ກິດ​ຈະ​ກຳ​ອ່ານປຶ້ມ​ທົ່ວ​ປວງ​ຊົນ ​ຄັ້ງ​ທີ 3 ຂອງ ສປ ​ຈີນ​ ໄດ້​ຈັດ​ຂຶ້ນ​ຢູ່​ນະ​ຄອນ​ຄຸນ​ໝິງ​ແຂວງ​ຢຸນ​ນານ​ ສປ ຈີນ ລະ​ຫວ່າງ ວັນ​ທີ 23 - 25 ເມ​ສາ​ ຜ່ານມາ, ກຸ່ມ​ບໍ​ລິ​ສັດ​ທາງ​ລົດ​ໄຟ​ແຫ່ງ​ຊາດ​ຈີນ​ ສາ​ຂາ​ຄຸນ​ໝິງ​ ໄດ້​ເປີດ​ຫ້ອງ​ອ່ານ​ປຶ້ມ ​ຢູ່​ຕາມຂະ​ບວນ​ລົດ​ໄຟ 12 ຖ້ຽວເຊັ່ນ: ຂະ​ບວນ​ລົດ​ໄຟ​ໂດຍ​ສານ​ຕາມ​ທາງ​ລົດ​ໄຟ ​ລາວ-ຈີນ ຕອນ​ພາຍ​ໃນ​ປະ​ເທດ​ຈີນ, ຂະ​ບວນລົດ​ໄຟ​ເຂົ້າ​ນະ​ຄອນຫຼວງ​ປັກ​ກິ່ງ ແລະ ຂະ​ບວນ​ລົດ​ໄຟ​ເຂົ້າ​ນະ​ຄອນ​ຊຽງ​ໄຮ້​ ເປັນ​ຕົ້ນ ໂດຍ​ໄດ້​ຈັດ​ກິດ​ຈະ​ກຳ “ອ່ານ​ປຶ້ມ​ຕາມ​ທາງ​ລົດ​ໄຟ ແລະ ອ່ານ​ປຶ້ມ​ທ່ອງທ່ຽວແຂວງ​ຢຸນ​ນານ”.

  ກຸ່ມ​ບໍ​ລິ​ສັດ​ທາງ​ລົດ​ໄຟແຫ່ງ​ຊາດ​ຈີນ​ ສາ​ຂາ​ຄຸນ​ໝິງ ໄດ້​ສ້າງ​ຕັ້ງ​ສູນ​ອ່ານ​ປຶ້ມ​ຂອງ​ກິດ​ຈະ​ກຳ​ຄັ້ງ​ນີ້ ​ຢູ່ສະ​ຖາ​ນີ 6 ແຫ່ງ ຄື: ສະ​ຖາ​ນີ​ລົດ​ໄຟ​ຄຸນ​ໝິງ, ສະ​ຖາ​ນີ​ລົດ​ໄຟ​ຄຸນ​ໝິງ​ໃຕ້, ສະ​ຖາ​ນີ​ລົດ​ໄຟ​ນິງ​ເອີ, ສະ​ຖາ​ນີ​ລົດ​ໄຟ​ຜູ​ເອີ, ສະ​ຖາ​ນີ​ລົດ​ໄຟ​ສິບ​ສອງ​ພັນ​ນາ ແລະ ສະ​ຖາ​ນີ​ລົດ​ໄຟ​ບໍ່​ຫານ.  

(ແຫຼ່ງຂ່າວ：ຂ່າວສານ ຢຸນນານ-ຈີນ)