ໃນລະຫວ່າງວັນທີ 22-25 ພຶດສະພາຜ່ານມາ, ຄະນະຜູ້ແທນຂອງອົງການກວດສອບແຫ່ງລັດ ສປປ ລາວ, ນໍາໂດຍ ທ່ານ ວຽງທະວີສອນ ເທບພະຈັນ ກຳມະການສຳຮອງສູນກາງພັກ ປະທານອົງການກວດສອບແຫ່ງລັດ ໄດ້ເດີນທາງໄປເຄື່ອນໄຫວຢ້ຽມຢາມ ແລະ ເຮັດວຽກ ກັບສຳນັກງານກວດສອບແຫ່ງຊາດ ມາເລເຊຍ ທີ່ນະຄອນຫຼວງກົວລາລຳເປີ ປະເທດມາເລເຊຍ ໂດຍໄດ້ຮັບການຕ້ອນຮັບຂອງ ທ່ານ ນາງ ດາໂຕະ ວັນ ສຸຣາຢະ ວັນ ໂມຮາມັດ ຣາຊິ (Datuk Wan Suraya Wan Mohd Radzi) ປະທານສຳນັກງານກວດສອບແຫ່ງຊາດ ມາເລເຊຍ.
ການຢ້ຽມຢາມ ແລະ ເຮັດວຽກຄັ້ງນີ້, ຄະນະຜູ້ແທນ ໄດ້ເຂົ້າຮ່ວມພົບປະສອງຝ່າຍ, ແລກປ່ຽນບົດຮຽນກ່ຽວກັບການເຄື່ອນວຽກງານກວດສອບຂອງສອງອົງການ, ການກວດສອບຜົນການຈັດຕັ້ງປະຕິບັດ ລົງເລິກການກວດສອບການກໍ່ສ້າງເສັ້ນທາງ ແລະ ຢ້ຽມຢາມແລກປ່ຽນບົດຮຽນກ່ຽວກັບການເຄື່ອນໄຫວ, ຫຼັກສູດຝຶກອົບຮົມ ແລະ ການຈັດຕັ້ງປະຕິບັດໜ້າທີ່ວຽກງານຂອງສະຖາບັນຝຶກອົບຮົມ.
ການພົບປະສອງຝ່າຍຄັ້ງນີ້, ເປັນຂີດໝາຍໃນການສືບຕໍ່ເສີມຂະຫຍາຍສາຍພົວພັນຮ່ວມມື ພາຍໃຕ້ຂອບການຮ່ວມມືສອງຝ່າຍໄດ້ເຊັນບົດບັນທຶກຄວາມເຂົ້າໃຈຮ່ວມມືສອງຝ່າຍແຕ່ ປີ 2022 ເປັນຕົ້ນມາ ແນໃສ່ຊຸກຍູ້ຊ່ວຍເຫຼືອ ແລະ ສະໜັບສະໜູນ ຊຶ່ງກັນ ແລະ ກັນ ເພື່ອພັດທະນາຂະແໜງການກວດສອບແຫ່ງລັດ ຂອງສອງປະເທດ ໃຫ້ກ້າວໜ້າຢ່າງບໍ່ຢຸດຢັ້ງ, ທັງເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມຂອງສອງປະເທດ ກໍຄືການເສີມຂະຫຍາຍສາຍພົວພັນທາງການທູດ ຄົບຮອບ 58 ປີ (1/7/1966-1/7/2024) ທີ່ໃກ້ຈະມາເຖິງນີ້. ຄະນະຜູ້ແທນທັງສອງຝ່າຍ, ໄດ້ແຈ້ງກ່ຽວກັບສະພາບການພັດທະນາເສດຖະກິດ-ສັງຄົມ ແລະ ເຄື່ອນໄຫວທີ່ພົ້ນເດັ່ນຂອງວຽກງານການກວດສອບ; ພ້ອມທັງທົບທວນຜົນສໍາເລັດ ແລະ ທິດທາງການຮ່ວມມືໃນຕໍ່ໜ້າ ຊຶ່ງໄດ້ເອກະພາບກັນດັ່ງນີ້:
1). ສືບຕໍ່ແລກປ່ຽນການຢ້ຽມຢາມພົບປະສອງຝ່າຍໃນລະດັບການນໍາຂັ້ນສູງ;
2).ສືບຕໍ່ທົບທວນບົດບັນທຶກຄວາມເຂົ້າໃຈຮ່ວມມືສອງຝ່າຍ ໂດຍການຄົ້ນຄວ້າການຮ່ວມມືໂດຍສ້າງເປັນແຜນກິດຈະກຳລະອຽດໃນການຈັດຕັ້ງປະຕິບັດເພື່ອສ້າງຄວາມເຂັ້ມແຂງໃຫ້ແກ່ວຽກງານກວດສອບຂອງທັງສອງຝ່າຍ ເປັນຕົ້ນວຽກງານສະຖາບັນຄົ້ນຄວ້າ ແລະ ຝຶກອົບຮົມວຽກງານກວດສອບ ຄື: ການພັດທະນາຫຼັກສູດການຮຽນການສອນ ແລະ ການສ້າງຄູຝຶກ;
3). ສືບຕໍ່ໃຫ້ການສະໜັບສະໜູນການຝຶກອົບຮົມ ໃຫ້ແກ່ພະນັກງານຫຼັກແຫຼ່ງຂອງອົງການກວດສອບແຫ່ງລັດ ສປປ ລາວ;
4). ໃຫ້ການສະໜັບສະໜູນຊຶ່ງກັນ ແລະ ກັນ ໃນເວທີພາກພື້ນ ແລະ ສາກົນ.
ໃນໂອກາດທີ່ມີຄວາມໝາຍຄວາມສຳຄັນດັ່ງກ່າວ, ທ່ານ ວຽງທະວີສອນ ເທບພະຈັນ ໄດ້ສະແດງຄວາມຂອບໃຈຢ່າງຈິງໃຈມາຍັງສໍານັກງານກວດສອບແຫ່ງຊາດ ມາເລເຊຍ ກໍຄືສະຖາບັນຝຶກອົບຮົມ ມາເລເຊຍ ທີ່ໄດ້ໃຫ້ການຕ້ອນຮັບ ແລະ ແບ່ງປັນຄວາມຮູ້ໃຫ້ແກ່ອົງການກວດສອບແຫ່ງລັດ ສປປ ລາວ ຕະຫຼອດມາ ແລະ ຈະສືບຕໍ່ການຮ່ວມມືໃນການສ້າງຄວາມເຂັ້ມແຂງໃຫ້ແກ່ພະນັກງານ-ນັກກວດສອບຂອງອົງການກວດສອບແຫ່ງລັດ ສປປ ລາວ ໃນຕໍ່ໜ້າ; ຈາກນັ້ນ, ທ່ານ ນາງ ດາໂຕະ ວັນ ສຸຣາຢະ ວັນ ໂມຮາມັດ ຣາຊິ ກໍໄດ້ສະແດງຄວາມຍິນດີ ແລະ ເຊື່ອໝັ້ນວ່າອົງການກວດສອບແຫ່ງລັດ ສປປ ລາວ ແລະ ສຳນັກງານກວດສອບແຫ່ງຊາດ ມາເລເຊຍ ຈະສືບຕໍ່ສະໜັບສະໜູນຊຶ່ງກັນ ແລະ ກັນ; ພ້ອມທັງຈະເສີມຂະຫຍາຍສາຍພົວພັນຮ່ວມມື ລະຫວ່າງ ສອງອົງການກວດສອບແຫ່ງລັດ ໃຫ້ກ້າວໜ້າຂຶ້ນເລື້ອຍໆ; ຄະນະຜູ້ແທນ ຍັງໄດ້ເດີນທາງໄປຢ້ຽມຢາມສະຖາບັນຝຶກອົບຮົມມາເລເຊຍ ໃນຕອນເຊົ້າຂອງວັນທີ 24 ພຶດສະພາ ຜ່ານມາ, ສະຖາບັນຝຶກອົບຮົມນີ້ໄດ້ຮັບການສ້າງຕັ້ງຂຶ້ນໃນປີ 2015 ເພື່ອເຮັດໜ້າທີ່ຝຶກອົບຮົມວຽກງານກວດສອບ ແລະ ການບັນຊີ ໃຫ້ແກ່ນັກກວດສອບທັງພາຍໃນ ແລະ ຕ່າງປະເທດ ໃຫ້ເປັນມືອາຊີບ; ສະຖາບັນຝຶກອົບຮົມດັ່ງກ່າວ, ມີສິ່ງອຳນວຍຄວາມສະດວກຫຼາຍດ້ານ ເປັນຕົ້ນ: ຕຶກອາຄານ, ສະຖານທີ່ຝຶກອົບຮົມ ມີຄວາມທັນສະໄໝ, ຫຼັກສູດທີ່ຫຼາກຫຼາຍ ແລະ ມີຫ້ອງ, ມີອຸປະກອນສິ່ງອຳນວຍຄວາມສະດວກຕ່າງໆຄົບຊຸດ; ພິເສດແມ່ນສະຖາບັນດັ່ງກ່າວນີ້, ມີຄວາມຍິນດີຈະຈັດຝຶກອົບຮົມ ໃຫ້ແກ່ນັກກວດສອບ ສປປ ລາວ ໃນຫຼາກຫຼາຍຫົວຂໍ້ ຕາມຄວາມຈຳເປັນ.
(ຂ່າວ-ພາບ: ອົງການກວດສອບແຫ່ງລັດ)
ການຢ້ຽມຢາມ ແລະ ເຮັດວຽກຄັ້ງນີ້, ຄະນະຜູ້ແທນ ໄດ້ເຂົ້າຮ່ວມພົບປະສອງຝ່າຍ, ແລກປ່ຽນບົດຮຽນກ່ຽວກັບການເຄື່ອນວຽກງານກວດສອບຂອງສອງອົງການ, ການກວດສອບຜົນການຈັດຕັ້ງປະຕິບັດ ລົງເລິກການກວດສອບການກໍ່ສ້າງເສັ້ນທາງ ແລະ ຢ້ຽມຢາມແລກປ່ຽນບົດຮຽນກ່ຽວກັບການເຄື່ອນໄຫວ, ຫຼັກສູດຝຶກອົບຮົມ ແລະ ການຈັດຕັ້ງປະຕິບັດໜ້າທີ່ວຽກງານຂອງສະຖາບັນຝຶກອົບຮົມ.
ການພົບປະສອງຝ່າຍຄັ້ງນີ້, ເປັນຂີດໝາຍໃນການສືບຕໍ່ເສີມຂະຫຍາຍສາຍພົວພັນຮ່ວມມື ພາຍໃຕ້ຂອບການຮ່ວມມືສອງຝ່າຍໄດ້ເຊັນບົດບັນທຶກຄວາມເຂົ້າໃຈຮ່ວມມືສອງຝ່າຍແຕ່ ປີ 2022 ເປັນຕົ້ນມາ ແນໃສ່ຊຸກຍູ້ຊ່ວຍເຫຼືອ ແລະ ສະໜັບສະໜູນ ຊຶ່ງກັນ ແລະ ກັນ ເພື່ອພັດທະນາຂະແໜງການກວດສອບແຫ່ງລັດ ຂອງສອງປະເທດ ໃຫ້ກ້າວໜ້າຢ່າງບໍ່ຢຸດຢັ້ງ, ທັງເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມຂອງສອງປະເທດ ກໍຄືການເສີມຂະຫຍາຍສາຍພົວພັນທາງການທູດ ຄົບຮອບ 58 ປີ (1/7/1966-1/7/2024) ທີ່ໃກ້ຈະມາເຖິງນີ້. ຄະນະຜູ້ແທນທັງສອງຝ່າຍ, ໄດ້ແຈ້ງກ່ຽວກັບສະພາບການພັດທະນາເສດຖະກິດ-ສັງຄົມ ແລະ ເຄື່ອນໄຫວທີ່ພົ້ນເດັ່ນຂອງວຽກງານການກວດສອບ; ພ້ອມທັງທົບທວນຜົນສໍາເລັດ ແລະ ທິດທາງການຮ່ວມມືໃນຕໍ່ໜ້າ ຊຶ່ງໄດ້ເອກະພາບກັນດັ່ງນີ້:
1). ສືບຕໍ່ແລກປ່ຽນການຢ້ຽມຢາມພົບປະສອງຝ່າຍໃນລະດັບການນໍາຂັ້ນສູງ;
2).ສືບຕໍ່ທົບທວນບົດບັນທຶກຄວາມເຂົ້າໃຈຮ່ວມມືສອງຝ່າຍ ໂດຍການຄົ້ນຄວ້າການຮ່ວມມືໂດຍສ້າງເປັນແຜນກິດຈະກຳລະອຽດໃນການຈັດຕັ້ງປະຕິບັດເພື່ອສ້າງຄວາມເຂັ້ມແຂງໃຫ້ແກ່ວຽກງານກວດສອບຂອງທັງສອງຝ່າຍ ເປັນຕົ້ນວຽກງານສະຖາບັນຄົ້ນຄວ້າ ແລະ ຝຶກອົບຮົມວຽກງານກວດສອບ ຄື: ການພັດທະນາຫຼັກສູດການຮຽນການສອນ ແລະ ການສ້າງຄູຝຶກ;
3). ສືບຕໍ່ໃຫ້ການສະໜັບສະໜູນການຝຶກອົບຮົມ ໃຫ້ແກ່ພະນັກງານຫຼັກແຫຼ່ງຂອງອົງການກວດສອບແຫ່ງລັດ ສປປ ລາວ;
4). ໃຫ້ການສະໜັບສະໜູນຊຶ່ງກັນ ແລະ ກັນ ໃນເວທີພາກພື້ນ ແລະ ສາກົນ.
ໃນໂອກາດທີ່ມີຄວາມໝາຍຄວາມສຳຄັນດັ່ງກ່າວ, ທ່ານ ວຽງທະວີສອນ ເທບພະຈັນ ໄດ້ສະແດງຄວາມຂອບໃຈຢ່າງຈິງໃຈມາຍັງສໍານັກງານກວດສອບແຫ່ງຊາດ ມາເລເຊຍ ກໍຄືສະຖາບັນຝຶກອົບຮົມ ມາເລເຊຍ ທີ່ໄດ້ໃຫ້ການຕ້ອນຮັບ ແລະ ແບ່ງປັນຄວາມຮູ້ໃຫ້ແກ່ອົງການກວດສອບແຫ່ງລັດ ສປປ ລາວ ຕະຫຼອດມາ ແລະ ຈະສືບຕໍ່ການຮ່ວມມືໃນການສ້າງຄວາມເຂັ້ມແຂງໃຫ້ແກ່ພະນັກງານ-ນັກກວດສອບຂອງອົງການກວດສອບແຫ່ງລັດ ສປປ ລາວ ໃນຕໍ່ໜ້າ; ຈາກນັ້ນ, ທ່ານ ນາງ ດາໂຕະ ວັນ ສຸຣາຢະ ວັນ ໂມຮາມັດ ຣາຊິ ກໍໄດ້ສະແດງຄວາມຍິນດີ ແລະ ເຊື່ອໝັ້ນວ່າອົງການກວດສອບແຫ່ງລັດ ສປປ ລາວ ແລະ ສຳນັກງານກວດສອບແຫ່ງຊາດ ມາເລເຊຍ ຈະສືບຕໍ່ສະໜັບສະໜູນຊຶ່ງກັນ ແລະ ກັນ; ພ້ອມທັງຈະເສີມຂະຫຍາຍສາຍພົວພັນຮ່ວມມື ລະຫວ່າງ ສອງອົງການກວດສອບແຫ່ງລັດ ໃຫ້ກ້າວໜ້າຂຶ້ນເລື້ອຍໆ; ຄະນະຜູ້ແທນ ຍັງໄດ້ເດີນທາງໄປຢ້ຽມຢາມສະຖາບັນຝຶກອົບຮົມມາເລເຊຍ ໃນຕອນເຊົ້າຂອງວັນທີ 24 ພຶດສະພາ ຜ່ານມາ, ສະຖາບັນຝຶກອົບຮົມນີ້ໄດ້ຮັບການສ້າງຕັ້ງຂຶ້ນໃນປີ 2015 ເພື່ອເຮັດໜ້າທີ່ຝຶກອົບຮົມວຽກງານກວດສອບ ແລະ ການບັນຊີ ໃຫ້ແກ່ນັກກວດສອບທັງພາຍໃນ ແລະ ຕ່າງປະເທດ ໃຫ້ເປັນມືອາຊີບ; ສະຖາບັນຝຶກອົບຮົມດັ່ງກ່າວ, ມີສິ່ງອຳນວຍຄວາມສະດວກຫຼາຍດ້ານ ເປັນຕົ້ນ: ຕຶກອາຄານ, ສະຖານທີ່ຝຶກອົບຮົມ ມີຄວາມທັນສະໄໝ, ຫຼັກສູດທີ່ຫຼາກຫຼາຍ ແລະ ມີຫ້ອງ, ມີອຸປະກອນສິ່ງອຳນວຍຄວາມສະດວກຕ່າງໆຄົບຊຸດ; ພິເສດແມ່ນສະຖາບັນດັ່ງກ່າວນີ້, ມີຄວາມຍິນດີຈະຈັດຝຶກອົບຮົມ ໃຫ້ແກ່ນັກກວດສອບ ສປປ ລາວ ໃນຫຼາກຫຼາຍຫົວຂໍ້ ຕາມຄວາມຈຳເປັນ.
(ຂ່າວ-ພາບ: ອົງການກວດສອບແຫ່ງລັດ)
