ຂ່າວຕ່າງປະເທດລາຍງານ ໃນວັນທີ 19 ພຶດສະພາ ຜ່ານມາ, ກະຊວງສາທາລະນະສຸກຂອງສິງກະໂປ ກຳນົດໃຫ້ໂຮງໝໍລັດເຄື່ອນຍ້າຍຄົນເຈັບທີ່ເຫັນວ່າເໝາະສົມໄປຍັງສະຖານທີ່ເບິ່ງແຍງຊົ່ວຄາວ ຫຼື ໃຫ້ກັບໄປເບິ່ງແຍງຢູ່ເຮືອນ ເພື່ອຮັບຮອງວ່າຈະມີຕຽງນອນພຽງພໍສຳລັບຄົນເຈັບຈາກການກັບມາແຜ່ເຊື້ອອີກຄັ້ງຂອງພະຍາດໂຄວິດ-19, ພ້ອມທັງຂໍໃຫ້ໂຮງໝໍຫຼຸດປະລິມານການຜ່າຕັດທີ່ເລັ່ງດ່ວນລົງ ຊຶ່ງເປັນສ່ວນໜຶ່ງຂອງມາດຕະການປ້ອງກັນການແຜ່ລະບາດຂອງເຊື້ອ.
ກະຊວງດັ່ງກ່າວລະບຸວ່າ: ຈຳນວນຄົນເຈັບພະຍາດໂຄວິດ-19 ໃນລະຫວ່າງວັນທີ 5-11 ພຶດສະພາ ຜ່ານມາ ເພີ່ມຂຶ້ນເປັນ 25.900 ຄົນ ຈາກ 13.700 ຄົນ, ຂະນະທີ່ຈຳນວນຜູ້ເຂົ້າຮັບການຮັກສາໃນໂຮງໝໍສະເລ່ຍຕໍ່ວັນເພີ່ມຂຶ້ນຈາກ 181 ຄົນ ມາເປັນ 250 ຄົນ.
ທັງນີ້, ຄົນເຈັບຫຼາຍກວ່າ 2 ໃນ 3 ຂອງຄົນເຈັບໂຄວິດ-19 ທັງໝົດໃນສິງກະໂປ ຕິດເຊື້ອສາຍພັນເຄທີ.1 (KP.1) ແລະ ເຄພີ.2 (KP.2) ຊຶ່ງເປັນສາຍພັນຍ່ອຍຂອງສາຍພັນໂອໄມຄຣອນ, ໂດຍກະຊວງສາທາລະນະສຸກສິງກະໂປຮຽກຮ້ອງໃຫ້ປະຊາຊົນເພີ່ມການສັກວັກຊິນເພື່ອປ້ອງກັນບໍ່ໃຫ້ມີອາການເຈັບເປັນຮຸ່ນແຮງ.