ສູນວັດທະນະທໍາຈີນ ປະຈໍາ ສປປ ລາວ ໄດ້ຈັດກິດຈະກຳ ຊາສູ່ຄວາມປອງດອງ - ງານພົບປະແລກປ່ຽນວັດທະນະທຳນາມມະທຳຜູເອີ ຂຶ້ນໃນວັນທີ 25 ພຶດສະພາຜ່ານມາທີ່ສູນດັ່ງກ່າວ. ໂດຍມີ ທ່ານ ນາງ ບົວໄຂ ເພັງພະຈັນ ຫົວໜ້າກົມສິລະປະ-ວັດທະນະທໍາ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ(ຖວທ); ມີຫົວໜ້າກົມວັນນະຄະດີ -ພິມຈໍາໜ່າຍ ກະຊວງ ຖວທ, ຫົວໜ້າກົມຮູບເງົາ ກະຊວງ ຖວທ, ແຂກຖືກເຊີນ ພ້ອມດ້ວຍນັກສຳມະນາກອນຈາກຊຸດຝຶກອົບຮົມການປົກປັກຮັກສາມໍລະດົກວັດທະນະທຳນາມມະທຳສໍາລັບປະເທດລາວທີ່ສຳເລັດການຝຶກອົບຮົມທີ່ນະຄອນຜູເອີ ປະເທດຈີນ ເຂົ້າຮ່ວມ.
ກິດຈະກຳຄັ້ງນີ້, ເພື່ອແລກປ່ຽນປະສົບການ ແລະ ຄວາມຮູ້ສຶກກ່ຽວກັບວຽກງານການປົກປັກຮັກສາມໍລະດົກວັດທະນະທຳນາມມະທຳລະຫວ່າງລາວ-ຈີນ, ສຳຜັດ ແລະ ຖອດຖອນບົດຮຽນກັບວັດທະນະທຳຊາຂອງຈີນທີ່ມີມາແຕ່ບູຮານນະການ ແລະ ຮ່ວມກັນໂອ້ລົມກ່ຽວກັບມິດຕະພາບອັນເລິກເຊິ່ງທີ່ມີຕັ້ງແຕ່ອະດີດລະຫວ່າງສອງຊາດລາວ-ຈີນ.
ທ່ານ ນາງ ຫຼີ ຢີ່ຜິງ ຫົວໜ້າສູນວັດທະນະທຳຈີນ ປະຈຳ ສປປ ລາວ ໄດ້ກ່າວວ່າ:ການຝຶກອົບຮົມປົກປັກຮັກສາມໍລະດົກວັດທະນະທຳນາມມະທຳ ທີ່ນະຄອນຜູເອີ ແຂວງຢູນນານ 2024 ແມ່ນໄດ້ຈັດຂຶ້ນເປັນຄັ້ງທີ 2 ໃນປີນີ້ ແລະ ສະແດງຄວາມຂອບໃຈຕໍ່ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຫ່ງຊາດລາວ ແລະ ສູນຝຶກອົບຮົມສາກົນດ້ານມໍລະດົກວັດທະນະທຳນາມມະທຳ ຂົງເຂດອາຊີປາຊີຟິກ ຂອງອົງການ UNESCO ທີ່ໄດ້ໃຫ້ຄວາມສຳຄັນເປັນຢ່າງສູງ ຕໍ່ກິດຈະກຳໃນຄັ້ງນີ້ ແລະ ເປັນໂຄງການທີ່ສຳຄັນປະຈຳປີ ໃນການແລກປ່ຽນວັດທະນະທຳ ແລະ ທ່ອງທ່ຽວຂອງລາວ-ຈີນ, ທີ່ຈະຕ້ອງສົ່ງເສີມການແລກປ່ຽນຮ່ວມມືລາວ-ຈີນໃຫ້ກ້າວສູ່ລະດັບໃໝ່.
ທ່ານ ນາງ ບົວໄຂ ເພັງພະຈັນ ໄດ້ກ່າວວ່າ: ການຍື່ນຄຳຮ້ອງກ່ຽວກັບມໍລະດົກວັດທະນະທຳນາມມະທຳເປັນວຽກງານໜຶ່ງທີ່ມີຄວາມຫຍຸ້ງຍາກ, ປະເທດຈີນເປັນປະເທດທີ່ມີມໍລະດົກວັດມະນະທຳນາມມະທຳຫຼວງຫຼາຍ, ມີວິທີການປົກປັກຮັກສາ ແລະ ປະສົບການການຍື່ນຄຳຮ້ອງຊັບພະຍາກອນດ້ານມໍລະດົກວັດທະນະທຳນາມມະທຳທີ່ອຸດົມສົມບູນ, ຫວັງຢ່າງຍິ່ງວ່າ ໃນອະນາຄົດຈະຍັງຄົງສືບຕໍ່ການຝຶກອົບຮົມທີ່ດີແບບນີ້ໃຫ້ກັບປະເທດລາວຕໍ່ໄປ, ເພື່ອຍົກສູງລະດັບໃຫ້ກັບການປະຕິບັດວຽກງານປົກປັກຮັກສາມໍລະດົກວັດທະນະທຳນາມມະທຳໃຫ້ກັບປະເທດລາວ. ພ້ອມນີ້ບັນດາຜູ້ເຂົ້າຮ່ວມຍັງໄດ້ຮັບຊົມນິທັດສະການຮູບພາບ ພາຍໃຕ້ຫົວຂໍ້ ຊາສູ່ຄວາມປອງດອງ—ມົນສະເໜ່ຊາຈີນ ແລະ ສຳຜັດກັບສິລະປະວັດທະນະທຳການຊົງຊາ. ແລະໄດ້ຍົກຈອກນ້ຳຊາຜູເອີ, ໃຊ້ສອງພາສາລາວ-ຈີນພ້ອມກັນເປັ່ງສຽງອອກມາວ່າຊາສູ່ຄວາມປອງດອງ ອີກດ້ວຍ.
(ຂ່າວ-ພາບ: ວຽງນະຄອນ)
ກິດຈະກຳຄັ້ງນີ້, ເພື່ອແລກປ່ຽນປະສົບການ ແລະ ຄວາມຮູ້ສຶກກ່ຽວກັບວຽກງານການປົກປັກຮັກສາມໍລະດົກວັດທະນະທຳນາມມະທຳລະຫວ່າງລາວ-ຈີນ, ສຳຜັດ ແລະ ຖອດຖອນບົດຮຽນກັບວັດທະນະທຳຊາຂອງຈີນທີ່ມີມາແຕ່ບູຮານນະການ ແລະ ຮ່ວມກັນໂອ້ລົມກ່ຽວກັບມິດຕະພາບອັນເລິກເຊິ່ງທີ່ມີຕັ້ງແຕ່ອະດີດລະຫວ່າງສອງຊາດລາວ-ຈີນ.
ທ່ານ ນາງ ຫຼີ ຢີ່ຜິງ ຫົວໜ້າສູນວັດທະນະທຳຈີນ ປະຈຳ ສປປ ລາວ ໄດ້ກ່າວວ່າ:ການຝຶກອົບຮົມປົກປັກຮັກສາມໍລະດົກວັດທະນະທຳນາມມະທຳ ທີ່ນະຄອນຜູເອີ ແຂວງຢູນນານ 2024 ແມ່ນໄດ້ຈັດຂຶ້ນເປັນຄັ້ງທີ 2 ໃນປີນີ້ ແລະ ສະແດງຄວາມຂອບໃຈຕໍ່ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຫ່ງຊາດລາວ ແລະ ສູນຝຶກອົບຮົມສາກົນດ້ານມໍລະດົກວັດທະນະທຳນາມມະທຳ ຂົງເຂດອາຊີປາຊີຟິກ ຂອງອົງການ UNESCO ທີ່ໄດ້ໃຫ້ຄວາມສຳຄັນເປັນຢ່າງສູງ ຕໍ່ກິດຈະກຳໃນຄັ້ງນີ້ ແລະ ເປັນໂຄງການທີ່ສຳຄັນປະຈຳປີ ໃນການແລກປ່ຽນວັດທະນະທຳ ແລະ ທ່ອງທ່ຽວຂອງລາວ-ຈີນ, ທີ່ຈະຕ້ອງສົ່ງເສີມການແລກປ່ຽນຮ່ວມມືລາວ-ຈີນໃຫ້ກ້າວສູ່ລະດັບໃໝ່.
ທ່ານ ນາງ ບົວໄຂ ເພັງພະຈັນ ໄດ້ກ່າວວ່າ: ການຍື່ນຄຳຮ້ອງກ່ຽວກັບມໍລະດົກວັດທະນະທຳນາມມະທຳເປັນວຽກງານໜຶ່ງທີ່ມີຄວາມຫຍຸ້ງຍາກ, ປະເທດຈີນເປັນປະເທດທີ່ມີມໍລະດົກວັດມະນະທຳນາມມະທຳຫຼວງຫຼາຍ, ມີວິທີການປົກປັກຮັກສາ ແລະ ປະສົບການການຍື່ນຄຳຮ້ອງຊັບພະຍາກອນດ້ານມໍລະດົກວັດທະນະທຳນາມມະທຳທີ່ອຸດົມສົມບູນ, ຫວັງຢ່າງຍິ່ງວ່າ ໃນອະນາຄົດຈະຍັງຄົງສືບຕໍ່ການຝຶກອົບຮົມທີ່ດີແບບນີ້ໃຫ້ກັບປະເທດລາວຕໍ່ໄປ, ເພື່ອຍົກສູງລະດັບໃຫ້ກັບການປະຕິບັດວຽກງານປົກປັກຮັກສາມໍລະດົກວັດທະນະທຳນາມມະທຳໃຫ້ກັບປະເທດລາວ. ພ້ອມນີ້ບັນດາຜູ້ເຂົ້າຮ່ວມຍັງໄດ້ຮັບຊົມນິທັດສະການຮູບພາບ ພາຍໃຕ້ຫົວຂໍ້ ຊາສູ່ຄວາມປອງດອງ—ມົນສະເໜ່ຊາຈີນ ແລະ ສຳຜັດກັບສິລະປະວັດທະນະທຳການຊົງຊາ. ແລະໄດ້ຍົກຈອກນ້ຳຊາຜູເອີ, ໃຊ້ສອງພາສາລາວ-ຈີນພ້ອມກັນເປັ່ງສຽງອອກມາວ່າຊາສູ່ຄວາມປອງດອງ ອີກດ້ວຍ.
(ຂ່າວ-ພາບ: ວຽງນະຄອນ)
