ວັນທີ 8 ເມສາຜ່ານມາ, ຄະນະຜູ້ແທນແຂວງ ກາເມົາ ສສ ຫວຽດນາມ ນໍາໂດຍສະຫາຍ ເຈີ່ນ ຮົ່ງ ກວານ ຄະນະປະຈໍາພັກແຂວງ ເລຂາຄະນະພັກ ນະຄອນກາເມົາ ໄດ້ອ່ວຍພອນການນໍາພັກ-ລັດ ແຂວງຄໍາມ່ວນ ເນື່ອງໃນໂອກາດປີໃໝ່ລາວ ພສ 2567 ໂດຍຈັດຂຶ້ນທີ່ເຮືອນຮັບແຂກເລກ 1 ແຂວງຄໍາມ່ວນ, ໂດຍມີສະຫາຍ ວັນໄຊ ພອງສະຫວັນ ກໍາມະການສູນກາງພັກ ເລຂາພັກແຂວງ ເຈົ້າແຂວງຄໍາມ່ວນ, ພ້ອມດ້ວຍ ຄະນະ.
ໃນນາມຕາງໜ້າຄະນະພັກ, ອຳນາດການປົກຄອງແຂວງກາເມົາ ສະຫາຍ ເຈີ່ນ ຮົ່ງ ກວານ ໄດ້ອ່ວຍພອນໄຊອັນປະເສີດມາຍັງສະຫາຍ ເລຂາພັກແຂວງ ແລະ ບັນດາສະຫາຍການນຳຂອງແຂວງ, ຕະຫຼອດຮອດປະຊາຊົນບັນດາເຜົ່າຊາວແຂວງຄຳມ່ວນທຸກຊັ້ນຄົນ ຈົ່ງມີສຸຂະພາບແຂງແຮງ, ມີຄວາມຜາສຸກທັງຊີວິດສ່ວນຕົວ, ຄອບຄົວ ແລະ ໜ້າທີ່ການງານມີຄວາມກ້າວໜ້າ ທັງອວຍພອນໃຫ້ມີຄວາມເບີກບານມ່ວນຊື່ນໃນການສະເຫຼີມສະຫຼອງປີໃໝ່ລາວ ພສ 2567.
ໃນໂອກາດນີ້, ສະຫາຍ ວັນໄຊ ພອງສະຫວັນ ໃນນາມຕາງໜ້າໃຫ້ແກ່ຄະນະການນໍາຂອງແຂວງ ຄໍາມ່ວນ ໄດ້ກ່າວສະແດງຄວາມຂອບໃຈຕໍ່ ສະຫາຍ ເຈີ່ນ ຮົ່ງ ກວານ ພ້ອມດ້ວຍຄະນະ ທີ່ໄດ້ສະຫຼະເວລາອັນມີຄ່າ ເດີນທາງມາອ່ວຍພອນຄະນະນໍາແຂວງ ແລະ ປະຊາຊົນບັນດາເຜົ່າຊາວແຂວງຄໍາມ່ວນ ແລະ ຂໍຝາກຄວາມຢ້ຽມຢາມຖາມຂ່າວໄປຍັງ ສະຫາຍ ເລຂາພັກແຂວງ ແລະ ປະຊາຊົນຊາວແຂວງກາເມົາ ມານະໂອກາດນີ້ດ້ວຍ, ພ້ອມນີ້ກໍ່ຂໍອວຍພອນໃຫ້ແກ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການພົວພັນຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ, ຫວຽດນາມ-ລາວ ເວົ້າລວມ, ເວົ້າສະເພາະແມ່ນການພົວພັນຮ່ວມມືລະຫວ່າງແຂວງຄໍາມ່ວນ ແລະ ແຂວງກາເມົາ ຈົ່ງນັບມື້ໄດ້ຮັບການພັດທະນາຕໍ່ເຕີມເສີມສ້າງໃຫ້ມີຄວາມໜັກແໜ້ນຍິ່ງໆ ຂຶ້ນໄປ.
ໂອກາດດັ່ງກ່າວແຂວງກາເມົາ ຍັງໄດ້ມອບເງິນຈໍານວນ 1 ຕື້ດົງໃຫ້ແຂວງຄໍາມ່ວນ ເພື່ອຊ່ວຍເຫຼືອສະໜັບສະໜູນທຶນການສຶກສາໃຫ້ແກ່ນັກຮຽນ-ນັກສຶກສາ ແລະ ພະນັກງານ ໃນການສຶກສາຕໍ່ຢູ່ ສສ ຫວຽດນາມ.
(ຂ່າວ: ມະນີວັນ)
ໃນນາມຕາງໜ້າຄະນະພັກ, ອຳນາດການປົກຄອງແຂວງກາເມົາ ສະຫາຍ ເຈີ່ນ ຮົ່ງ ກວານ ໄດ້ອ່ວຍພອນໄຊອັນປະເສີດມາຍັງສະຫາຍ ເລຂາພັກແຂວງ ແລະ ບັນດາສະຫາຍການນຳຂອງແຂວງ, ຕະຫຼອດຮອດປະຊາຊົນບັນດາເຜົ່າຊາວແຂວງຄຳມ່ວນທຸກຊັ້ນຄົນ ຈົ່ງມີສຸຂະພາບແຂງແຮງ, ມີຄວາມຜາສຸກທັງຊີວິດສ່ວນຕົວ, ຄອບຄົວ ແລະ ໜ້າທີ່ການງານມີຄວາມກ້າວໜ້າ ທັງອວຍພອນໃຫ້ມີຄວາມເບີກບານມ່ວນຊື່ນໃນການສະເຫຼີມສະຫຼອງປີໃໝ່ລາວ ພສ 2567.
ໃນໂອກາດນີ້, ສະຫາຍ ວັນໄຊ ພອງສະຫວັນ ໃນນາມຕາງໜ້າໃຫ້ແກ່ຄະນະການນໍາຂອງແຂວງ ຄໍາມ່ວນ ໄດ້ກ່າວສະແດງຄວາມຂອບໃຈຕໍ່ ສະຫາຍ ເຈີ່ນ ຮົ່ງ ກວານ ພ້ອມດ້ວຍຄະນະ ທີ່ໄດ້ສະຫຼະເວລາອັນມີຄ່າ ເດີນທາງມາອ່ວຍພອນຄະນະນໍາແຂວງ ແລະ ປະຊາຊົນບັນດາເຜົ່າຊາວແຂວງຄໍາມ່ວນ ແລະ ຂໍຝາກຄວາມຢ້ຽມຢາມຖາມຂ່າວໄປຍັງ ສະຫາຍ ເລຂາພັກແຂວງ ແລະ ປະຊາຊົນຊາວແຂວງກາເມົາ ມານະໂອກາດນີ້ດ້ວຍ, ພ້ອມນີ້ກໍ່ຂໍອວຍພອນໃຫ້ແກ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການພົວພັນຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ, ຫວຽດນາມ-ລາວ ເວົ້າລວມ, ເວົ້າສະເພາະແມ່ນການພົວພັນຮ່ວມມືລະຫວ່າງແຂວງຄໍາມ່ວນ ແລະ ແຂວງກາເມົາ ຈົ່ງນັບມື້ໄດ້ຮັບການພັດທະນາຕໍ່ເຕີມເສີມສ້າງໃຫ້ມີຄວາມໜັກແໜ້ນຍິ່ງໆ ຂຶ້ນໄປ.
ໂອກາດດັ່ງກ່າວແຂວງກາເມົາ ຍັງໄດ້ມອບເງິນຈໍານວນ 1 ຕື້ດົງໃຫ້ແຂວງຄໍາມ່ວນ ເພື່ອຊ່ວຍເຫຼືອສະໜັບສະໜູນທຶນການສຶກສາໃຫ້ແກ່ນັກຮຽນ-ນັກສຶກສາ ແລະ ພະນັກງານ ໃນການສຶກສາຕໍ່ຢູ່ ສສ ຫວຽດນາມ.
(ຂ່າວ: ມະນີວັນ)
