ຂ່າວຕ່າງປະເທດລາຍງານ ໃນວັນທີ 21 ພຶດສະພາ ຜ່ານມາ, ອົງການທ່ອງທ່ຽວໂລກ ແຫ່ງສະຫະປະຊາຊາດ (UNWTO) ລາຍງານວ່າ: ການເດີນທາງຂອງນັກທ່ອງທ່ຽວນາໆຊາດໃນໄຕມາດທຳອິດ (ມັງກອນ - ມີນາ) ຂອງປີ 2024 ເພີ່ມຂຶ້ນ 97% ຂອງໄລຍະກ່ອນເກີດໂຣກລະບາດໃຫຍ່ ໂດຍໂຕເລກຂອງໝົດປີນີ້ມີທ່າອ່ຽງສູງກວ່າໂຕເລກຂອງປີ 2019.
ລາຍງານລະບຸວ່າ: ຈຳນວນນັກທ່ອງທ່ຽວທີ່ເດີນທາງລະຫວ່າງປະເທດໃນໄຕມາດທຳອິດຂອງປີນີ້ ລວມມີ 285 ລ້ານຄົນ ຊຶ່ງເພີ່ມຂຶ້ນປະມານ 20% ເມື່ອທຽບກັບໄລຍະດຽວກັນຂອງປີ 2023 ໂດຍອົງການດັ່ງກ່າວຄາດວ່າການທ່ອງທ່ຽວລະຫວ່າງປະເທດຈະຟື້ນຕົວຢ່າງເຕັມຮູບແບບໃນໄລຍະເວລາທີ່ເຫຼືອຂອງປີນີ້ ແລະ ຈຳນວນການເດີນທາງຈະສູງກວ່າປີ 2019 ປະມານ 2%.
ການເດີນທາງລະຫວ່າງປະເທດໃນພາກພື້ນອາຊີປາຊີຟິກເພີ່ມຂຶ້ນ ໂດຍການເດີນທາງດັ່ງກ່າວໃນໄຕມາດທຳອິດຂອງປີ 2023 ຄິດໄລ່ເປັນ 65% ຂອງປີ 2019 ແລະ ເພີ່ມຂຶ້ນເປັນ 82% ໃນໄຕມາດທຳອິດຂອງປີນີ້. ຂະນະດຽວກັນ,ການເດີນທາງລະຫວ່າງປະເທດໃນພາກຕາເວັນອອກກາງເຕີບໂຕເພີ່ມຂຶ້ນ 36% ຈາກໄລຍະກ່ອນເກີດໂຣກລະບາດໃຫຍ່.
ສ່ວນທະວີບເອີຣົບ ຕ້ອນຮັບນັກທ່ອງທ່ຽວນາໆຊາດໃນໄຕມາດທຳອິດຂອງປີນີ້ ລວມທັງໝົດ 120 ລ້ານຄົນ ເພີ່ມຂຶ້ນ 1% ຈາກປີ 2019, ຂະນະທີ່ທະວີບອາຟຣິກາຕ້ອນຮັບນັກທ່ອງທ່ຽວນາໆຊາດເພີ່ມຂຶ້ນ 5% ເມື່ອທຽບກັບໄລຍະດຽວກັນຂອງປີ 2023 ແລະ ທະວີບອາເມຣິກາຕ້ອນຮັບນັກທ່ອງທ່ຽວນາໆຊາດສູງເຖິງ 99% ຂອງປີ 2019.
ທ່ານ ຊູຣັບ ໂປໂລລິຄາຊວິລີ ເລຂາທິການອົງການທ່ອງທ່ຽວໂລກ ກ່າວເຖິງຜົນກະທົບໃນທາງບວກຂອງການເດີນທາງທ່ອງທ່ຽວລະຫວ່າງປະເທດຕໍ່ເສດຖະກິດທ້ອງຖິ່ນ ວ່າ: ການຟື້ນຕົວຂອງການທ່ອງທ່ຽວລະຫວ່າງປະເທດເປັນຂ່າວດີຫຼາຍສຳລັບເສດຖະກິດ ແລະ ປະຊາຊົນຫຼາຍລ້ານຄົນ ພ້ອມທັງຢໍ້າເຖິງການຍົກລະດັບຄວາມຍືນຍົງ ແລະ ຄວາມຄອບຄຸມການແກ້ໄຂຜົນກະທົບຕໍ່ຊັບພະຍາກອນ ແລະ ຊຸມຊົນທ້ອງຖິ່ນ.
ລາຍໄດ້ຂອງການສົ່ງອອກຈາກການທ່ອງທ່ຽວລະຫວ່າງປະເທດ ຊຶ່ງລວມລາຍຮັບ ແລະ ການຂົນສົ່ງຜູ້ໂດຍສານ ໃນປີ 2023 ມີ 1.7 ພັນຕື້ໂດລາ ຄິດເປັນປະມານ 96% ຂອງໄລຍະກ່ອນເກີດໂຣກລະບາດໃຫຍ່ໃນແງ່ມູນຄ່າທີ່ແທ້ຈິງ ໂດຍລວມຍອດຜະລິດຕະພັນທາງກົງດ້ານການທ່ອງທ່ຽວ (TDGDP) ຟື້ນຕົວສູ່ລະດັບກ່ອນເກີດໂຣກລະບາດໃຫຍ່ ຢູ່ທີ່ 3.3 ພັນຕື້ໂດລາ ໃນປີ 2023 ຫຼື ທຽບເທົ່າ 3% ຂອງລວມຍອດຜະລິດຕະພັນທົ່ວໂລກ.
ລາຍງານລະບຸວ່າ: ຈຳນວນນັກທ່ອງທ່ຽວທີ່ເດີນທາງລະຫວ່າງປະເທດໃນໄຕມາດທຳອິດຂອງປີນີ້ ລວມມີ 285 ລ້ານຄົນ ຊຶ່ງເພີ່ມຂຶ້ນປະມານ 20% ເມື່ອທຽບກັບໄລຍະດຽວກັນຂອງປີ 2023 ໂດຍອົງການດັ່ງກ່າວຄາດວ່າການທ່ອງທ່ຽວລະຫວ່າງປະເທດຈະຟື້ນຕົວຢ່າງເຕັມຮູບແບບໃນໄລຍະເວລາທີ່ເຫຼືອຂອງປີນີ້ ແລະ ຈຳນວນການເດີນທາງຈະສູງກວ່າປີ 2019 ປະມານ 2%.
ການເດີນທາງລະຫວ່າງປະເທດໃນພາກພື້ນອາຊີປາຊີຟິກເພີ່ມຂຶ້ນ ໂດຍການເດີນທາງດັ່ງກ່າວໃນໄຕມາດທຳອິດຂອງປີ 2023 ຄິດໄລ່ເປັນ 65% ຂອງປີ 2019 ແລະ ເພີ່ມຂຶ້ນເປັນ 82% ໃນໄຕມາດທຳອິດຂອງປີນີ້. ຂະນະດຽວກັນ,ການເດີນທາງລະຫວ່າງປະເທດໃນພາກຕາເວັນອອກກາງເຕີບໂຕເພີ່ມຂຶ້ນ 36% ຈາກໄລຍະກ່ອນເກີດໂຣກລະບາດໃຫຍ່.
ສ່ວນທະວີບເອີຣົບ ຕ້ອນຮັບນັກທ່ອງທ່ຽວນາໆຊາດໃນໄຕມາດທຳອິດຂອງປີນີ້ ລວມທັງໝົດ 120 ລ້ານຄົນ ເພີ່ມຂຶ້ນ 1% ຈາກປີ 2019, ຂະນະທີ່ທະວີບອາຟຣິກາຕ້ອນຮັບນັກທ່ອງທ່ຽວນາໆຊາດເພີ່ມຂຶ້ນ 5% ເມື່ອທຽບກັບໄລຍະດຽວກັນຂອງປີ 2023 ແລະ ທະວີບອາເມຣິກາຕ້ອນຮັບນັກທ່ອງທ່ຽວນາໆຊາດສູງເຖິງ 99% ຂອງປີ 2019.
ທ່ານ ຊູຣັບ ໂປໂລລິຄາຊວິລີ ເລຂາທິການອົງການທ່ອງທ່ຽວໂລກ ກ່າວເຖິງຜົນກະທົບໃນທາງບວກຂອງການເດີນທາງທ່ອງທ່ຽວລະຫວ່າງປະເທດຕໍ່ເສດຖະກິດທ້ອງຖິ່ນ ວ່າ: ການຟື້ນຕົວຂອງການທ່ອງທ່ຽວລະຫວ່າງປະເທດເປັນຂ່າວດີຫຼາຍສຳລັບເສດຖະກິດ ແລະ ປະຊາຊົນຫຼາຍລ້ານຄົນ ພ້ອມທັງຢໍ້າເຖິງການຍົກລະດັບຄວາມຍືນຍົງ ແລະ ຄວາມຄອບຄຸມການແກ້ໄຂຜົນກະທົບຕໍ່ຊັບພະຍາກອນ ແລະ ຊຸມຊົນທ້ອງຖິ່ນ.
ລາຍໄດ້ຂອງການສົ່ງອອກຈາກການທ່ອງທ່ຽວລະຫວ່າງປະເທດ ຊຶ່ງລວມລາຍຮັບ ແລະ ການຂົນສົ່ງຜູ້ໂດຍສານ ໃນປີ 2023 ມີ 1.7 ພັນຕື້ໂດລາ ຄິດເປັນປະມານ 96% ຂອງໄລຍະກ່ອນເກີດໂຣກລະບາດໃຫຍ່ໃນແງ່ມູນຄ່າທີ່ແທ້ຈິງ ໂດຍລວມຍອດຜະລິດຕະພັນທາງກົງດ້ານການທ່ອງທ່ຽວ (TDGDP) ຟື້ນຕົວສູ່ລະດັບກ່ອນເກີດໂຣກລະບາດໃຫຍ່ ຢູ່ທີ່ 3.3 ພັນຕື້ໂດລາ ໃນປີ 2023 ຫຼື ທຽບເທົ່າ 3% ຂອງລວມຍອດຜະລິດຕະພັນທົ່ວໂລກ.
