ໃນອາທິດຜ່ານມານີ້ທີ່ ຄະນະພົວພັນຕ່າງປະເທດສູນກາງພັກ,ທ່ານທອງສະຫວັນ ພົມວິຫານຫົວໜ້າຄະນະພົວພັນຕ່າງປະເທດສູນກາງພັກ(ຄຕພ)ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງທ່ານ ນາງ ແຮັດເຕີ ໂຣຊ ວາເຣຍວາເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງສອາເມຣິກາ ຄົນໃໝ່ ປະຈໍາ ສປປ ລາວ. ໃນການພົບປະ ທ່ານ ທອງສະຫວັນ ພົມວິຫານໄດ້ສະແດງຄວາມຊົມເຊີຍຕໍ່ ທ່ານ ນາງ ແຮັດເຕີ ໂຣຊ ວາເຣຍວາທີ່ຖືກແຕ່ງຕັ້ງໃຫ້ມາດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສ ອາເມຣິກາ ຄົນໃໝ່ ປະຈໍາ ສປປ ລາວ ແລະ ເຊື່ອໝັ້ນວ່າ ການປະຕິບັດໜ້າທີ່ການທູດຂອງທ່ານ ຈະເປັນຂົວຕໍ່ເຮັດໃຫ້ສາຍພົວພັນ ແລະ ການຮ່ວມມື ລະຫວ່າງ ສປປ ລາວ ແລະ ສອາເມຣິກາຂະຫຍາຍຕົວຍິ່ງໆຂຶ້ນບົນພື້ນຖານແຫ່ງສາຍພົວພັນການທູດລາວ-ອາເມຣິກາ ຄົບຮອບ 69 ປີ ແລະ ຖະແຫຼງການຮ່ວມ ວ່າດ້ວຍການເປັນຄູ່ມືຮ່ວມແບບກວມລວມ ລະຫວ່າງ ສອງປະເທດ ຄົບຮອບ 8 ປີ.
ໃນໂອກາດນີ້, ທ່ານ ນາງ ແຮັດເຕີ ໂຣຊ ວາເຣຍວາ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ແລະ ຊົມເຊີຍຕໍ່ບັນດາຜົນສໍາເລັດໃນການພັດທະນາເສດຖະກິດ-ສັງຄົມ ຂອງ ສປປ ລາວ ແລະ ຢືນຢັນວ່າ ສະຖານເອກອັກຄະລັດຖະທູດ ສອາເມຣິກາ ຈະສືບຕໍ່ປະກອບສ່ວນຊຸກຍູ້ ແລະ ຮັດແໜ້ນການພົວພັນຮ່ວມມືທາງດ້ານເສດຖະກິດ, ວັດທະນະທໍາ ແລະ ສັງຄົມ ລະຫວ່າງ ສອງປະເທດ ໃຫ້ໄດ້ຮັບການຂະຫຍາຍຕົວຍິ່ງໆຂຶ້ນ,ສືບຕໍ່ໃຫ້ການສະໜັບສະໜູນການເປັນປະທານໝູນວຽນ ກອງປະຊຸມສຸດຍອດ ອາຊຽນ ຂອງສປປ ລາວ ແລະ ປີທ່ອງທ່ຽວລາວ 2024, ສະແດງຄວາມຂອບໃຈຕໍ່ລັດຖະບານ ສປປ ລາວ ໃນການປະຕິບັດນະໂຍບາຍມະນຸດສະທໍາໃນໂຄງການຊອກຫາສິ່ງເສດເຫຼືອ ຂອງທະຫານ ອາເມຣິກາ ທີ່ຫາຍສາບສູນໃນປາງສົງຄາມ ຢູ່ ລາວ (MIA),ສະແດງຄວາມດີໃຈທີ່ໄດ້ຮັບມອບໝາຍໃຫ້ດຳລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສ ອາເມຣິກາ ຄົນໃໝ່ ປະຈໍາ ສປປ ລາວຊຶ່ງເປັນໂອກາດອັນດີທີ່ຈະໄດ້ເຮັດວຽກຮ່ວມກັບພາກສ່ວນຕ່າງໆ ຂອງ ສປປ ລາວ ໃນການສົ່ງເສີມການພົວພັນຮ່ວມມື ລະຫວ່າງ ສອງປະເທດ ເພື່ອຜົນປະໂຫຍດ ຂອງປະຊາຊົນ ລາວ ແລະ ສ ອາເມຣິກາ.
ໃນໂອກາດດັ່ງກ່າວ,ທ່ານຫົວໜ້າຄະນະພົວພັນຕ່າງປະເທດສູນກາງພັກ ໄດ້ຕີລາຄາສູງຕໍ່ສາຍພົວພັນຮ່ວມມືຂອງສອງປະເທດທີ່ໄດ້ຮັບການພັດທະນາ ແລະ ເສີມຂະຫຍາຍເປັນກ້າວໆ ເຖິງຂັ້ນຍົກລະດັບການພົວພັນເປັນຄູ່ຮ່ວມມືແບບກວມລວມ,ຂອບໃຈຕໍ່ການສະໜັບສະໜູນ ສປປ ລາວ ເປັນປະທານໝູນວຽນອາຊຽນ ແລະ ປີທ່ອງທ່ຽວລາວອີກດ້ວຍ,ພ້ອມກັນນັ້ນ ກໍໄດ້ສະແດງຄວາມຂອບໃຈ ຕໍ່ການຮ່ວມມື ແລະ ສະໜັບສະໜູນດ້ານຕ່າງໆຂອງລັດຖະບານ ຕໍ່ ສປປ ລາວ ໃນບັນດາໂຄງການຮ່ວມມືຂະແໜງການສຶກສາ, ສາທາລະນະສຸກ, ການຕ້ານຢາເສບຕິດ, ການຄ້າ, ການລົງທຶນ,ໂຄງການເກັບກູ້ລະເບີດທີ່ບໍ່ທັນແຕກ (UXO) ແລະ ອື່ນໆ.ພ້ອມນັ້ນ, ທ່ານ ຫົວໜ້າຄະນະພົວພັນຕ່າງປະເທດສູນກາງພັກ ໄດ້ອວຍພອນໃຫ້ ທ່ານເອກອັກຄະລັດຖະທູດ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດໃນການປະຕິບັດໜ້າທີ່ວຽກງານທີ່ມີກຽດຂອງທ່ານ.
ໃນໂອກາດນີ້, ທ່ານ ນາງ ແຮັດເຕີ ໂຣຊ ວາເຣຍວາ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ແລະ ຊົມເຊີຍຕໍ່ບັນດາຜົນສໍາເລັດໃນການພັດທະນາເສດຖະກິດ-ສັງຄົມ ຂອງ ສປປ ລາວ ແລະ ຢືນຢັນວ່າ ສະຖານເອກອັກຄະລັດຖະທູດ ສອາເມຣິກາ ຈະສືບຕໍ່ປະກອບສ່ວນຊຸກຍູ້ ແລະ ຮັດແໜ້ນການພົວພັນຮ່ວມມືທາງດ້ານເສດຖະກິດ, ວັດທະນະທໍາ ແລະ ສັງຄົມ ລະຫວ່າງ ສອງປະເທດ ໃຫ້ໄດ້ຮັບການຂະຫຍາຍຕົວຍິ່ງໆຂຶ້ນ,ສືບຕໍ່ໃຫ້ການສະໜັບສະໜູນການເປັນປະທານໝູນວຽນ ກອງປະຊຸມສຸດຍອດ ອາຊຽນ ຂອງສປປ ລາວ ແລະ ປີທ່ອງທ່ຽວລາວ 2024, ສະແດງຄວາມຂອບໃຈຕໍ່ລັດຖະບານ ສປປ ລາວ ໃນການປະຕິບັດນະໂຍບາຍມະນຸດສະທໍາໃນໂຄງການຊອກຫາສິ່ງເສດເຫຼືອ ຂອງທະຫານ ອາເມຣິກາ ທີ່ຫາຍສາບສູນໃນປາງສົງຄາມ ຢູ່ ລາວ (MIA),ສະແດງຄວາມດີໃຈທີ່ໄດ້ຮັບມອບໝາຍໃຫ້ດຳລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສ ອາເມຣິກາ ຄົນໃໝ່ ປະຈໍາ ສປປ ລາວຊຶ່ງເປັນໂອກາດອັນດີທີ່ຈະໄດ້ເຮັດວຽກຮ່ວມກັບພາກສ່ວນຕ່າງໆ ຂອງ ສປປ ລາວ ໃນການສົ່ງເສີມການພົວພັນຮ່ວມມື ລະຫວ່າງ ສອງປະເທດ ເພື່ອຜົນປະໂຫຍດ ຂອງປະຊາຊົນ ລາວ ແລະ ສ ອາເມຣິກາ.
ໃນໂອກາດດັ່ງກ່າວ,ທ່ານຫົວໜ້າຄະນະພົວພັນຕ່າງປະເທດສູນກາງພັກ ໄດ້ຕີລາຄາສູງຕໍ່ສາຍພົວພັນຮ່ວມມືຂອງສອງປະເທດທີ່ໄດ້ຮັບການພັດທະນາ ແລະ ເສີມຂະຫຍາຍເປັນກ້າວໆ ເຖິງຂັ້ນຍົກລະດັບການພົວພັນເປັນຄູ່ຮ່ວມມືແບບກວມລວມ,ຂອບໃຈຕໍ່ການສະໜັບສະໜູນ ສປປ ລາວ ເປັນປະທານໝູນວຽນອາຊຽນ ແລະ ປີທ່ອງທ່ຽວລາວອີກດ້ວຍ,ພ້ອມກັນນັ້ນ ກໍໄດ້ສະແດງຄວາມຂອບໃຈ ຕໍ່ການຮ່ວມມື ແລະ ສະໜັບສະໜູນດ້ານຕ່າງໆຂອງລັດຖະບານ ຕໍ່ ສປປ ລາວ ໃນບັນດາໂຄງການຮ່ວມມືຂະແໜງການສຶກສາ, ສາທາລະນະສຸກ, ການຕ້ານຢາເສບຕິດ, ການຄ້າ, ການລົງທຶນ,ໂຄງການເກັບກູ້ລະເບີດທີ່ບໍ່ທັນແຕກ (UXO) ແລະ ອື່ນໆ.ພ້ອມນັ້ນ, ທ່ານ ຫົວໜ້າຄະນະພົວພັນຕ່າງປະເທດສູນກາງພັກ ໄດ້ອວຍພອນໃຫ້ ທ່ານເອກອັກຄະລັດຖະທູດ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດໃນການປະຕິບັດໜ້າທີ່ວຽກງານທີ່ມີກຽດຂອງທ່ານ.
ຂ່າວ-ພາບ:ຄຕພ
