ຂ່າວສານຊີອາໄອລາຍງານໃນວັນທີ 29 ເມສາ ຜ່ານມາ,ສະຫະພັນຈໍລະຈອນສິນຄ້າ ແລະ ການຈັດຊື້ຈີນໄດ້ປະກາດຂໍ້ມູນການເຄື່ອນໄຫວຂອງການຈໍລະຈອນສິນຄ້າໃນໄຕມາດທີ 1 ປີນີ້. ໂດຍສະແດງໃຫ້ເຫັນວ່າ:ການເຄື່ອນໄຫວຂອງການຈໍລະຈອນສິນຄ້າໄດ້ຮັກສາທ່ວງທ່າຟື້ນຕົວໂດຍລວມ, ຍອດມູນຄ່າການຈໍລະຈອນສິນຄ້າໄດ້ເພີ່ມຂຶ້ນຢ່າງໝັ້ນທ່ຽງ, ຄວາມຕ້ອງການດ້ານການຈໍລະຈອນສິນຄ້າໄດ້ຟື້ນຟູດີຂຶ້ນ, ການເຄື່ອນໄຫວມີລັກສະນະໝັ້ນທ່ຽງຂຶ້ນຢ່າງຈະແຈ້ງ.
ໃນໄຕມາດທີ 1 ປີນີ້, ຍອດມູນຄ່າການຈໍລະຈອນສິນຄ້າໃນທົ່ວສັງຄົມມີເຖິງ 88.000 ຕື້ຢວນ, ເພີ່ມຂຶ້ນ 5,9% ເມື່ອທຽບໃສ່ໄລຍະດຽວກັນຂອງປີ 2023, ໄວຂຶ້ນ 0,5% ເມື່ອທຽບໃສ່ໄຕມາດທີ 4 ປີ 2023, ແລະໄວຂຶ້ນ 2% ເມື່ອທຽບໃສ່ໄລຍະດຽວກັນຂອງປີ 2023.
ເມື່ອເບິ່ງຈາກໂຄງປະກອບຂອງຍອດມູນຄ່າການຈໍລະຈອນສິນຄ້າໃນສັງຄົມແລ້ວເຫັນວ່າ, ຍອດມູນຄ່າການຈໍລະຈອນສິນຄ້າຜະລິດຕະພັນອຸດສາຫະກຳກວມປະມານ 90%, ການຈໍລະຈອນສິນຄ້າຍັງຄົງມີບົດບາດເຂັ້ມແຂງໃນການຄ້ຳຊູຂົງເຂດການຜະລິດ.