ໃນວັນທີ 15 ພຶດສະພາ 2024 ທີ່ເຮືອນຮັບແຂກເລກ 1 ຂອງແຂວງຄໍາມ່ວນ ໄດ້ມີກອງປະຊຸມພົບປະລະຫວ່າງ ຄະນະຜູ້ແທນສະຫະພັນກຳມະບານແຂວງຄໍາມ່ວນ ສປປລາວ ແລະ ຄະນະຜູ້ແທນສະຫະພັນແຮງງານແຂວງກວາງບິ່ງ ສສຫວຽດນາມ ເພື່ອຕີລາຄາສະພາບການຮ່ວມມືໃນໄລຍະຜ່ານມາ.ແຂວງ ຄຳມ່ວນ ນຳໂດຍ ທ່ານ ໂຕເຊີນ ອຸດທັດສີ ປະທານຄະນະບໍລິຫານງານສະຫະພັນກໍາມະບານແຂວງ ຄໍາມ່ວນ ເປັນຫົວໜ້າຄະນະ. ແຂວງ ກວາງບິ່ງ ນຳໂດຍ ທ່ານຟາມ ຕຽນນາມ ກໍາມະການພັກແຂວງ, ປະທານສະຫະພັນແຮງງານແຂວງ ກວາງບິ່ງ ເປັນຫົວໜ້າຄະນະ, ມີບັນດາສະຫາຍຄະນະຜູ້ແທນ ສອງຝ່າຍເຂົ້າຮ່ວມ.
ໃນກອງປະຊຸມ ພົບປະຄັ້ງນີ້ ການນໍາອົງການຈັດຕັ້ງກຳມະບານສອງແຂວງ ກໍ່ໄດ້ຜັດປ່ຽນກັນລາຍງານ ກ່ຽວກັບ ສະພາບຈຸດພິເສດທີ່ຕັ້ງ ແລະ ການພັດທະນາເສດຖະກິດ-ສັງຄົມໃຫ້ກັນຊາບ, ລວມເຖິງການເຄື່ອນໄຫວວຽກງານກຳມະບານ ຂອງແຕ່ລະຝ່າຍ ໂດຍສະເພາະ ແມ່ນການຜັນຂະຫຍາຍ ແລະ ການຈັດຕັ້ງປະຕິບັດໜ້າທີ່ວຽກງານ ທີ່ຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ ເພື່ອປະກອບສ່ວນເຂົ້າໃນການສ້າງອົງການຈັດຕັ້ງກຳມະບານໃຫ້ມີຄວາມເຂັ້ມແຂງ ແລະ ປະຕິບັດເປົ້າໝາຍໃນການ ພັດທະນາເສດຖະກິດ-ສັງຄົມ ຂອງສອງແຂວງ. ຕະຫຼອດຮອດໝາກຜົນຂອງການພົວພັນຮ່ວມມື ລະຫວ່າງສອງຝ່າຍໃນຜ່ານມາ ໂດຍລວມແລ້ວຍັງຮັກສາໄດ້ ສາຍພົວພັນມິດຕະພາບ ແລະ ການພົວພັນຮ່ວມມືອັນດີງາມ ໃນການພົບປະແລກປ່ຽນບົດຮຽນ ຂອງອົງການຈັດຕັ້ງກຳມະບານ ລະຫວ່າງ ສອງແຂວງ ຕາມແນວທາງນະໂຍບາຍຂອງສອງພັກ-ສອງລັດ ກໍ່ຄືສອງແຂວງຄໍາມ່ວນ-ກວາງບິ່ງ,ຊຶ່ງນັບມື້ໄດ້ຮັບການເພີ່ມທະວີ ແລະ ເສີມຂະຫຍາຍດ້ວຍດີຕະຫຼອດມາ, ພ້ອມນີ້ ທັງສອງຝ່າຍຍັງເຫັນດີເປັນເອກະພາບກັນໃນການສືບຕໍ່ເສີມຂະຫຍາຍມູນເຊື້ອຄວາມສາມັກຄີ ແລະການພົວພັນຮ່ວມມື ແລກປ່ຽນບົດຮຽນເຊິ່ງກັນ ແລະ ກັນ ໃນຕໍ່ໜ້າເປັນຕົ້ນແມ່ນ: ສຸມໃສ່ໂຄສະນາສຶກສາອົບຮົມໃຫ້ແກ່ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານຂອງ ສອງແຂວງ, ໃຫ້ເຄົາລົບກົດໝາຍຂອງສອງປະເທດ ກ່ຽວກັບການຄຸ້ມຄອງແຮງງານ ແລະ ເສີມຂະຫຍາຍນໍ້າໃຈມິດຕະພາບ ລະຫວ່າງສອງຊາດລາວ - ຫວຽດນາມ ສະເພາະກໍ່ຄື ລະຫວ່າງ ສອງແຂວງຄຳມ່ວນ - ກວາງບິ່ງ, ສອງຝ່າຍເຫັນດີເປັນເອກະພາບເພີ່ມທະວີການຝຶກອົບຮົມ, ການແລກປ່ຽນບົດຮຽນ ແລະ ຊ່ວຍເຫຼືອເຊິ່ງກັນ ແລະ ກັນ ໃນການນໍາໃຊ້ເຕັກໂນໂລຊີຂໍ້ມູນຂ່າວສານເຂົ້າໃນການເຄື່ອນໄຫວຂອງວຽກງານກຳມະບານ ສອງແຂວງ ແລະ ຜັດປ່ຽນກັນຈັດຕັ້ງຄະນະເດີນທາງມາຢ້ຽມຢາມ ແລະ ແລກປ່ຽນ, ຖອດຖອນບົດຮຽນ ໃນການເຄື່ອນໄຫວ ວຽກງານກຳມະບານ (ສອງປີຕໍ່ໜຶ່ງຄັ້ງ). ໃຫ້ກຽດລົງນາມໃນບົດບັນທຶກຮ່ວມມືຄັ້ງນີ້ ຕາງໜ້າຄະນະຜູ້ແທນສະຫະພັນກໍາມະບານແຂວງຄໍາມ່ວນ ໂດຍ ທ່ານ ໂຕເຊີນ ອຸດທັດສີ ແລະ ຝ່າຍຄະນະຜູ້ແທນແຂວງກວາງບິ່ງ ໂດຍທ່ານ ຟາມ ຕຽນນາມ ໂດຍມີຄະນະຜູ້ແທນທັງສອງຝ່າຍເຂົ້າຮ່ວມເປັນສັກຂີພະຍານ. ໃນໂອກາດດຽວກັນນັ້ນ ສະຫະພັນແຮງງານແຂວງກວາງບິ່ງ ຍັງໄດ້ມອບຄອມພິວເຕີ ໃຫ້ສະຫະພັນກໍາມະບານແຂວງຄໍາມ່ວນອີກດ້ວຍ.(ຂ່າວ : ມະນີວັນ)
ໃນກອງປະຊຸມ ພົບປະຄັ້ງນີ້ ການນໍາອົງການຈັດຕັ້ງກຳມະບານສອງແຂວງ ກໍ່ໄດ້ຜັດປ່ຽນກັນລາຍງານ ກ່ຽວກັບ ສະພາບຈຸດພິເສດທີ່ຕັ້ງ ແລະ ການພັດທະນາເສດຖະກິດ-ສັງຄົມໃຫ້ກັນຊາບ, ລວມເຖິງການເຄື່ອນໄຫວວຽກງານກຳມະບານ ຂອງແຕ່ລະຝ່າຍ ໂດຍສະເພາະ ແມ່ນການຜັນຂະຫຍາຍ ແລະ ການຈັດຕັ້ງປະຕິບັດໜ້າທີ່ວຽກງານ ທີ່ຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ ເພື່ອປະກອບສ່ວນເຂົ້າໃນການສ້າງອົງການຈັດຕັ້ງກຳມະບານໃຫ້ມີຄວາມເຂັ້ມແຂງ ແລະ ປະຕິບັດເປົ້າໝາຍໃນການ ພັດທະນາເສດຖະກິດ-ສັງຄົມ ຂອງສອງແຂວງ. ຕະຫຼອດຮອດໝາກຜົນຂອງການພົວພັນຮ່ວມມື ລະຫວ່າງສອງຝ່າຍໃນຜ່ານມາ ໂດຍລວມແລ້ວຍັງຮັກສາໄດ້ ສາຍພົວພັນມິດຕະພາບ ແລະ ການພົວພັນຮ່ວມມືອັນດີງາມ ໃນການພົບປະແລກປ່ຽນບົດຮຽນ ຂອງອົງການຈັດຕັ້ງກຳມະບານ ລະຫວ່າງ ສອງແຂວງ ຕາມແນວທາງນະໂຍບາຍຂອງສອງພັກ-ສອງລັດ ກໍ່ຄືສອງແຂວງຄໍາມ່ວນ-ກວາງບິ່ງ,ຊຶ່ງນັບມື້ໄດ້ຮັບການເພີ່ມທະວີ ແລະ ເສີມຂະຫຍາຍດ້ວຍດີຕະຫຼອດມາ, ພ້ອມນີ້ ທັງສອງຝ່າຍຍັງເຫັນດີເປັນເອກະພາບກັນໃນການສືບຕໍ່ເສີມຂະຫຍາຍມູນເຊື້ອຄວາມສາມັກຄີ ແລະການພົວພັນຮ່ວມມື ແລກປ່ຽນບົດຮຽນເຊິ່ງກັນ ແລະ ກັນ ໃນຕໍ່ໜ້າເປັນຕົ້ນແມ່ນ: ສຸມໃສ່ໂຄສະນາສຶກສາອົບຮົມໃຫ້ແກ່ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານຂອງ ສອງແຂວງ, ໃຫ້ເຄົາລົບກົດໝາຍຂອງສອງປະເທດ ກ່ຽວກັບການຄຸ້ມຄອງແຮງງານ ແລະ ເສີມຂະຫຍາຍນໍ້າໃຈມິດຕະພາບ ລະຫວ່າງສອງຊາດລາວ - ຫວຽດນາມ ສະເພາະກໍ່ຄື ລະຫວ່າງ ສອງແຂວງຄຳມ່ວນ - ກວາງບິ່ງ, ສອງຝ່າຍເຫັນດີເປັນເອກະພາບເພີ່ມທະວີການຝຶກອົບຮົມ, ການແລກປ່ຽນບົດຮຽນ ແລະ ຊ່ວຍເຫຼືອເຊິ່ງກັນ ແລະ ກັນ ໃນການນໍາໃຊ້ເຕັກໂນໂລຊີຂໍ້ມູນຂ່າວສານເຂົ້າໃນການເຄື່ອນໄຫວຂອງວຽກງານກຳມະບານ ສອງແຂວງ ແລະ ຜັດປ່ຽນກັນຈັດຕັ້ງຄະນະເດີນທາງມາຢ້ຽມຢາມ ແລະ ແລກປ່ຽນ, ຖອດຖອນບົດຮຽນ ໃນການເຄື່ອນໄຫວ ວຽກງານກຳມະບານ (ສອງປີຕໍ່ໜຶ່ງຄັ້ງ). ໃຫ້ກຽດລົງນາມໃນບົດບັນທຶກຮ່ວມມືຄັ້ງນີ້ ຕາງໜ້າຄະນະຜູ້ແທນສະຫະພັນກໍາມະບານແຂວງຄໍາມ່ວນ ໂດຍ ທ່ານ ໂຕເຊີນ ອຸດທັດສີ ແລະ ຝ່າຍຄະນະຜູ້ແທນແຂວງກວາງບິ່ງ ໂດຍທ່ານ ຟາມ ຕຽນນາມ ໂດຍມີຄະນະຜູ້ແທນທັງສອງຝ່າຍເຂົ້າຮ່ວມເປັນສັກຂີພະຍານ. ໃນໂອກາດດຽວກັນນັ້ນ ສະຫະພັນແຮງງານແຂວງກວາງບິ່ງ ຍັງໄດ້ມອບຄອມພິວເຕີ ໃຫ້ສະຫະພັນກໍາມະບານແຂວງຄໍາມ່ວນອີກດ້ວຍ.(ຂ່າວ : ມະນີວັນ)
