ວິທະຍຸກະຈາຍສຽງຫວຽດນາມລາຍງານ ໃນວັນທີ 9 ພຶດສະພາ ຜ່ານມາ,ພະແນກວັດທະນະທຳ, ກິລາ ແລະ ການທ່ອງທ່ຽວ ແຂວງດຽນບຽນ ໃຫ້ຮູ້ວ່າ: ນັບແຕ່ວັນທີ 1 ມັງກອນ ຫາ ວັນທີ 7 ພຶດສະພາ, ແຂວງດຽນບຽນ ໄດ້ຕ້ອນຮັບນັກທ່ອງທ່ຽວ ຫຼາຍກວ່າ 1 ລ້ານເທື່ອຄົນ, ໃນນັ້ນມີນັກທ່ອງທ່ຽວສາກົນ 4,8 ລ້ານເທື່ອຄົນ. ຍອດລາຍຮັບຈາກການເຄື່ອນໄຫວທ່ອງທ່ຽວບັນລຸເກືອບ 1.900 ຕື້ດົງ.

ໃນການຈັດຕັ້ງບັນດາການເຄື່ອນໄຫວສະເຫຼີມສະຫຼອງ 70 ປີແຫ່ງໄຊຊະນະ ດຽນບຽນຝູ້, ຫໍພິພິທະພັນ ໄຊຊະນະປະຫວັດສາດ ດຽນບຽນຝູ້ ແລະ ສະຖານທີ່ຮ່ອງຮອຍປະຫວັດສາດ ຂຶ້ນກັບເຂດຮ່ອງຮອຍສະໜາມຮົບດຽນບຽນຝູ້ ໄດ້ຕ້ອນຮັບນັກທ່ອງທ່ຽວພັນເທື່ອຄົນຕໍ່ວັນ. ຫໍຄຸ້ມຄອງເຂດຮ່ອງຮອຍແຂວງດຽນບຽນ ແລະ ຫໍພິພິທະພັນໄຊຊະນະ ປະຫວັດສາດ ດຽນບຽນຝູ້ ໄດ້ລະດົມທຸກແຫຼ່ງກຳລັງຢ່າງສຸດຂີດເພື່ອຮັບໃຊ້ຄວາມຕ້ອງການຂອງນັກທ່ອງທ່ຽວ. ໄປຄຽງຄູ່ກັນນັ້ນ, ບັນດາການເຄື່ອນໄຫວ ຝືກແອບການເດີນສວນສະໜາມ ເພື່ອກະກຽມໃຫ້ແກ່ການສະເຫຼີມສະຫຼອງ 70 ປີແຫ່ງໄຊຊະນະດຽນບຽນຝູ້ ໄດ້ສ້າງກຳລັງດຶງດູດທີ່ໃຫຍ່ຫຼວງໃຫ້ແກ່ນັກທ່ອງທ່ຽວ ແລະ ປະຊາຊົນໃນບໍລິເວນແຂວງ.