ຂ່າວຕ່າງປະເທດລາຍງານ ໃນວັນທີ 3 ຕຸລາ ຜ່ານມາ, ນູແວນເຊລັງ ໄດ້ແນະນຳເຄື່ອງມືໃໝ່ທີ່ຈະພະຍາກອນຄວາມແຫ້ງແລ້ງ ແລະ ໄພແຫ້ງແລ້ງທີ່ອາດຈະເກີດຂຶ້ນພາຍໃນໄລຍະ 35 ມື້ຂ້າງໜ້າ ຊຶ່ງຈະຊ່ວຍຊາວກະສິກຳ ແລະ ຜູ້ປູກຝັງກຽມຄວາມພ້ອມຮັບມືກັບສະພາບອາກາດໄດ້ດີຍິ່ງຂຶ້ນ.

ເຄື່ອງມືດັ່ງກ່າວພັດທະນາໂດຍສະຖາບັນວິໄຈນ້ຳ - ບັນຍາກາດແຫ່ງຊາດ ແລະ ກະຊວງອຸດສາຫະກຳພື້ນຖານຂອງນູແວນເຊລັງ ຊຶ່ງໃຊ້ປັນຍາປະດິດ (AI) ແລະ ການສ້າງແບບຈຳລອງສະພາບອາກາດໄລຍະໄກລຸ້ນຫຼ້າສຸດ ຄາດຄະເນປະລິມານນ້ຳຝົນ, ຄວາມແຫ້ງແລ້ງ ແລະ ໄພແຫ້ງແລ້ງທີ່ອາດຈະເກີດຂຶ້ນແບບລາຍອາທິດພາຍໃນໄລຍະ 35 ມື້ຂ້າງໜ້າ. ສະຖາບັນວິໄຈນ້ຳ ແລະ ບັນຍາກາດແຫ່ງຊາດເປີດເຜີຍວ່າການພະຍາກອນຈະປັບປຸງຂໍ້ມູນທຸກໆມື້ ກວດຈັບການປ່ຽນແປງຫຼ້າສຸດໃນລະບົບສະພາບພູມອາກາດ ລວມເຖິງພະຍາກອນໄລຍະຍາວດ້ວຍຄວາມລະອຽດທີ່ສູງຂຶ້ນກວ່າເກົ່າ.

ທ່ານ ເບນ ໂນນ ນັກອຸຕຸນິຍົມວິທະຍາຂອງສະຖາບັນວິໄຈນ້ຳ ແລະ ບັນຍາກາດແຫ່ງຊາດລະບຸວ່າ: ເຄື່ອງມືໃໝ່ນີ້ຈະຊ່ວຍໃຫ້ສາມາດຄາດຄະເນປະລິມານນ້ຳຝົນ, ຄວາມແຫ້ງແລ້ງ ແລະ ໄພແຫ້ງແລ້ງໃນລະດັບເຂດໄດ້ຫຼາຍຂຶ້ນ ເພື່ອເຕືອນການເກີດຄວາມແຫ້ງແລ້ງໃນອະນາຄົດລ່ວງໜ້າ.