ພິທີພົບປະສອງຝ່າຍລະຫວ່າງວາລະສານ ອະລຸນໃໝ່ ຄະນະໂຄສະນາອົບຮົມສູນກາງພັກ ແລະ ວາລະສານ ຊິວສື ສປຈີນ ໄດ້ຈັດຂຶ້ນໃນວັນທີ 7 ມິຖຸນານີ້ ທີ່ໂຮງແຮມແລນມາກ ນະຄອນຫຼວງວຽງຈັນ, ຝ່າຍວາລະສານອະລຸນໃໝ່ ນຳໂດຍທ່ານ ວັນລາຕີ ຄໍາວານວົງສາ ຫົວໜ້າບັນນາທິການວາລະສານ ອະລຸນໃໝ່ ພ້ອມດ້ວຍຄະນະ, ຝ່າຍວາລະສານຊິວສືນຳໂດຍທ່ານ ລີເວີນເກີ ຮອງຫົວໜ້າບັນນາທິການວາລະສານຊິວສີ ສປຈີນ ພ້ອມດ້ວຍຄະນະ.
ທ່ານ ວັນລາຕີ ຄໍາວານວົງສາ ກ່າວວ່າ: ວາລະສານອະລຸນໃໝ່ ຂອງພັກປະຊາຊົນປະຕິວັດລາວ ກັບ ວາລະສານຊິວສື ຂອງພັກກອມມູນິດຈີນ ໄດ້ມີການພົວພັນຮ່ວມມືທີ່ເປັນມູນເຊື້ອ ແລະ ຊ່ວຍເຫຼືອຊຶ່ງກັນ ແລະ ກັນ ມາແຕ່ດົນນານ. ຜ່ານມາສອງຝ່າຍໄດ້ມີການແລກປ່ຽນຄະນະຜູ້ແທນຊຶ່ງກັນ ແລະ ກັນ, ແລກປ່ຽນຂໍ້ມູນຂ່າວສານນໍາກັນ. ແຕ່ໄລຍະຫຼັງໆມານີ້ ດ້ວຍເງື່ອນໄຂ ແລະ ສະພາບແວດລ້ອມທີ່ບໍ່ເອື້ອອໍານວຍ ເຮັດໃຫ້ການແລກປ່ຽນ ຄະນະຜູ້ແທນ ຂອງສອງວາລະສານບໍ່ເປັນປົກກະຕິ ແລະ ຄັ້ງລ່າສຸດທີ່ມີການແລກປ່ຽນຄະນະຜູ້ແທນທັງສອງຝ່າຍ ແມ່ນປີ2013 ຈົນມາຮອດປັດຈຸບັນ.
ການພົບປະຄັ້ງນີ້ ສອງຝ່າຍໄດ້ຜັດປ່ຽນກັນລາຍງານສະພາບການເຄື່ອນໄຫວວຽກງານຂອງກັນ ແລະ ກັນຊາບໂດຍຫຍໍ້ ເປັນຕົ້ນແມ່ນ: ວາລະສານ ອະລຸນໃໝ່ ແມ່ນສືບທອດມາຈາກ ວາລະສານແສງສະຫວ່າງ ຂອງພັກໃນສະໄໝຕໍ່ສູ້ກູ້ຊາດ, ໄດ້ຮັບການສ້າງຕັ້ງ ໃນປີ1985 ແລະ ສະບັບທໍາອິດໄດ້ອອກຈຳໜ່າຍໃນວັນທີ 22 ມີນາ1985 ເພື່ອເປັນການສະເຫຼີມສະຫຼອງວັນສ້າງຕັ້ງພັກ ປປ ລາວ ຄົບຮອບ 30ປີ ແລະ ສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 10ປີ. ວາລະສານ ອະລຸນໃໝ່ ແມ່ນວາລະສານທິດສະດີ ແລະ ພຶດຕິກຳ ຂອງສູນກາງພັກປະຊາຊົນປະຕິວັດລາວ, ເປັນກະບອກສຽງ-ເປັນສື່ມວນຊົນຂອງພັກ, ເວົ້າລວມ, ເວົ້າສະເພາະ ມີພາລະບົດບາດຄົ້ນຄວ້າ, ເຜີຍແຜ່, ສຶກສາອົບຮົມທິດສະດີມາກ-ເລນິນ, ແນວຄິດໄກສອນ ພົມວິຫານ, ແນວທາງແຜນນະໂຍບາຍຂອງພັກ, ນະໂຍບາຍ ແລະ ກົດໝາຍຂອງລັດ; ຄົ້ນຄວ້າເຜີຍແຜ່ຜົນສໍາເລັດ, ບົດຮຽນຂອງປະເທດເພື່ອນມິດຢູ່ໃນພາກພື້ນແລະສາກົນ; ເຜີຍແຜ່, ແລກປ່ຽນການຄົ້ນຄວ້າ ວິທະຍາສາດ, ສາລະຄວາມຮູ້, ຂ່າວສານຕ່າງໆ.
ໃນໄລຍະຜ່ານມາ, ວາລະສານອະລຸນໃໝ່ໄດ້ເອົາໃຈໃສ່ປັບປຸງເນື້ອໃນ ແລະ ຮູບແບບຂອງວາລະສານ ເພື່ອຫັນໄປສູ່ຄຸນນະພາບໃໝ່ເທື່ອລະກ້າວ ແລະ ມີສີສັນດີຂຶ້ນ, ຮັບປະກັນການເຄື່ອນໄຫວໜ້າທີ່ການເມືອງຂອງຕົນໄດ້ເປັນຢ່າງດີ. ໃນນັ້ນ ປີຜ່ານມານີ້ ພວກເຮົາ ກໍໄດ້ສໍາເລັດການສ້າງ ວາລະສານອະລຸນໃໝ່ເອເລັກໂຕຣນິກ (http:/www.alm.gov.la) ໃນວັນທີ 9 ເດືອນຕຸລາ ປີ2023 ຊຶ່ງຖືວ່າ ວຽກວາລະສານເອເລັກໂຕຣນິກ ຫຼື ຫັນເປັນທັນສະໄໝ ສໍາລັບພວກເຮົາ ກໍເປັນສິ່ງໃໝ່ ແລະ ຍັງມີສິ່ງທ້າທາຍສົມຄວນທີ່ພວກເຮົາຕ້ອງໄດ້ຍົກສູງຄວາມພະຍາຍາມຂຶ້ນຕື່ມ.
ສໍາລັບຂໍ້ສະເໜີ ສໍາລັບທິດທາງແຜນການຮ່ວມມືຕໍ່ໜ້າ: 1). ເພື່ອຟື້ນຟູການຮ່ວມມື, ຮັດແໜ້ນຄວາມສາມັກຄີຂອງສອງວາລະສານໃຫ້ເລິກເຊິ່ງກວ່າເກົ່າ ດ້ວຍຮູບການທີ່ເໝາະສົມ ເປັນຕົ້ນແມ່ນ: ແລກປ່ຽນຄະນະຜູ້ແທນທັງສອງຝ່າຍ, ແລກປ່ຽນບົດຮຽນທາງດ້ານວິຊາສະເພາະ,ບໍາລຸງ-ກໍ່ສ້າງພະນັກງານໃຫ້ວາລະສານອະລຸນໃໝ່ ທັງໄລຍະສັ້ນ, ໄລຍະຍາວ ຫຼື ສົ່ງຊ່ຽວຊານມາຝຶກອົບຮົມຢູ່ ສປປ ລາວ ແລະ ອື່ນໆ, ກ້າວໄປເຖິງການເຮັດບົດບັນທຶກຮ່ວມມືສອງຝ່າຍ ໃນຕໍ່ໜ້າ. ເພີ່ມການແລກປ່ຽນຂໍ້ມູນຂ່າວສານ, ບົດຂຽນ, ບົດຮຽນ, ຜົນສໍາເລັດດ້ານຕ່າງໆ ຊຶ່ງກັນແລະກັນ ໃຫ້ຫຼາຍຂຶ້ນ.
(ຂ່າວ-ພາບ: ແສງຈັນ)
ທ່ານ ວັນລາຕີ ຄໍາວານວົງສາ ກ່າວວ່າ: ວາລະສານອະລຸນໃໝ່ ຂອງພັກປະຊາຊົນປະຕິວັດລາວ ກັບ ວາລະສານຊິວສື ຂອງພັກກອມມູນິດຈີນ ໄດ້ມີການພົວພັນຮ່ວມມືທີ່ເປັນມູນເຊື້ອ ແລະ ຊ່ວຍເຫຼືອຊຶ່ງກັນ ແລະ ກັນ ມາແຕ່ດົນນານ. ຜ່ານມາສອງຝ່າຍໄດ້ມີການແລກປ່ຽນຄະນະຜູ້ແທນຊຶ່ງກັນ ແລະ ກັນ, ແລກປ່ຽນຂໍ້ມູນຂ່າວສານນໍາກັນ. ແຕ່ໄລຍະຫຼັງໆມານີ້ ດ້ວຍເງື່ອນໄຂ ແລະ ສະພາບແວດລ້ອມທີ່ບໍ່ເອື້ອອໍານວຍ ເຮັດໃຫ້ການແລກປ່ຽນ ຄະນະຜູ້ແທນ ຂອງສອງວາລະສານບໍ່ເປັນປົກກະຕິ ແລະ ຄັ້ງລ່າສຸດທີ່ມີການແລກປ່ຽນຄະນະຜູ້ແທນທັງສອງຝ່າຍ ແມ່ນປີ2013 ຈົນມາຮອດປັດຈຸບັນ.
ການພົບປະຄັ້ງນີ້ ສອງຝ່າຍໄດ້ຜັດປ່ຽນກັນລາຍງານສະພາບການເຄື່ອນໄຫວວຽກງານຂອງກັນ ແລະ ກັນຊາບໂດຍຫຍໍ້ ເປັນຕົ້ນແມ່ນ: ວາລະສານ ອະລຸນໃໝ່ ແມ່ນສືບທອດມາຈາກ ວາລະສານແສງສະຫວ່າງ ຂອງພັກໃນສະໄໝຕໍ່ສູ້ກູ້ຊາດ, ໄດ້ຮັບການສ້າງຕັ້ງ ໃນປີ1985 ແລະ ສະບັບທໍາອິດໄດ້ອອກຈຳໜ່າຍໃນວັນທີ 22 ມີນາ1985 ເພື່ອເປັນການສະເຫຼີມສະຫຼອງວັນສ້າງຕັ້ງພັກ ປປ ລາວ ຄົບຮອບ 30ປີ ແລະ ສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 10ປີ. ວາລະສານ ອະລຸນໃໝ່ ແມ່ນວາລະສານທິດສະດີ ແລະ ພຶດຕິກຳ ຂອງສູນກາງພັກປະຊາຊົນປະຕິວັດລາວ, ເປັນກະບອກສຽງ-ເປັນສື່ມວນຊົນຂອງພັກ, ເວົ້າລວມ, ເວົ້າສະເພາະ ມີພາລະບົດບາດຄົ້ນຄວ້າ, ເຜີຍແຜ່, ສຶກສາອົບຮົມທິດສະດີມາກ-ເລນິນ, ແນວຄິດໄກສອນ ພົມວິຫານ, ແນວທາງແຜນນະໂຍບາຍຂອງພັກ, ນະໂຍບາຍ ແລະ ກົດໝາຍຂອງລັດ; ຄົ້ນຄວ້າເຜີຍແຜ່ຜົນສໍາເລັດ, ບົດຮຽນຂອງປະເທດເພື່ອນມິດຢູ່ໃນພາກພື້ນແລະສາກົນ; ເຜີຍແຜ່, ແລກປ່ຽນການຄົ້ນຄວ້າ ວິທະຍາສາດ, ສາລະຄວາມຮູ້, ຂ່າວສານຕ່າງໆ.
ໃນໄລຍະຜ່ານມາ, ວາລະສານອະລຸນໃໝ່ໄດ້ເອົາໃຈໃສ່ປັບປຸງເນື້ອໃນ ແລະ ຮູບແບບຂອງວາລະສານ ເພື່ອຫັນໄປສູ່ຄຸນນະພາບໃໝ່ເທື່ອລະກ້າວ ແລະ ມີສີສັນດີຂຶ້ນ, ຮັບປະກັນການເຄື່ອນໄຫວໜ້າທີ່ການເມືອງຂອງຕົນໄດ້ເປັນຢ່າງດີ. ໃນນັ້ນ ປີຜ່ານມານີ້ ພວກເຮົາ ກໍໄດ້ສໍາເລັດການສ້າງ ວາລະສານອະລຸນໃໝ່ເອເລັກໂຕຣນິກ (http:/www.alm.gov.la) ໃນວັນທີ 9 ເດືອນຕຸລາ ປີ2023 ຊຶ່ງຖືວ່າ ວຽກວາລະສານເອເລັກໂຕຣນິກ ຫຼື ຫັນເປັນທັນສະໄໝ ສໍາລັບພວກເຮົາ ກໍເປັນສິ່ງໃໝ່ ແລະ ຍັງມີສິ່ງທ້າທາຍສົມຄວນທີ່ພວກເຮົາຕ້ອງໄດ້ຍົກສູງຄວາມພະຍາຍາມຂຶ້ນຕື່ມ.
ສໍາລັບຂໍ້ສະເໜີ ສໍາລັບທິດທາງແຜນການຮ່ວມມືຕໍ່ໜ້າ: 1). ເພື່ອຟື້ນຟູການຮ່ວມມື, ຮັດແໜ້ນຄວາມສາມັກຄີຂອງສອງວາລະສານໃຫ້ເລິກເຊິ່ງກວ່າເກົ່າ ດ້ວຍຮູບການທີ່ເໝາະສົມ ເປັນຕົ້ນແມ່ນ: ແລກປ່ຽນຄະນະຜູ້ແທນທັງສອງຝ່າຍ, ແລກປ່ຽນບົດຮຽນທາງດ້ານວິຊາສະເພາະ,ບໍາລຸງ-ກໍ່ສ້າງພະນັກງານໃຫ້ວາລະສານອະລຸນໃໝ່ ທັງໄລຍະສັ້ນ, ໄລຍະຍາວ ຫຼື ສົ່ງຊ່ຽວຊານມາຝຶກອົບຮົມຢູ່ ສປປ ລາວ ແລະ ອື່ນໆ, ກ້າວໄປເຖິງການເຮັດບົດບັນທຶກຮ່ວມມືສອງຝ່າຍ ໃນຕໍ່ໜ້າ. ເພີ່ມການແລກປ່ຽນຂໍ້ມູນຂ່າວສານ, ບົດຂຽນ, ບົດຮຽນ, ຜົນສໍາເລັດດ້ານຕ່າງໆ ຊຶ່ງກັນແລະກັນ ໃຫ້ຫຼາຍຂຶ້ນ.
(ຂ່າວ-ພາບ: ແສງຈັນ)
