ບໍລິສັດໂຕໂຢຕ້າລາວຈຳກັດໄດ້ຈັດຄາລາວານລົດHybrid WOW ເປັນປີທີ 3 ເດີນທາງຈາກນະຄອນຫຼວງວຽງຈັນໄປ ຊະນະຄາມຫາເມືອງຊຽງຄານຈັງຫວັດເລີຍປະເທດໄທ.
ການຈັດຄາລາວານລົດຄັ້ງນີ້ ມີຈຸດປະສົງເພື່ອຮ່ວມກິດຈະກຳ ຊ່ວຍເຫຼືອສັງຄົມ, ປະສົບການການຂັບຂີ່ລົດ ລະບົບ HybridEV ແລະ ທົດສອບອັດຕາກິນນ້ຳມັນຈາກການໃຊ້ງານຕົວຈິງຈາກລູກຄ້າທີ່ນຳໃຊ້ລົດ Hybrid EV ຂອງໂຕໂຢຕ້າ ຊຶ່ງມີທັງໝົດ 3 ລຸ້ນຄື:Innova Zenix, Corolla Cross ແລະ Yaris Cross ບັນຍາກາດການເດີນທາງເຕັມໄປດ້ວຍຄວາມມ່ວນຊື່ນ ເປັນການພົບປະແລກປ່ຽນປະສົບການ ແລະ ເຕັກນິກການນຳໃຊ້ລົດລະຫວ່າງຜູ້ນຳໃຊ້ລົດHybrid EV ຕົວຈິງ.
ໃນຄາລາວານຄັ້ງນີ້ທາງບໍລິສັດໂຕໂຢຕ້າລາວຍັງໄດ້ອຸປະຖຳອຸປະກອນກິລາ, ອຸປະກອນການຮຽນ, ສີທາໂຮງຮຽນ ແລະ ລວດໜາມໝາກຈັບຈຳນວນໜຶ່ງ ລວມມູນຄ່າທັງໝົດຫຼາຍກວ່າ 118ລ້ານກີບ ໃຫ້ແກ່ 14 ໂຮງຮຽນໃນເມືອງຊະນະຄາມ ແຂວງວຽງຈັນອີກດ້ວຍ.ຕາງໜ້າມອບໂດຍທ່ານ ຄູນິຮິໂກະ ອິນາດະ ຜູ້ອຳນວຍການໃຫຍ່ບໍລິສັດໂຕໂຢຕ້າລາວຈຳກັດ ແລະ ຕາງໜ້າຮັບໂດຍ ທ່ານ ບຸນຊ່ວງ ວັນສີ ຮອງເຈົ້າເມືອງຊະນະຄາມ, ມີທ່ານ ບຸນພັນ ສີປະມວນ ຫົວໜ້າຫ້ອງການສຶກສາທິການ ແລະ ກິລາເມືອງຊະນະຄາມ, ມີນັກຮຽນ 100 ກວ່າຄົນຈາກໂຮງຮຽນປະຖົມຜາລາດ ແລະ ໂຮງຮຽນປະຖົມປາກພາງ ພ້ອມດ້ວຍຄະນະຄູ-ອາຈານຕາງໜ້າໂຮງຮຽນ ແລະ ປະຊາຊົນໃນຂອບເຂດໃກ້ຄຽງເຂົ້າຮ່ວມງານໃນຄັ້ງນີ້.
ຫຼັງຈາກສຳເລັດກິດຈະກຳອຸປະຖຳເຄື່ອງທີ່ເມືອງຊະນະຄາມແລ້ວ ທາງຄະນະກໍໄດ້ມຸ່ງໜ້າເດີນທາງໄປທີ່ເມືອງຊຽງຄານຈັງຫວັດເລີຍປະເທດໄທ ແລະ ໄດ້ຢ້ຽມຊົມສະຖານທີ່ທ່ອງທ່ຽວ, ຮ່ວມຮັບປະທານອາຫານຄ່ຳ, ສັງສັນລະຫວ່າງບັນດາລູກຄ້າ ແລະ ພະນັກງານ ພ້ອມທັງຫຼິ້ນກິດຈະກຳ ເພື່ອຮັບຂອງລາງວັນຈາກທາງໂຕໂຢຕ້າ ຊຶ່ງບັນຍາກາດເຕັມໄປດ້ວຍຄວາມຄຶກຄື້ນ ມ່ວນຊື່ນ ແລະ ຄວາມປະທັບໃຈກັບມິດຕະພາບໃໝ່ໆໃນງານນີ້.
ຂ່າວ-ພາບ: ໂຕໂຢຕາ
ການຈັດຄາລາວານລົດຄັ້ງນີ້ ມີຈຸດປະສົງເພື່ອຮ່ວມກິດຈະກຳ ຊ່ວຍເຫຼືອສັງຄົມ, ປະສົບການການຂັບຂີ່ລົດ ລະບົບ HybridEV ແລະ ທົດສອບອັດຕາກິນນ້ຳມັນຈາກການໃຊ້ງານຕົວຈິງຈາກລູກຄ້າທີ່ນຳໃຊ້ລົດ Hybrid EV ຂອງໂຕໂຢຕ້າ ຊຶ່ງມີທັງໝົດ 3 ລຸ້ນຄື:Innova Zenix, Corolla Cross ແລະ Yaris Cross ບັນຍາກາດການເດີນທາງເຕັມໄປດ້ວຍຄວາມມ່ວນຊື່ນ ເປັນການພົບປະແລກປ່ຽນປະສົບການ ແລະ ເຕັກນິກການນຳໃຊ້ລົດລະຫວ່າງຜູ້ນຳໃຊ້ລົດHybrid EV ຕົວຈິງ.
ໃນຄາລາວານຄັ້ງນີ້ທາງບໍລິສັດໂຕໂຢຕ້າລາວຍັງໄດ້ອຸປະຖຳອຸປະກອນກິລາ, ອຸປະກອນການຮຽນ, ສີທາໂຮງຮຽນ ແລະ ລວດໜາມໝາກຈັບຈຳນວນໜຶ່ງ ລວມມູນຄ່າທັງໝົດຫຼາຍກວ່າ 118ລ້ານກີບ ໃຫ້ແກ່ 14 ໂຮງຮຽນໃນເມືອງຊະນະຄາມ ແຂວງວຽງຈັນອີກດ້ວຍ.ຕາງໜ້າມອບໂດຍທ່ານ ຄູນິຮິໂກະ ອິນາດະ ຜູ້ອຳນວຍການໃຫຍ່ບໍລິສັດໂຕໂຢຕ້າລາວຈຳກັດ ແລະ ຕາງໜ້າຮັບໂດຍ ທ່ານ ບຸນຊ່ວງ ວັນສີ ຮອງເຈົ້າເມືອງຊະນະຄາມ, ມີທ່ານ ບຸນພັນ ສີປະມວນ ຫົວໜ້າຫ້ອງການສຶກສາທິການ ແລະ ກິລາເມືອງຊະນະຄາມ, ມີນັກຮຽນ 100 ກວ່າຄົນຈາກໂຮງຮຽນປະຖົມຜາລາດ ແລະ ໂຮງຮຽນປະຖົມປາກພາງ ພ້ອມດ້ວຍຄະນະຄູ-ອາຈານຕາງໜ້າໂຮງຮຽນ ແລະ ປະຊາຊົນໃນຂອບເຂດໃກ້ຄຽງເຂົ້າຮ່ວມງານໃນຄັ້ງນີ້.
ຫຼັງຈາກສຳເລັດກິດຈະກຳອຸປະຖຳເຄື່ອງທີ່ເມືອງຊະນະຄາມແລ້ວ ທາງຄະນະກໍໄດ້ມຸ່ງໜ້າເດີນທາງໄປທີ່ເມືອງຊຽງຄານຈັງຫວັດເລີຍປະເທດໄທ ແລະ ໄດ້ຢ້ຽມຊົມສະຖານທີ່ທ່ອງທ່ຽວ, ຮ່ວມຮັບປະທານອາຫານຄ່ຳ, ສັງສັນລະຫວ່າງບັນດາລູກຄ້າ ແລະ ພະນັກງານ ພ້ອມທັງຫຼິ້ນກິດຈະກຳ ເພື່ອຮັບຂອງລາງວັນຈາກທາງໂຕໂຢຕ້າ ຊຶ່ງບັນຍາກາດເຕັມໄປດ້ວຍຄວາມຄຶກຄື້ນ ມ່ວນຊື່ນ ແລະ ຄວາມປະທັບໃຈກັບມິດຕະພາບໃໝ່ໆໃນງານນີ້.
ຂ່າວ-ພາບ: ໂຕໂຢຕາ
