ທ່ານ ທອງສະຫວັນ ພົມວິຫານ ຫົວໜ້າຄະນະພົວພັນຕ່າງປະເທດສູນກາງພັກ (ຄຕພ) ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງທ່ານ ນາງ ມິກເຊວ ຈັນ ຮອງລັດຖະມົນຕີກະຊວງການຕ່າງປະເທດ ແລະ ການຄ້າອົສຕຣາລີ ພ້ອມດ້ວຍຄະນະ ໃນວັນທີ 6 ມິຖຸນາຜ່ານມາ ທີ່ ຄຕພ ໃນໂອກາດເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນລະຫວ່າງ ວັນທີ 6-8 ມິຖຸນາ 2024.
ທ່ານ ນາງ ມິກເຊວ ຈັນໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ ແລະ ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນດີງາມລະຫວ່າງ ອົສຕຣາລີ-ລາວ ຕະຫຼອດໄລຍະຜ່ານມາ ແລະ ໄດ້ແຈ້ງໃຫ້ຊາບ ໂດຍສັງເຂບກ່ຽວກັບ ສະພາບການເມືອງ ແລະ ການພັດທະນາເສດຖະຖະກິດ-ສັງຄົມ ຂອງ ອົສຕຣາລີ ພ້ອມທັງ ຊົມເຊີຍຕໍ່ ບັນດາຜົນສໍາເລັດທີ່ປະຊາຊົນລາວ ຍາດມາໄດ້ ໂດຍສະເພາະ ການພັດທະນາເສດຖະກິດ-ສັງຄົມ ພາຍໃຕ້ການນຳພາ ຂອງ ພັກ ປປ ລາວ, ສະແດງຄວາມຂອບໃຈຕໍ່ ສປປ ລາວ ໃນການເປັນຝ່າຍປະສານງານ ອາຊຽນ-ອົສຕຣາລີ ຕະຫຼອດໄລຍະ 2 ປີຜ່ານມາ ເພື່ອປະກອບສ່ວນໃຫ້ແກ່ການຈັດຕັ້ງກອງປະຊຸມສຸດຍອດພິເສດການເປັນຄູ່ເຈລະຈາ ອາຊຽນ-ອົສຕຣາລີ 50 ປີ ໃນເດືອນ ມີນາ 2024 ແລະ ຈະສືບຕໍ່ປະກອບສ່ວນຊຸກຍູ້ ເພື່ອຮັດແໜ້ນການພົວພັນຮ່ວມມືທາງດ້ານເສດຖະກິດ, ວັດທະນະທຳ ແລະ ສັງຄົມ ລະຫວ່າງ ສອງປະເທດ ໃຫ້ໄດ້ຮັບການຂະຫຍາຍຕົວຍິ່ງໆຂຶ້ນ; ພ້ອມທັງ ຈະສືບຕໍ່ໃຫ້ການຊ່ວຍເຫຼືອ ສປປ ລາວ ໃນດ້ານຕ່າງໆທີ່ສອງຝ່າຍມີທ່າແຮງຮ່ວມກັນ ແລະ ຍິນດີໃຫ້ການສະໜັບສະໜູນການເປັນປະທານໝູນວຽນອາຊຽນ ຂອງ ສປປ ລາວ ໃນປີ 2024 ໃຫ້ໄດ້ຮັບຜົນສຳເລັດຢ່າງຈົບງາມ.
ທ່ານ ທອງສະຫວັນ ພົມວິຫານ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການມາຢ້ຽມຢາມ ສປປ ລາວ ຂອງຄະນະຊຶ່ງເປັນການປະກອບສ່ວນສໍາຄັນ ເຂົ້າໃນການເສີມຂະຫຍາຍ ສາຍພົວພັນມິດຕະພາບອັນດີງາມ ລະຫວ່າງ ລາວ-ອົສຕຣາລີ ໃຫ້ນັບມື້ນັບມີບາດກ້າວໃໝ່. ໃນໂອກາດນີ້ ທ່ານ ຫົວໜ້າ ຄຕພ ໄດ້ແຈ້ງໃຫ້ຝ່າຍແຂກຊາບໂດຍຫຍໍ້ກ່ຽວກັບ ຜົນສຳເລັດຂອງການພັດທະນາເສດຖະກິດ-ສັງຄົມ ພາຍໃຕ້ການນຳພາ ຂອງ ພັກ ປປ ລາວ ແລະ ໄດ້ຍົກໃຫ້ເຫັນ ເຖິງພາລະບົດບາດຂອງ ຄຕພ ໃນການເຄື່ອນໄຫວວຽກງານການຕ່າງປະເທດດ້ານພັກ ແລະ ການທູດປະຊາຊົນ. ພ້ອມນັ້ນ, ກໍໄດ້ສະແດງຄວາມຂອບໃຈ ຕໍ່ ການຊ່ວຍເຫຼືອຂອງ ລັດຖະບານອົສຕຣາລີ ແກ່ ສປປ ລາວເປັນຕົ້ນແມ່ນ: ດ້ານການສຶກສາ, ການພັດທະນາຊັບພະຍາກອນມະນຸດ, ສາທາລະນະສຸກ, ອຸປະກອນການແພດ, ການກໍ່ສ້າງພື້ນຖານໂຄງລ່າງ, ການຊ່ວຍເຫຼືອເພື່ອການພັດທະນາ (ODA) ໂດຍຜ່ານໂຄງການຕ່າງໆໃນໄລຍະຜ່ານມາ.
ສອງຝ່າຍ ໄດ້ເອກະພາບ ແລະ ຕີລາຄາສູງຕໍ່ ສາຍພົວພັນມິດຕະພາບ ແລະ ການຮ່ວມມື ລະຫວ່າງ ລາວ-ອົສຕຣາລີ, ອົສຕຣາລີ-ລາວ ໃນຕະຫຼອດໄລຍະ 70 ກວ່າປີຜ່ານມາທີ່ໄດ້ຮັບການພັດທະນາ ແລະ ເສີມຂະຫຍາຍຢ່າງຕໍ່ເນື່ອງ, ໂດຍສະເພາະການຍົກລະດັບການພົວພັນສອງປະເທດຂຶ້ນເປັນຄູ່ຮ່ວມມືແບບກວມລວມ. ພິເສດກ່ຽວກັບການສ້າງຕັ້ງສະມາຄົມມິດຕະພາບ ລາວ-ອົສຕຣາລີ, ອົສຕຣາລີ-ລາວ ໃນການເຮັດບົດບາດການທູດປະຊາຊົນເພື່ອສະໜັບສະໜູນການພົວພັນດ້ານລັດຂອງສອງປະເທດໃຫ້ມີປະສິດທິຜົນຍິ່ງໆຂຶ້ນ ສົ່ງເສີມການໄປມາຫາສູ່ກັນລະຫວ່າງ ປະຊາຊົນ ສອງຊາດແລະ ຊຸກຍູ້ການຮ່ວມມືໃນຂະແໜງເສດຖະກິດ, ການຄ້າ, ການລົົງທຶນ, ການສຶກສາ, ວັດທະນະທຳ ແລະ ການທ່ອງທ່ຽວ ໃຫ້ແຕກດອກອອກຜົນຍິ່ງໆຂຶ້ນ ເພື່ອນຳເອົາຜົນປະໂຫຍດຕົວຈິງມາສູ່ ປະຊາຊົນ ສອງຊາດ ເພື່ອປະກອບສ່ວນເຂົ້າໃນພາລະກິດ ສັນຕິພາບ, ມິດຕະພາບ ແລະ ການຮ່ວມມືເພື່ອພັດທະນາໃນພາກພື້ນ ແລະ ໃນໂລກ.
(ຂ່າວ: ຄຕພ, ພາບ: ແສງຈັນ)
ທ່ານ ນາງ ມິກເຊວ ຈັນໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ ແລະ ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນດີງາມລະຫວ່າງ ອົສຕຣາລີ-ລາວ ຕະຫຼອດໄລຍະຜ່ານມາ ແລະ ໄດ້ແຈ້ງໃຫ້ຊາບ ໂດຍສັງເຂບກ່ຽວກັບ ສະພາບການເມືອງ ແລະ ການພັດທະນາເສດຖະຖະກິດ-ສັງຄົມ ຂອງ ອົສຕຣາລີ ພ້ອມທັງ ຊົມເຊີຍຕໍ່ ບັນດາຜົນສໍາເລັດທີ່ປະຊາຊົນລາວ ຍາດມາໄດ້ ໂດຍສະເພາະ ການພັດທະນາເສດຖະກິດ-ສັງຄົມ ພາຍໃຕ້ການນຳພາ ຂອງ ພັກ ປປ ລາວ, ສະແດງຄວາມຂອບໃຈຕໍ່ ສປປ ລາວ ໃນການເປັນຝ່າຍປະສານງານ ອາຊຽນ-ອົສຕຣາລີ ຕະຫຼອດໄລຍະ 2 ປີຜ່ານມາ ເພື່ອປະກອບສ່ວນໃຫ້ແກ່ການຈັດຕັ້ງກອງປະຊຸມສຸດຍອດພິເສດການເປັນຄູ່ເຈລະຈາ ອາຊຽນ-ອົສຕຣາລີ 50 ປີ ໃນເດືອນ ມີນາ 2024 ແລະ ຈະສືບຕໍ່ປະກອບສ່ວນຊຸກຍູ້ ເພື່ອຮັດແໜ້ນການພົວພັນຮ່ວມມືທາງດ້ານເສດຖະກິດ, ວັດທະນະທຳ ແລະ ສັງຄົມ ລະຫວ່າງ ສອງປະເທດ ໃຫ້ໄດ້ຮັບການຂະຫຍາຍຕົວຍິ່ງໆຂຶ້ນ; ພ້ອມທັງ ຈະສືບຕໍ່ໃຫ້ການຊ່ວຍເຫຼືອ ສປປ ລາວ ໃນດ້ານຕ່າງໆທີ່ສອງຝ່າຍມີທ່າແຮງຮ່ວມກັນ ແລະ ຍິນດີໃຫ້ການສະໜັບສະໜູນການເປັນປະທານໝູນວຽນອາຊຽນ ຂອງ ສປປ ລາວ ໃນປີ 2024 ໃຫ້ໄດ້ຮັບຜົນສຳເລັດຢ່າງຈົບງາມ.
ທ່ານ ທອງສະຫວັນ ພົມວິຫານ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການມາຢ້ຽມຢາມ ສປປ ລາວ ຂອງຄະນະຊຶ່ງເປັນການປະກອບສ່ວນສໍາຄັນ ເຂົ້າໃນການເສີມຂະຫຍາຍ ສາຍພົວພັນມິດຕະພາບອັນດີງາມ ລະຫວ່າງ ລາວ-ອົສຕຣາລີ ໃຫ້ນັບມື້ນັບມີບາດກ້າວໃໝ່. ໃນໂອກາດນີ້ ທ່ານ ຫົວໜ້າ ຄຕພ ໄດ້ແຈ້ງໃຫ້ຝ່າຍແຂກຊາບໂດຍຫຍໍ້ກ່ຽວກັບ ຜົນສຳເລັດຂອງການພັດທະນາເສດຖະກິດ-ສັງຄົມ ພາຍໃຕ້ການນຳພາ ຂອງ ພັກ ປປ ລາວ ແລະ ໄດ້ຍົກໃຫ້ເຫັນ ເຖິງພາລະບົດບາດຂອງ ຄຕພ ໃນການເຄື່ອນໄຫວວຽກງານການຕ່າງປະເທດດ້ານພັກ ແລະ ການທູດປະຊາຊົນ. ພ້ອມນັ້ນ, ກໍໄດ້ສະແດງຄວາມຂອບໃຈ ຕໍ່ ການຊ່ວຍເຫຼືອຂອງ ລັດຖະບານອົສຕຣາລີ ແກ່ ສປປ ລາວເປັນຕົ້ນແມ່ນ: ດ້ານການສຶກສາ, ການພັດທະນາຊັບພະຍາກອນມະນຸດ, ສາທາລະນະສຸກ, ອຸປະກອນການແພດ, ການກໍ່ສ້າງພື້ນຖານໂຄງລ່າງ, ການຊ່ວຍເຫຼືອເພື່ອການພັດທະນາ (ODA) ໂດຍຜ່ານໂຄງການຕ່າງໆໃນໄລຍະຜ່ານມາ.
ສອງຝ່າຍ ໄດ້ເອກະພາບ ແລະ ຕີລາຄາສູງຕໍ່ ສາຍພົວພັນມິດຕະພາບ ແລະ ການຮ່ວມມື ລະຫວ່າງ ລາວ-ອົສຕຣາລີ, ອົສຕຣາລີ-ລາວ ໃນຕະຫຼອດໄລຍະ 70 ກວ່າປີຜ່ານມາທີ່ໄດ້ຮັບການພັດທະນາ ແລະ ເສີມຂະຫຍາຍຢ່າງຕໍ່ເນື່ອງ, ໂດຍສະເພາະການຍົກລະດັບການພົວພັນສອງປະເທດຂຶ້ນເປັນຄູ່ຮ່ວມມືແບບກວມລວມ. ພິເສດກ່ຽວກັບການສ້າງຕັ້ງສະມາຄົມມິດຕະພາບ ລາວ-ອົສຕຣາລີ, ອົສຕຣາລີ-ລາວ ໃນການເຮັດບົດບາດການທູດປະຊາຊົນເພື່ອສະໜັບສະໜູນການພົວພັນດ້ານລັດຂອງສອງປະເທດໃຫ້ມີປະສິດທິຜົນຍິ່ງໆຂຶ້ນ ສົ່ງເສີມການໄປມາຫາສູ່ກັນລະຫວ່າງ ປະຊາຊົນ ສອງຊາດແລະ ຊຸກຍູ້ການຮ່ວມມືໃນຂະແໜງເສດຖະກິດ, ການຄ້າ, ການລົົງທຶນ, ການສຶກສາ, ວັດທະນະທຳ ແລະ ການທ່ອງທ່ຽວ ໃຫ້ແຕກດອກອອກຜົນຍິ່ງໆຂຶ້ນ ເພື່ອນຳເອົາຜົນປະໂຫຍດຕົວຈິງມາສູ່ ປະຊາຊົນ ສອງຊາດ ເພື່ອປະກອບສ່ວນເຂົ້າໃນພາລະກິດ ສັນຕິພາບ, ມິດຕະພາບ ແລະ ການຮ່ວມມືເພື່ອພັດທະນາໃນພາກພື້ນ ແລະ ໃນໂລກ.
(ຂ່າວ: ຄຕພ, ພາບ: ແສງຈັນ)
