ກອງທັບປະຊາຊົນລາວໄດ້ຮັບກຽດເປັນເຈົ້າພາບຈັດກອງປະຊຸມໂຄງການແລກປ່ຽນນາຍທະຫານໜຸ່ມອາຊຽນຄັ້ງທີ 6 ASEAN Defence Interaction Programme (ADIP) ພາຍໃຕ້ຫົວຂໍ້: “ບົດບາດຂອງກອງທັບໃນການຮັບມືກັບຜົນກະທົບຈາກການປ່ຽນແປງສະພາບດິນຟ້າອາກາດ” ຂຶ້ນໃນລະຫວ່າງວັນທີ 4-5 ມິຖຸນານີ້ ທີ່ນະຄອນຫຼວງວຽງຈັນ. ພາຍໃຕ້ການເປັນປະທານຂອງທ່ານ ພັນໂທ ທວນຄຳ ສຸກຈະເລີນຫົວໜ້າພະແນກການເມືອງ-ຄວາມໝັ້ນຄົງອາຊຽນກົມພົວພັນຕ່າງປະເທດ, ມີທ່ານ ພັນເອກ ເຟືອງໄຊ ມີລາກົງຮອງຫົວໜ້າກົມພົວພັນຕ່າງປະເທດຫົວໜ້າໜ່ວຍງານວິຊາການເຈົ້າໜ້າທີ່ອາວຸໂສປ້ອງກັນປະເທດອາຊຽນກະຊວງປ້ອງກັນປະເທດແຫ່ງສປປ ລາວພ້ອມດ້ວຍນາຍທະຫານໜຸ່ມຈາກ 10 ປະເທດອາຊຽນ ແລະ ຕີມໍແລັດສະເຕໃນນາມປະເທດສັງເກດການເຂົ້າຮ່ວມ.
ສະຫາຍພັນເອກ ເຟືອງໄຊ ມີລາກົງ ໄດ້ກ່າວຕ້ອນຮັບຄະນະຜູ້ແທນນາຍທະຫານໜຸ່ມອາຊຽນພ້ອມທັງຍົກໃຫ້ເຫັນເຖິງສິ່ງທ້າທາຍທີ່ພາກພື້ນ ແລະ ສາກົນກໍາລັງປະເຊີນຢູ່ໃນປັດຈຸບັນ ຊຶ່ງລວມມີບັນຫາການປ່ຽນແປງທາງດິນຟ້າອາກາດ ແລະ ອື່ນໆ.ຈຸດປະສົງເພື່ອເປີດໂອກາດໃຫ້ນາຍທະຫານໜຸ່ມຈາກປະເທດສະມາຊິກອາຊຽນໄດ້ແລກປ່ຽນທັດສະນະ, ບົດຮຽນທີ່ດີ, ປະສົບການ, ຂໍ້ມູນຂ່າວສານ, ສ້າງຄວາມສາມັກຄີ ແລະ ເຄືອຂ່າຍພາຍໃນອາຊຽນ.
ຈາກນັ້ນ, ຜູ້ຕາງໜ້ານາຍທະຫານໜຸ່ມຈາກກອງທັບປະຊາຊົນລາວ, ບັນດາປະເທດສະມາຊິກອາຊຽນ ແລະ ຕີມໍແລັດສະເຕໄດ້ແລກປ່ຽນທັດສະນະກ່ຽວກັບບົດບາດຂອງກອງທັບຕໍ່ກັບການຮັບມືກັບຜົນກະທົບຈາກການປ່ຽນແປງສະພາບດິນຟ້າອາກາດຊຶ່ງເປັນສິ່ງທ້າທາຍລວມຂອງພາກພື້ນ, ກອງທັບມີບົດບາດສໍາຄັນໃນການປະກອບສ່ວນເຂົ້າໃນການໃຫ້ການຊ່ວຍເຫຼືອມະນຸດສະທໍາ ແລະ ບັນເທົາທຸກໄພພິບັດໃນເວລາມີໄພພິບັດເກີດຂຶ້ນ. ນອກຈາກນີ້, ການສ້າງຂີດຄວາມສາມາດ ແລະ ການດັດປັບຮູບແບບວິທີການດໍາເນີນວຽກງານພາຍໃນກອງທັບ ເປັນວິທີການທີ່ກອງປະຊຸມເຫັນວ່າມີຄວາມຈໍາເປັນໃນການສ້າງຄວາມພ້ອມ ແລະ ປະກອບສ່ວນເຂົ້າໃນການຫຼຸດຜ່ອນຜົນກະທົບຈາກການປ່ຽນແປງສະພາບດິນຟ້າອາກາດ.
ໂອກາດນີ້,ຄະນະຜູ້ແທນນາຍທະຫານໜຸ່ມອາຊຽນຍັງໄດ້ເຄື່ອນໄຫວວຽກງານປິ່ນອ້ອມອື່ນໆເຊັ່ນ: ທ່ຽວຊົມ ແລະ ທັດສະນະຫໍພິພິຕະພັນປະຫວັດສາດກອງທັບປະຊາຊົນລາວ, ພະທາດຫຼວງວຽງຈັນ, ສວນປະຕູໄຊ ແລະ ສະຖານທີ່ທາງວັດທະນະທໍາອື່ນໆ ທີ່ນະຄອນຫຼວງວຽງຈັນ ແລະ ເມືອງວັງວຽງ ແຂວງວຽງຈັນຕື່ມອີກ.
ຂ່າວ-ພາບ: ໂຈ່ລີ້ ວົງໄຊ
ສະຫາຍພັນເອກ ເຟືອງໄຊ ມີລາກົງ ໄດ້ກ່າວຕ້ອນຮັບຄະນະຜູ້ແທນນາຍທະຫານໜຸ່ມອາຊຽນພ້ອມທັງຍົກໃຫ້ເຫັນເຖິງສິ່ງທ້າທາຍທີ່ພາກພື້ນ ແລະ ສາກົນກໍາລັງປະເຊີນຢູ່ໃນປັດຈຸບັນ ຊຶ່ງລວມມີບັນຫາການປ່ຽນແປງທາງດິນຟ້າອາກາດ ແລະ ອື່ນໆ.ຈຸດປະສົງເພື່ອເປີດໂອກາດໃຫ້ນາຍທະຫານໜຸ່ມຈາກປະເທດສະມາຊິກອາຊຽນໄດ້ແລກປ່ຽນທັດສະນະ, ບົດຮຽນທີ່ດີ, ປະສົບການ, ຂໍ້ມູນຂ່າວສານ, ສ້າງຄວາມສາມັກຄີ ແລະ ເຄືອຂ່າຍພາຍໃນອາຊຽນ.
ຈາກນັ້ນ, ຜູ້ຕາງໜ້ານາຍທະຫານໜຸ່ມຈາກກອງທັບປະຊາຊົນລາວ, ບັນດາປະເທດສະມາຊິກອາຊຽນ ແລະ ຕີມໍແລັດສະເຕໄດ້ແລກປ່ຽນທັດສະນະກ່ຽວກັບບົດບາດຂອງກອງທັບຕໍ່ກັບການຮັບມືກັບຜົນກະທົບຈາກການປ່ຽນແປງສະພາບດິນຟ້າອາກາດຊຶ່ງເປັນສິ່ງທ້າທາຍລວມຂອງພາກພື້ນ, ກອງທັບມີບົດບາດສໍາຄັນໃນການປະກອບສ່ວນເຂົ້າໃນການໃຫ້ການຊ່ວຍເຫຼືອມະນຸດສະທໍາ ແລະ ບັນເທົາທຸກໄພພິບັດໃນເວລາມີໄພພິບັດເກີດຂຶ້ນ. ນອກຈາກນີ້, ການສ້າງຂີດຄວາມສາມາດ ແລະ ການດັດປັບຮູບແບບວິທີການດໍາເນີນວຽກງານພາຍໃນກອງທັບ ເປັນວິທີການທີ່ກອງປະຊຸມເຫັນວ່າມີຄວາມຈໍາເປັນໃນການສ້າງຄວາມພ້ອມ ແລະ ປະກອບສ່ວນເຂົ້າໃນການຫຼຸດຜ່ອນຜົນກະທົບຈາກການປ່ຽນແປງສະພາບດິນຟ້າອາກາດ.
ໂອກາດນີ້,ຄະນະຜູ້ແທນນາຍທະຫານໜຸ່ມອາຊຽນຍັງໄດ້ເຄື່ອນໄຫວວຽກງານປິ່ນອ້ອມອື່ນໆເຊັ່ນ: ທ່ຽວຊົມ ແລະ ທັດສະນະຫໍພິພິຕະພັນປະຫວັດສາດກອງທັບປະຊາຊົນລາວ, ພະທາດຫຼວງວຽງຈັນ, ສວນປະຕູໄຊ ແລະ ສະຖານທີ່ທາງວັດທະນະທໍາອື່ນໆ ທີ່ນະຄອນຫຼວງວຽງຈັນ ແລະ ເມືອງວັງວຽງ ແຂວງວຽງຈັນຕື່ມອີກ.
ຂ່າວ-ພາບ: ໂຈ່ລີ້ ວົງໄຊ
