ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ໄດ້ເປັນປະທານກ່າວເປີດງານບຸນລາວ ຄັ້ງທີ 12 ປະຈໍາປີ 2024ຊຶ່ງໄດ້ຈັດຂຶ້ນໃນວັນທີ 25 ພຶດສະພາ ຜ່ານມາ ທີ່ນະຄອນໂຕກຽວ ປະເທດຢີ່ປຸ່ນ ໂດຍມີ ທ່ານ ນາງ ຊຶຈິຍະ ຊິນາໂກະ ລັດຖະມີຕີກະຊວງ ໂຍທາທິການ, ປະທານສະມາຄົມມິດຕະພາບລັດຖະສະພາຍີ່ປຸ່ນ-ລາວ, ທ່ານ ມາຊາຮິໂຣ ໂກມຸຣາ ຮອງລັດຖະມົນຕີລັດຖະສະພາ ກະຊວງການຕ່າງປະເທດ ຍີ່ປຸ່ນ, ທ່ານ ນາງ ຟອງສະໝຸດ ອັນລາວັນ ເອກອັກຄະລັດຖະທູດຜູ້ມີອໍານາດເຕັມ ແຫ່ງ ສປປ ລາວ ປະຈໍາ ສາທາລະນະລັດຍີ່ປຸ່ນ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ໂອກາດນີ້, ທ່ານ ນາງ ສວນສະຫວັນ ວິຍະເກດ ໄດ້ມີຄຳເຫັນກ່າວເປີດງານວ່າ: ໃນການຈັດບຸນລາວ ຄັ້ງທີ 12 ປະຈຳປີ 2024 ນີ້, ເປັນການເຜີຍແຜ່ທາງວັດທະນະທຳຂອງລາວ ໃຫ້ຊາວຍີ່ປຸ່ນໄດ້ຮັບຮູ້ຢ່າງກວ້າງຂວາງ ໂດຍສະເພາະແມ່ນຊາວນະຄອນຫຼວງໂຕກຽວ, ທັງເປັນກິດຈະກຳໜຶ່ງທີ່ປະກອບສ່ວນສຳຄັນໃນການເສີມສ້າງສາຍພົວພັນມິດຕະພາບ ແລະ ການຮ່ວມມືອັນດີງາມຂອງສອງປະເທດ ລາວ-ຍີ່ປຸ່ນ ກໍຄືການເປັນຄູ່ຮ່ວມມືດ້ານຍຸດທະສາດທີ່ມີຄວາມສະໜິດແໜ້ນ, ພ້ອມທັງສ້າງຄວາມເຂົ້າໃຈຊຶ່ງກັນ ແລະ ກັນ ລະຫວ່າງປະຊາຊົນສອງຊາດລາວ-ຢີ່ປຸ່ນ ທີ່ມີສາຍພົວພັນມິດຕະພາບຢ່າງສະໜິດແໜ້ນ ແລະ ການຮ່ວມມືທີ່ເປັນມູນເຊື້ອມາແຕ່ດົນນານ. ພ້ອມນີ້, ຍັງເປັນອີກໜຶ່ງກິດຈະກຳໃນການສົ່ງເສີມປີທ່ອງທ່ຽວລາວ 2024 ອີກດ້ວຍ. ໃນປີ 2025 ທີ່ຈະມາເຖິງນີ້, ກໍຈະເປັນປີໜຶ່ງທີ່ສໍາຄັນລະຫວ່າງລັດຖະບານແຫ່ງ ສປປ ລາວ ແລະ ລັດຖະບານຍີ່ປຸ່ນ ຈະສະເຫຼີມສະຫຼອງການສ້າງຕັ້ງສາຍພົວພັນທາງການທູດລາວ-ຍີ່ປຸ່ນ ຄົບຮອບ 70 ປີ (5 ມີນາ 1955-5 ມີນາ 2025) ແລະ 10 ປີແຫ່ງການເປັນຄູ່ຮ່ວມມືຍຸດທະສາດຮ່ວມກັນ.
ສໍາລັບດ້ານການທ່ອງທ່ຽວ ຕາມໂຕເລກສະຖິຕິຂອງນັກທ່ອງທ່ຽວ ປະຈໍາປີ 2023 ນັກທ່ອງທ່ຽວຍີ່ປຸ່ນທີ່ເດີນທາງໄປທ່ຽວ ສປປ ລາວ ຈໍານວນ 24.824 ເທື່ອຄົນ. ເນື່ອງຈາກວ່າປີ 2024 ເປັນປີທ່ອງທ່ຽວລາວ ພາຍໃຕ້ຄໍາຂວັນ “ທ່ອງທ່ຽວລາວ ປອດໄພ, ຊື່ນໃຈໃນວັດທະນະທຳ, ທຳມະຊາດ ແລະປະຫວັດສາດ ໄດ້ສ້າງກິດຈະກຳ ແລະ ຂະບວນການສົ່ງເສີມການທ່ອງທ່ຽວ ໃນຂອບເຂດທົ່ວປະເທດເຮັດໃຫ້ຈໍານວນນັກທ່ອງທ່ຽວນັບມື້ນັບເພີ່ມຂຶ້ນ. ໃນ 3 ເດືອນຕົ້ນປີ 2024 ນີ້ ຈໍານວນນັກທ່ອງທ່ຽວຍີ່ປຸ່ນ ເຂົ້າມາທ່ອງທ່ຽວ ສປປ ລາວ ຈໍານວນ 9.381 ເທື່ອຄົນ ຖ້າທຽບໃສ່ໃນໄລຍະດຽວກັນຂອງປີ2023 ມີຈຳນວນນັກທ່ອງທ່ຽວ 6.044 ເທື່ອຄົນ ເທົ່າກັບ 5%.
ໃນໂອກາດເປີດບຸນລາວ ຄັ້ງທີ 12 ປະຈໍາປີ 2024 ທີ່ນະຄອນຫຼວງໂຕກຽວ ໃນຄັ້ງນີ້, ຜູ້ເຂົ້າຮ່ວມຍັງໄດ້ຮັບຊົມການສະແດງສິລະປະ-ວັນນະຄະດີ ຈາກນັກສະແດງແຫ່ງຊາດລາວ ແລະ ຊີມອາຫານທີ່ເປັນເອກະລັກຂອງ ສປປ ລາວ ຕື່ມອີກ.
ສປປ ລາວ ຕັ້ງຢູ່ໃຈກາງຂອງແຫຼມອິນດູຈີນ ມີວັດທະນະທໍາ, ຮີດຄອງປະເພນີ, ຂະນົບທຳນຽມອັນດີງາມ ແລະ ມີຫຼາກຫຼາຍ ຂອງ 50 ຊົນເຜົ່າທີ່ແຕກຕ່າງກັນ ແຕ່ກໍສາມາດດຳລົງຊີວິດຮ່ວມກັນຢ່າງສະຫງົບ ແລະ ມີຄວາມສາມັກຄີປອງດອງກັນເປັນຢ່າງດີ ມີທຳມະຊາດທີ່ສວຍສົດງົດງາມອຸດົມສົມບູນ, ມີປູສະນີຍະສະຖານ ແລະ ແຫຼ່ງທ່ອງທ່ຽວຕ່າງໆທີ່ໜ້າສົນໃຈຫຼາຍແຫ່ງ ຄື: ເມືອງມໍລະດົກໂລກຫຼວງພະບາງ, ມໍລະດົກໂລກວັດພູຈຳປາສັກ ທີ່ມີຄວາມບູຮານເກົ່າແກ່ ແລະ ທົ່ງໄຫຫີນມໍລະດົກໂລກ ແຂວງຊຽງຂວາງ.
ໃນໂອກາດເປີດບຸນລາວ ຄັ້ງທີ 12 ປະຈໍາປີ 2024 ທີ່ນະຄອນຫຼວງໂຕກຽວ ໃນຄັ້ງນີ້, ຜູ້ເຂົ້າຮ່ວມຍັງໄດ້ຮັບຊົມການສະແດງສິລະປະ-ວັນນະຄະດີ ຈາກນັກສະແດງແຫ່ງຊາດລາວ ແລະ ຊີມອາຫານທີ່ເປັນເອກະລັກຂອງ ສປປ ລາວ ຕື່ມອີກ.
(ຂ່າວ: ຕຸໄລເພັດ, ຂໍ້ມູນຂ່າວກະຊວງ ຖວທ)
ໂອກາດນີ້, ທ່ານ ນາງ ສວນສະຫວັນ ວິຍະເກດ ໄດ້ມີຄຳເຫັນກ່າວເປີດງານວ່າ: ໃນການຈັດບຸນລາວ ຄັ້ງທີ 12 ປະຈຳປີ 2024 ນີ້, ເປັນການເຜີຍແຜ່ທາງວັດທະນະທຳຂອງລາວ ໃຫ້ຊາວຍີ່ປຸ່ນໄດ້ຮັບຮູ້ຢ່າງກວ້າງຂວາງ ໂດຍສະເພາະແມ່ນຊາວນະຄອນຫຼວງໂຕກຽວ, ທັງເປັນກິດຈະກຳໜຶ່ງທີ່ປະກອບສ່ວນສຳຄັນໃນການເສີມສ້າງສາຍພົວພັນມິດຕະພາບ ແລະ ການຮ່ວມມືອັນດີງາມຂອງສອງປະເທດ ລາວ-ຍີ່ປຸ່ນ ກໍຄືການເປັນຄູ່ຮ່ວມມືດ້ານຍຸດທະສາດທີ່ມີຄວາມສະໜິດແໜ້ນ, ພ້ອມທັງສ້າງຄວາມເຂົ້າໃຈຊຶ່ງກັນ ແລະ ກັນ ລະຫວ່າງປະຊາຊົນສອງຊາດລາວ-ຢີ່ປຸ່ນ ທີ່ມີສາຍພົວພັນມິດຕະພາບຢ່າງສະໜິດແໜ້ນ ແລະ ການຮ່ວມມືທີ່ເປັນມູນເຊື້ອມາແຕ່ດົນນານ. ພ້ອມນີ້, ຍັງເປັນອີກໜຶ່ງກິດຈະກຳໃນການສົ່ງເສີມປີທ່ອງທ່ຽວລາວ 2024 ອີກດ້ວຍ. ໃນປີ 2025 ທີ່ຈະມາເຖິງນີ້, ກໍຈະເປັນປີໜຶ່ງທີ່ສໍາຄັນລະຫວ່າງລັດຖະບານແຫ່ງ ສປປ ລາວ ແລະ ລັດຖະບານຍີ່ປຸ່ນ ຈະສະເຫຼີມສະຫຼອງການສ້າງຕັ້ງສາຍພົວພັນທາງການທູດລາວ-ຍີ່ປຸ່ນ ຄົບຮອບ 70 ປີ (5 ມີນາ 1955-5 ມີນາ 2025) ແລະ 10 ປີແຫ່ງການເປັນຄູ່ຮ່ວມມືຍຸດທະສາດຮ່ວມກັນ.
ສໍາລັບດ້ານການທ່ອງທ່ຽວ ຕາມໂຕເລກສະຖິຕິຂອງນັກທ່ອງທ່ຽວ ປະຈໍາປີ 2023 ນັກທ່ອງທ່ຽວຍີ່ປຸ່ນທີ່ເດີນທາງໄປທ່ຽວ ສປປ ລາວ ຈໍານວນ 24.824 ເທື່ອຄົນ. ເນື່ອງຈາກວ່າປີ 2024 ເປັນປີທ່ອງທ່ຽວລາວ ພາຍໃຕ້ຄໍາຂວັນ “ທ່ອງທ່ຽວລາວ ປອດໄພ, ຊື່ນໃຈໃນວັດທະນະທຳ, ທຳມະຊາດ ແລະປະຫວັດສາດ ໄດ້ສ້າງກິດຈະກຳ ແລະ ຂະບວນການສົ່ງເສີມການທ່ອງທ່ຽວ ໃນຂອບເຂດທົ່ວປະເທດເຮັດໃຫ້ຈໍານວນນັກທ່ອງທ່ຽວນັບມື້ນັບເພີ່ມຂຶ້ນ. ໃນ 3 ເດືອນຕົ້ນປີ 2024 ນີ້ ຈໍານວນນັກທ່ອງທ່ຽວຍີ່ປຸ່ນ ເຂົ້າມາທ່ອງທ່ຽວ ສປປ ລາວ ຈໍານວນ 9.381 ເທື່ອຄົນ ຖ້າທຽບໃສ່ໃນໄລຍະດຽວກັນຂອງປີ2023 ມີຈຳນວນນັກທ່ອງທ່ຽວ 6.044 ເທື່ອຄົນ ເທົ່າກັບ 5%.
ໃນໂອກາດເປີດບຸນລາວ ຄັ້ງທີ 12 ປະຈໍາປີ 2024 ທີ່ນະຄອນຫຼວງໂຕກຽວ ໃນຄັ້ງນີ້, ຜູ້ເຂົ້າຮ່ວມຍັງໄດ້ຮັບຊົມການສະແດງສິລະປະ-ວັນນະຄະດີ ຈາກນັກສະແດງແຫ່ງຊາດລາວ ແລະ ຊີມອາຫານທີ່ເປັນເອກະລັກຂອງ ສປປ ລາວ ຕື່ມອີກ.
ສປປ ລາວ ຕັ້ງຢູ່ໃຈກາງຂອງແຫຼມອິນດູຈີນ ມີວັດທະນະທໍາ, ຮີດຄອງປະເພນີ, ຂະນົບທຳນຽມອັນດີງາມ ແລະ ມີຫຼາກຫຼາຍ ຂອງ 50 ຊົນເຜົ່າທີ່ແຕກຕ່າງກັນ ແຕ່ກໍສາມາດດຳລົງຊີວິດຮ່ວມກັນຢ່າງສະຫງົບ ແລະ ມີຄວາມສາມັກຄີປອງດອງກັນເປັນຢ່າງດີ ມີທຳມະຊາດທີ່ສວຍສົດງົດງາມອຸດົມສົມບູນ, ມີປູສະນີຍະສະຖານ ແລະ ແຫຼ່ງທ່ອງທ່ຽວຕ່າງໆທີ່ໜ້າສົນໃຈຫຼາຍແຫ່ງ ຄື: ເມືອງມໍລະດົກໂລກຫຼວງພະບາງ, ມໍລະດົກໂລກວັດພູຈຳປາສັກ ທີ່ມີຄວາມບູຮານເກົ່າແກ່ ແລະ ທົ່ງໄຫຫີນມໍລະດົກໂລກ ແຂວງຊຽງຂວາງ.
ໃນໂອກາດເປີດບຸນລາວ ຄັ້ງທີ 12 ປະຈໍາປີ 2024 ທີ່ນະຄອນຫຼວງໂຕກຽວ ໃນຄັ້ງນີ້, ຜູ້ເຂົ້າຮ່ວມຍັງໄດ້ຮັບຊົມການສະແດງສິລະປະ-ວັນນະຄະດີ ຈາກນັກສະແດງແຫ່ງຊາດລາວ ແລະ ຊີມອາຫານທີ່ເປັນເອກະລັກຂອງ ສປປ ລາວ ຕື່ມອີກ.
(ຂ່າວ: ຕຸໄລເພັດ, ຂໍ້ມູນຂ່າວກະຊວງ ຖວທ)
