ຂ່າວຕ່າງປະເທດລາຍງານ ເມື່ອທ້າຍອາທິດຜ່ານມາ, ທ່ານ ເດນິສ ຊະມີຮັນ ນາຍົກລັດຖະມົນຕີອູແກຣນ ໄດ້ເປີດເຜີຍບົດລາຍງານໂດຍລະບຸວ່າ: ອູແກຣນ ຈຳເປັນຕ້ອງສົ່ງອອກທັນຍາພືດປະມານ 75% ຂອງການເກັບກ່ຽວໃນປີນີ້.

ບົດລາຍງານລະບຸວ່າ: ທັນຍາພືດທີ່ເກັບກ່ຽວປະມານ 25% ພຽງພໍຕໍ່ຄວາມຕ້ອງການພາຍໃນປະເທດແລ້ວ ຈຶ່ງຈຳເປັນຕ້ອງສົ່ງອອກສ່ວນທີ່ເຫຼືອ. ທ່ານ ຊະມີຮັນ ກ່າວວ່າ: ອູແກຣນ ກຳລັງອາໄສການສົ່ງອອກທັນຍາພືດຜ່ານກຸ່ມປະເທດສະຫະພາບເອີຣົບ ແລະ ທ່າເຮືອແມ່ນ້ຳດານູບ ລວມເຖິງສົ່ງອອກຜ່ານລະບຽບທັນຍາພືດແຫ່ງໃໝ່ດ້ວຍ.

ອີກຢ່າງໜຶ່ງ, ການກະເສດຂອງອູແກຣນມີທ່າອ່ຽງເກັບກ່ຽວທັນຍາພືດ ແລະ ແກ່ນພືດນໍ້າມັນໄດ້ຫຼາຍກວ່າ 79 ລ້ານໂຕນໃນປີ 2023 ຊຶ່ງເພີ່ມຂຶ້ນ 10% ຈາກປີຜ່ານມາ.