ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ກະຊວງກະສິກຳອາເມຣິກາ ແລະ ອົງການພັດທະນາສາກົນ ອາເມຣິກາ (USDA) ໄດ້ແຈ້ງໃຫ້ຮູ້ວ່າ: ຈະຊ່ວຍເຫຼືອເຄື່ອງອຸປະໂພກ-ບໍລິໂພກມູນຄ່າ 1 ຕື້ໂດລາ ໃຫ້ບັນດາປະເທດທີ່ມີອັດຕາໄພອຶດຫິວສູງ.
ຂ່າວລະບຸວ່າ: ຕາມໂຄງການອາຫານໂລກຂອງສະຫະປະຊາຊາດ (UNWFP) ໃຫ້ຮູ້ວ່າ: ບັນດາປະເທດທີ່ຈະໄດ້ຮັບການຊ່ວຍເຫຼືອ, ລວມມີ: ສປກົງໂກ, ເຢແມັນ, ຊູດັງໃຕ້, ຊູດັງ ແລະ ຮາຍຕີ ຊຶ່ງນອນໃນຈຳນວນບັນດາປະເທດຖືກຜົນກະທົບຍ້ອນໄພອຶດຫິວໜັກໜ່ວງທີ່ສຸດ.
ສະຫະປະຊາຊາດໄດ້ກ່າວເຕືອນວ່າ: ໄພອຶດຫິວທົ່ວໂລກພວມຮ້າຍແຮງຂຶ້ນຕື່ມ. ປີ 2023, ມີປະຊາກອນຫຼາຍກວ່າ 745 ລ້ານຄົນໃນທົ່ວໂລກພວມປະເຊີນກັບໄພອຶດຫິວຢູ່ລະດັບປານກາງ ເຖິງ ຮ້າຍແຮງ. ຕາມສະຫະປະຊາຊາດ ແລ້ວ, ສາເຫດພາໃຫ້ໄປເຖິງສະພາບການດັ່ງກ່າວແມ່ນຍ້ອນເກີດການປະທະກັນໃນທົ່ວໂລກ, ການປ່ຽນແປງຂອງດິນຟ້າອາກາດ ແລະ ວິວັດການຟື້ນຟູພາຍຫຼັງພະຍາດໂຄວິດ-19.