ວິທະຍຸກະຈາຍສຽງຫວຽດນາມລາຍງານວ່າ: ພິທີແນະນຳປື້ມປົກຂຽວ ອາຊຽນ - ອີຢູ ໄລຍະ 2024 – 2025 ໄດ້ຈັດຂຶ້ນໃນວັນທີ 8 ພຶດສະພາ ນີ້ຢູ່ສຳນັກງານຄະນະເລຂາ ອາຊຽນຢູ່ຈາກາຕາປະເທດອິນໂດເນເຊຍ, ໂດຍການເປັນປະທານຂອງທ່ານ ເກົາ ກີມ ຮຸນ ເລຂາທິການໃຫຍ່ອາຊຽນ, ທ່ານ ຊູຈິໂຣ ຊິມ ເອກອັກຄະລັດຖະທູດ ອີຢູ ປະຈຳ ອາຊຽນ, ຜູ້ຕາງໜ້າຖາວອນ ຟີລິບປິນ ປະຈຳ ອາຊຽນ ແລະ ທ່ານ ເຈຊີລິນ ເອັມ ຄຣິນທານາ ຜູ້ປະສານງານລະດັບຊາດຂອງການເຈລະຈາຄວາມຮ່ວມມື ອາຊຽນ-ອີຢູ. ບັນດາເຈົ້າໜ້າທີ່ການທູດຈາກຄະນະຜູ້ແທນຖາວອນ ແລະ ສະຖານທູດຂອງບັນດາປະເທດສະມາຊິກ EU ເຂົ້າຮ່ວມ.

ປື້ມປົກຂຽວນີ້ລວມມີ 8 ພາກ ປະກອບດ້ວຍເນື້ອໃນຕົ້ນຕໍຄື: ການພົວພັນຄູ່ຮ່ວມມື ແລະ ເຊື່ອມຕໍ່ລະຫວ່າງມະນຸດ ແລະ ອາວະກາດ; ການຮ່ວມມືຍຸດທະສາດໃຫ້ແກ່ອະນາຄົດ, ການຮ່ວມມືຍຸດທະສາດພ້ອມກັບການພັດທະນາ; ການອົບພະຍົບ ແລະ ເຄື່ອນຍ້າຍ; ກຳນົດທິດໂອກາດ ແລະ ສິ່ງທ້າທາຍ… ປຶ້ມຫົວນີ້ໄດ້ກ່າວເຖິງບັນດາບຸລິມະສິດການຮ່ວມມືຂອງ ອີຢູ ແລະ ຂໍ້ມູນອັບເດດກ່ຽວກັບບັນດາໂຄງການໂດຍ ອີຢູ ຊ່ວຍເຫຼືອບັນດາຂົງເຂດສຳຄັນໃນອາຊຽນ ແລະ ບັນດາເລື່ອງລາວຕົວຈິງ, ການສົມທົບກັນຢ່າງມີປະສິດທິຜົນລະຫວ່າງ ອາຊຽນ ແລະ ອີຢູ ຕໍ່ຊີວິດການເປັນຢູ່ຂອງປະຊາຊົນ ອາຊຽນ.