ຂ່າວຕ່າງປະເທດລາຍງານ ໃນວັນທີ 19 ພຶດສະພາ ຜ່ານມາ, ກະຊວງການຄ້າກຳປູເຈຍເປີດເຜີຍວ່າ: ການຄ້າກັບປະເທດສະມາຊິກສັນຍາການພົວພັນຄູ່ຮ່ວມເສດຖະກິດຮອບດ້ານໃນພາກພື້ນ (RECP) ຂອງກຳປູເຈຍ ມີມູນຄ່າ 11,19 ຕື້ໂດລາ ໃນໄລຍະ 4 ເດືອນທຳອິດຂອງປີ 2024 ເພີ່ມຂຶ້ນ 13,9% ຈາກໄລຍະດຽວກັນຂອງປີຜ່ານມາ ຊຶ່ງມີ 9,82 ຕື້ໂດລາ.
ລາຍງານລະບຸວ່າ: ປະລິມານການຄ້າຂອງກຳປູເຈຍກັບປະເທດສະມາຊິກ RECP ມີ 66,2% ຂອງປະລິມານການຄ້າລວມຂອງປະເທດ ລະຫວ່າງເດືອນມັງກອນ - ເມສາ ປີ 2024 ຊຶ່ງມີມູນຄ່າ 16,9 ຕື້ໂດລາ.
ກຳປູເຈຍ ສົ່ງອອກຜະລິດຕະພັນໄປຍັງປະເທດສະມາຊິກ RECPມູນຄ່າ 3,36 ຕື້ໂດລາ ໃນໄລຍະ 4 ເດືອນທຳອິດ ເພີ່ມຂຶ້ນ 16,2% ຈາກປີກ່ອນໜ້າ. ຂະນະດຽວກັນ, ກຳປູເຈຍນຳເຂົ້າສິນຄ້າຈາກປະເທດສະມາຊິກ RECP ມູນຄ່າ 7,83 ຕື້ໂດລາ ເພີ່ມຂຶ້ນ 13% ເມື່ອທຽບເປັນປີຕໍ່ປີ. ປະເທດສະມາຊິກRECPທີ່ເປັນຄູ່ຄ້າລາຍໃຫຍ່ 5 ອັນດັບທຳອິດຂອງກຳປູເຈຍໄດ້ແກ່ ຈີນ, ຫວຽດນາມ, ໄທ, ຍີ່ປຸ່ນ ແລະ ສິງກະໂປ.
ທ່ານ ເພັນ ໂສວິຈິດ ເລຂາທິການ ແລະ ໂຄສົກກະຊວງການຄ້າ ກຳປູເຈຍ ກ່າວວ່າ: RECPເປັນຕົວເລັ່ງການເຕີບໂຕທາງການຄ້າຂອງກຳປູເຈຍ ແລະ ເປັນແມ່ເຫຼັກດຶງດູດການລົງທຶນໂດຍກົງຈາກຕ່າງປະເທດໃຫ້ເພີ່ມຫຼາຍຂຶ້ນ, ພ້ອມກ່າວຕື່ມວ່າ: ເຖິງແມ່ນວ່າການກີດກັ້ນທາງການຄ້າຈະເພີ່ມຂຶ້ນ ແລະ ການສະໜອງທົ່ວໂລກຈະຫຼຸດລົງ ແຕ່RECPໄດ້ເສີມສ້າງຄວາມຮ່ວມມືທາງການຄ້າລະດັບພາກພື້ນ ແລະ ນຳເອົາຜົນປະໂຫຍດມະຫາສານມາສູ່ປະເທດສະມາຊິກຕະຫຼອດຈົນສົ່ງເສີມໃຫ້ການຄ້າຂອງພາກພື້ນເຕີບໃຫຍ່ຢ່າງຍືນຍົງໃນໄລຍະຍາວ ແລະ ມີສ່ວນເສີມສ້າງສັນຕິພາບ, ສະຖຽນລະພາບ, ຄວາມກົມກຽວ, ການພັດທະນາ ແລະ ຄວາມຈະເລີນຮຸ່ງເຮືອງຂອງພາກພື້ນ.
RECPມີຜົນບັງຄັບໃຊ້ໃນປີ 2022 ມີສະມາຊິກ 15 ປະເທດໃນພາກພື້ນອາຊີ - ປາຊີຟິກ ປະກອບດ້ວຍ 10 ປະເທດສະມາຊິກຂອງອາຊຽນໄດ້ແກ່ ບຣູໄນ, ກຳປູເຈຍ, ອິນໂດເນເຊຍ, ລາວ, ມາເລເຊຍ, ມຽນມາ, ຟີລິບປິນ, ສິງກະໂປ, ໄທ ແລະ ຫວຽດນາມ ກັບປະເທດຄູ່ພາຄີອີກ 5 ປະເທດໄດ້ແກ່ ຈີນ, ຍີ່ປຸ່ນ, ສ ເກົາຫຼີ, ອົສຕຣາລີ ແລະ ນູແວນເຊລັງ.
ລາຍງານລະບຸວ່າ: ປະລິມານການຄ້າຂອງກຳປູເຈຍກັບປະເທດສະມາຊິກ RECP ມີ 66,2% ຂອງປະລິມານການຄ້າລວມຂອງປະເທດ ລະຫວ່າງເດືອນມັງກອນ - ເມສາ ປີ 2024 ຊຶ່ງມີມູນຄ່າ 16,9 ຕື້ໂດລາ.
ກຳປູເຈຍ ສົ່ງອອກຜະລິດຕະພັນໄປຍັງປະເທດສະມາຊິກ RECPມູນຄ່າ 3,36 ຕື້ໂດລາ ໃນໄລຍະ 4 ເດືອນທຳອິດ ເພີ່ມຂຶ້ນ 16,2% ຈາກປີກ່ອນໜ້າ. ຂະນະດຽວກັນ, ກຳປູເຈຍນຳເຂົ້າສິນຄ້າຈາກປະເທດສະມາຊິກ RECP ມູນຄ່າ 7,83 ຕື້ໂດລາ ເພີ່ມຂຶ້ນ 13% ເມື່ອທຽບເປັນປີຕໍ່ປີ. ປະເທດສະມາຊິກRECPທີ່ເປັນຄູ່ຄ້າລາຍໃຫຍ່ 5 ອັນດັບທຳອິດຂອງກຳປູເຈຍໄດ້ແກ່ ຈີນ, ຫວຽດນາມ, ໄທ, ຍີ່ປຸ່ນ ແລະ ສິງກະໂປ.
ທ່ານ ເພັນ ໂສວິຈິດ ເລຂາທິການ ແລະ ໂຄສົກກະຊວງການຄ້າ ກຳປູເຈຍ ກ່າວວ່າ: RECPເປັນຕົວເລັ່ງການເຕີບໂຕທາງການຄ້າຂອງກຳປູເຈຍ ແລະ ເປັນແມ່ເຫຼັກດຶງດູດການລົງທຶນໂດຍກົງຈາກຕ່າງປະເທດໃຫ້ເພີ່ມຫຼາຍຂຶ້ນ, ພ້ອມກ່າວຕື່ມວ່າ: ເຖິງແມ່ນວ່າການກີດກັ້ນທາງການຄ້າຈະເພີ່ມຂຶ້ນ ແລະ ການສະໜອງທົ່ວໂລກຈະຫຼຸດລົງ ແຕ່RECPໄດ້ເສີມສ້າງຄວາມຮ່ວມມືທາງການຄ້າລະດັບພາກພື້ນ ແລະ ນຳເອົາຜົນປະໂຫຍດມະຫາສານມາສູ່ປະເທດສະມາຊິກຕະຫຼອດຈົນສົ່ງເສີມໃຫ້ການຄ້າຂອງພາກພື້ນເຕີບໃຫຍ່ຢ່າງຍືນຍົງໃນໄລຍະຍາວ ແລະ ມີສ່ວນເສີມສ້າງສັນຕິພາບ, ສະຖຽນລະພາບ, ຄວາມກົມກຽວ, ການພັດທະນາ ແລະ ຄວາມຈະເລີນຮຸ່ງເຮືອງຂອງພາກພື້ນ.
RECPມີຜົນບັງຄັບໃຊ້ໃນປີ 2022 ມີສະມາຊິກ 15 ປະເທດໃນພາກພື້ນອາຊີ - ປາຊີຟິກ ປະກອບດ້ວຍ 10 ປະເທດສະມາຊິກຂອງອາຊຽນໄດ້ແກ່ ບຣູໄນ, ກຳປູເຈຍ, ອິນໂດເນເຊຍ, ລາວ, ມາເລເຊຍ, ມຽນມາ, ຟີລິບປິນ, ສິງກະໂປ, ໄທ ແລະ ຫວຽດນາມ ກັບປະເທດຄູ່ພາຄີອີກ 5 ປະເທດໄດ້ແກ່ ຈີນ, ຍີ່ປຸ່ນ, ສ ເກົາຫຼີ, ອົສຕຣາລີ ແລະ ນູແວນເຊລັງ.
