ຜົນໄດ້ຮັບຂອງການຈັດຕັ້ງປະຕິບັດວຽກງານຂອງອົງການອາຫານໂລກ (WFP) ປະຈໍາລາວ ຮ່ວມກັບ ລັດຖະບານລາວ ໃນປີ 2023 ຜ່ານມາ ໄດ້ສ້າງຜົນປະໂຫຍດໃຫ້ແກ່ສັງຄົມລາວ ຜ່ານວຽກງານທີ່ສຸມໃສ່ 4 ເປົ້າໝາຍ ຊຶ່ງໄດ້ລົງທຶນໄປທັງໝົດ 13,7 ລ້ານໂດລາ ໃນການສະໜັບສະໜູນອາຫານທ່ຽງໃນໂຮງຮຽນ, ສົ່ງເສີມດ້ານໂພຊະນາການ, ການປັບຕົວກັບສະພາບອາກາດ ແລະ ການຄຸ້ມຄອງຄວາມສ່ຽງໄພພິບັດ ລວມເຖິງການຕອບໂຕ້ໄພພິບັດສຸກເສີນ.
ໃນວັນທີ 24 ພຶດສະພາ ຜ່ານມາທີ່ນະຄອນຫຼວງວຽງຈັນ, ອົງການອາຫານໂລກ ແຫ່ງສະຫະປະຊາຊາດ (UNWFP) ໄດ້ນໍາສະເໜີກ່ຽວກັບບົດລາຍງານການຈັດຕັ້ງປະຕິບັດວຽກງານ ປະຈໍາປີ 2023; ໂດຍມີ ທ່ານ ບາຄໍເດຍ ເບີຄານອບ ຜູ້ປະສານງານອົງການສະປະຊາຊາດ ປະຈໍາ ສປປ ລາວ ແລະ ທ່ານ ມາກ-ອານເດຣ ໂປຣສ ຜູ້ຕາງໜ້າWFPປະຈໍາລາວ ພ້ອມດ້ວຍບັນດາພະນັກງານຂອງ WFP, ພາກສ່ວນກ່ຽວຂ້ອງ ແລະ ສື່ມວນຊົນລາວ ເຂົ້າຮ່ວມ.
ທ່ານ ບາຄໍເດຍ ເບີຄານອບ ໄດ້ກ່າວໃຫ້ຮູ້ວ່າ: ການເຮັດວຽກຂອງອົງການສະຫະປະຊາຊາດ ຢູ່ ສປປ ລາວ ແມ່ນການສະໜັບສະໜູນວຽກງານຕ່າງໆຂອງລັດຖະບານລາວ ທັງການຊ່ວຍໃຫ້ນໍາໃຊ້ນະວັດຕະກຳ-ເຕັກນິກ ເພື່ອການພັດທະນາ, ສິດທິມະນຸດ, ບົດບາດຍິງ-ຊາຍ, ສິ່ງແວດລ້ອມ, ການປ່ຽນແປງດິນຟ້າອາກາດ ແລະ ການປັບຕົວ ທັງນີ້ກໍເພື່ອຮັບປະກັນວ່າ ສປປ ລາວ ຈະສາມາດບັນລຸເປົ້າໝາຍການພັດທະນາແບບຍືນຍົງ ໃນປີ 2030 ລວມໄປເຖິງການພັດທະນາເສດຖະກິດແບບຍືນຍົງ ແລະ ຈະບໍ່ປ່ອຍໃຜໄວ້ທາງຫຼັງ ຊຶ່ງແມ່ນແນວຄວາມຄິດຫຼັກຂອງອົງການ ໂດຍໃນນີ້ກໍມີການຊ່ວຍເຫຼືອ, ສະໜັບສະໜູນດ້ານຄວາມໝັ້ນຄົງຂອງສະບຽງອາຫານ ແລະ ດ້ານໂພຊະນາການ.
ທ່ານ ມາກ-ອານເດຣ ໂປຣສ ກ່າວວ່າ: ປີ 2023, ໃນກຸ່ມເດັກນ້ອຍອາຍຸຕໍ່າກວ່າ 5 ປີ ມີ 33% ທີ່ເຕ້ຍກວ່າມາດຕະຖານ, 11% ທີ່ຈ່ອຍຜອມ, 21% ທີ່ນໍ້າໜັກຫຼຸດມາດຕະຖານ, 44% ເປັນໂລກເລືອດຈາງ ແລະ ຍັງມີ 40% ຂອງຜູ້ຍິງໄວຈະເລີນພັນ ຍັງທີ່ເປັນໂລກເລືອດຈາງ; ພ້ອມດຽວກັນ, ກໍມີພຽງແຕ່ 1 ໃນ 4 ຂອງເດັກນ້ອຍ ທີ່ໄດ້ກິນອາຫານທີ່ຖືກຫຼັກ ແລະ 1 ໃນ 10 ຂອງຄອບຄົວ ແມ່ນມີຄວາມບໍ່ໝັ້ນຄົງທາງດ້ານສະບຽງອາຫານ ຊຶ່ງຄວາມສ່ຽງນີ້ສູງສຸດແມ່ນຢູ່ໃນແຂວງເຊກອງ ມີເຖິງ 27%. ຂະນະທີ່, ການປ່ຽນແປງຂອງດິນຟ້າອາກດາດ ກໍຍັງເປັນໄພຂົ່ມຂູ່ຕໍ່ຄວາມໝັ້ນຄົງດ້ານສະບຽງອາຫານ ລວມເຖິງບັນຫາເສດຖະກິດ ທີ່ເປັນຜົນເຮັດໃຫ້ອັດຕາເງິນເຟີ້ຂອງລາຄາອາຫານເພີ່ມຂຶ້ນ.
ປີຜ່ານມາ,WFP ຊ່ວຍລັດຖະບານ ສປປ ລາວ ໃນການສ້າງນະໂຍບາຍ, ລະບົບ ແລະ ເຄື່ອງມື ເພື່ອຮ່ວມກັນຈັດຕັ້ງປະຕິບັດວຽກງານໃນ 4 ເປົ້າໝາຍຂອງອົງການອາຫານໂລກ; ໄດ້ເຮັດວຽກໃນ 15 ແຂວງ ຕາມການຮ່ວມມືກັບລັດຖະບານ ໃນນີ້ມີ 1.051 ບ້ານ ຊຶ່ງກວມເອົາ 12% ຂອງຈໍານວນບ້ານທັງໝົດ ແລະ ໄດ້ມີພະນັກງານທັງໝົດ 160 ຄົນ (ໃນນີ້ 90 ຄົນ ປະຈໍາຢູ່ພາກສະໜາມ) ຊຶ່ງໄດ້ຮັບໃຊ້ປະຊາຊົນລາວ 400.000 ກວ່າຄົນ (ໃນນີ້ 33.000 ຄົນ ແມ່ນເປັນຄົນພິການ); ພ້ອມນີ້, ກໍໄດ້ຈັດຝຶກອົບຮົມຕ່າງໆ ຈໍານວນ 35.000 ຄົນ ແລະ ເພີ່ມການຈັດຊື້ອາຫານທີ່ມາຈາກທ້ອງຖິ່ນ 100%.
ວຽກງານອາຫານທ່ຽງໃນໂຮງຮຽນໃນປີຜ່ານມາ, ໄດ້ມີໂຄງການອາຫານທ່ຽງໃນໂຮງຮຽນຂອງລັດ ກວມເອົາ 25% ຂອງໂຮງຮຽນທັງໝົດ, ອາຫານທ່ຽງໄດ້ໄປເຖິງເດັກນ້ອຍຫຼາຍກວ່າ 198.000 ຄົນ ຮ່ວມກັບງົບປະມານແຫ່ງລັດ ແລະ ມີເດັກນ້ອຍຫຼາຍກວ່າ 69.000 ຄົນ ທີ່ໄດ້ຮັບອາຫາທ່ຽງປະຈໍາວັນ ຜ່ານWFP, ມີ 72 ໂຮງຮຽນໄດ້ຮັບການສ້າງ/ປັບປຸງລະບົບນໍ້າ, 35 ໂຮງຮຽນ ໄດ້ຮັບການຕິດຕັ້ງສວນຄົວເຮືອນຮົ່ມ, ຄະນະພັດທະນາການສຶກສາຂັ້ນບ້ານ ໄດ້ຮັບການຝຶກອົບຮົມໃນ 705 ບ້ານ (2.115 ຄົນ), ນັກຮຽນ 8.5000 ຄົນ,ໃນ 28 ໂຮງຮຽນກິນນອນຊົນເຜົ່າ ແລະ ໂຮງຮຽນໂສຕະສຶກສາ ໄດ້ຮັບເຂົ້າຊ່ວຍເຫຼືອ 255 ໂຕນ.
ວຽກງານໂພຊະນາການ, ມີ 29.000 ຄົນທີ່ໄດ້ຮັບການຝຶກອົບຮົມດ້ານໂພຊະນາການ ແລະ ທັກສະໃນການເຮັດສວນ, 2.600 ຄອບຄົວ ໄດ້ຮັບທຶນເພື່ອຊື້/ປູກ ເພື່ອຜະລິດອາຫານ, ເດັກນ້ອຍອາຍຸຕໍ່າກວ່າ 5 ປີ ຈໍານວນ 9.000 ຄົນ ໄດ້ຮັບການກວດເພື່ອເບິ່ງການຂາດສານອາຫານ ແລະ ຫຼາຍກວ່າ 800 ຄົນໄດ້ຮັບການປິ່ນປົວ; ພ້ອມນີ້, ກໍຍັງໄດ້ປະສົມຈຸນລະສານອາຫານໃນທ້ອງຖິ່ນ ເຂົ້າໃນເຂົ້າສານ ຈໍານວນ 150 ໂຕນ.
ວຽກງານດ້ານສະພາບອາກາດ ແລະ ການຄຸ້ມຄອງຄວາມສ່ຽງໄພພິບັດ ກໍໄດ້ສ້າງຄວາມອາດສາມາດໃຫ້ແກ່ຊຸມຊົນ ໃນການປັບຕົວ, ສ້າງຄວາມເຂັ້ມແຂງໃຫ້ແກ່ລະບົບໃນພາກລັດ ຊຶ່ງໃນນີ້ມີ 19.000 ຄົນໄດ້ຮັບຄ່າຈ້າງເປັນອາຫານ ຜ່ານຮູບແບບອາຫານເພື່ອງານຂອງໂຄງການກໍ່ສ້າງຊັບສິນຊຸມຊົນ, ມີ 98 ໂຄງການພັດທະນາຂອງຊຸມຊົນ ທີ່ໄດ້ຮັບຜົນສຳເລັດ ໃນການສ້າງລະບົບນໍ້າ, ທະນາຄານເຂົ້າຊຸມຊົນ, ຖະໜົນ, ການປູກຕົ້ນໄມ້; ມີ 7.000 ຊຸມຊົນ/ທ້ອງຖິ່ນ ແລະ 230 ພະນັກງານລັດ ທີ່ໄດ້ຮັບການຝຶກອົບຮົມກ່ຽວກັບການປັບຕົວ ແລະ ການຄຸ້ມຄອງຄວາມສ່ຽງຈາກໄພພິບັດ.
ການຕອບໂຕ້ໄພພິບັດສຸກເສີນ ໃນປີຜ່ານມາ, ການໄດ້ມີການຕິດຕາມຄວາມໝັ້ນຄົງຂອງອາຫານ, ກະກຽມຄວາມພ້ອມ ແລະ ການປະສານງານສຸກເສີນ, ແຈກຢາຍອາຫານສຸກເສີນ, ບໍລິການດ້ານພະລາທິການແກ່ພາກລັດ ກໍຄືການຈັດເກັບ ແລະ ລໍາລຽງເຄື່ອງຊ່ວຍເຫຼືອປະເພດອາຫານສຸກເສີນ. ພ້ອມນີ້, ກໍໄດ້ຊ່ວຍປະຊາຊົນ 110.000 ຄົນ ທີ່ມີຄວາມສ່ຽງຫຼາຍທີ່ສຸດ ໃນ 21 ບ້ານ ໄດ້ຮັບເຂົ້າສຸກເສີນ 950 ໂຕນ.(ຂ່າວ: ສຸກສະຫວັນ, ພາບ: WFP)
ໃນວັນທີ 24 ພຶດສະພາ ຜ່ານມາທີ່ນະຄອນຫຼວງວຽງຈັນ, ອົງການອາຫານໂລກ ແຫ່ງສະຫະປະຊາຊາດ (UNWFP) ໄດ້ນໍາສະເໜີກ່ຽວກັບບົດລາຍງານການຈັດຕັ້ງປະຕິບັດວຽກງານ ປະຈໍາປີ 2023; ໂດຍມີ ທ່ານ ບາຄໍເດຍ ເບີຄານອບ ຜູ້ປະສານງານອົງການສະປະຊາຊາດ ປະຈໍາ ສປປ ລາວ ແລະ ທ່ານ ມາກ-ອານເດຣ ໂປຣສ ຜູ້ຕາງໜ້າWFPປະຈໍາລາວ ພ້ອມດ້ວຍບັນດາພະນັກງານຂອງ WFP, ພາກສ່ວນກ່ຽວຂ້ອງ ແລະ ສື່ມວນຊົນລາວ ເຂົ້າຮ່ວມ.
ທ່ານ ບາຄໍເດຍ ເບີຄານອບ ໄດ້ກ່າວໃຫ້ຮູ້ວ່າ: ການເຮັດວຽກຂອງອົງການສະຫະປະຊາຊາດ ຢູ່ ສປປ ລາວ ແມ່ນການສະໜັບສະໜູນວຽກງານຕ່າງໆຂອງລັດຖະບານລາວ ທັງການຊ່ວຍໃຫ້ນໍາໃຊ້ນະວັດຕະກຳ-ເຕັກນິກ ເພື່ອການພັດທະນາ, ສິດທິມະນຸດ, ບົດບາດຍິງ-ຊາຍ, ສິ່ງແວດລ້ອມ, ການປ່ຽນແປງດິນຟ້າອາກາດ ແລະ ການປັບຕົວ ທັງນີ້ກໍເພື່ອຮັບປະກັນວ່າ ສປປ ລາວ ຈະສາມາດບັນລຸເປົ້າໝາຍການພັດທະນາແບບຍືນຍົງ ໃນປີ 2030 ລວມໄປເຖິງການພັດທະນາເສດຖະກິດແບບຍືນຍົງ ແລະ ຈະບໍ່ປ່ອຍໃຜໄວ້ທາງຫຼັງ ຊຶ່ງແມ່ນແນວຄວາມຄິດຫຼັກຂອງອົງການ ໂດຍໃນນີ້ກໍມີການຊ່ວຍເຫຼືອ, ສະໜັບສະໜູນດ້ານຄວາມໝັ້ນຄົງຂອງສະບຽງອາຫານ ແລະ ດ້ານໂພຊະນາການ.
ທ່ານ ມາກ-ອານເດຣ ໂປຣສ ກ່າວວ່າ: ປີ 2023, ໃນກຸ່ມເດັກນ້ອຍອາຍຸຕໍ່າກວ່າ 5 ປີ ມີ 33% ທີ່ເຕ້ຍກວ່າມາດຕະຖານ, 11% ທີ່ຈ່ອຍຜອມ, 21% ທີ່ນໍ້າໜັກຫຼຸດມາດຕະຖານ, 44% ເປັນໂລກເລືອດຈາງ ແລະ ຍັງມີ 40% ຂອງຜູ້ຍິງໄວຈະເລີນພັນ ຍັງທີ່ເປັນໂລກເລືອດຈາງ; ພ້ອມດຽວກັນ, ກໍມີພຽງແຕ່ 1 ໃນ 4 ຂອງເດັກນ້ອຍ ທີ່ໄດ້ກິນອາຫານທີ່ຖືກຫຼັກ ແລະ 1 ໃນ 10 ຂອງຄອບຄົວ ແມ່ນມີຄວາມບໍ່ໝັ້ນຄົງທາງດ້ານສະບຽງອາຫານ ຊຶ່ງຄວາມສ່ຽງນີ້ສູງສຸດແມ່ນຢູ່ໃນແຂວງເຊກອງ ມີເຖິງ 27%. ຂະນະທີ່, ການປ່ຽນແປງຂອງດິນຟ້າອາກດາດ ກໍຍັງເປັນໄພຂົ່ມຂູ່ຕໍ່ຄວາມໝັ້ນຄົງດ້ານສະບຽງອາຫານ ລວມເຖິງບັນຫາເສດຖະກິດ ທີ່ເປັນຜົນເຮັດໃຫ້ອັດຕາເງິນເຟີ້ຂອງລາຄາອາຫານເພີ່ມຂຶ້ນ.
ປີຜ່ານມາ,WFP ຊ່ວຍລັດຖະບານ ສປປ ລາວ ໃນການສ້າງນະໂຍບາຍ, ລະບົບ ແລະ ເຄື່ອງມື ເພື່ອຮ່ວມກັນຈັດຕັ້ງປະຕິບັດວຽກງານໃນ 4 ເປົ້າໝາຍຂອງອົງການອາຫານໂລກ; ໄດ້ເຮັດວຽກໃນ 15 ແຂວງ ຕາມການຮ່ວມມືກັບລັດຖະບານ ໃນນີ້ມີ 1.051 ບ້ານ ຊຶ່ງກວມເອົາ 12% ຂອງຈໍານວນບ້ານທັງໝົດ ແລະ ໄດ້ມີພະນັກງານທັງໝົດ 160 ຄົນ (ໃນນີ້ 90 ຄົນ ປະຈໍາຢູ່ພາກສະໜາມ) ຊຶ່ງໄດ້ຮັບໃຊ້ປະຊາຊົນລາວ 400.000 ກວ່າຄົນ (ໃນນີ້ 33.000 ຄົນ ແມ່ນເປັນຄົນພິການ); ພ້ອມນີ້, ກໍໄດ້ຈັດຝຶກອົບຮົມຕ່າງໆ ຈໍານວນ 35.000 ຄົນ ແລະ ເພີ່ມການຈັດຊື້ອາຫານທີ່ມາຈາກທ້ອງຖິ່ນ 100%.
ວຽກງານອາຫານທ່ຽງໃນໂຮງຮຽນໃນປີຜ່ານມາ, ໄດ້ມີໂຄງການອາຫານທ່ຽງໃນໂຮງຮຽນຂອງລັດ ກວມເອົາ 25% ຂອງໂຮງຮຽນທັງໝົດ, ອາຫານທ່ຽງໄດ້ໄປເຖິງເດັກນ້ອຍຫຼາຍກວ່າ 198.000 ຄົນ ຮ່ວມກັບງົບປະມານແຫ່ງລັດ ແລະ ມີເດັກນ້ອຍຫຼາຍກວ່າ 69.000 ຄົນ ທີ່ໄດ້ຮັບອາຫາທ່ຽງປະຈໍາວັນ ຜ່ານWFP, ມີ 72 ໂຮງຮຽນໄດ້ຮັບການສ້າງ/ປັບປຸງລະບົບນໍ້າ, 35 ໂຮງຮຽນ ໄດ້ຮັບການຕິດຕັ້ງສວນຄົວເຮືອນຮົ່ມ, ຄະນະພັດທະນາການສຶກສາຂັ້ນບ້ານ ໄດ້ຮັບການຝຶກອົບຮົມໃນ 705 ບ້ານ (2.115 ຄົນ), ນັກຮຽນ 8.5000 ຄົນ,ໃນ 28 ໂຮງຮຽນກິນນອນຊົນເຜົ່າ ແລະ ໂຮງຮຽນໂສຕະສຶກສາ ໄດ້ຮັບເຂົ້າຊ່ວຍເຫຼືອ 255 ໂຕນ.
ວຽກງານໂພຊະນາການ, ມີ 29.000 ຄົນທີ່ໄດ້ຮັບການຝຶກອົບຮົມດ້ານໂພຊະນາການ ແລະ ທັກສະໃນການເຮັດສວນ, 2.600 ຄອບຄົວ ໄດ້ຮັບທຶນເພື່ອຊື້/ປູກ ເພື່ອຜະລິດອາຫານ, ເດັກນ້ອຍອາຍຸຕໍ່າກວ່າ 5 ປີ ຈໍານວນ 9.000 ຄົນ ໄດ້ຮັບການກວດເພື່ອເບິ່ງການຂາດສານອາຫານ ແລະ ຫຼາຍກວ່າ 800 ຄົນໄດ້ຮັບການປິ່ນປົວ; ພ້ອມນີ້, ກໍຍັງໄດ້ປະສົມຈຸນລະສານອາຫານໃນທ້ອງຖິ່ນ ເຂົ້າໃນເຂົ້າສານ ຈໍານວນ 150 ໂຕນ.
ວຽກງານດ້ານສະພາບອາກາດ ແລະ ການຄຸ້ມຄອງຄວາມສ່ຽງໄພພິບັດ ກໍໄດ້ສ້າງຄວາມອາດສາມາດໃຫ້ແກ່ຊຸມຊົນ ໃນການປັບຕົວ, ສ້າງຄວາມເຂັ້ມແຂງໃຫ້ແກ່ລະບົບໃນພາກລັດ ຊຶ່ງໃນນີ້ມີ 19.000 ຄົນໄດ້ຮັບຄ່າຈ້າງເປັນອາຫານ ຜ່ານຮູບແບບອາຫານເພື່ອງານຂອງໂຄງການກໍ່ສ້າງຊັບສິນຊຸມຊົນ, ມີ 98 ໂຄງການພັດທະນາຂອງຊຸມຊົນ ທີ່ໄດ້ຮັບຜົນສຳເລັດ ໃນການສ້າງລະບົບນໍ້າ, ທະນາຄານເຂົ້າຊຸມຊົນ, ຖະໜົນ, ການປູກຕົ້ນໄມ້; ມີ 7.000 ຊຸມຊົນ/ທ້ອງຖິ່ນ ແລະ 230 ພະນັກງານລັດ ທີ່ໄດ້ຮັບການຝຶກອົບຮົມກ່ຽວກັບການປັບຕົວ ແລະ ການຄຸ້ມຄອງຄວາມສ່ຽງຈາກໄພພິບັດ.
ການຕອບໂຕ້ໄພພິບັດສຸກເສີນ ໃນປີຜ່ານມາ, ການໄດ້ມີການຕິດຕາມຄວາມໝັ້ນຄົງຂອງອາຫານ, ກະກຽມຄວາມພ້ອມ ແລະ ການປະສານງານສຸກເສີນ, ແຈກຢາຍອາຫານສຸກເສີນ, ບໍລິການດ້ານພະລາທິການແກ່ພາກລັດ ກໍຄືການຈັດເກັບ ແລະ ລໍາລຽງເຄື່ອງຊ່ວຍເຫຼືອປະເພດອາຫານສຸກເສີນ. ພ້ອມນີ້, ກໍໄດ້ຊ່ວຍປະຊາຊົນ 110.000 ຄົນ ທີ່ມີຄວາມສ່ຽງຫຼາຍທີ່ສຸດ ໃນ 21 ບ້ານ ໄດ້ຮັບເຂົ້າສຸກເສີນ 950 ໂຕນ.(ຂ່າວ: ສຸກສະຫວັນ, ພາບ: WFP)
