ຂ່າວສານຫວຽດນາມລາຍງານວ່າ: ເມື່ອບໍ່ດົນມານີ້, ລັດຖະບານ ອິນເດຍ ປະກາດໃຫ້ຮູ້ວ່າ: ການສົ່ງອອກອາຫານທະເລຂອງປະເທດໃນສົກປີ 2023-2024 ບັນລຸປະລິມານທີ່ສູງທີ່ສຸດ, ເຖິງວ່າຕ້ອງຮັບມືກັບສິ່ງທ້າທາຍຫຼາຍຢ່າງກໍຕາມ.

ຂ່າວລະບຸວ່າ: ອິນ​ເດຍ ​ໄດ້​ສົ່ງ​ອອກ​ອາ​ຫານ​ທະ​ເລ 1.781.602 ໂຕນ ​​ມູນ​ຄ່າ 7,38 ຕື້​ໂດ​ລາ​ ​ໃນ​ປີ​ການ​ເງິນ 2023-2024. ການ​ສົ່ງ​ອອກ​ອາຫານ​ທະ​ເລ​ເພີ່ມ​ຂຶ້ນ 2,67% ​ໃນ​ດ້ານປະລິມານ, ​ແຕ່​ຫຼຸດ​ລົງ 8,77% ​ໃນ​ດ້ານ​ມູນ​ຄ່າ. ກຸ້ງແຊ່ແຂງຍັງຄົງເປັນອັນດັບໜຶ່ງໃນບັນຊີລາຍຊື່ການສົ່ງອອກອາຫານທະເລຂອງອິນເດຍກວມເອົາ 40,19% ຂອງປະລິມານທັງໝົດ ແລະ 66,12% ຂອງມູນຄ່າການສົ່ງອອກທັງໝົດ. ປັດຈຸ​ບັນ, ອາ​ເມ​ຣິກາ ​ແລະ ຈີນ ​ແມ່ນ​ຜູ້​ນຳ​ເຂົ້າ​ອາຫານ​ທະ​ເລ​ລາຍໃຫຍ່​ຂອງ​ອິນ​ເດຍ.

ອົງການຈັດລໍາດັບສິນເຊື່ອ Moody's ໄດ້ຄາດຄະເນເສດຖະກິດອິນເດຍຈະເຕີບໂຕ 6,8% ໃນປີນີ້ ແລະ 6,5% ໃນປີ 2025, ຍ້ອນການເປີດກວ້າງຂອງເສດຖະກິດທີ່ແຂງແຮງພ້ອມກັບນະໂຍບາຍຫຼັງການເລືອກຕັ້ງ.

GDP ຕົວຈິງຂອງອິນເດຍໃນປີ 2023 ເພີ່ມຂຶ້ນ 7,7%, ສູງກວ່າການເພີ່ມຂຶ້ນ 6,5% ໃນປີ 2022, ຍ້ອນການໃຫ້ທຶນຂອງລັດຖະບານ ແລະ ການເຄື່ອນໄຫວການຜະລິດທີ່ເຂັ້ມແຂງ.