ຂ່າວຕ່າງປະເທດລາຍງານ ເມື່ອທ້າຍອາທິດຜ່ານມາ, ກະຊວງກະສິກຳຂອງສີລັງກາໄດ້ເປີດເຜີຍບົດລາຍງານໂດຍລະບຸວ່າ: ທ່ານ ມາຮິນດາ ອົມຣາວີຣະ ລັດຖະມົນຕີກະຊວງກະສິກຳຂອງສີລັງກາກ່າວວ່າສີລັງກາມີຄວາມສ່ຽງໃນການຂາດແຄນອາຫານ ເນື່ອງຈາກຜົນກະທົບຂອງສະພາບອາກາດທີ່ປ່ຽນແປງຢ່າງວ່ອງໄວ.

ເນື້ອທີ່ປູກຝັງປະມານ 28.000 ເຮັກຕາ ໄດ້ຮັບຄວາມເສຍຫາຍຈາກໄພແຫ້ງແລ້ງ ຂະນະທີ່ຝົນຕົກໜັກສ້າງຄວາມເສຍຫາຍໃຫ້ແກ່ເນື້ອທີ່ປູກຝັງອີກຫຼາຍຮ້ອຍໄລ່ກ່ອນການເກັບກ່ຽວ. ບົດລາຍງານລະບຸຕື່ມວ່າ: ພືດຜັກໃນສະຖານທີ່ໆຕ່ຳໄດ້ຮັບຄວາມເສຍຫາຍຈາກນ້ຳຝົນ ໂດຍໝາກຖົ່ວຂຽວທີ່ປູກໃນເຂດຮຳບັນໂຕຕາ ປະມານ 6.000 ເຮັກຕາ ໄດ້ຮັບຄວາມເສຍຫາຍທັງໝົດ. ທັງນີ້, ທ່ານ ອົມຣາວີຣະ ໄດ້ອອກຄຳສັ່ງໃຫ້ເລຂາທິການກະຊວງກະສິກຳຂອງສີລັງກາດຳເນີນແຜນການສຳລັບການປູກພືດຜັກໃນສວນຄົວຢູ່ບ້ານ ແລະ ຈັດແຜນການປູກພືດຜັກໃນລະດູການນີ້.