ວິທະຍຸກະຈາຍສຽງຫວຽດນາມລາຍງານຫວ່າງມໍ່ໆມານີ້ວ່າ: ລາຄາກາເຟ ຍັງສືບຕໍ່ເຕີບໂຕ ແລະ ຢູ່ໃນລະດັບສູງ. ໃນເດືອນເມສາ ຜ່ານມາ, ຫວຽດນາມ ໄດ້ສົ່ງອອກ ກາເຟ ໄປຕະຫຼາດ ແອັດສະປາຍ ບັນລຸເກືອບ 11.000 ໂຕນ, ມີມູນຄ່າເກືອບ 42,7 ລ້ານໂດລາ.
ຂ່າວລະບຸວ່າ: ກົມສົ່ງອອກ - ນຳເຂົ້າ, ກະຊວງອຸດສາຫະກຳ - ການຄ້າ ຫວຽດນາມໃຫ້ຮູ້ວ່າ: ການສົ່ງອອກກາເຟ ໄປຕະຫຼາດ ແອັດສະປາຍ ເຕີບໂຕກວ່າ 100% ກ່ຽວກັບດ້ານມູນຄ່າ. ລາຄາກາເຟ ຍັງສືບຕໍ່ເຕີບໂຕ ແລະ ຢູ່ໃນລະດັບສູງ. ໃນເດືອນ ເມສາ, ຫວຽດນາມ ໄດ້ສົ່ງອອກ ກາເຟ ໄປຕະຫຼາດ ແອັດສະປາຍ ບັນລຸເກືອບ 11.000 ໂຕນ, ມີມູນຄ່າເກືອບ 42,7 ລ້ານໂດລາ. ໄລ່ລວມ 4 ເດືອນຕົ້ນປີນີ້, ຫວຽດນາມ ສົ່ງອອກ ກາເຟໄປຍັງຕະຫຼາດ ແອັດສະປາຍບັນລຸເກືອບ 55.400 ໂຕນ, ມີມູນຄ່າ 193 ລ້ານກວ່າໂດລາ, ເພີ່ມຂຶ້ນ 53,7% ກ່ຽວກັບດ້ານຈຳນວນ ແລະ ເພີ່ມຂຶ້ນ 136,6% ກ່ຽວກັບມູນຄ່າເມື່ອທຽບໃສ່ໄລຍະດຽວກັນຂອງປີ 2023.
        ຕາມການລາຍງານຂອງກົມສົ່ງອອກ - ນຳເຂົ້າ, ໃນກາງເດືອນພຶດສະພານີ້, ລາຄາກາເຟ ໂຣບັສຕາ ແລະ ອາຣາບິກາ ໄດ້ຟຶ້ນຟູຄືນໃໝ່. ລາຄາກາເຟເພີ່ມຂຶ້ນຢ່າງແຂງແຮງໃນໄລຍະຜ່ານມາ ແລະ ໄດ້ປະກອບສ່ວນຊຸກຍູ້ຈຳນວນລາຍຮັບຂອງການຂາຍສິນຄ້າໃນຕະຫຼາດເງິນສົດ.