ຂ່າວຕ່າງປະເທດລາຍງານໃນວັນທີ 10 ເມສາຜ່ານມາວ່າ: ລັດປະຫັງ ທີ່ຕັ້ງຢູ່ທິດຕາເວັນຕົກຂອງປະເທດມາເລເຊຍໄດ້ລິເລີ່ມໂຄງການນຳໃຊ້ເສດອາຫານທີ່ເຫຼືອກິນແລ້ວນຳມາຜະລິດໃຫ້ເປັນປຸ໋ຍອິນຊີ ເພື່ອຫຼຸດປະລິມານຂີ້ເຫຍື້ອ ແລະ ສ້າງຈິດສຳນຶກຕໍ່ການຖິ້ມເສດອາຫານ.

ຂ່າວຍັງໃຫ້ຮູ້ອີກວ່າ:ເຄືອງຈັກເຄື່ອນທີ່ໆໃຊ້ປະສົບແກບ ແລະ ຂີ້ເຫຍື້ອໄດ້ຖືກຕິດຕັ້ງຢູ່ສວນສາທາລະນະໃຈກາງເມືອງກວນຕັນຊຶ່ງເປັນສະຖານທີ່ໆຫຼາຍຄອບຄົວມັກມາຮ່ວມກັນໃນຕອນແລງ ເພື່ອເລືອກຊື້ ແລະ ກິນອາຫານພື້ນເມືອງລາຄາຖືກ.

ຜູ້ອຳນວຍການດ້ານການຈັດການຂີ້ເຫຍື້ອຂອງລັດປະຫັງ ກ່າວວ່າ: ໂຄງການນີ້ເລິ່ມຕົ້ນໃນປີ 2023ແລະ ສາມາດຈັດການຂີ້ເຫຍື້ອໄດ້ມື້ລະ25 ກິໂລ ຊຶ່ງຖືເປັນສ່ວນໜຶ່ງຂອງເສດອາຫານ 13.000ກວ່າໂຕນ ທີ່ຖືກສົ່ງໄປຝັງຖິ້ມທົ່ວປະເທດໃນທຸກໆມື້.

ເສດອາຫານທີ່ຖືກໂຍນເຂົ້າເຄື່ອງຈະຄ່ອຍໆປະສົມກັບແກບ ແລະ ຂີ້ເຫຼື້ອຍໂດຍໃຊ້ເວລາ 48 ຊົ່ວໂມງກ່ອນຈະຖືກບັນຈຸແລະສົ່ງໃຫ້ຊາວກະສິກອນໃຊ້ເປັນປຸ໋ຍ.