ວິທະຍຸກະຈາຍສຽງຫວຽດນາມລາຍງານ, ບັນດາຂໍ້ມູນທາງການໂດຍອົງການສະຖິຕິ ສະຫະພາບເອີຣົບ (Eurostat) ປະກາດໃນວັນທີ 30 ເມສາ ຜ່ານມາໄດ້ຊີ້ໃຫ້ເຫັນວ່າ: ພື້ນຖານເສດຖະກິດພາກພື້ນນຳໃຊ້ສະກຸນເງິນລວມ ເອີຣົບ (ເອີໂຣໂຊນ) ໄດ້ຫຼຸດພົ້ນອອກຈາກສະພາບຊຸດໂຊມ ດ້ວຍລະດັບການເຕີບໂຕໃນໄຕມາດທຳອິດຂອງ ປີ 2024 ສູງກວ່າການຄາດຄະເນກ່ອນໜ້ານັ້ນ ແລະ ໄພເງິນເຟີ້ຍັງຮັກສາເປັນປົກກະຕິໃນເດືອນເມສາ.
ຂ່າວລາຍງານວ່າ: ເສດຖະກິດພາກພື້ນ ເອີໂຣໂຊນ, ລວມມີ 20 ປະເທດ, ລະດັບການເຕີບໂຕໃນໄຕມາດທີ 1  ບັນລຸ 0,3% ເມື່ອທຽບໃສ່ໄຕມາດກ່ອນໜ້ານັ້ນ, ສູງກວ່າ 0,2% ເມື່ອທຽບໃສ່ການຄາດຄະເນ. ເອີໂຣໂຊນກ້າວເຂົ້າສູ່ໄລຍະຊຸດໂຊມດ້ານເຕັກນິກໃນ 6 ເດືອນທ້າຍປີ 2023, ພາຍຫຼັງລະດັບການເຕີບໂຕເປັນລົບ ໃນ 2 ໄຕມາດທ້າຍປີ.
ໃນວັນດຽວກັນ, ຫ້ອງການສະຖິຕິສະຫະພັນ ເຢຍລະມັນ (Destatis) ໄດ້ຊີ້ໃຫ້ເຫັນເຖິງຄວາມສາມາດໃນການຟື້ນຟູ ໃນ 6 ເດືອນຕົ້ນປີ 2024ນຳມາຊຶ່ງຄວາມຫວັງວ່າ ເສດຖະກິດ ເຢຍລະມັນ ຈະສາມາດຫຼຸດພົ້ນອອກຈາກສະພາບເສດຖະກິດທີ່ມືດມົວແກ່ຍາວ.