ຂ່າວສານຊີອາໄອລາຍງານຫວ່າງມໍ່ໆມານີ້ວ່າ: ໂດຍຜ່ານການປຶກສາຫາລືຮ່ວມກັນລະຫວ່າງຈີນກັບບັນດາປະເທດອາຣັບ, ກອງປະຊຸມລະດັບລັດຖະມົນຕີຄັ້ງທີ 10 ຂອງກອງປະຊຸມເວທີປຶກສາຫາລືການຮ່ວມມືຈີນ-ປະເທດອາຣັບ ຈະຈັດຂຶ້ນຢູ່ນະຄອນຫຼວງປັກກິ່ງໃນວັນທີ 30 ພຶດສະພານີ້, ທ່ານສີຈິ້ນຜິງ ປະທານປະເທດຈີນຈະເຂົ້າຮ່ວມ ແລະ ກ່າວຄຳປາໄສໃນພິທີເປີດກອງປະຊຸມດັ່ງກ່າວ.

ທ່ານຫວາງຢີ້ ກຳມະການກົມການເມືອງສູນກາງພັກກອມມູນິດຈີນລັດຖະມົນຕີກະຊວງການຕ່າງປະເທດຈີນ ແລະ ທ່ານໂມຮາເມັດ ຊາເລັມ ອຸນ ເມີຊວງ ປະທານຝ່າຍອາຣັບລັດຖະມົນຕີກະຊວງການຕ່າງປະເທດໂມຣີຕານີຈະເປັນປະທານຮ່ວມໃນກອງປະຊຸມ. ລັດຖະມົນຕີກະຊວງການຕ່າງປະເທດ ຫຼື ຜູ້ຕາງໜ້າປະເທດອາຣັບ ແລະ ເລຂາທິການໃຫຍ່ສັນນິບາດປະເທດອາຣັບຈະເຂົ້າຮ່ວມກອງປະຊຸມດ້ວຍ.