ພິທີຖະແຫຼງຂ່າວງານມະຫະກຳ ຕະຫຼາດນັດສິນຄ້າ, ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ຂະໜາດກາງ (ຈນກ) " Mega MSME Fair 2023” ໄດ້ຈັດຂຶ້ນໃນວັນທີ 6 ຕຸລານີ້ ທີ່ສູນການຄ້າ ຈອມມະນີ ເຊັນເຕີ ເມືອງຈັນທະບູລີ ນະຄອນ ຫຼວງວຽງຈັນ ຊຶ່ງມີ ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ, ທ່ານ ບຸນເຖິງ ດວງສະຫວັນ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ, ທ່ານ ສົມສຸກ ພິມມະຈັນ ເຈົ້າຂອງ ສູນການຄ້າ ຈອມມະນີ ເຊັນເຕີ; ທ່ານ ຖະໜອມ ທໍາທອງ ປະທານແນວລາວສ້າງຊາດ ນະຄອນຫຼວງວຽງຈັນ ມີພາກສ່ວນກ່ຽວຂ້ອງເຂົ້າຮ່ວມ.
ທ່ານ ຈັນທະວົງ ແສນອາມາດມົນຕີ ກ່າວວ່າ: ງານມະຫະກຳ ຕະຫຼາດນັດສິນຄ້າ ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ຂະໜາດກາງໂດຍແມ່ນສູນກາງແນວລາວສ້າງຊາດ ຮ່ວມກັບ ກະຊວງອຸດສາຫະກໍາ ແລະ ການຄ້າ ແລະ ນະຄອນຫຼວງວຽງຈັນ ໄດ້ຮ່ວມກັນຈັດຂຶ້ນ ທີ່ສູນການຄ້າ ຈອມມະນີ (Chommany Centre) ໂດຍມີຈຸດປະສົງເພື່ອເປັນການປະກອບສ່ວນເຂົ້າໃນການຈັດຕັ້ງ ແລະ ຜັນຂະຫຍາຍນະໂຍບາຍຂອງສູນກາງພັກ ແລະ ລັດຖະບານ ໃນການແກ້ໄຂຄວາມຫຍຸ້ງຍາກທາງດ້ານເສດຖະກິດ ແລະ ການເງິນ, ເປັນການຈັດຕັ້ງປະຕິບັດເນື້ອໃນຂໍ້ແຂ່ງຂັນຮັກຊາດ ແລະ ພັດທະນາຂອງ ສູນກາງແນວລາວສ້າງຊາດ ແລະ ທັງເປັນການສ້າງຂະບວນການຂໍ່ານັບຮັບຕ້ອນວັນປະ ກາດເອກະລາດ 12 ຕຸລາ ຄົບຮອບ 78 ປີ ທີ່ຈະໝູນວຽນມາເຖິງອີກວາລະໜຶ່ງ ຊຶ່ງຖືເປັນວັນສໍາຄັນ ຂອງຊາດ ແລະ ເປັນເຫດການປະຫວັດສາດ ແຫ່ງການປະກາດ ເອກະລາດ ຂອງປະຊາຊົນລາວເຮົາ ອອກຈາກແອກປົກຄອງຂອງຈັກກະພັດລ່າເມືອງຂຶ້ນແບບເກົ່າ, ເປັນວັນທີ່ປະຊາຊົນລາວ ໄດ້ຮັບແສງສະຫວ່າງຂອງຊີວິດໃໝ່ທີ່ສົດໃສ ໃຫ້ມີບັນຍາກາດຟົດຟື້ນ ແລະ ເຕັມໄປດ້ວຍຄວາມໝາຍ.
ທ່ານ ຈັນທະວົງ ແສນອາມາດມົນຕີ ກ່າວວ່າ: ງານມະຫະກຳ ຕະຫຼາດນັດສິນຄ້າ ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ຂະໜາດກາງໂດຍແມ່ນສູນກາງແນວລາວສ້າງຊາດ ຮ່ວມກັບ ກະຊວງອຸດສາຫະກໍາ ແລະ ການຄ້າ ແລະ ນະຄອນຫຼວງວຽງຈັນ ໄດ້ຮ່ວມກັນຈັດຂຶ້ນ ທີ່ສູນການຄ້າ ຈອມມະນີ (Chommany Centre) ໂດຍມີຈຸດປະສົງເພື່ອເປັນການປະກອບສ່ວນເຂົ້າໃນການຈັດຕັ້ງ ແລະ ຜັນຂະຫຍາຍນະໂຍບາຍຂອງສູນກາງພັກ ແລະ ລັດຖະບານ ໃນການແກ້ໄຂຄວາມຫຍຸ້ງຍາກທາງດ້ານເສດຖະກິດ ແລະ ການເງິນ, ເປັນການຈັດຕັ້ງປະຕິບັດເນື້ອໃນຂໍ້ແຂ່ງຂັນຮັກຊາດ ແລະ ພັດທະນາຂອງ ສູນກາງແນວລາວສ້າງຊາດ ແລະ ທັງເປັນການສ້າງຂະບວນການຂໍ່ານັບຮັບຕ້ອນວັນປະ ກາດເອກະລາດ 12 ຕຸລາ ຄົບຮອບ 78 ປີ ທີ່ຈະໝູນວຽນມາເຖິງອີກວາລະໜຶ່ງ ຊຶ່ງຖືເປັນວັນສໍາຄັນ ຂອງຊາດ ແລະ ເປັນເຫດການປະຫວັດສາດ ແຫ່ງການປະກາດ ເອກະລາດ ຂອງປະຊາຊົນລາວເຮົາ ອອກຈາກແອກປົກຄອງຂອງຈັກກະພັດລ່າເມືອງຂຶ້ນແບບເກົ່າ, ເປັນວັນທີ່ປະຊາຊົນລາວ ໄດ້ຮັບແສງສະຫວ່າງຂອງຊີວິດໃໝ່ທີ່ສົດໃສ ໃຫ້ມີບັນຍາກາດຟົດຟື້ນ ແລະ ເຕັມໄປດ້ວຍຄວາມໝາຍ.
ງານມະຫະກໍາຄັ້ງນີ້, ສູນກາງແນວລາວສ້າງຊາດ ໄດ້ເຊີນເອົາຫົວໜ່ວຍທຸລະກິດລາວ, ກໍາມະການສູນກາງແນວລາວສ້າງຊາດ ທີ່ເປັນນັກທຸລະກິດ, ອົງການຈັດຕັ້ງມະຫາຊົນ ເຂົ້າຮ່ວມ, ສະນັ້ນ ຈຶ່ງຂໍເຊີນຊວນພໍ່ຄ້າຊາວຂາຍ, ບໍລິສັດຫ້າງຮ້ານ, ຜູ້ປະກອບການ, ທະຫານຕໍາຫຼວດ ແລະ ປະຊາຊົນຊາວນະຄອນຫຼວງວຽງຈັນ ແລະ ບັນດາແຂວງ ໄດ້ເຂົ້າຮ່ວມ ທ່ຽວຊົມ ແລະ ຊື້-ຂາຍສິນຄ້າລາວ ຮ່ວມກັນເປັນການກະຕຸກຊຸກຍູ້ ເສດຖະກິດ ກໍຄືການສົ່ງເສີມການຜະລິດ ແລະ ຊື້ສິນຄ້າລາວ ໃຫ້ເປັນຂະບວນກວ້າງຂວາງກວ່າເກົ່າ, ງານມະຫະກໍາ ຕະຫຼາດນັດສິນຄ້າລາວ ຈະເລີ່ມແຕ່ວັນທີ 9-22 ຕຸລາ 2023 ທີ່ສູນການຄ້າຈອມມະນີ (Chommany Centre) ເມືອງຈັນທະບູລີ ນະຄອນຫຼວງວຽງຈັນ, ພາຍໃນງານຍັງຈະມີກິດຈະກຳປາຖະກະຖາຫົວຂໍ້ສຳຄັນຕ່າງໆກ່ຽວກັບ MSME, ກິດຈະກຳປະກວດ ການຫຸ້ມຫໍ່ຜະລິດຕະພັນດີເດັ່ນພາຍໃນງານ, ກິດຈະກຳແຂ່ງຂັນຕຳໝາກຫຸ່ງຊີງລາງວັນ ແລະ ກິດຈະກຳບັນເທີງການສະແດງ, ການຮ້ອງເພງ, ການຟ້ອນ ແລະ ອື່ນໆ
ສະນັ້ນ, ຖ້າຫາກພາກສ່ວນໃດມີຄວາມສົນໃຈສາມາດສອບຖາມໄດ້ທີ່ສະມາຄົມ ນັກ ທຸລະກິດໜຸ່ມ ແຫ່ງຊາດລາວ, ເບີຫ້ອງການສະມາຄົມໝາຍເລກ 020 22 208 087, 020 22 245 222, 020 97 896 199.
(ຂ່າວ-ພາບ: ສຳນານ)
ສະນັ້ນ, ຖ້າຫາກພາກສ່ວນໃດມີຄວາມສົນໃຈສາມາດສອບຖາມໄດ້ທີ່ສະມາຄົມ ນັກ ທຸລະກິດໜຸ່ມ ແຫ່ງຊາດລາວ, ເບີຫ້ອງການສະມາຄົມໝາຍເລກ 020 22 208 087, 020 22 245 222, 020 97 896 199.
(ຂ່າວ-ພາບ: ສຳນານ)
