ສູນວັດທະນະທໍາຈີນ ປະຈໍາ ສປປ ລາວ ແລະ ສູນແລກປ່ຽນວັດທະນະທໍາຈີນກັບຕ່າງປະເທດ ໄດ້ຈັດກິດຈະກໍາບຸນຕ່ວນຫວູ ພາຍໃຕ້ຫົວຂໍ້ ສະບາຍດີປະເທດຈີນ ແລະ ເປີດງານນິທັດສະການສໍາຜັດແຫຼ່ງທ່ອງທ່ຽວທີ່ສວຍງາມຂອງປະເທດຈີນ ດ້ວຍເຕັກໂນໂລຊີ VR ຮັບຈັດໂດຍ ບໍລິສັດ Intercontinental Advanced Visual Media Co.,Ltd. ຈໍາກັດ; ຂຶ້ນໃນວັນທີ 6 ມິຖຸນານີ້ ທີ່ສູນດັ່ງກ່າວ ໂດຍການເຂົ້າຮ່ວມຂອງທ່ານນາງ ແພງຈັນ ແພງເມືອງ ຫົວໜ້າກົມແຜນການ ແລະ ການຮ່ວມມືສາກົນ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ), ມີອົງການທ່ອງທ່ຽວວັດທະນະທໍາລະດັບປະເທດທີ່ກ່ຽວຂ້ອງ, ວິສາຫະກິດຈີນ, ຊາວຈີນຕ່າງດ້າວ ແລະ ຊາວຈີນພົ້ນທະເລຢູ່ນະຄອນ ຫຼວງວຽງຈັນ ພ້ອມດ້ວຍແຂກຖືກເຊີນສອງຝ່າຍເຂົ້າຮ່ວມ.
ທ່ານນາງ ຫຼີ ຢີ່ຜິງ ຫົວໜ້າສູນວັດທະນະທໍາຈີນປະຈໍາລາວ ກ່າວວ່າ: ບຸນຕ່ວນຫວູ ແມ່ນບຸນປະເພນີດັ່ງເດີມສືບທອດກັນມາຂອງຈີນ, ແມ່ນບຸນປະເພນີທຳອິດທີ່ໄດ້ຮັບເລືອກເປັນມໍ ຣະດົກວັດທະນະທໍານາມມະທໍາຂອງໂລກ ໂດຍຈະຈັດຂຶ້ນໃນວັນທີ 5 ເດືອນ 5 ຕາມປະຕິ ທິນຈັນທະຄະຕິຂອງທຸກໆປີ ຊຶ່ງໃນປີນີ້ແມ່ນກົງກັບວັນທີ 10 ມິຖຸນາ ຕາມປະຕິທິນສາກົນ. ໃນໄລຍະ 3 ປີມານີ້, ສູນວັດທະນະທໍາຈີນປະຈໍາ ລາວໄດ້ຈັດກິດຈະກຳວັດທະນະທຳຕ່າງໆເພື່ອສະເຫຼີມສະຫຼອງບຸນຕ່ວນຫວູທຸກໆປີ, “ສະບາຍດີ! ປະເທດຈີນ” ແມ່ນ ແບຣນສົ່ງເສີມການ ທ່ອງທ່ຽວຢູ່ຕ່າງປະເທດຂອງກະຊວງວັດທະນະທຳ ແລະ ທ່ອງທ່ຽວ ແຫ່ງ ສປ ຈີນ ທີ່ໄດ້ເປີດຕົວໃນປີ 2023, ຈຸດປະ ສົງເພື່ອໂຄສະນາທິວທັດທຳມະຊາດທີ່ສວຍງາມ ແລະ ວັດທະນະທຳອັນຮຸ່ງເຮືອງຂອງຈີນໃຫ້ກັບນັກທ່ອງທ່ຽວຕ່າງປະ ເທດ, ຍົກສູງການທ່ອງ ທ່ຽວຈີນໃຫ້ມີອິດທິພົນ ແລະ ຖານະໃນລະດັບສາກົນ. ຊຸດກິດຈະກຳ “ສະບາຍດີ! ປະເທດຈີນ” ແມ່ນຊຸດກິດຈະກໍາວັດທະນະທໍາທີ່ສຳຄັນຂອງສູນວັດທະນະທຳຈີນ.
ການຈັດກິດຈະກໍາຄັ້ງນີ້ເພື່ອສຶກສາ ແລະ ປະ ຕິບັດຕາມຄໍາຊີ້ນໍາທີ່ສໍາຄັນ ແລະ ຊຸດອະພິປາຍທີ່ສໍາຄັນກ່ຽວກັບການພັດທະນາການທ່ອງ ທ່ຽວຂອງທ່ານ ສີຈິ້ນຜິງ ເລຂາທິການໃຫຍ່ຄະ ນະກໍາມະການສູນກາງພັກກອມມູນິດຈີນ ປະ ທານປະເທດແຫ່ງສປ ຈີນເປັນການຊຸກຍູ້ການຮຽນຮູ້ແລກປ່ຽນອະລິ ຍະທໍາຂອງສອງປະເທດລາວ-ຈີນ, ສືບຕໍ່ສ້າງໂສມໜ້າໃໝ່ໃນການພັດທະນາການຮ່ວມມືດ້ານວັດທະນະທໍາ ແລະ ທ່ອງທ່ຽວຂອງສອງປະເທດລາວ ແລະ ຈີນ. ຊຶ່ງມີກິດຈະກໍາ 6 ລາຍການທີ່ມີສີສັນ ເຊັ່ນ: ສໍາພັດແຫຼ່ງທ່ອງທ່ຽວຂອງຈີນດ້ວຍ VR ຊຶ່ງກວມເອົາການທ່ຽວຊົມພະລາດຊະວັງກູ້ກົ່ງດ້ວຍພາບສະເໝືອນຈິງເມຕາເວີສອອນລາຍ, ການສໍາພັດຊ່ອງວ່າງມິຕິຂັ້ນສູງແບບໂຕ້ຕອບ, ການສໍາພັດໂຮງຮູບເງົາ VR ຫົວຂໍ້ປະເທດຈີນທີ່ສວຍງາມ, ການສະແດງວັດທະນະທໍາບຸນຕ່ວນຫວູ ແລະ ລາຍການ ອື່ນໆ. ວາງສະແດງ ແລະ ຊິມລົດຊາດເຂົ້າຕົ້ມຈີນ ມີເຂົ້າຕົ້ມໄສ້ໝູເກົາລັດ, ເຂົ້າຕົ້ມໄສ້ຖົ່ວຂຽວໝູແດງ, ເຂົ້າຕົ້ມໄສ້ໄຂ່ເຄັມ, ເຂົ້າຕົ້ມໄສ້ຖົ່ວແດງ, ເຂົ້າຕົ້ມໄສ້ໝາກໄມ້ 8 ຊະນິດ, ເຂົ້າຕົ້ມໄສ້ກະທັນເຊື່ອມ, ເຂົ້າຕົ້ມໄສ້ໂມຈິ, ເຂົ້າຕົ້ມໄສ້ເຜືອກບົດ, ເຂົ້າຕົ້ມໄສ້ໝາກນັດ, ເຂົ້າຕົ້ມໄສ້ມັນກອຍ, ເຂົ້າຕົ້ມໄສ້ມັນມ້ວງ, ຖົ່ວດິນ ແລະ ອື່ນໆ. ຊຶ່ງງານດັ່ງກ່າວແມ່ນດໍາເນີນເປັນເວລາ 3 ວັນ (ເລີ່ມແຕ່ວັນທີ 6-8 ມິຖຸນາ 2024).
ຂ່າວ-ພາບ: ຍຸພິນທອງ-ວັນເພັງ
ທ່ານນາງ ຫຼີ ຢີ່ຜິງ ຫົວໜ້າສູນວັດທະນະທໍາຈີນປະຈໍາລາວ ກ່າວວ່າ: ບຸນຕ່ວນຫວູ ແມ່ນບຸນປະເພນີດັ່ງເດີມສືບທອດກັນມາຂອງຈີນ, ແມ່ນບຸນປະເພນີທຳອິດທີ່ໄດ້ຮັບເລືອກເປັນມໍ ຣະດົກວັດທະນະທໍານາມມະທໍາຂອງໂລກ ໂດຍຈະຈັດຂຶ້ນໃນວັນທີ 5 ເດືອນ 5 ຕາມປະຕິ ທິນຈັນທະຄະຕິຂອງທຸກໆປີ ຊຶ່ງໃນປີນີ້ແມ່ນກົງກັບວັນທີ 10 ມິຖຸນາ ຕາມປະຕິທິນສາກົນ. ໃນໄລຍະ 3 ປີມານີ້, ສູນວັດທະນະທໍາຈີນປະຈໍາ ລາວໄດ້ຈັດກິດຈະກຳວັດທະນະທຳຕ່າງໆເພື່ອສະເຫຼີມສະຫຼອງບຸນຕ່ວນຫວູທຸກໆປີ, “ສະບາຍດີ! ປະເທດຈີນ” ແມ່ນ ແບຣນສົ່ງເສີມການ ທ່ອງທ່ຽວຢູ່ຕ່າງປະເທດຂອງກະຊວງວັດທະນະທຳ ແລະ ທ່ອງທ່ຽວ ແຫ່ງ ສປ ຈີນ ທີ່ໄດ້ເປີດຕົວໃນປີ 2023, ຈຸດປະ ສົງເພື່ອໂຄສະນາທິວທັດທຳມະຊາດທີ່ສວຍງາມ ແລະ ວັດທະນະທຳອັນຮຸ່ງເຮືອງຂອງຈີນໃຫ້ກັບນັກທ່ອງທ່ຽວຕ່າງປະ ເທດ, ຍົກສູງການທ່ອງ ທ່ຽວຈີນໃຫ້ມີອິດທິພົນ ແລະ ຖານະໃນລະດັບສາກົນ. ຊຸດກິດຈະກຳ “ສະບາຍດີ! ປະເທດຈີນ” ແມ່ນຊຸດກິດຈະກໍາວັດທະນະທໍາທີ່ສຳຄັນຂອງສູນວັດທະນະທຳຈີນ.
ການຈັດກິດຈະກໍາຄັ້ງນີ້ເພື່ອສຶກສາ ແລະ ປະ ຕິບັດຕາມຄໍາຊີ້ນໍາທີ່ສໍາຄັນ ແລະ ຊຸດອະພິປາຍທີ່ສໍາຄັນກ່ຽວກັບການພັດທະນາການທ່ອງ ທ່ຽວຂອງທ່ານ ສີຈິ້ນຜິງ ເລຂາທິການໃຫຍ່ຄະ ນະກໍາມະການສູນກາງພັກກອມມູນິດຈີນ ປະ ທານປະເທດແຫ່ງສປ ຈີນເປັນການຊຸກຍູ້ການຮຽນຮູ້ແລກປ່ຽນອະລິ ຍະທໍາຂອງສອງປະເທດລາວ-ຈີນ, ສືບຕໍ່ສ້າງໂສມໜ້າໃໝ່ໃນການພັດທະນາການຮ່ວມມືດ້ານວັດທະນະທໍາ ແລະ ທ່ອງທ່ຽວຂອງສອງປະເທດລາວ ແລະ ຈີນ. ຊຶ່ງມີກິດຈະກໍາ 6 ລາຍການທີ່ມີສີສັນ ເຊັ່ນ: ສໍາພັດແຫຼ່ງທ່ອງທ່ຽວຂອງຈີນດ້ວຍ VR ຊຶ່ງກວມເອົາການທ່ຽວຊົມພະລາດຊະວັງກູ້ກົ່ງດ້ວຍພາບສະເໝືອນຈິງເມຕາເວີສອອນລາຍ, ການສໍາພັດຊ່ອງວ່າງມິຕິຂັ້ນສູງແບບໂຕ້ຕອບ, ການສໍາພັດໂຮງຮູບເງົາ VR ຫົວຂໍ້ປະເທດຈີນທີ່ສວຍງາມ, ການສະແດງວັດທະນະທໍາບຸນຕ່ວນຫວູ ແລະ ລາຍການ ອື່ນໆ. ວາງສະແດງ ແລະ ຊິມລົດຊາດເຂົ້າຕົ້ມຈີນ ມີເຂົ້າຕົ້ມໄສ້ໝູເກົາລັດ, ເຂົ້າຕົ້ມໄສ້ຖົ່ວຂຽວໝູແດງ, ເຂົ້າຕົ້ມໄສ້ໄຂ່ເຄັມ, ເຂົ້າຕົ້ມໄສ້ຖົ່ວແດງ, ເຂົ້າຕົ້ມໄສ້ໝາກໄມ້ 8 ຊະນິດ, ເຂົ້າຕົ້ມໄສ້ກະທັນເຊື່ອມ, ເຂົ້າຕົ້ມໄສ້ໂມຈິ, ເຂົ້າຕົ້ມໄສ້ເຜືອກບົດ, ເຂົ້າຕົ້ມໄສ້ໝາກນັດ, ເຂົ້າຕົ້ມໄສ້ມັນກອຍ, ເຂົ້າຕົ້ມໄສ້ມັນມ້ວງ, ຖົ່ວດິນ ແລະ ອື່ນໆ. ຊຶ່ງງານດັ່ງກ່າວແມ່ນດໍາເນີນເປັນເວລາ 3 ວັນ (ເລີ່ມແຕ່ວັນທີ 6-8 ມິຖຸນາ 2024).
ຂ່າວ-ພາບ: ຍຸພິນທອງ-ວັນເພັງ
