ແນວລາວສ້າງຊາດນະຄອນຫຼວງວຽງຈັນ (ນວ) ຮ່ວມກັບພະແນກການເງິນນະຄອນຫຼວງ ໄດ້ຈັດກອງປະຊຸມເຜີຍແຜ່ປຶ້ນຄູ່ມືໂຄສະນາປຸກລະດົມການປະຕິບັດພັນທະເສຍພາສີ-ອາກອນໃຫ້ລັດ ຂຶ້ນໃນວັນທີ 13 ມິຖຸນາຜ່ານມາ ທີ່ຫ້ອງວ່າການປົກຄອງ ນວໂດຍການເປັນປະທານຮ່ວມຂອງທ່ານນາງ ອິນລາວັນ ແກ້ວບຸນພັນ ຮອງປະທານສູນກາງແນວລາວສ້າງຊາດ(ສນຊ) ແລະ ທ່ານ ຖະໜອມ ທໍາທອງ ປະທານແນວລາວສ້າງຊາດ ນວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານຮອງປະທານ ສນຊ ໄດ້ຍົກໃຫ້ເຫັນຄວາມໝາຍຄວາມສຳຄັນຂອງການປະຕິບັດພັນທະເສຍພາສີ-ອາກອນໃຫ້ລັດ ເພື່ອສ້າງຄວາມຮັບຮູ້ ແລະ ເປັນເອກະພາບຂອງຄະນະຮັບຜິດຊອບຂັ້ນສູນກາງ ແລະ ທ້ອງຖິ່ນ ກ່ຽວກັບເນື້ອໃນທີ່ຈະນຳໄປໂຄສະນາເຜີຍແຜ່, ປຸກລະດົມຂົນຂວາຍປະຊາຊົນ, ຜູ້ປະກອບການ, ນັກທຸລະກິດ-ຊາວຄ້າຂາຍ ແລະ ປະຊາຊົນໃຫ້ເປັນເຈົ້າການ ໃນການປະຕິບັດພັນທະເສຍພາສີ ແລະ ມອບພັນທະອາກອນປະເພດຕ່າງໆໃຫ້ຄົບຖ້ວນ ຕາມລະບຽບການເກັບລາຍໄດ້ຂັ້ນຕ່າງໆເຂົ້າລັດໃຫ້ເພີ່ມຂຶ້ນແນໃສ່ແກ້ໄຂບັນຫາການຮົ່ວໄຫຼ, ການລັກລອບບໍ່ເສຍພາສີ ແລະ ມອບພັນທະອາກອນ ຫຼືຫຼີກລ່ຽງພາສີອາກອນ ລວມເຖິງສິນຄ້າເກືອດຫ້າມ ແລະ ອື່ນໆ. ເພື່ອນໍາເອົາເນື້ອໃນໄປຜັນຂະຫຍາຍຢູ່ຂັ້ນຂອງຕົນຫຼາຍຂຶ້ນ ແນໃສ່ໃຫ້ພະນັກງານສະມາຊິກພັກ, ຜູ້ປະກອບການ-ຫົວໜ່ວຍທຸລະກິດ, ຊາວຄ້າຂາຍ ແລະ ປະຊາຊົນລາວບັນດາເຜົ່າໄດ້ຮັບຮູ້ ມີຄວາມເປັນເຈົ້າການຕື່ນຕົວປະຕິບັດລະບຽບກົດໝາຍ.
ກອງປະຊຸມຄັ້ງນີ້, ຍັງໄດ້ຮັບຟັງການເຜີຍແຜ່ 3 ເອກະສານສໍາຄັນຄື: ປະເທດລາວຄົນລາວເປັນເຈົ້າຂອງ; ວຽກງານພາສີ, ວຽກງານອາກອນ ເປັນວຽກງານໜຶ່ງທີ່ຕິດພັນກັບ 2 ວາລະແຫ່ງຊາດ ໂດຍສະເພາະວາລະແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ການປະກອບສ່ວນປຸກລະດົມຂົນຂວາຍປະຊາຊົນລາວບັນດາເຜົ່າ, ຊັ້ນຄົນຕ່າງໆເຂົ້າຮ່ວມຂະບວນການແຂ່ງຂັນຮັກຊາດ ແລະ ຂະບວນການ “ສ້າງເມືອງ, ບ້ານ ແລະ ຄອບຄົວສາມັກຄີປອງດອງ”, “ຮັກບ້ານເກີດ”, “ພັດທະນາຊົນນະບົດໃໝ່ ແລະ ບ້ານພັດທະນາຢູ່ໃນບ້ານຂອງຕົນ”, “ຄົນລາວຜະລິດ-ຊື້ສິນຄ້າລາວ”, “ຕ້ານຢາເສບຕິດ”, “ພົນລະເມືອງດີ”, “ນັກທຸລະກິດດີເດັ່ນ” ແລະ “4 ເສີມສ້າງຂອງແນວລາວສ້າງຊາດ”.
ໂອກາດນີ້, ທ່ານນາງ ອິນລາວັນ ແກ້ວບຸນພັນ ຍັງໄດ້ມອບເງິນຈໍານວນ 228 ລ້ານກີບ ເພື່ອຊຸກຍູ້ວຽກງານດັ່ງກ່າວໃນຂັ້ນເມືອງ, ຂັ້ນບ້ານ, ນອກຈາກນັ້ນ, ຄະນະຍັງໄດ້ລົງຢ້ຽມຢາມຜູ້ປະກອບການທີ່ມີຜົນງານດີເດັ່ນໃນການເສຍພັນທະພາສີ-ອາກອນໃຫ້ລັດເຊັ່ນ: ບໍລິສັດ ອີຊູຊູ ຈໍາປາລາວຕື່ມອີກ.
ຂ່າວ ແລະ ພາບ: ສຸວັນລີ
ທ່ານຮອງປະທານ ສນຊ ໄດ້ຍົກໃຫ້ເຫັນຄວາມໝາຍຄວາມສຳຄັນຂອງການປະຕິບັດພັນທະເສຍພາສີ-ອາກອນໃຫ້ລັດ ເພື່ອສ້າງຄວາມຮັບຮູ້ ແລະ ເປັນເອກະພາບຂອງຄະນະຮັບຜິດຊອບຂັ້ນສູນກາງ ແລະ ທ້ອງຖິ່ນ ກ່ຽວກັບເນື້ອໃນທີ່ຈະນຳໄປໂຄສະນາເຜີຍແຜ່, ປຸກລະດົມຂົນຂວາຍປະຊາຊົນ, ຜູ້ປະກອບການ, ນັກທຸລະກິດ-ຊາວຄ້າຂາຍ ແລະ ປະຊາຊົນໃຫ້ເປັນເຈົ້າການ ໃນການປະຕິບັດພັນທະເສຍພາສີ ແລະ ມອບພັນທະອາກອນປະເພດຕ່າງໆໃຫ້ຄົບຖ້ວນ ຕາມລະບຽບການເກັບລາຍໄດ້ຂັ້ນຕ່າງໆເຂົ້າລັດໃຫ້ເພີ່ມຂຶ້ນແນໃສ່ແກ້ໄຂບັນຫາການຮົ່ວໄຫຼ, ການລັກລອບບໍ່ເສຍພາສີ ແລະ ມອບພັນທະອາກອນ ຫຼືຫຼີກລ່ຽງພາສີອາກອນ ລວມເຖິງສິນຄ້າເກືອດຫ້າມ ແລະ ອື່ນໆ. ເພື່ອນໍາເອົາເນື້ອໃນໄປຜັນຂະຫຍາຍຢູ່ຂັ້ນຂອງຕົນຫຼາຍຂຶ້ນ ແນໃສ່ໃຫ້ພະນັກງານສະມາຊິກພັກ, ຜູ້ປະກອບການ-ຫົວໜ່ວຍທຸລະກິດ, ຊາວຄ້າຂາຍ ແລະ ປະຊາຊົນລາວບັນດາເຜົ່າໄດ້ຮັບຮູ້ ມີຄວາມເປັນເຈົ້າການຕື່ນຕົວປະຕິບັດລະບຽບກົດໝາຍ.
ກອງປະຊຸມຄັ້ງນີ້, ຍັງໄດ້ຮັບຟັງການເຜີຍແຜ່ 3 ເອກະສານສໍາຄັນຄື: ປະເທດລາວຄົນລາວເປັນເຈົ້າຂອງ; ວຽກງານພາສີ, ວຽກງານອາກອນ ເປັນວຽກງານໜຶ່ງທີ່ຕິດພັນກັບ 2 ວາລະແຫ່ງຊາດ ໂດຍສະເພາະວາລະແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ການປະກອບສ່ວນປຸກລະດົມຂົນຂວາຍປະຊາຊົນລາວບັນດາເຜົ່າ, ຊັ້ນຄົນຕ່າງໆເຂົ້າຮ່ວມຂະບວນການແຂ່ງຂັນຮັກຊາດ ແລະ ຂະບວນການ “ສ້າງເມືອງ, ບ້ານ ແລະ ຄອບຄົວສາມັກຄີປອງດອງ”, “ຮັກບ້ານເກີດ”, “ພັດທະນາຊົນນະບົດໃໝ່ ແລະ ບ້ານພັດທະນາຢູ່ໃນບ້ານຂອງຕົນ”, “ຄົນລາວຜະລິດ-ຊື້ສິນຄ້າລາວ”, “ຕ້ານຢາເສບຕິດ”, “ພົນລະເມືອງດີ”, “ນັກທຸລະກິດດີເດັ່ນ” ແລະ “4 ເສີມສ້າງຂອງແນວລາວສ້າງຊາດ”.
ໂອກາດນີ້, ທ່ານນາງ ອິນລາວັນ ແກ້ວບຸນພັນ ຍັງໄດ້ມອບເງິນຈໍານວນ 228 ລ້ານກີບ ເພື່ອຊຸກຍູ້ວຽກງານດັ່ງກ່າວໃນຂັ້ນເມືອງ, ຂັ້ນບ້ານ, ນອກຈາກນັ້ນ, ຄະນະຍັງໄດ້ລົງຢ້ຽມຢາມຜູ້ປະກອບການທີ່ມີຜົນງານດີເດັ່ນໃນການເສຍພັນທະພາສີ-ອາກອນໃຫ້ລັດເຊັ່ນ: ບໍລິສັດ ອີຊູຊູ ຈໍາປາລາວຕື່ມອີກ.
ຂ່າວ ແລະ ພາບ: ສຸວັນລີ
