ຂ່າວສານຊີອາໄອລາຍງານເມື່ອບໍ່ດົນມານີ້, ເວັບໄຊປະທານາທິບໍດີຣັດເຊຍແຈ້ງຂ່າວໃຫ້ຮູ້ວ່າ:ທ່ານວາລາດີເມຍ ປູຕິນ ປະທານາທິບໍດີຣັດເຊຍໄດ້ເຊັນລັດຖະດຳລັດ, ໂດຍໄດ້ແຕ່ງຕັ້ງທ່ານ ເຊີເກ ໂຊຍກູອະດີດລັດຖະມົນຕີກະຊວງປ້ອງກັນປະເທດຣັດເຊຍເປັນເລຂາທິການຂອງສະພາຄວາມໝັ້ນຄົງຂອງສະຫະພັນຣັດເຊຍ.
ໃນວັນທີ 12 ພຶດສະພາ ຜ່ານມາຄະນະກຳມະການສະຫະພັນຣັດເຊຍ (ສະພາສູງ) ໄດ້ແຈ້ງຂ່າວຜ່ານທາງສື່ສັງຄົມອອນລາຍວ່າ:ທ່ານ ວາລາດີເມຍ ປູຕິນໄດ້ຍື່ນບັນຊີລາຍຊື່ຂອງຄະນະລັດຖະບານຣັດເຊຍຊຸດໃໝ່ ໃຫ້ແກ່ຄະນະກຳມະການສະຫະພັນຣັດເຊຍ.
ຂ່າວສານອີຕາຕັສ ແຈ້ງຂ່າວວ່າ:ຄະນະກຳມະການສະຫະພັນຣັດເຊຍຕ້ອງດຳເນີນການພິຈາລະນາຕໍ່ບັນຊີລາຍຊື່ດັ່ງກ່າວພາຍໃນໜຶ່ງອາທິດ ແລະລາຍງານຜົນການພິຈາລະນາໃຫ້ທ່ານ ວາລາດີເມຍ ປູຕິນ. ຖ້າບໍ່ມີຄວາມເຫັນທີ່ຕ່າງກັນ, ທ່ານ ວາລາເດຍເມຍ ປູຕິນຈະເຊັນລັດຖະດຳລັດ ເພື່ອແຕ່ງຕັ້ງບຸກຄົນທີ່ກ່ຽວຂ້ອງ.