ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 13 ພຶດສະພາ ຜ່ານມາຢູ່ ຮ່າໂນ້ຍ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ໄດ້ຈັດກອງປະຊຸມຊຸກຍູ້ການຮ່ວມມືໃນຂົງເຂດກະສິກຳ, ໂດຍການເຂົ້າຮ່ວມຂອງທູດການຄ້າ ແລະ ກະສິກຳຂອງບາງປະເທດທີ່ມີພື້ນຖານກະສິກຳພັດທະນາໃນໂລກ.
ຂ່າວລະບຸວ່າ: ໃນກອງປະຊຸມ, ບັນດາຜູ້ແທນຖືວ່າ ຫວຽດນາມ ນອນໃນກຸ່ມ 15 ປະເທດທີ່ສົ່ງອອກຜະລິດຕະພັນກະເສດໃຫຍ່ທີ່ສຸດໃນໂລກ ແລະ ຢືນຢູ່ອັນດັບທີ 2 ໃນພາກພື້ນອາຊີຕາເວັນອອກສ່ຽງໃຕ້. ຫວຽດນາມ ມີບົດບາດສຳຄັນໃນລະບົບມູນຄ່າ ແລະ ແມ່ນປະເທດທີ່ຕັ້ງໜ້າເຂົ້າຮ່ວມໃນລະບົບທັນຍາຫານ, ສະບຽງອາຫານທົ່ວໂລກ. ປັດຈຸບັນ, ການເຕີບໂຕ GDP ໃນຂະແໜງກະສິກຳກວມເອົາ 12% ຂອງຍອດ GDP ຂອງພື້ນຖານເສດຖະກິດ, ດ້ວຍພົນລະເມືອງກວ່າ 60% ທີ່ດຳລົງຊີວິດຢູ່ເຂດຊົນນະບົດ. ທ່ານ ເລມິງຮວານ ລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ເນັ້ນໜັກວ່າ: ຫວຽດນາມ ປາຖະໜາຢາກຊຸກຍູ້ເສດຖະກິດ, ໃນນັ້ນມີເສດຖະກິດກະສິກຳ, ຊຸກຍູ້ການແລກປ່ຽນການຄ້າ, ການລົງທຶນໃນຂົງເຂດກະສິກຳກໍຄືຊອກຫາການຮ່ວມມືໃນໄລຍະຈະມາເຖິງ. ໂອກາດຮ່ວມມືລະຫວ່າງ ຫວຽດນາມ ແລະ ບັນດາປະເທດແມ່ນມີຫຼາຍ, ແຕ່ເພື່ອຫັນໂອກາດນັ້ນໃຫ້ປະກົດຜົນເປັນຈິງ ຕ້ອງມີການເຂົ້າຮ່ວມຢ່າງຕັ້ງໜ້າຂອງບັນດາຄູ່ຮ່ວມມືສາກົນ.
ຂ່າວລະບຸວ່າ: ໃນກອງປະຊຸມ, ບັນດາຜູ້ແທນຖືວ່າ ຫວຽດນາມ ນອນໃນກຸ່ມ 15 ປະເທດທີ່ສົ່ງອອກຜະລິດຕະພັນກະເສດໃຫຍ່ທີ່ສຸດໃນໂລກ ແລະ ຢືນຢູ່ອັນດັບທີ 2 ໃນພາກພື້ນອາຊີຕາເວັນອອກສ່ຽງໃຕ້. ຫວຽດນາມ ມີບົດບາດສຳຄັນໃນລະບົບມູນຄ່າ ແລະ ແມ່ນປະເທດທີ່ຕັ້ງໜ້າເຂົ້າຮ່ວມໃນລະບົບທັນຍາຫານ, ສະບຽງອາຫານທົ່ວໂລກ. ປັດຈຸບັນ, ການເຕີບໂຕ GDP ໃນຂະແໜງກະສິກຳກວມເອົາ 12% ຂອງຍອດ GDP ຂອງພື້ນຖານເສດຖະກິດ, ດ້ວຍພົນລະເມືອງກວ່າ 60% ທີ່ດຳລົງຊີວິດຢູ່ເຂດຊົນນະບົດ. ທ່ານ ເລມິງຮວານ ລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ເນັ້ນໜັກວ່າ: ຫວຽດນາມ ປາຖະໜາຢາກຊຸກຍູ້ເສດຖະກິດ, ໃນນັ້ນມີເສດຖະກິດກະສິກຳ, ຊຸກຍູ້ການແລກປ່ຽນການຄ້າ, ການລົງທຶນໃນຂົງເຂດກະສິກຳກໍຄືຊອກຫາການຮ່ວມມືໃນໄລຍະຈະມາເຖິງ. ໂອກາດຮ່ວມມືລະຫວ່າງ ຫວຽດນາມ ແລະ ບັນດາປະເທດແມ່ນມີຫຼາຍ, ແຕ່ເພື່ອຫັນໂອກາດນັ້ນໃຫ້ປະກົດຜົນເປັນຈິງ ຕ້ອງມີການເຂົ້າຮ່ວມຢ່າງຕັ້ງໜ້າຂອງບັນດາຄູ່ຮ່ວມມືສາກົນ.
