີມຂະຫຍາຍຂຶ້ນຢ່າງຕໍ່ເນື່ອງ, ເຖິງແມ່ນວ່າສອງປະເທດ ຈະມີທີ່ຕັ້ງທາງດ້ານພູມສາດຫ່າງໄກກັນກໍຕາມ, ແຕ່ສອງປະເທດ ກໍຄື ປະຊາຊົນສອງຊາດໄດ້ມີຄວາມເຂົ້າໃຈ ແລະ ຮັກແພງສາມັກຄີກັນຊຶ່ງສະແດງອອກໃນການສະໜັບສະໜູນຊຶ່ງກັນ ແລະ ກັນ ຕະຫຼອດມາ. ໃນໄລຍະປົກປັກຮັກສາ ແລະ ສ້າງສາປະເທດຊາດຂອງ ສປປ ລາວ, ຜູ້ນຳສອງປະເທດ ໄດ້ມີການພົບປະແລກປ່ຽນການຢ້ຽມຢາມຊຶ່ງກັນ ແລະ ກັນ ເປັນແຕ່ລະໄລຍະ, ທັງໃຫ້ການສະໜັບສະໜູນຊຶ່ງກັນ ແລະ ກັນ ໃນເວທີພາກພື້ນ ແລະ ສາກົນ, ປະກອບສ່ວນອັນສໍາຄັນເຂົ້າໃນພາລະກິດ ສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາ. ພ້ອມນີ້, ສອງຝ່າຍ ກໍໄດ້ເອົາໃຈໃສ່ສຸມທຸກກຳລັງແຮງຂອງຕົນເຂົ້າໃນການຊຸກຍູ້ສົ່ງເສີມການຮ່ວມມືໃນຂະແໜງການຕ່າງໆ ເປັນຕົ້ນ ດ້ານການທະຫານ, ດ້ານເສດຖະກິດ-ການຄ້າ, ການລົງທຶນ, ການສຶກສາ, ສາທາລະນະສຸກ ແລະ ວັດທະນະທໍາ, ໂດຍຜ່ານກົນໄກການຮ່ວມມືຂອງທຸກຂະແໜງການກ່ຽວຂ້ອງທັງສອງຝ່າຍ ແລະ ກົນໄກກອງປະຊຸມຄະນະກໍາມາທິການຮ່ວມມືສອງຝ່າຍ ລາວ-ເບລາຣຸດຊີ. ພ້ອມດຽວກັນນີ້, ສອງຝ່າຍ ໄດ້ສະແດງຄວາມເຊື່ອໝັ້ນຢ່າງໜັກແໜ້ນວ່າ ສາຍພົວພັນມິດຕະພາບ ແລະ ການຮ່ວມມືທີ່ມີມູນເຊື້ອຂອງສອງປະເທດ ຈະສືບຕໍ່ໄດ້ຮັບການເສີມຂະຫຍາຍຂຶ້ນສູ່ບາດກ້າວອັນໃໝ່ໃນຊຸມປີຕໍ່ໜ້າ ແລະ ນຳເອົາຜົນປະໂຫຍດຕົວຈິງມາສູ່ ປະຊາຊົນສອງຊາດ ລາວ-ເບລາຣຸດຊີ.
ໃນໂອກາດດຽວກັນນີ້, ທ່ານສະເຫຼີມໄຊ ກົມມະສິດ ໄດ້ຕາງໜ້າໃຫ້ ລັດຖະບານ ແລະ ປະຊາຊົນລາວ ສະແດງຄວາມຮູ້ບຸນຄຸນ ແລະ ຂອບໃຈຢ່າງຈິງໃຈຕໍ່ ລັດຖະບານ ແລະ ປະຊາຊົນເບລາຣຸສຊີ ທີ່ໄດ້ໃຫ້ການສະໜັບສະໜູນຊ່ວຍເຫຼືອແກ່ ສປປ ລາວ ໃນໄລຍະຜ່ານມາ ຊຶ່ງໄດ້ປະກອບສ່ວນອັນສຳຄັນໃນທາງກົງ ແລະ ທາງອ້ອມຕໍ່ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.ພ້ອມທັງ ອວຍພອນໃຫ້ສາຍພົວພັນມິດຕະພາບອັນດີງາມ ລະຫວ່າງ ສອງປະເທດ ລາວ-ເບລາຣຸດຊີ ຈົ່ງໝັ້ນຄົງຂະໜົງແກ່ນຕະຫຼອດໄປ, ສືບຕໍ່ຈັດຕັ້ງປະຕິບັດ ພາລະກິດປົກປັກຮັກສາ ແລະ ສ້າງສາປະເທດຊາດ ເພື່ອນໍາພາປະເທດຊາດ ໄປສູ່ຄວາມຈະເລີນຮຸ່ງເຮືອງ ແລະ ວັດທະນະຖາວອນ.
ພິທີສະເຫຼີມສະຫຼອງວັນສຳຄັນດັ່ງກ່າວນີ້ ໄດ້ດຳເນີນໄປດ້ວຍບັນຍາກາດແຫ່ງໄມຕີຈິດມິດຕະພາບອັນອົບອຸ່ນ ເປັນນິມິດໝາຍທີ່ສຳຄັນຂອງສອງປະເທດ, ສ່ອງແສງໃຫ້ເຫັນເຖິງສາຍພົວພັນມິດຕະພາບລະຫວ່າງ ລາວ-ເບລາຣຸດຊີ ທີ່ສືບຕໍ່ນັບມື້ໄດ້ຮັບການເພີ່ມພູນຄູນສ້າງແລະ ໄດ້ຮັບຜົນສຳເລັດອັນໃຫມ່ຍິ່ງໃຫຍ່ກວ່າເກົ່າໃນຕໍ່ຫນ້າ.
ຂ່າວ-ພາບ: ກະຊວງການຕ່າງປະເທດ
