ວິທະຍຸກະຈາຍສຽງຫວຽດນາມລາຍງານວ່າ: ໃນສະພາບການພາຍນອກຂາດສະຖຽນລະພາບທີ່ແກ່ຍາວ, ເສດຖະກິດ ຫວຽດນາມ ຍັງຈະບັນລຸລະດັບການເຕີບໂຕ 6,0% ໃນປີ 2024 ແລະ 6,2%ໃນປີ 2025.ນີ້ແມ່ນຂໍ້ມູນ ໃນບົດລາຍງານຄວາມຫວັງໃນການພັດທະນາອາຊີ (ADO) ໃນເດືອນເມສາ,ໂດຍທະນາຄານພັດທະນາອາຊີ (ADB) ປະກາດໃນການຖະແຫຼງຂ່າວທີ່ໄດ້ດຳເນີນໃນວັນທີ11 ເມສາ ຜ່ານມານີ້ຢູ່ຮ່າໂນ້ຍ.
ກ່າວຄຳເຫັນໃນການຖະແຫຼງຂ່າວ, ທ່ານຊານທານູ ຊາກຣາບໍທີຜູ້ອຳນວຍການADB ປະຈຳ ຫວຽດນາມ ເນັ້ນໜັກວ່າ: ຫວຽດນາມອາດຈະຮັກສາທ່າເຕີບໂຕໃນປີ2024 ຜ່ານການຟື້ນຟູການເຕີບໂຕໃນວົງກວ້າງ, ໃນບັນດາຂົງເຂດການບໍລິການ, ອຸດສາຫະກຳປຸງແຕ່ງສົ່ງອອກ,ນີ້ຖືວ່າແມ່ນປັດໄຈສຳຄັນຕໍ່ພື້ນຖານເສດຖະກິດ ຫວຽດນາມ.ການຜະລິດກະສິກຳມີສະຖຽນລະພາບ, ແຫຼ່ງເງິນລົງທຶນໂດຍກົງຈາກຕ່າງປະເທດ (FDI) ກໍແມ່ນອີກເສົາຄ້ຳໜຶ່ງ ທີ່ຊ່ວຍເພີ່ມທະວີກຳລັງແຮງໃຫ້ແກ່ພື້ນຖານເສດຖະກິດ. ຕາມການຄາດຄະເນຂອງADB ແລ້ວ, ຄາດວ່າພື້ນຖານເສດຖະກິດ ຫວຽດນາມຈະຟື້ນຟູ ແລະບັນລຸການເຕີບໂຕໃນລະດັບ6%ໃນປີ2024 ແລະ ຈະສືບຕໍ່ບັນລຸ6,2% ໃນປີ2025.