ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສປປ ລາວ ໄດ້ຕ້ອນຮັບ ທ່ານ ສຸຍເຄີລາຍທີ ຈາເຄີເອີ ຮອງປະທານສະພາຜູ້ແທນປະຊາຊົນທົ່ວປະເທດ ແຫ່ງ ສປ ຈີນ ພ້ອມດ້ວຍຄະນະເຂົ້າຢ້ຽມຂໍ່ານັບ ໃນວັນທີ 27 ພຶດສະພານີ້ ທີ່ສະພາແຫ່ງຊາດ(ສພຊ) ໃນໂອກາດທີ່ ທ່ານສຸຍເຄີລາຍທີ ຈາເຄີເອີ ພ້ອມຄະນະເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ລະຫວ່າງວັນທີ 24-28 ພຶດສະພາ 2024 ນີ້.
ທ່ານປະທານສະພາແຫ່ງຊາດ ໄດ້ສະແດງຄວາມຍິນດີຕ້ອນຮັບເປັນຢ່າງຍິ່ງ ເພາະນີ້ເປັນຄັ້ງທໍາອິດທີ່ທ່ານຮອງປະທານສະພາຜູ້ແທນປະຊາຊົນທົ່ວປະເທດ ແຫ່ງ ສປ ຈີນ ມາຢ້ຽມຢາມ ແລະ ເຮັດວຽກຢູ່ ສປປ ລາວ ພາຍຫຼັງສະພາບການລະບາດຂອງພະຍາດໂຄວິດ-19 ຊຶ່ງນີ້ເປັນການຈັດຕັ້ງຜັນຂະຫາຍເນື້ອໃນຈິດໃຈຂໍ້ຕົກລົງ ວ່າດ້ວຍການຮ່ວມມື ລະຫວ່າງ ສະພາແຫ່ງຊາດລາວ ແລະ ສະພາຜູ້ແທນປະຊາຊົນທົ່ວປະເທດຈີນ ທີ່ໄດ້ລົງນາມຮ່ວມກັນໃນເດືອນກັນຍາ 2023 ຜ່ານມາ, ທັງເປັນການປະກອບສ່ວນເສີມຂະຫຍາຍສາຍພົວພັນມິດຕະພາບ ອັນເປັນມູນເຊື້ອ ແລະ ຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ລະຫວ່າງ ສອງພັກ, ສອງລັດ, ປະຊາຊົນສອງຊາດ ແລະ ການເປັນຄູ່ຮ່ວມຊາຕາກຳສັງຄົມນິຍົມ ລາວ-ຈີນ, ຈີນ-ລາວ ໃຫ້ນັບມື້ນັບຂະຫຍາຍຕົວ ແລະ ເກີດດອກອອກຜົນຍິ່ງໆຂຶ້ນ ນໍາເອົາຜົນປະໂຫຍດມາສູ່ປະຊາຊົນສອງຊາດ ລາວ-ຈີນ. ພ້ອມດຽວກັນນີ້, ປະທານສະພາແຫ່ງຊາດລາວ ກໍໄດ້ຝາກຄວາມຢື້ຢາມຖາມຂ່າວອັນອົບອຸ່ນ ແລະ ອວຍພອນໄຊອັນປະເສີດ ໄປຍັງ ທ່ານ ຈ້າວ ເລີ້ ຈີ້ ປະທານສະພາຜູ້ແທນປະຊາຊົນທົ່ວປະເທດ ແຫ່ງ ສປ ຈີນ, ບັນດາທ່ານຄະນະປະຈໍາ ແລະ ສະມາຊິກສະພາຜູ້ແທນປະຊາຊົນທົ່ວປະເທດຈີນ.
ທ່ານ ສຸຍເຄີລາຍທີ ຈາເຄີເອີ ກໍໄດ້ສະແດງຄວາມຂອບໃຈ ທີ່ທ່ານປະທານສະພາແຫ່ງຊາດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບໃນຄັ້ງນີ້. ພ້ອມດຽວກັນ, ກໍໄດ້ຕີລາຄາສູງຕໍ່ການຮ່ວມມືລະຫວ່າງສອງພັກ, ສອງລັດ ລາວ-ຈີນ ໃນໄລຍະຜ່ານມາ ແລະ ໄດ້ລາຍງານດ້ວຍຄວາມເປັນເອກະພາບຕໍ່ກັບຜົນຂອງການພົບປະລະຫວ່າງຮອງປະທານສະພາແຫ່ງຊາດທັງສອງພ້ອມດ້ວຍຄະນະ ໂດຍສະເພາະແມ່ນການປຶກສາຫາລືເປັນເອກະພາບກັນກ່ຽວກັບທິດທາງແຜນການຮ່ວມມືໃນຕໍ່ໜ້າ.
ໃນຕອນທ້າຍຂອງການຕ້ອນຮັບການເຂົ້າຢ້ຽມຂໍ່ານັບ, ທ່ານ ໄຊສົມພອນ ພົມວິຫານ ກໍໄດ້ຕາງໜ້າໃຫ້ສະພາແຫ່ງຊາດລາວ ສະແດງຄວາມຂອບໃຈຢ່າງຈິງໃຈມາຍັງພັກ, ລັດຖະບານ, ສະພາຜູ້ແທນປະຊາຊົນທົ່ວປະເທດ ແລະ ປະຊາຊົນຈີນ ທີ່ໄດ້ໃຫ້ການສະໜັບສະໜູນອັນໃຫຍ່ຫຼວງ ແລະ ໃຫ້ການຊ່ວຍເຫຼືອອັນລໍ້າຄ່າ, ມີໝາກຜົນ ແກ່ ສປປ ລາວ ຕະຫຼອດມາ ແລະ ອວຍພອນໃຫ້ທ່ານ ສຸຍເຄີລາຍທີ ຈາເຄີເອີ ພ້ອມຄະນະ ມີພະລານາໄມສົມບູນ, ມີຄວາມຜາສຸກ, ປະສົບຜົນສຳເລັດໃນການມາຢ້ຽມຢາມ ແລະ ເຮັດວຽກ ຢູ່ ສປປ ລາວ.
ພ້ອມດຽວກັນນີ້, ກໍຖືໂອກາດເຊື້ອເຊີນ ຄະນະຜູ້ແທນສະພາປະຊາຊົນທົ່ວປະເທດ ແຫ່ງ ສປ ຈີນ ເຂົ້າຮ່ວມສັງເກດການ ແລະ ພົບປະກັບບັນດາປະເທດຄູ່ຮ່ວມເຈລະຈາ ໃນກອງປະຊຸມສະມັດຊາ ລັດຖະສະພາ ລະຫວ່າງຊາດອາຊຽນ ຄັ້ງທີ 45 ຫຼື AIPA 45 ທີ່ ສປປ ລາວ ໃນເດືອນຕຸລາ 2024 ພ້ອມທັງໃຫ້ການສະໜັບສະໜູນ ແລະ ຊ່ວຍສະພາແຫ່ງຊາດ ໃນການເປັນເຈົ້າພາບຈັດກອງປະຊຸມດັ່ງກ່າວໃຫ້ສຳເລັດຜົນ.
(ຂ່າວ-ພາບ: ສຸກສະຫວັນ)
ທ່ານປະທານສະພາແຫ່ງຊາດ ໄດ້ສະແດງຄວາມຍິນດີຕ້ອນຮັບເປັນຢ່າງຍິ່ງ ເພາະນີ້ເປັນຄັ້ງທໍາອິດທີ່ທ່ານຮອງປະທານສະພາຜູ້ແທນປະຊາຊົນທົ່ວປະເທດ ແຫ່ງ ສປ ຈີນ ມາຢ້ຽມຢາມ ແລະ ເຮັດວຽກຢູ່ ສປປ ລາວ ພາຍຫຼັງສະພາບການລະບາດຂອງພະຍາດໂຄວິດ-19 ຊຶ່ງນີ້ເປັນການຈັດຕັ້ງຜັນຂະຫາຍເນື້ອໃນຈິດໃຈຂໍ້ຕົກລົງ ວ່າດ້ວຍການຮ່ວມມື ລະຫວ່າງ ສະພາແຫ່ງຊາດລາວ ແລະ ສະພາຜູ້ແທນປະຊາຊົນທົ່ວປະເທດຈີນ ທີ່ໄດ້ລົງນາມຮ່ວມກັນໃນເດືອນກັນຍາ 2023 ຜ່ານມາ, ທັງເປັນການປະກອບສ່ວນເສີມຂະຫຍາຍສາຍພົວພັນມິດຕະພາບ ອັນເປັນມູນເຊື້ອ ແລະ ຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ລະຫວ່າງ ສອງພັກ, ສອງລັດ, ປະຊາຊົນສອງຊາດ ແລະ ການເປັນຄູ່ຮ່ວມຊາຕາກຳສັງຄົມນິຍົມ ລາວ-ຈີນ, ຈີນ-ລາວ ໃຫ້ນັບມື້ນັບຂະຫຍາຍຕົວ ແລະ ເກີດດອກອອກຜົນຍິ່ງໆຂຶ້ນ ນໍາເອົາຜົນປະໂຫຍດມາສູ່ປະຊາຊົນສອງຊາດ ລາວ-ຈີນ. ພ້ອມດຽວກັນນີ້, ປະທານສະພາແຫ່ງຊາດລາວ ກໍໄດ້ຝາກຄວາມຢື້ຢາມຖາມຂ່າວອັນອົບອຸ່ນ ແລະ ອວຍພອນໄຊອັນປະເສີດ ໄປຍັງ ທ່ານ ຈ້າວ ເລີ້ ຈີ້ ປະທານສະພາຜູ້ແທນປະຊາຊົນທົ່ວປະເທດ ແຫ່ງ ສປ ຈີນ, ບັນດາທ່ານຄະນະປະຈໍາ ແລະ ສະມາຊິກສະພາຜູ້ແທນປະຊາຊົນທົ່ວປະເທດຈີນ.
ທ່ານ ສຸຍເຄີລາຍທີ ຈາເຄີເອີ ກໍໄດ້ສະແດງຄວາມຂອບໃຈ ທີ່ທ່ານປະທານສະພາແຫ່ງຊາດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບໃນຄັ້ງນີ້. ພ້ອມດຽວກັນ, ກໍໄດ້ຕີລາຄາສູງຕໍ່ການຮ່ວມມືລະຫວ່າງສອງພັກ, ສອງລັດ ລາວ-ຈີນ ໃນໄລຍະຜ່ານມາ ແລະ ໄດ້ລາຍງານດ້ວຍຄວາມເປັນເອກະພາບຕໍ່ກັບຜົນຂອງການພົບປະລະຫວ່າງຮອງປະທານສະພາແຫ່ງຊາດທັງສອງພ້ອມດ້ວຍຄະນະ ໂດຍສະເພາະແມ່ນການປຶກສາຫາລືເປັນເອກະພາບກັນກ່ຽວກັບທິດທາງແຜນການຮ່ວມມືໃນຕໍ່ໜ້າ.
ໃນຕອນທ້າຍຂອງການຕ້ອນຮັບການເຂົ້າຢ້ຽມຂໍ່ານັບ, ທ່ານ ໄຊສົມພອນ ພົມວິຫານ ກໍໄດ້ຕາງໜ້າໃຫ້ສະພາແຫ່ງຊາດລາວ ສະແດງຄວາມຂອບໃຈຢ່າງຈິງໃຈມາຍັງພັກ, ລັດຖະບານ, ສະພາຜູ້ແທນປະຊາຊົນທົ່ວປະເທດ ແລະ ປະຊາຊົນຈີນ ທີ່ໄດ້ໃຫ້ການສະໜັບສະໜູນອັນໃຫຍ່ຫຼວງ ແລະ ໃຫ້ການຊ່ວຍເຫຼືອອັນລໍ້າຄ່າ, ມີໝາກຜົນ ແກ່ ສປປ ລາວ ຕະຫຼອດມາ ແລະ ອວຍພອນໃຫ້ທ່ານ ສຸຍເຄີລາຍທີ ຈາເຄີເອີ ພ້ອມຄະນະ ມີພະລານາໄມສົມບູນ, ມີຄວາມຜາສຸກ, ປະສົບຜົນສຳເລັດໃນການມາຢ້ຽມຢາມ ແລະ ເຮັດວຽກ ຢູ່ ສປປ ລາວ.
ພ້ອມດຽວກັນນີ້, ກໍຖືໂອກາດເຊື້ອເຊີນ ຄະນະຜູ້ແທນສະພາປະຊາຊົນທົ່ວປະເທດ ແຫ່ງ ສປ ຈີນ ເຂົ້າຮ່ວມສັງເກດການ ແລະ ພົບປະກັບບັນດາປະເທດຄູ່ຮ່ວມເຈລະຈາ ໃນກອງປະຊຸມສະມັດຊາ ລັດຖະສະພາ ລະຫວ່າງຊາດອາຊຽນ ຄັ້ງທີ 45 ຫຼື AIPA 45 ທີ່ ສປປ ລາວ ໃນເດືອນຕຸລາ 2024 ພ້ອມທັງໃຫ້ການສະໜັບສະໜູນ ແລະ ຊ່ວຍສະພາແຫ່ງຊາດ ໃນການເປັນເຈົ້າພາບຈັດກອງປະຊຸມດັ່ງກ່າວໃຫ້ສຳເລັດຜົນ.
(ຂ່າວ-ພາບ: ສຸກສະຫວັນ)
