ຂ່າວຕ່າງປະເທດລາຍງານ ໃນວັນທີ 27 ພຶດສະພາຜ່ານມາ, ກຳປູເຈຍ ຮຽກຮ້ອງໃຫ້ກຸ່ມຜູ້ປະກອບການໃຊ້ແພລັດຟອມ ອີຄອມເມີສ ອາລີບາບາ(Alibaba) ຂອງຈີນ ເພື່ອຈັດຈຳໜ່າຍຜະລິດຕະພັນສູ່ຕະຫຼາດຕ່າງປະເທດ.
ທ່ານ ຈອມ ນິມົນ ລັດຖະມົນຕີກະຊວງການຄ້າ ກ່າວລະຫວ່າງການສຳມະນາ “ກ້າວຂ້າມຜ່ານແດນ: ພາຜະລິດຕະພັນກຳປູເຈຍສູ່ຕະຫຼາດໂລກຜ່ານອາລີບາບາ.ຄອມ” ກະຊວງການຄ້າ ແລະ ອາບີບາບາ ກຣຸບ ໄດ້ລົງນາມໃນບົດບັນທຶກຄວາມເຂົ້າໃຈ ເພື່ອຈຳໜ່າຍຜະລິດຕະພັນຂອງກຳປູເຈຍທາງອອນລາຍໂດຍກົງຜ່ານແພລັດຟອມອີຄອມເມີສ ຂອງອາລີບາບາ ໃນເດືອນຕຸລາ 2023 ຜ່ານມາ.
ທ່ານ ນິມົນ ເປີດເຜີຍຕໍ່ຜູ້ເຂົ້າຮ່ວມສຳນະນາວ່າ: ປັດຈຸບັນບໍລິສັດສັນຊາດກຳປູເຈຍ ປະມານ 10 ແຫ່ງ ໄດ້ນຳເອົາຜະລິດຕະພັນເຊັ່ນ: ພິກໄທ, ແຍມໝາກມ່ວງ ແລະ ຮັງນົກ ມາຈຳໜ່າຍໃນແພລັດຟອມອີຄອມເມີສ ດັ່ງກ່າວ, ພ້ອມກ່າວຕື່ມອີກວ່າ: ທາງກະຊວງການຄ້າ ຕ້ອງການສະໜັບສະໜູນໃຫ້ຜູ້ປະກອບການຂະໜາດກາງ ແລະ ຂະໜາດນ້ອຍ ຈຳໜ່າຍຜະລິດຕະພັນຂອງຕົນໃນແພລັດຟອມນີ້ ເພື່ອສົ່ງເສີມການສົ່ງອອກຜະລິດຕະພັນຂອງກຳປູເຈຍໄປສູ່ຈີນ ແລະ ຕະຫຼາດໂລກ.
ທ່ານ ນິມົນ ກ່າວວ່າ: ກຳປູເຈຍ ຈະເປີດຫ້ອງສະແດງສິນຄ້າລະດັບຊາດໃນອາລີບາບາ.ຄອມ ໃນເດືອນກັນຍານີ້ ທີ່ງານມະຫະກຳສະແດງສິນຄ້າຈີນ-ອາຊຽນ (China ASEAN Expo) ຄັ້ງທີ 21, ທ່ານເນັ້ນຢໍ້າວ່າ: ຂໍ້ຕົກລົງ ສັນຍາການພົວພັນຄູ່ຮ່ວມເສດຖະກິດຮອບດ້ານໃນພາກພື້ນ(RCEP) ແລະ ຂໍ້ຕົກລົງການຄ້າເສລີກຳປູເຈຍ - ຈີນ ເກື້ອໜູນໃຫ້ກຳປູເຈຍສາມາດສົ່ງອອກຜະລິດຕະພັນໄປຍັງກຸ່ມປະເທດສະມາຊິກຂໍ້ຕົກດັ່ງກ່າວ ແລະ ຈີນດ້ວຍອັດຕາພາສີພິເສດ.
ຫ້ອງການພາສີ ແລະ ອາກອນ ທົ່ວໄປຂອງກຳປູເຈຍ ລາຍງານວ່າ: ກຳປູເຈຍສົ່ງອອກຜະລິດຕະພັນມູນຄ່າ 8 ຕື້ໂດລາ ໃນໄລຍະ 4 ເດືອນທຳອິດ (ມັງກອນ-ເມສາ) ຂອງປີ 2024 ເພີ່ມຂຶ້ນ 15,2% ຈາກ 6,94 ຕື້ໂດລາ ໃນໄລຍະດຽວກັນຂອງປີຜ່ານມາ.
ທ່ານ ຈອມ ນິມົນ ລັດຖະມົນຕີກະຊວງການຄ້າ ກ່າວລະຫວ່າງການສຳມະນາ “ກ້າວຂ້າມຜ່ານແດນ: ພາຜະລິດຕະພັນກຳປູເຈຍສູ່ຕະຫຼາດໂລກຜ່ານອາລີບາບາ.ຄອມ” ກະຊວງການຄ້າ ແລະ ອາບີບາບາ ກຣຸບ ໄດ້ລົງນາມໃນບົດບັນທຶກຄວາມເຂົ້າໃຈ ເພື່ອຈຳໜ່າຍຜະລິດຕະພັນຂອງກຳປູເຈຍທາງອອນລາຍໂດຍກົງຜ່ານແພລັດຟອມອີຄອມເມີສ ຂອງອາລີບາບາ ໃນເດືອນຕຸລາ 2023 ຜ່ານມາ.
ທ່ານ ນິມົນ ເປີດເຜີຍຕໍ່ຜູ້ເຂົ້າຮ່ວມສຳນະນາວ່າ: ປັດຈຸບັນບໍລິສັດສັນຊາດກຳປູເຈຍ ປະມານ 10 ແຫ່ງ ໄດ້ນຳເອົາຜະລິດຕະພັນເຊັ່ນ: ພິກໄທ, ແຍມໝາກມ່ວງ ແລະ ຮັງນົກ ມາຈຳໜ່າຍໃນແພລັດຟອມອີຄອມເມີສ ດັ່ງກ່າວ, ພ້ອມກ່າວຕື່ມອີກວ່າ: ທາງກະຊວງການຄ້າ ຕ້ອງການສະໜັບສະໜູນໃຫ້ຜູ້ປະກອບການຂະໜາດກາງ ແລະ ຂະໜາດນ້ອຍ ຈຳໜ່າຍຜະລິດຕະພັນຂອງຕົນໃນແພລັດຟອມນີ້ ເພື່ອສົ່ງເສີມການສົ່ງອອກຜະລິດຕະພັນຂອງກຳປູເຈຍໄປສູ່ຈີນ ແລະ ຕະຫຼາດໂລກ.
ທ່ານ ນິມົນ ກ່າວວ່າ: ກຳປູເຈຍ ຈະເປີດຫ້ອງສະແດງສິນຄ້າລະດັບຊາດໃນອາລີບາບາ.ຄອມ ໃນເດືອນກັນຍານີ້ ທີ່ງານມະຫະກຳສະແດງສິນຄ້າຈີນ-ອາຊຽນ (China ASEAN Expo) ຄັ້ງທີ 21, ທ່ານເນັ້ນຢໍ້າວ່າ: ຂໍ້ຕົກລົງ ສັນຍາການພົວພັນຄູ່ຮ່ວມເສດຖະກິດຮອບດ້ານໃນພາກພື້ນ(RCEP) ແລະ ຂໍ້ຕົກລົງການຄ້າເສລີກຳປູເຈຍ - ຈີນ ເກື້ອໜູນໃຫ້ກຳປູເຈຍສາມາດສົ່ງອອກຜະລິດຕະພັນໄປຍັງກຸ່ມປະເທດສະມາຊິກຂໍ້ຕົກດັ່ງກ່າວ ແລະ ຈີນດ້ວຍອັດຕາພາສີພິເສດ.
ຫ້ອງການພາສີ ແລະ ອາກອນ ທົ່ວໄປຂອງກຳປູເຈຍ ລາຍງານວ່າ: ກຳປູເຈຍສົ່ງອອກຜະລິດຕະພັນມູນຄ່າ 8 ຕື້ໂດລາ ໃນໄລຍະ 4 ເດືອນທຳອິດ (ມັງກອນ-ເມສາ) ຂອງປີ 2024 ເພີ່ມຂຶ້ນ 15,2% ຈາກ 6,94 ຕື້ໂດລາ ໃນໄລຍະດຽວກັນຂອງປີຜ່ານມາ.
