ພິທີແຫ່ເຄື່ອງສັກກະລະບູຊາ ເຈົ້າມະເຫສັກຫຼັກເມືອງ ຍາແມ່ສີເມືອງ ໃນງານບຸນປີໃໝ່ລາວ ພ.ສ 2567 ໄດ້ຈັດຂຶ້ນໃນວັນທີ 13 ເມສາ ນີ້ ທີ່ວັດສີເມືອງ ເມືອງສີສັດຕະນາກ ນະຄອນຫຼວງວຽງຈັນ ຊຶ່ງນໍາພາໂດຍ ທ່ານ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ; ພະອາຈານໃຫຍ່ ບຸນສ່ວນ ພັນທະວົງ ຮອງປະທານສູນກາງ ອົງການພຸດທະສາສະໜາສຳພັນ ແຫ່ງ ສປປ ລາວ (ອພສ) ນະຄອນຫຼວງວຽງຈັນ ແລະ ພະອາຈານໃຫຍ່ ລໍາເງິນ ສຸວັນນະສານ ກໍາມະການສູນກາງ ອພສ ຮອງ ອພສ ເມືອງສີສັດຕະນາກ ເຈົ້າອະທິການວັດສີເມືອງ ພ້ອມດ້ວຍການນໍາພັກ-ລັດ ແລະ ມວນຊົນເຂົ້າຮ່ວມ.

ໃນພິທີແຫ່ຄັ້ງນີ້ ລວມມີ 4 ຂະບວນ ຊຶ່ງນໍາໂດຍຂະບວນພະສົງ, ຂະບວນການນໍາພັກ-ລັດ, ຂະບວນການໃສ່ຊຸຸດຊົນເຜົ່າ ແລະ ຂະບວນມະຫາຊົນທົ່ວໄປ. ເພື່ອເປັນການສືບທອດຮີດຄອງປະເພນີທີ່ເຄີຍປະຕິບັດຜ່ານມາໃນທຸກໆປີ ເພື່ອຄວາມເປັນສິລິມຸງຄຸນໃຫ້ແກ່ບ້ານເມືອງ ອອກຕົນຍາດໂຍມ ແລະ ເປັນມື້ເປີດໃນການຫຼິ້ນນໍ້າສົງການປີໃໝ່ລາວ ພ.ສ 2567.

ຂ່າວ-ພາບ: ຍຸພິນທອງ