ຂ່າວສານຊີອາໄອລາຍງານ, ໃນຕອນບ່າຍວັນທີ9ພຶດສະພານີ້, ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານວິກເຕີ ໂອບັນ ນາຍົກລັດຖະມົນຕີຮົງກາລີຢູ່ສຳນັກງານນາຍົກລັດຖະມົນຕີທີ່ນະຄອນຫຼວງບູດາເປດປະເທດຮົງກາລີ.

ໃນໂອກາດດັ່ງກ່າວ, ຜູ້ນຳສອງປະເທດໄດ້ພົບປະເຈລະຈາກ່ຽວກັບສາຍພົວພັນຈີນ-ຮົງກາລີ, ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ເພື່ອເພີ່ມທະວີການຮ່ວມມືໃນໂຄງການພື້ນຖານໂຄງລ່າງຂະໜາດໃຫຍ່, ເພີ່ມທະວີການຮ່ວມມືໃນຂົງເຂດເສດຖະກິດການຄ້າ, ພະລັງງານໃໝ່ແລະອື່ນໆ, ສົ່ງເສີມສັນຕິພາບແລະການພັດທະນາຂອງໂລກ, ຮ່ວມກັນປົກປັກຮັກສາສັນຕິພາບແລະສະຖຽນລະພາບຂອງໂລກກໍຄືຊຸກຍູ້ສາຍພົວພັນຈີນ-ເອີຣົບໃຫ້ຂະຫຍາຍຕົວຢ່າງປອດໃສ ແລະຊຸກຍູ້ໃຫ້ປະເທດເອີຣົບກາງແລະເອີຣົບຕາເວັນອອກຮ່ວມມືກັບຈີນ.

ພາຍຫຼັງການພົບປະເຈລະຈາ, ຜູ້ນຳສອງປະເທດຈີນ-ຮົງກາລີໄດ້ຮ່ວມກັນເປັນສັກຂີພິຍານໃຫ້ແກ່ການແລກປ່ຽນເອກະສານການຮ່ວມມືສອງຝ່າຍໃນຂົງເຂດຕ່າງໆຈຳນວນຫຼາຍສະບັບເຊັ່ນ: ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”, ເສດຖະກິດການຄ້າ, ການລົງທຶນ, ວິທະຍາສາດເຕັກນິກ, ວັດທະນະທຳ,ກະສິກຳແລະອື່ນໆ.

ສອງຝ່າຍໄດ້ອອກຖະແຫຼງການຮ່ວມລະຫວ່າງສາທາລະນະລັດປະຊາຊົນຈີນແລະຮົງກາລີວ່າດ້ວຍການສ້າງຕັ້ງສາຍພົວພັນຄູ່ຮ່ວມຍຸດທະສາດຮອບດ້ານໃນທຸກສະພາບການໃນຍຸກໃໝ່ ກໍຄືບັນຊີເອກະສານຜົນສຳເລັດການຢ້ຽມຢາມໃນຄັ້ງນີ້.