ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 9 ມິຖຸນາຜ່ານມານີ້, ທ່ານ ນາເຣັນດຣາ ໂມດີ ນາຍົກລັດຖະມົນຕີ ອິນເດຍ ໄດ້ເຂົ້າສາບານຕົວຮັບດຳລົງຕຳແໜ່ງ ສະໄໝທີ3 ຢ່າງເປັນທາງການຢູ່ທຳນຽບປະທານາທິບໍດີ ອິນເດຍ.  ນີ້ແມ່ນເຫດການພິເສດ ເພາະວ່າ ທ່ານ ນາເຣັນດຣາ ໂມດີ ກາຍເປັນການນຳອີກຄົນໜຶ່ງ ຖັດຈາກທ່ານ ຊາວະຫະລາ ເນຣູ ອະດີດນາຍົກລັດຖະມົນຕີທີ່ໄດ້ຮັບການເລືອກຕັ້ງໃຫ້ດຳລົງຕຳແໜ່ງນາຍົກລັດຖະມົນຕີ3 ສະໄໝລຽນຕິດ. ພ້ອມກັບທ່ານ ນາເຣັນດຣາ ໂມດີ, ບັນດາສະມາຊິກໃນສະພາລັດຖະມົນຕີອາຍຸການໃໝ່ ກໍໄດ້ເຂົ້າສາບານຕົວຮັບດຳລົງຕຳແໜ່ງເຊັ່ນດຽວກັນ.
    ຂ່າວລະບຸວາ: ພິທີສາບານຕົວ ໄດ້ດຳເນີນຢູ່ນະຄອນຫຼວງນິວເດລີ. ໂດຍມີຕຳຫຼວດຈະລາຈອນຫຼາຍກວ່າ 1.100 ຄົນ ເຂົ້າຮັບໃຊ້ໃນພິທີນີ້ ເພື່ອບໍລິການ, ແນະນໍາການສັນຈອນທາງຄົມມະນາຄົມ ແລະ ອຳນວຍຄວາມສະດວກໃຫ້ບັນດາຄະນະຜູ້ແທນເຂົ້າຮ່ວມພິທີ. ພິທີສາບານຕົວຮັບດຳລົງຕຳແໜ່ງຂອງທ່ານ ນາເຣນດຣາ ໂມດີ ໂດຍມີການເຂົ້າຮ່ວມຂອງການນຳບັນດາປະເທດບ້ານໃກ້ເຮືອນຄຽງ ແລະ ບັນດາປະເທດ ມະຫາສະໜຸດອິນເດຍ.