ໃນວັນທີ 27 ພຶດສະພານີ້ ທີ່ນະຄອນຫຼວງວຽງຈັນ, ຄະນະນໍາຂອງກະຊວງພາຍໃນ ແຫ່ງ ສປປ ລາວ ແລະ ຄະນະຜູ້ແທນຂັ້ນສູງ ຄະນະກໍາມະການຊົນເຜົ່າ ສສ ຫວຽດນາມ ໄດ້ຈັດກອງປະຊຸມພົບປະສອງຝ່າຍ ເພື່ອປຶກສາຫາລືແລກປ່ຽນບັນຫາສຳຄັນຕ່າງໆ ອັນເປັນການສືບຕໍ່ຈັດຕັ້ງຜັນຂະຫຍາຍ ເນື້ອໃນບົດບັນທຶກການຮ່ວມມືຂອງສອງຝ່າຍ ໃນລະຫວ່າງ ປີ 2022-2030; ພ້ອມດຽວກັນນັ້ນ, ກໍຈະໄດ້ວາງທິດທາງແຜນການ ຮ່ວມມືກັນໃນຂົງເຂດວຽກງານຊົນເຜົ່າ ໃນຕໍ່ໜ້າ.
ກອງປະຊຸມພົບປະຄັ້ງນີ້, ຝ່າຍລາວ ນໍາໂດຍ ທ່ານ ນາງ ລີວົງ ລາວລີ ຮອງລັດຖະມົນຕີກະຊວງພາຍໃນ ແລະ ຝ່າຍ ສສ ຫວຽດນາມ ນໍາໂດຍ ທ່ານ ອີທົ່ງ(Y Thông) ຮອງລັດຖະມົນຕີ ຮອງປະທານຄະນະກໍາມະການຊົນເຜົ່າ ສສ ຫວຽດນາມ.
ສອງຝ່າຍໄດ້ພ້ອມກັນຕີລາຄາ ຕໍ່ການພົວພັນຮ່ວມມືໃນໄລຍະຜ່ານມາ ໂດຍສະເພາະແມ່ນການຈັດຕັັ້ງຜັນຂະຫຍາຍ ເນື້ອໃນບົດບັນທຶກການຮ່ວມມື ລະຫວ່າງ ກະຊວງພາຍໃນ ສປປ ລາວ ແລະ ຄະນະກຳມະການ ຊົນເຜົ່າ ສສຫວຽດນາມ (ປີ 2022-2030) ແລະ ທັງເປັນການປະກອບສ່ວນເສີມຂະຫຍາຍສາຍພົວພັນມິດຕະພາບ ທີ່ມີມູນເຊື້ອ ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມ; ພ້ອມນີ້, ສອງຝ່າຍ ກໍໄດ້ປຶກສາຫາລືແລກປ່ຽນບັນຫາສໍາຄັນຕ່າງໆ ໂດຍສະເພາະແມ່ນວຽກງານຊົນເຜົ່າ ແລະ ວຽກງານອື່ນໆ ທີ່ຢູ່ໃນຄວາມຮັບຜິດຊອບ ຂອງກະຊວງພາຍໃນ ແລະ ຫາລືກ່ຽວກັບການວາງທິດທາງແຜນການ ຮ່ວມມືກັນໃນຂົງເຂດວຽກງານຊົນເຜົ່າ ໃນຕໍ່ໜ້າ.
ພາຍໃຕ້ບົດບັນທຶກການຮ່ວມມືລະຫວ່າງ ກະຊວງພາຍໃນ ສປປ ລາວ ແລະ ຄະນະກໍາມະການຊົນເຜົ່າ ສສ ຫວຽດນາມ (2022-2030) ຊຶ່ງໃນປີ 2023 ຜ່ານມາ ກໍໄດ້ມີການຈັດສົ່ງຄະນະພະນັກງານຜູ້ແທນຂັ້ນກົມ, ວິຊາການ ກົມຊົນເຜົ່າ ແລະ ສາສະໜາ ກະຊວງພາຍໃນ ຈໍານວນ 5 ທ່ານ ໄປທັດສະນະຕົວຈິງ, ເຂົ້າຮ່ວມກອງປະຊຸມພົບປະສອງຝ່າຍແລກປ່ຽນບົດຮຽນປະສົບການກ່ຽວກັບວຽກງານຊົນເຜົ່າ ທີ່ ສສ ຫວຽດນາມ;ຮັບພະນັກງານຄະນະກໍາມະການຊົນເຜົ່າ ສສ ຫວຽດນາມ ມາບໍາລຸງພາສາ-ວັດທະນະທໍາລາວ ທີ່ມະຫາວິທະຍາໄລ ແຫ່ງຊາດ ຈໍານວນ 1 ທ່ານ; ຈັດສົ່ງພະນັກງານຂັ້ນສູນກາງ ແລະ ທ້ອງຖິ່ນໂດຍສະເພາະແມ່ນບັນດາຫ້ອງການພາຍໃນເມືອງ ທີ່ມີຊາຍແດນຕິດກັບ ສສ ຫວຽດນາມ ໄປຮ່ວມຝຶກອົບຮົມ ກ່ຽວກັບວຽກງານຊົນເຜົ່າ ທີ່ ສສ ຫວຽດນາມ ຈໍານວນ 40 ທ່ານ ແລະ ຄະນະຜູ້ແທນຂັ້ນກົມ ກໍໄດ້ມີກອງປະຊຸມພົບປະສອງຝ່າຍແລກປ່ຽນບົດຮຽນປະສົບການກ່ຽວກັບວຽກງານຊົນເຜົ່າ ກະຊວງພາຍໃນ ສປປ ລາວ ໃນຄັ້ງວັນທີ 26 ເດືອນຕຸລາ ປີ 2023.
ສຳລັບປີ 2024 ນີ້, ຝ່າຍລາວ ໄດ້ຕ້ອນຮັບຄະນະພະນັກງານຜູ້ແທນຂັ້ນກົມ, ວິຊາການ ຂອງຄະນະກໍາມະການຊົນເຜົ່າ ສສ ຫວຽດນາມ ມາທັດສະນະ ແລະ ເຂົ້າຮ່ວມກອງປະຊຸມພົບປະສອງຝ່າຍແລກປ່ຽນບົດຮຽນປະສົບການກ່ຽວກັບວຽກງານຊົນເຜົ່າ ທີ່ກະຊວງພາຍໃນ; ຈະໄດ້ກະກຽມແຜນການຕ້ອນຮັບພະນັກງານຄະນະກໍາມະການຊົນເຜົ່າ ສສ ຫວຽດນາມ ມາບໍາລຸງພາສາ-ວັດທະນະທໍາລາວ ທີ່ມະຫາວິທະຍາໄລແຫ່ງຊາດ ສປປ ລາວ ຈໍານວນ 2 ທ່ານ; ກະກຽມຈັດສົ່ງຄະນະພະນັກງານຂັ້ນສູນກາງ ແລະ ທ້ອງຖິ່ນໄປຮ່ວມຝຶກອົບຮົມ ກ່ຽວກັບວຽກງານຊົນເຜົ່າ ທີ່ ສສ ຫວຽດນາມ ຈໍານວນ 30 ທ່ານ.
ໂອກາດນີ້, ທ່ານ ນາງ ລີວົງ ລາວລີ ກໍໄດ້ສະເໜີຫຼາຍແຜນການ ເພື່ອສືບຕໍ່ການຮ່ວມມື ເປັນຕົ້ນແມ່ນສືບຕໍ່ການຢ້ຽມຢາມ ແລະ ແລກປ່ຽນຖອດຖອນບົດຮຽນຂອງຄະນະຜູ້ແທນຂັ້ນສູງ ພ້ອມທັງ ວິຊາການກ່ຽວກັບກົນໄກປະສານງານ, ການແບ່ງຂັ້ນ ແລະ ການແບ່ງສິດການຄຸ້ມຄອງລັດກ່ຽວກັບວຽກງານຊົນເຜົ່າ, ຖອດຖອນບັນດາບົດຮຽນປະສົບການຂອງ ສສ ຫວຽດນາມ; ສະເໜີໃຫ້ຄະນະກຳມະການຊົນເຜົ່າ ສສ.ຫວຽດນາມ ແລະ ຊ່ວຍແນະນຳກະຊວງພາຍໃນ ໃນການຄົ້ນຄວ້າ ແລະ ກະກຽມການສະເໜີໂຄງການ ກໍ່ສ້າງສູນຝຶກອົບພະນັກງານ ຂອງກະຊວງພາຍໃນ, ແຫ່ງ ສປປ ລາວ” ໂດຍການນຳໃຊ້ແຫຼ່ງທຶນຊ່ວຍເຫຼືອຂອງ ລັດຖະບານ ສສ ຫວຽດນາມ ໃຫ້ແກ່ ລັດຖະບານ ສປປ ລາວ ແລະ ອື່ນໆ ເພື່ອຊຸກຍູ້ບັນດາການເຄື່ອນໄຫວຢ່າງມີປະສິດທິພາບສູງສຸດ.
(ຂ່າວ-ພາບ: ສຸກສະຫວັນ)
ກອງປະຊຸມພົບປະຄັ້ງນີ້, ຝ່າຍລາວ ນໍາໂດຍ ທ່ານ ນາງ ລີວົງ ລາວລີ ຮອງລັດຖະມົນຕີກະຊວງພາຍໃນ ແລະ ຝ່າຍ ສສ ຫວຽດນາມ ນໍາໂດຍ ທ່ານ ອີທົ່ງ(Y Thông) ຮອງລັດຖະມົນຕີ ຮອງປະທານຄະນະກໍາມະການຊົນເຜົ່າ ສສ ຫວຽດນາມ.
ສອງຝ່າຍໄດ້ພ້ອມກັນຕີລາຄາ ຕໍ່ການພົວພັນຮ່ວມມືໃນໄລຍະຜ່ານມາ ໂດຍສະເພາະແມ່ນການຈັດຕັັ້ງຜັນຂະຫຍາຍ ເນື້ອໃນບົດບັນທຶກການຮ່ວມມື ລະຫວ່າງ ກະຊວງພາຍໃນ ສປປ ລາວ ແລະ ຄະນະກຳມະການ ຊົນເຜົ່າ ສສຫວຽດນາມ (ປີ 2022-2030) ແລະ ທັງເປັນການປະກອບສ່ວນເສີມຂະຫຍາຍສາຍພົວພັນມິດຕະພາບ ທີ່ມີມູນເຊື້ອ ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມ; ພ້ອມນີ້, ສອງຝ່າຍ ກໍໄດ້ປຶກສາຫາລືແລກປ່ຽນບັນຫາສໍາຄັນຕ່າງໆ ໂດຍສະເພາະແມ່ນວຽກງານຊົນເຜົ່າ ແລະ ວຽກງານອື່ນໆ ທີ່ຢູ່ໃນຄວາມຮັບຜິດຊອບ ຂອງກະຊວງພາຍໃນ ແລະ ຫາລືກ່ຽວກັບການວາງທິດທາງແຜນການ ຮ່ວມມືກັນໃນຂົງເຂດວຽກງານຊົນເຜົ່າ ໃນຕໍ່ໜ້າ.
ພາຍໃຕ້ບົດບັນທຶກການຮ່ວມມືລະຫວ່າງ ກະຊວງພາຍໃນ ສປປ ລາວ ແລະ ຄະນະກໍາມະການຊົນເຜົ່າ ສສ ຫວຽດນາມ (2022-2030) ຊຶ່ງໃນປີ 2023 ຜ່ານມາ ກໍໄດ້ມີການຈັດສົ່ງຄະນະພະນັກງານຜູ້ແທນຂັ້ນກົມ, ວິຊາການ ກົມຊົນເຜົ່າ ແລະ ສາສະໜາ ກະຊວງພາຍໃນ ຈໍານວນ 5 ທ່ານ ໄປທັດສະນະຕົວຈິງ, ເຂົ້າຮ່ວມກອງປະຊຸມພົບປະສອງຝ່າຍແລກປ່ຽນບົດຮຽນປະສົບການກ່ຽວກັບວຽກງານຊົນເຜົ່າ ທີ່ ສສ ຫວຽດນາມ;ຮັບພະນັກງານຄະນະກໍາມະການຊົນເຜົ່າ ສສ ຫວຽດນາມ ມາບໍາລຸງພາສາ-ວັດທະນະທໍາລາວ ທີ່ມະຫາວິທະຍາໄລ ແຫ່ງຊາດ ຈໍານວນ 1 ທ່ານ; ຈັດສົ່ງພະນັກງານຂັ້ນສູນກາງ ແລະ ທ້ອງຖິ່ນໂດຍສະເພາະແມ່ນບັນດາຫ້ອງການພາຍໃນເມືອງ ທີ່ມີຊາຍແດນຕິດກັບ ສສ ຫວຽດນາມ ໄປຮ່ວມຝຶກອົບຮົມ ກ່ຽວກັບວຽກງານຊົນເຜົ່າ ທີ່ ສສ ຫວຽດນາມ ຈໍານວນ 40 ທ່ານ ແລະ ຄະນະຜູ້ແທນຂັ້ນກົມ ກໍໄດ້ມີກອງປະຊຸມພົບປະສອງຝ່າຍແລກປ່ຽນບົດຮຽນປະສົບການກ່ຽວກັບວຽກງານຊົນເຜົ່າ ກະຊວງພາຍໃນ ສປປ ລາວ ໃນຄັ້ງວັນທີ 26 ເດືອນຕຸລາ ປີ 2023.
ສຳລັບປີ 2024 ນີ້, ຝ່າຍລາວ ໄດ້ຕ້ອນຮັບຄະນະພະນັກງານຜູ້ແທນຂັ້ນກົມ, ວິຊາການ ຂອງຄະນະກໍາມະການຊົນເຜົ່າ ສສ ຫວຽດນາມ ມາທັດສະນະ ແລະ ເຂົ້າຮ່ວມກອງປະຊຸມພົບປະສອງຝ່າຍແລກປ່ຽນບົດຮຽນປະສົບການກ່ຽວກັບວຽກງານຊົນເຜົ່າ ທີ່ກະຊວງພາຍໃນ; ຈະໄດ້ກະກຽມແຜນການຕ້ອນຮັບພະນັກງານຄະນະກໍາມະການຊົນເຜົ່າ ສສ ຫວຽດນາມ ມາບໍາລຸງພາສາ-ວັດທະນະທໍາລາວ ທີ່ມະຫາວິທະຍາໄລແຫ່ງຊາດ ສປປ ລາວ ຈໍານວນ 2 ທ່ານ; ກະກຽມຈັດສົ່ງຄະນະພະນັກງານຂັ້ນສູນກາງ ແລະ ທ້ອງຖິ່ນໄປຮ່ວມຝຶກອົບຮົມ ກ່ຽວກັບວຽກງານຊົນເຜົ່າ ທີ່ ສສ ຫວຽດນາມ ຈໍານວນ 30 ທ່ານ.
ໂອກາດນີ້, ທ່ານ ນາງ ລີວົງ ລາວລີ ກໍໄດ້ສະເໜີຫຼາຍແຜນການ ເພື່ອສືບຕໍ່ການຮ່ວມມື ເປັນຕົ້ນແມ່ນສືບຕໍ່ການຢ້ຽມຢາມ ແລະ ແລກປ່ຽນຖອດຖອນບົດຮຽນຂອງຄະນະຜູ້ແທນຂັ້ນສູງ ພ້ອມທັງ ວິຊາການກ່ຽວກັບກົນໄກປະສານງານ, ການແບ່ງຂັ້ນ ແລະ ການແບ່ງສິດການຄຸ້ມຄອງລັດກ່ຽວກັບວຽກງານຊົນເຜົ່າ, ຖອດຖອນບັນດາບົດຮຽນປະສົບການຂອງ ສສ ຫວຽດນາມ; ສະເໜີໃຫ້ຄະນະກຳມະການຊົນເຜົ່າ ສສ.ຫວຽດນາມ ແລະ ຊ່ວຍແນະນຳກະຊວງພາຍໃນ ໃນການຄົ້ນຄວ້າ ແລະ ກະກຽມການສະເໜີໂຄງການ ກໍ່ສ້າງສູນຝຶກອົບພະນັກງານ ຂອງກະຊວງພາຍໃນ, ແຫ່ງ ສປປ ລາວ” ໂດຍການນຳໃຊ້ແຫຼ່ງທຶນຊ່ວຍເຫຼືອຂອງ ລັດຖະບານ ສສ ຫວຽດນາມ ໃຫ້ແກ່ ລັດຖະບານ ສປປ ລາວ ແລະ ອື່ນໆ ເພື່ອຊຸກຍູ້ບັນດາການເຄື່ອນໄຫວຢ່າງມີປະສິດທິພາບສູງສຸດ.
(ຂ່າວ-ພາບ: ສຸກສະຫວັນ)
