ຂ່າວຕ່າງປະເທດລາຍງານ ໃນວັນທີ 7 ພຶດສະພາວ່າ: ລັດຖະບານສີລັງກາ ມີມະຕິຮັກສາຄ່າທຳນຽມວີຊາແບບຂາເຂົ້າຄັ້ງດຽວ ມູນຄ່າ 50 ໂດລາ ສຳລັບຄົນຕ່າງປະເທດທີ່ເດີນທາງເຂົ້າສີລັງກາ ຍົກເວັ້ນພົນລະເມືອງຂອງອິນເດຍ, ຈີນ, ຣັດເຊຍ, ຍີ່ປຸ່ນ, ມາເລເຊຍ, ໄທ ແລະ ອິນໂດເນເຊຍ ທີ່ຈະຍັງຄົງໄດ້ຮັບບໍລິການຟີວີຊາຕໍ່ໄປ.

ຂ່າວລະບຸວ່າ: ເມື່ອບໍ່ດົນມານີ້, ສີລັງກາ ໄດ້ແກ້ໄຂຄ່າທຳນຽມວີຊາ ແລະ ບັງຄັບໃຊ້ວີຊາໃໝ່ຫຼາຍປະເພດຊຶ່ງນັກເດີນທາງທີ່ມີສິດຂໍຮັບວີຊາເມື່ອເດີນທາງມາເຖິງ (on-arrival visa) ສາມາດຍື່ນສະໝັກໄດ້.

ຄ່າທຳນຽມທີ່ມີການແກ້ໄຂນີ້ຖືກຕຳນິຈາກຜູ້ມີຜົນປະໂຫຍດໃນວຽກງານການທ່ອງທ່ຽວ, ທ່ານ ຣານິນ ວິກົມສິງຫະ ປະທານາທິບໍດີສີລັງກາ ຈຶ່ງສະເໜີຕໍ່ຄະນະລັດຖະມົນຕີໃນວັນທີ 6 ພຶດສະພາຜ່ານມາ ໃຫ້ຮັກສາການເກັບຄ່າທຳນຽມວີຊາສຳລັບແບບຂາເຂົ້າຄັ້ງດຽວ ໄລຍະ 30 ວັນ 50 ໂດລາ.