ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ແຫ່ງ ສປປ ລາວ ປະທານຄະນະມິດຕະພາບລາວ-ຈີນ ພ້ອມຄະນະ ໄດ້ພົບປະກັບ ທ່ານ ສຸຍເຄີລາຍທີ ຈາເຄີເອີ ຮອງປະທານສະພາຜູ້ແທນປະຊາຊົນທົ່ວປະເທດ ແຫ່ງ ສປ ຈີນ ພ້ອມຄະນະ ໃນວັນທີ 27 ພຶດສະພານີ້ທີ່ສະພາແຫ່ງຊາດ(ສພຊ) ຊຶ່ງການພົບປະຄັ້ງນີ້ ສອງຝ່າຍໄດ້ຕີລາຄາສູງຕໍ່ການຮ່ວມມືກັນໃນໄລຍະຜ່ານມາ; ໂອກາດນີ້, ຝ່າຍລາວ ກໍໄດ້ສະເໜີ 4 ທິດທາງການພົວພັນ ແລະ ຮ່ວມມືໃນຕໍ່ໜ້າ ຢ່າງເປັນຮູບປະທໍາ.
ການພົບປະສອງຝ່າຍຄັ້ງນີ້, ເປັນການຜັນຂະຫຍາຍ ຂໍ້ຕົກລົງການຮ່ວມມື ລະຫວ່າງ ສະພາແຫ່ງຊາດ ແຫ່ງ ສປປ ລາວ ແລະ ສະພາຜູ້ແທນປະຊາຊົນທົ່ວປະເທດ ແຫ່ງ ສປ ຈີນ ທີ່ ສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກປະຊາຊົນປະຕິວັດລາວ ປະທານສະພາແຫ່ງຊາດລາວ ແລະ ທ່ານ ຈ້າວ ເລີ້ຈີ້ ກໍາມະການກົມການເມືອງສູນກາງພັກກອມມູນິດຈີນ ປະທານສະພາຜູ້ແທນປະຊາຊົນທົ່ວປະເທດຈີນ ໄດ້ລົງນາມຮ່ວມກັນ ໃນເດືອນກັນຍາ ປີ 2023 ຜ່ານມາ ຊຶ່ງເປັນການເສີມຂະຫຍາຍການພົວພັນ ແລະ ການຮ່ວມມື ຢ່າງຕໍ່ເນື່ອງ ແລະ ເປັນຮູບປະທໍາຍິ່ງໆຂຶ້ນ.
ໃນໂອກາດນີ້, ທ່ານ ສົມມາດ ພົນເສນາ ກໍໄດ້ຕີລາຄາສູງ ຕໍ່ຜົນສໍາເລັດໃນການພົວພັນຮ່ວມມືລະຫວ່າງສອງປະເທດ ລາວ-ຈີນ ໃນຕະຫຼອດໄລຍະຜ່ານມາ ທີ່ໄດ້ມີການຂະຫຍາຍຕົວຢ່າງບໍ່ຢຸດຢັ້ງການຮ່ວມມືທາງດ້ານເສດຖະກິດສອງຝ່າຍລາວ-ຈີນ ໄດ້ມີໝາກຜົນສໍາເລັດອັນໃໝ່, ເປັນຕົ້ນແມ່ນ ສປ ຈີນ ເປັນປະເທດລົງທຶນຢູ່ ສປປ ລາວ ຫຼາຍທີ່ສຸດ ແລະ ສປ ຈີນ ກໍເປັນຄູ່ຄ້າໃຫຍ່ ອັນດັບສອງຂອງລາວຊຶ່ງ ສປ ຈີນ ມີ 900 ກວ່າໂຄງການທີ່ລົງທຶນຢູ່ ສປປ ລາວ, ລວມມູນຄ່າ 13 ຕື້ໂດລາ. ພ້ອມນັ້ນ, ມູນຄ່າການຄ້າລາວ-ຈີນ ແຕ່ເດືອນມັງກອນ-ຕຸລາ 2023 ບັນລຸໄດ້ 5,56 ຕື້ໂດລາ, ທຽບໃສ່ໄລຍະດຽວກັນ ຂອງປີຜ່ານມາ ເພີ່ມຂຶ້ນ 24,5% ຂະນະດຽວກັນນັ້ນ, ນັກທ່ອງທ່ຽວຈີນ ກໍຈັດຢູ່ໃນອັນດັບ 2 ຂອງນັກທ່ອງທ່ຽວຕ່າງປະເທດ ທີ່ມາທ່ອງທ່ຽວລາວ ໃນປີ 2024, ມີ 6 ແສນກວ່າຄົນ ຊຶ່ງຖືເປັນກຽດທີ່ໃນ 2 ວັນຜ່ານມາ ສະຫາຍໄດ້ໄປຢ້ຽມຢາມນະຄອນ-ຫຼວງພະບາງ ເມືອງມໍລະດົກໂລກ ແລະ ເປັນເມືອງທີ່ມີແຫຼ່ງທ່ອງທ່ຽວທາງທໍາມະຊາດ ແລະ ວັດທະນະທໍາ ຖືເປັນການປະກອບສ່ວນເຂົ້າໃນການທ່ອງທ່ຽວລາວ ປີ 2024.
ພ້ອມນີ້, ທ່ານ ສົມມາດ ພົນເສນາ ກໍໄດ້ຕີລາຄາສູງຕໍ່ ລັດຖະບານ ສອງປະເທດ ທີ່ໄດ້ເອົາໃຈໃສ່ຈັດຕັ້ງປະຕິບັດບັນດາໂຄງການຮ່ວມມື ແລະ ຊ່ວຍເຫຼືອ ຂອງ ສປຈີນ ຢູ່ ສປປ ລາວ ເປັນຕົ້ນແມ່ນ ໂຄງການເສັ້ນທາງລົດໄຟ ລາວ-ຈີນ, ໂຄງການເສັ້ນທາງດ່ວນວຽງຈັນ-ວັງວຽງ, ເຂດພັດທະນາກວມລວມໄຊເສດຖາ, ໂຄງການປັບປຸງໂຮງໝໍມະໂຫສົດ, ໂຄງການຊ່ວຍເຫຼືອແກ້ໄຂຄວາມທຸກຍາກຢູ່ທ້ອງຖິ່ນ ຂອງ ສປປ ລາວ ຊຶ່ງພວມນໍາເອົາຜົນສໍາເລັດ ແລະ ຜົນປະໂຫຍດ ມາສູ່ປະຊາຊົນລາວ, ພິເສດເປັນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ.
ນອກນີ້, ເພື່ອສືບຕໍ່ຈັດຕັ້ງຜັນຂະຫຍາຍຂໍ້ຕົກລົງການຮ່ວມມື ລະຫວ່າງ ສະພາແຫ່ງຊາດລາວ ແລະ ສະພາຜູ້ແທນປະຊາຊົນທົ່ວປະເທດຈີນ ທີ່ ປະທານສະພາລາວ-ຈີນ ໄດ້ລົງນາມຮ່ວມກັນ ໃນວັນທີ 4 ກັນຍາ 2023 ຜ່ານມາ ໃຫ້ເປັນຮູບປະທໍາ, ຝ່າຍລາວ ກໍໄດ້ສະເໜີທິດທາງແຜນການຮ່ວມມືກັນໃນຕໍ່ໜ້າດັ່ງນີ້: 1) ສືບຕໍ່ຢຶດໝັ້ນ ການຖະນຸຖະໜອມ ແລະ ເພີ່ມພູນຄູນສ້າງ ສາຍພົວພັນມິດຕະພາບ ອັນເປັນມູນເຊື້ອ, ການຮ່ວມມືແບບຄູ່ຮ່ວມຍຸດທະສາດ ຮອບດ້ານ, ໝັ້ນຄົງ, ຍາວນານ ຕາມທິດ 4 ດີ (ບ້ານໃກ້ເຮືອນຄຽງທີ່ດີ, ເພື່ອນທີ່ດີ, ສະຫາຍທີ່ດີ, ຄູ່ຮ່ວມມືທີ່ດີ) ບົນພື້ນຖານ ປະຕິບັດຫຼັກການເຄົາລົບ ແລະ ໄວ້ເນື້ອເຊື່ອໃຈ ຊຶ່ງກັນແລະກັນ, ສະເໝີພາບ ແລະ ການຮ່ວມມື ທີ່ຕ່າງຝ່າຍຕ່າງໄດ້ຮັບຜົນປະໂຫຍດ ແລະ ເປັນໄປຕາມກົດໝາຍ ຂອງ ລາວ ແລະ ຈີນ;2) ສືບຕໍ່ແລກປ່ຽນການຢ້ຽມຢາມຂອງຄະນະຜູ້ແທນຂັ້ນສູງ, ກຳມາທິການ, ຄະນະເລຂາທິການ ແລະ ຄະນະມິດຕະພາບລັດຖະສະພາ ລາວ-ຈີນ, ກໍຄືຄະນະຜູ້ແທນຈາກສະພາປະຊາຊົນຂັ້ນທ້ອງຖິ່ນຂອງສອງປະເທດ ໃນການຊຸກຍູ້ ແລະ ຕິດຕາມກວດກາການຈັດຕັ້ງປະຕິບັດບັນດາສັນຍາ, ສົນທິສັນຍາ, ບັນດາໂຄງການຮ່ວມມື ແລະ ໂຄງການລົງທຶນຕ່າງໆ ທີ່ສອງປະເທດໄດ້ລົງນາມຮ່ວມກັນ ໃຫ້ມີປະສິດຕິພາບ ແລະ ປະສິດຕິຜົນດີ ແລະ ສະເໜີໃຫ້ມີການເຊັນບົດບັນທຶກການຮ່ວມມື ລະຫວ່າງ ສະພາປະຊາຊົນຂັ້ນແຂວງ ຂອງລາວ ກັບ ສະພາຜູ້ແທນປະຊາຊົນແຂວງຂອງຈີນ;3) ແລກປ່ຽນບົດຮຽນ ແລະ ຂໍ້ມູນຂ່າວສານ ໃນການປະຕິບັດພາລະບົດບາດ ຂອງອົງການນິຕິບັນຍັດ ນຳກັນ, ຮ່ວມກັນຈັດກອງປະຊຸມສໍາມະນາ, ທັດສະນະສຶກສາ ແລະ ຈັດປະຊຸມຜ່ານລະບົບທາງໄກແບບອອນລາຍນຳກັນ;4) ສືບຕໍ່ປຶກສາຫາລື ແລະ ແລກປ່ຽນທັດສະນະກ່ຽວກັບບັນຫາທີ່ມີຄວາມສົນໃຈຮ່ວມກັນ, ສືບຕໍ່ສະໜັບສະໜູນ ແລະ ຮ່ວມມືຊຶ່ງກັນ ແລະກັນ ໃນເວທີລັດຖະສະພາພາກພື້ນ ແລະ ສາກົນ ໂດຍສະເພາະ ໃນໂອກາດທີ່ ສປປ ລາວ ເປັນປະທານອາຊຽນ ກໍຄືສະພາແຫ່ງຊາດລາວ ເປັນປະທານໄອປາ ໃນທ້າຍປີ 2024 ນີ້.
(ຂ່າວ: ສຸກສະຫວັນ, ພາບ: ອ່າຍຄໍາ)
ການພົບປະສອງຝ່າຍຄັ້ງນີ້, ເປັນການຜັນຂະຫຍາຍ ຂໍ້ຕົກລົງການຮ່ວມມື ລະຫວ່າງ ສະພາແຫ່ງຊາດ ແຫ່ງ ສປປ ລາວ ແລະ ສະພາຜູ້ແທນປະຊາຊົນທົ່ວປະເທດ ແຫ່ງ ສປ ຈີນ ທີ່ ສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກປະຊາຊົນປະຕິວັດລາວ ປະທານສະພາແຫ່ງຊາດລາວ ແລະ ທ່ານ ຈ້າວ ເລີ້ຈີ້ ກໍາມະການກົມການເມືອງສູນກາງພັກກອມມູນິດຈີນ ປະທານສະພາຜູ້ແທນປະຊາຊົນທົ່ວປະເທດຈີນ ໄດ້ລົງນາມຮ່ວມກັນ ໃນເດືອນກັນຍາ ປີ 2023 ຜ່ານມາ ຊຶ່ງເປັນການເສີມຂະຫຍາຍການພົວພັນ ແລະ ການຮ່ວມມື ຢ່າງຕໍ່ເນື່ອງ ແລະ ເປັນຮູບປະທໍາຍິ່ງໆຂຶ້ນ.
ໃນໂອກາດນີ້, ທ່ານ ສົມມາດ ພົນເສນາ ກໍໄດ້ຕີລາຄາສູງ ຕໍ່ຜົນສໍາເລັດໃນການພົວພັນຮ່ວມມືລະຫວ່າງສອງປະເທດ ລາວ-ຈີນ ໃນຕະຫຼອດໄລຍະຜ່ານມາ ທີ່ໄດ້ມີການຂະຫຍາຍຕົວຢ່າງບໍ່ຢຸດຢັ້ງການຮ່ວມມືທາງດ້ານເສດຖະກິດສອງຝ່າຍລາວ-ຈີນ ໄດ້ມີໝາກຜົນສໍາເລັດອັນໃໝ່, ເປັນຕົ້ນແມ່ນ ສປ ຈີນ ເປັນປະເທດລົງທຶນຢູ່ ສປປ ລາວ ຫຼາຍທີ່ສຸດ ແລະ ສປ ຈີນ ກໍເປັນຄູ່ຄ້າໃຫຍ່ ອັນດັບສອງຂອງລາວຊຶ່ງ ສປ ຈີນ ມີ 900 ກວ່າໂຄງການທີ່ລົງທຶນຢູ່ ສປປ ລາວ, ລວມມູນຄ່າ 13 ຕື້ໂດລາ. ພ້ອມນັ້ນ, ມູນຄ່າການຄ້າລາວ-ຈີນ ແຕ່ເດືອນມັງກອນ-ຕຸລາ 2023 ບັນລຸໄດ້ 5,56 ຕື້ໂດລາ, ທຽບໃສ່ໄລຍະດຽວກັນ ຂອງປີຜ່ານມາ ເພີ່ມຂຶ້ນ 24,5% ຂະນະດຽວກັນນັ້ນ, ນັກທ່ອງທ່ຽວຈີນ ກໍຈັດຢູ່ໃນອັນດັບ 2 ຂອງນັກທ່ອງທ່ຽວຕ່າງປະເທດ ທີ່ມາທ່ອງທ່ຽວລາວ ໃນປີ 2024, ມີ 6 ແສນກວ່າຄົນ ຊຶ່ງຖືເປັນກຽດທີ່ໃນ 2 ວັນຜ່ານມາ ສະຫາຍໄດ້ໄປຢ້ຽມຢາມນະຄອນ-ຫຼວງພະບາງ ເມືອງມໍລະດົກໂລກ ແລະ ເປັນເມືອງທີ່ມີແຫຼ່ງທ່ອງທ່ຽວທາງທໍາມະຊາດ ແລະ ວັດທະນະທໍາ ຖືເປັນການປະກອບສ່ວນເຂົ້າໃນການທ່ອງທ່ຽວລາວ ປີ 2024.
ພ້ອມນີ້, ທ່ານ ສົມມາດ ພົນເສນາ ກໍໄດ້ຕີລາຄາສູງຕໍ່ ລັດຖະບານ ສອງປະເທດ ທີ່ໄດ້ເອົາໃຈໃສ່ຈັດຕັ້ງປະຕິບັດບັນດາໂຄງການຮ່ວມມື ແລະ ຊ່ວຍເຫຼືອ ຂອງ ສປຈີນ ຢູ່ ສປປ ລາວ ເປັນຕົ້ນແມ່ນ ໂຄງການເສັ້ນທາງລົດໄຟ ລາວ-ຈີນ, ໂຄງການເສັ້ນທາງດ່ວນວຽງຈັນ-ວັງວຽງ, ເຂດພັດທະນາກວມລວມໄຊເສດຖາ, ໂຄງການປັບປຸງໂຮງໝໍມະໂຫສົດ, ໂຄງການຊ່ວຍເຫຼືອແກ້ໄຂຄວາມທຸກຍາກຢູ່ທ້ອງຖິ່ນ ຂອງ ສປປ ລາວ ຊຶ່ງພວມນໍາເອົາຜົນສໍາເລັດ ແລະ ຜົນປະໂຫຍດ ມາສູ່ປະຊາຊົນລາວ, ພິເສດເປັນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ.
ນອກນີ້, ເພື່ອສືບຕໍ່ຈັດຕັ້ງຜັນຂະຫຍາຍຂໍ້ຕົກລົງການຮ່ວມມື ລະຫວ່າງ ສະພາແຫ່ງຊາດລາວ ແລະ ສະພາຜູ້ແທນປະຊາຊົນທົ່ວປະເທດຈີນ ທີ່ ປະທານສະພາລາວ-ຈີນ ໄດ້ລົງນາມຮ່ວມກັນ ໃນວັນທີ 4 ກັນຍາ 2023 ຜ່ານມາ ໃຫ້ເປັນຮູບປະທໍາ, ຝ່າຍລາວ ກໍໄດ້ສະເໜີທິດທາງແຜນການຮ່ວມມືກັນໃນຕໍ່ໜ້າດັ່ງນີ້: 1) ສືບຕໍ່ຢຶດໝັ້ນ ການຖະນຸຖະໜອມ ແລະ ເພີ່ມພູນຄູນສ້າງ ສາຍພົວພັນມິດຕະພາບ ອັນເປັນມູນເຊື້ອ, ການຮ່ວມມືແບບຄູ່ຮ່ວມຍຸດທະສາດ ຮອບດ້ານ, ໝັ້ນຄົງ, ຍາວນານ ຕາມທິດ 4 ດີ (ບ້ານໃກ້ເຮືອນຄຽງທີ່ດີ, ເພື່ອນທີ່ດີ, ສະຫາຍທີ່ດີ, ຄູ່ຮ່ວມມືທີ່ດີ) ບົນພື້ນຖານ ປະຕິບັດຫຼັກການເຄົາລົບ ແລະ ໄວ້ເນື້ອເຊື່ອໃຈ ຊຶ່ງກັນແລະກັນ, ສະເໝີພາບ ແລະ ການຮ່ວມມື ທີ່ຕ່າງຝ່າຍຕ່າງໄດ້ຮັບຜົນປະໂຫຍດ ແລະ ເປັນໄປຕາມກົດໝາຍ ຂອງ ລາວ ແລະ ຈີນ;2) ສືບຕໍ່ແລກປ່ຽນການຢ້ຽມຢາມຂອງຄະນະຜູ້ແທນຂັ້ນສູງ, ກຳມາທິການ, ຄະນະເລຂາທິການ ແລະ ຄະນະມິດຕະພາບລັດຖະສະພາ ລາວ-ຈີນ, ກໍຄືຄະນະຜູ້ແທນຈາກສະພາປະຊາຊົນຂັ້ນທ້ອງຖິ່ນຂອງສອງປະເທດ ໃນການຊຸກຍູ້ ແລະ ຕິດຕາມກວດກາການຈັດຕັ້ງປະຕິບັດບັນດາສັນຍາ, ສົນທິສັນຍາ, ບັນດາໂຄງການຮ່ວມມື ແລະ ໂຄງການລົງທຶນຕ່າງໆ ທີ່ສອງປະເທດໄດ້ລົງນາມຮ່ວມກັນ ໃຫ້ມີປະສິດຕິພາບ ແລະ ປະສິດຕິຜົນດີ ແລະ ສະເໜີໃຫ້ມີການເຊັນບົດບັນທຶກການຮ່ວມມື ລະຫວ່າງ ສະພາປະຊາຊົນຂັ້ນແຂວງ ຂອງລາວ ກັບ ສະພາຜູ້ແທນປະຊາຊົນແຂວງຂອງຈີນ;3) ແລກປ່ຽນບົດຮຽນ ແລະ ຂໍ້ມູນຂ່າວສານ ໃນການປະຕິບັດພາລະບົດບາດ ຂອງອົງການນິຕິບັນຍັດ ນຳກັນ, ຮ່ວມກັນຈັດກອງປະຊຸມສໍາມະນາ, ທັດສະນະສຶກສາ ແລະ ຈັດປະຊຸມຜ່ານລະບົບທາງໄກແບບອອນລາຍນຳກັນ;4) ສືບຕໍ່ປຶກສາຫາລື ແລະ ແລກປ່ຽນທັດສະນະກ່ຽວກັບບັນຫາທີ່ມີຄວາມສົນໃຈຮ່ວມກັນ, ສືບຕໍ່ສະໜັບສະໜູນ ແລະ ຮ່ວມມືຊຶ່ງກັນ ແລະກັນ ໃນເວທີລັດຖະສະພາພາກພື້ນ ແລະ ສາກົນ ໂດຍສະເພາະ ໃນໂອກາດທີ່ ສປປ ລາວ ເປັນປະທານອາຊຽນ ກໍຄືສະພາແຫ່ງຊາດລາວ ເປັນປະທານໄອປາ ໃນທ້າຍປີ 2024 ນີ້.
(ຂ່າວ: ສຸກສະຫວັນ, ພາບ: ອ່າຍຄໍາ)
