ເນື່ອງໃນໂອກາດວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດຄົບຮອບ 44 ປີ, ບໍລິສັດທາງລົດໄຟລາວ-ຈີນ ຈຳກັດ ໄດ້ມອບເດີ່ນກິລາບານບ້ວງ “ເສັ້ນທາງແຫ່ງມິດຕະພາບ” ທີ່ໄດ້ສ້າງສຳເລັດໃຫ້ແກ່ໂຮງຮຽນປະຖົມສົມບູນລາວ-ຈີນບ້ານໜອງປີງໃນວັນທີ 5 ມິຖຸນາຜ່ານມາ ທີ່ບ້ານໜອງປີງ ເມືອງຈັນທະບູລີ ນະຄອນຫຼວງວຽງຈັນ ເປັນກຽດເຂົ້າຮ່ວມຂອງທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ, ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ທ່ານ ຫຼິວ ຫົງ ອຳນວຍການໃຫຍ່ບໍລິສັດທາງລົດໄຟລາວ-ຈີນ ຈຳກັດພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ຫຼິວ ຫົງ ກ່າວວ່າ: ການມອບ-ຮັບເດີ່ນບານບ້ວງໃນຄັ້ງນີ້ເພື່ອຜັນຂະຫຍາຍຕາມຄຳຂວັນ “ເສັ້ນທາງແຫ່ງມິດຕະພາບ” ລະຫວ່າງບໍລິສັດທາງລົດໄຟລາວ-ຈີນ ຈຳກັດ ແລະ ໂຮງຮຽນປະຖົມສົມບູນລາວ-ຈີນບ້ານໜອງປີງ ແມ່ນໜຶ່ງໃນບັນດາໂຄງການສຳຄັນໃນການຊ່ວຍເຫຼືອດ້ານການຮຽນ-ການສອນ ເພື່ອໃຫ້ຄູ-ອາຈານ,ນັກຮຽນມີສະພາບແວດລ້ອມການຮຽນ-ການສອນທີ່ກວ້າງຂວາງ ແລະ ມີຄຸນນະພາບສູງຂຶ້ນ,ຍົກລະດັບຄຸນນະພາບການຫຼິ້ນກິລາ ເພື່ອໃຫ້ນັກຮຽນມີຮ່າງກາຍທີ່ແຂງແຮງ ແລະ ສ້າງຄວາມສາມັກຄີມ່ວນຊື່ນໃນໂຮງຮຽນ. ພ້ອມດຽວກັນນັ້ນ,ບໍລິສັດທາງລົດໄຟລາວ-ຈີນຈຳກັດ ໄດ້ມອບອຸປະກອນຮັບໃຊ້ຕ່າງໆ ເປັນຕົ້ນເຄື່ອງຂຽນ, ພັດລົມ, ຄັນຮົ່ມ, ໝາກບານ, ເບ້ຍໄມ້ ແລະ ໄດ້ຊ່ວຍແປງຕຶກອາຄານໃຫ້ໂຮງຮຽນຢູ່ລຽບຕາມແລວທາງລົດໄຟ ເພື່ອຍົກລະດັບສະພາບແວດລ້ອມການຮຽນ-ການສອນ ແລະ ຊີວິດການເປັນຢູ່ຂອງຄູ-ອາຈານ, ນັກຮຽນໃຫ້ສະດວກສະບາຍຍິ່ງຂຶ້ນ. ນອກນັ້ນ, ບໍລິສັດກຳລັງມີແຜນຈະດຳເນີນກິດຈະກຳຊ່ວຍເຫຼືອດ້ານການຮຽນ-ການສອນລະຫວ່າງບໍລິສັດກັບໂຮງຮຽນໃນຫຼາຍແຫ່ງ ແລະ ສົ່ງຜູ້ຊ່ຽວຊານດ້ານການລົດໄຟເປັນອາສາສະໝັກໃນການສິດສອນ ແລະ ຖ່າຍທອດຄວາມຮູ້ປະສົບການຕ່າງໆກ່ຽວກັບທາງລົດໄຟເຊັ່ນ: ວິທະຍາສາດ-ເຕັກນິກທາງລົດໄຟ, ວຽກງານດ້ານການຄຸ້ມຄອງດຳເນີນງານທາງລົດໄຟ, ດ້ານການບໍລິການ, ວຽກງານພື້ນຖານຄວາມປອດໄພ ແລະອື່ນໆໃຫ້ແກ່ຄູ-ອາຈານ, ນັກຮຽນ, ນັກສຶກສາຢູ່ທົ່ວປະເທດ.
ທ່ານ ພຸດ ສິມມາລາວົງ ໄດ້ສະແດງຄວາມຂອບໃຈ ແລະ ຮູ້ບຸນຄຸນຕໍ່ລັດຖະບານ ແລະ ປະຊາຊົນຈີນ ທີ່ໄດ້ປະກອບສ່ວນໃນການກໍ່ສ້າງໂຮງຮຽນປະຖົມສົມບູນລາວ-ຈີນໜອງປີງ ນຳໃຊ້ແຕ່ປີ 2012 ເປັນຕົ້ນມາ,ຕະຫຼອດໄລຍະດັ່ງກ່າວ ສປ ຈີນ ໄດ້ສົ່ງຄູອາສາສະໝັກມາປະຈຳທີ່ໂຮງຮຽນເພື່ອສິດສອນ ແລະ ສະໜອງອຸປະກອນຫຼາຍຢ່າງ. ໃນພິທີ, ບໍລິສັດທາງລົດໄຟລາວ-ຈີນ ຈຳກັດ ຍັງໄດ້ມອບອຸປະກອນເຄື່ອງໃຊ້ໃຫ້ແກ່ໂຮງຮຽນປະຖົມສົມບູນລາວ-ຈີນ ບ້ານໜອງປີງ ປະກອບມີກະເປົາເປ້ຈຳນວນ 300 ໜ່ວຍ, ປຶ້ມຂຽນ 300 ຫົວພ້ອມດ້ວຍເຄື່ອງກອງນ້ຳ,ໝາກບານ, ເບ້ຍໄມ້ ແລະອື່ນໆ. ທາງບໍລິສັດຍັງໄດ້ດຳເນີນກິດຈະກຳມອບອຸປະກອນການຮຽນຕ່າງໆເຊັ່ນ: ກະເປົາເປ້ປຶ້ມຂຽນ,ກະເປົາຜ້າ, ເຕົ້ານໍ້າ ແລະ ເຄື່ອງໃຊ້ອື່ນໆໃຫ້ແກ່ຄູ-ອາຈານ ແລະ ນັກຮຽນ, ນັກສຶກສາແຕ່ລະໂຮງຮຽນຈຳນວນ 7 ແຫ່ງຊຶ່ງມີແຂວງຫຼວງພະບາງ, ແຂວງອຸດົມໄຊ, ແຂວງຫຼວງນໍ້າທາ ແລະ ສະຖານທີ່ອື່ນໆທີ່ຢູ່ລຽບຕາມເສັ້ນທາງລົດໄຟລາວ-ຈີນ.
ຂໍ້ມູນ: ລົດໄຟລາວ-ຈີນ
ທ່ານ ຫຼິວ ຫົງ ກ່າວວ່າ: ການມອບ-ຮັບເດີ່ນບານບ້ວງໃນຄັ້ງນີ້ເພື່ອຜັນຂະຫຍາຍຕາມຄຳຂວັນ “ເສັ້ນທາງແຫ່ງມິດຕະພາບ” ລະຫວ່າງບໍລິສັດທາງລົດໄຟລາວ-ຈີນ ຈຳກັດ ແລະ ໂຮງຮຽນປະຖົມສົມບູນລາວ-ຈີນບ້ານໜອງປີງ ແມ່ນໜຶ່ງໃນບັນດາໂຄງການສຳຄັນໃນການຊ່ວຍເຫຼືອດ້ານການຮຽນ-ການສອນ ເພື່ອໃຫ້ຄູ-ອາຈານ,ນັກຮຽນມີສະພາບແວດລ້ອມການຮຽນ-ການສອນທີ່ກວ້າງຂວາງ ແລະ ມີຄຸນນະພາບສູງຂຶ້ນ,ຍົກລະດັບຄຸນນະພາບການຫຼິ້ນກິລາ ເພື່ອໃຫ້ນັກຮຽນມີຮ່າງກາຍທີ່ແຂງແຮງ ແລະ ສ້າງຄວາມສາມັກຄີມ່ວນຊື່ນໃນໂຮງຮຽນ. ພ້ອມດຽວກັນນັ້ນ,ບໍລິສັດທາງລົດໄຟລາວ-ຈີນຈຳກັດ ໄດ້ມອບອຸປະກອນຮັບໃຊ້ຕ່າງໆ ເປັນຕົ້ນເຄື່ອງຂຽນ, ພັດລົມ, ຄັນຮົ່ມ, ໝາກບານ, ເບ້ຍໄມ້ ແລະ ໄດ້ຊ່ວຍແປງຕຶກອາຄານໃຫ້ໂຮງຮຽນຢູ່ລຽບຕາມແລວທາງລົດໄຟ ເພື່ອຍົກລະດັບສະພາບແວດລ້ອມການຮຽນ-ການສອນ ແລະ ຊີວິດການເປັນຢູ່ຂອງຄູ-ອາຈານ, ນັກຮຽນໃຫ້ສະດວກສະບາຍຍິ່ງຂຶ້ນ. ນອກນັ້ນ, ບໍລິສັດກຳລັງມີແຜນຈະດຳເນີນກິດຈະກຳຊ່ວຍເຫຼືອດ້ານການຮຽນ-ການສອນລະຫວ່າງບໍລິສັດກັບໂຮງຮຽນໃນຫຼາຍແຫ່ງ ແລະ ສົ່ງຜູ້ຊ່ຽວຊານດ້ານການລົດໄຟເປັນອາສາສະໝັກໃນການສິດສອນ ແລະ ຖ່າຍທອດຄວາມຮູ້ປະສົບການຕ່າງໆກ່ຽວກັບທາງລົດໄຟເຊັ່ນ: ວິທະຍາສາດ-ເຕັກນິກທາງລົດໄຟ, ວຽກງານດ້ານການຄຸ້ມຄອງດຳເນີນງານທາງລົດໄຟ, ດ້ານການບໍລິການ, ວຽກງານພື້ນຖານຄວາມປອດໄພ ແລະອື່ນໆໃຫ້ແກ່ຄູ-ອາຈານ, ນັກຮຽນ, ນັກສຶກສາຢູ່ທົ່ວປະເທດ.
ທ່ານ ພຸດ ສິມມາລາວົງ ໄດ້ສະແດງຄວາມຂອບໃຈ ແລະ ຮູ້ບຸນຄຸນຕໍ່ລັດຖະບານ ແລະ ປະຊາຊົນຈີນ ທີ່ໄດ້ປະກອບສ່ວນໃນການກໍ່ສ້າງໂຮງຮຽນປະຖົມສົມບູນລາວ-ຈີນໜອງປີງ ນຳໃຊ້ແຕ່ປີ 2012 ເປັນຕົ້ນມາ,ຕະຫຼອດໄລຍະດັ່ງກ່າວ ສປ ຈີນ ໄດ້ສົ່ງຄູອາສາສະໝັກມາປະຈຳທີ່ໂຮງຮຽນເພື່ອສິດສອນ ແລະ ສະໜອງອຸປະກອນຫຼາຍຢ່າງ. ໃນພິທີ, ບໍລິສັດທາງລົດໄຟລາວ-ຈີນ ຈຳກັດ ຍັງໄດ້ມອບອຸປະກອນເຄື່ອງໃຊ້ໃຫ້ແກ່ໂຮງຮຽນປະຖົມສົມບູນລາວ-ຈີນ ບ້ານໜອງປີງ ປະກອບມີກະເປົາເປ້ຈຳນວນ 300 ໜ່ວຍ, ປຶ້ມຂຽນ 300 ຫົວພ້ອມດ້ວຍເຄື່ອງກອງນ້ຳ,ໝາກບານ, ເບ້ຍໄມ້ ແລະອື່ນໆ. ທາງບໍລິສັດຍັງໄດ້ດຳເນີນກິດຈະກຳມອບອຸປະກອນການຮຽນຕ່າງໆເຊັ່ນ: ກະເປົາເປ້ປຶ້ມຂຽນ,ກະເປົາຜ້າ, ເຕົ້ານໍ້າ ແລະ ເຄື່ອງໃຊ້ອື່ນໆໃຫ້ແກ່ຄູ-ອາຈານ ແລະ ນັກຮຽນ, ນັກສຶກສາແຕ່ລະໂຮງຮຽນຈຳນວນ 7 ແຫ່ງຊຶ່ງມີແຂວງຫຼວງພະບາງ, ແຂວງອຸດົມໄຊ, ແຂວງຫຼວງນໍ້າທາ ແລະ ສະຖານທີ່ອື່ນໆທີ່ຢູ່ລຽບຕາມເສັ້ນທາງລົດໄຟລາວ-ຈີນ.
ຂໍ້ມູນ: ລົດໄຟລາວ-ຈີນ
