ບໍລິສັດຊີໂນ-ອາກຣີ ມອບປຸ໋ຍ ຈຳນວນ 65 ໂຕ່ນ ລວມມູນຄ່າ 500 ລ້ານກວ່າກີບ ໃຫ້ແກ່ປະຊາຊົນໃນເຂດອ້ອມຂ້າງໂຄງການ ໃນ 16 ບ້ານ ແລະ 2 ເມືອງເປົ້າໝາຍຄື: ເມືອງທ່າແຂກ ແລະ ໜອງບົກ ໂດຍສະເພາະແມ່ນຄອບຄົວທີ່ຖືກຜົນກະທົບຈາກໂຄງການ. ພິທີໄດ້ຈັດຂຶ້ນໃນວັນທີ 25 ມິຖຸນານີ້, ທີ່ບ້ານດົງໃຕ້ ເມືອງທ່າແຂກ ແລະ ບ້ານນາຄໍາ ເມືອງໜອງບົກ ແຂວງຄຳມ່ວນ ໂດຍມີທ່ານ ສີຫງວນ ອິນທະລາດ ຮອງເຈົ້າເມືອງທ່າແຂກ, ທ່ານ ຄຳພອນ ສີກຸມພົນ ເຈົ້າເມືອງໜອງບົກ, ທ່ານ ຈູ່ ຊຽງລີ່ ຮອງອຳນວຍການບໍລິສັດຊີໂນ-ອາກຣີ ໂປຕາສ, ມີການນຳທັງສອງເມືອງ, ຂະແໜງການກ່ຽວຂ້ອງ, ອຳນາດການປົກຄອງບ້ານ, ພໍ່ແມ່ປະຊາຊົນໃນບ້ານເປົ້າໝາຍ ພ້ອມດ້ວຍຄະນະອຳນວຍການ, ຝ່າຍຮັບຜິດຊອບຈາກບໍລິສັດເຂົ້າຮ່ວມ.
ການມອບປຸ໋ຍດັ່ງກ່າວ ແມ່ນນອນຢູ່ໃນແຜນງານການປະກອບສ່ວນຊ່ວຍເຫຼືອສັງຄົມ ທີ່ຢູ່ໃນເຂດໂຄງການ ເພື່ອປະກອບສ່ວນຊຸກຍູ້ການພັດທະນາບ້ານ ຍົກລະດັບຊີວິດການເປັນຢູ່ຂອງພໍ່ແມ່ປະຊາຊົນໃຫ້ມີການຫັນປ່ຽນທີ່ດີຂຶ້ນ ສະເພາະເມືອງທ່າແຂກ ຈຳນວນບ້ານ ແລະ ຄອບຄົວທີ່ໄດ້ຮັບປຸ໋ຍປະກອບມີ 8 ບ້ານ, 682 ຄອບຄົວຄື: ບ້ານດົງໃຕ້ 288 ຄອບຄົວ, ນາດິນຈີ່ 212 ຄອບຄົວ, ນາໂພທ່າ 142 ຄອບຄົວ, ໜອງຫ້າງ 6 ຄອບຄົວ, ໂຄກປ່າທ່ອນ 13 ຄອບຄົວ, ດົງຊອກ-ໂພໄຊ 9 ຄອບຄົວ, ດອນທົ່ງ 5 ຄອບຄົວ ແລະ ບ້ານທ່າງາມ 7 ຄອບຄົວ. ສ່ວນເມືອງໜອງບົກ ມີ 8 ບ້ານ ແລະ 307 ຄອບຄົວ ປະກອບມີ: ບ້ານນາຄຳ 218 ຄອບຄົວ, ດົງບູນ 4 ຄອບຄົວ, ດົງຄຸງ 15 ຄອບຄົວ, ໜອງຜໍາ 1 ຄອບຄົວ, ນານ້ອຍ 5 ຄອບຄົວ, ໂນນແຕ້ 21 ຄອບຄົວ ແລະ ບ້ານໂນນສີລາ 43 ຄອບຄົວ ຊຶ່ງຈະໄດ້ຈັດສັນຕາມສັດສ່ວນຈຳນວນເນື້ອທີ່ຖືກຜົນກະທົບຂອງແຕ່ລະບ້ານ ເພື່ອນຳໃຊ້ເຂົ້າໃນການຜະລິດກະສິກຳ ເຮັດໃຫ້ຜົນຜະລິດຂອງພໍ່ແມ່ປະຊາຊົນໄດ້ຮັບປະສິດທິຜົນສູງຂຶ້ນ ຊຶ່ງປຸ໋ຍແມ່ນຈະຊ່ວຍໃຫ້ພືດສາມາດສັງເຄາະແສງໄດ້ດີ, ເຮັດໃຫ້ພືດມີໃບຂຽວ ແລະ ງອກງາມ, ມີລຳຕົ້ນແຂງແຮງ, ມີຄວາມທົນທານຕໍ່ສະພາບອາກາດ ແລະ ທົນຕໍ່ສັດຕູພືດບາງຊະນິດ, ຊ່ວຍໃຫ້ຮາກຂະຫຍາຍຕົວດີ, ຊ່ວຍປັບປຸງເຮັດໃຫ້ດິນມີຄຸນນະພາບສູງຂຶ້ນ, ຍົກສະມັດຕະພາບຂອງພືດຜົນໃຫ້ສູງຂຶ້ນ ແລະ ເພີ່ມລາຍຮັບຂອງພໍ່ແມ່ປະຊາຊົນ. ຊຶ່ງວິຊາການຈາກບໍລິສັດກໍໄດ້ແນະນຳກ່ຽວກັບຂັ້ນຕອນ, ວິທີການ, ປະລິມານ ແລະ ໄລຍະເວລາການນຳໃຊ້ປຸ໋ຍທີ່ຖືກຕ້ອງ, ເໝາະສົມກັບສະພາບຂອງດິນ ແລະ ພືດໃນແຕ່ລະຊະນິດ. ນອກນີ້ ບໍລິສັດຍັງມີແຜນທີ່ຈະຝຶກອົບຮົມທາງດ້ານການປູກ-ການລ້ຽງ ເພື່ອເພີ່ມຄວາມຮູ້ທາງດ້ານເຕັກນິກ, ວິທີການອັນໃໝ່ໆ ໃຫ້ພໍ່ແມ່ປະຊາຊົນສາມາດນຳໄປໃຊ້ ເພື່ອສ້າງອາຊີບ ແລະ ສ້າງລາຍຮັບ ເພື່ອພັດທະນາຊີວິດການເປັນຢູ່ໃຫ້ດີຂຶ້ນ ແລະ ໃນປັດຈຸບັນ ບໍລິສັດຍັງໄດ້ຈັດຕັ້ງປະຕິບັດໂຄງການປູກເຂົ້າ 3 ລະດູ ຢູ່ພາຍໃນຂອບເຂດເນື້ອທີ່ດິນຂອງບໍລິສັດ ຊຶ່ງພໍ່ແມ່ປະຊາຊົນອ້ອມຂ້າງໂຄງການ ແມ່ນສາມາດເຂົ້າຮ່ວມຈັດຕັ້ງປະຕິບັດຮ່ວມກັບບໍລິສັດໄດ້ ໂດຍທາງບໍລິສັດຈະມີເນື້ອທີ່, ແນວພັນ, ປຸ໋ຍ, ເຄື່ອງກົນຈັກ ພ້ອມທັງເກັບກ່ຽວຜົນຜະລິດ ສ່ວນປະຊາຊົນແມ່ນເປັນຜູ້ດູແລບົວລະບັດຮັກສາພືດ ຊຶ່ງພາຍຫຼັງເກັບກ່ຽວ ບໍລິສັດຈະຫັກຕົ້ນທຶນ ແລ້ວແບ່ງປັນຜົນກຳໄລຮ່ວມກັນ ເພື່ອໃຫ້ມີການພັດທະນາຮ່ວມກັນ ບົນພື້ນຖານບໍລິສັດມີການຂະຫຍາຍຕົວ, ປະຊາຊົນມີຢູ່ມີກິນ.
(ຂ່າວ-ພາບ: ກອງຄໍາ)23226776
ການມອບປຸ໋ຍດັ່ງກ່າວ ແມ່ນນອນຢູ່ໃນແຜນງານການປະກອບສ່ວນຊ່ວຍເຫຼືອສັງຄົມ ທີ່ຢູ່ໃນເຂດໂຄງການ ເພື່ອປະກອບສ່ວນຊຸກຍູ້ການພັດທະນາບ້ານ ຍົກລະດັບຊີວິດການເປັນຢູ່ຂອງພໍ່ແມ່ປະຊາຊົນໃຫ້ມີການຫັນປ່ຽນທີ່ດີຂຶ້ນ ສະເພາະເມືອງທ່າແຂກ ຈຳນວນບ້ານ ແລະ ຄອບຄົວທີ່ໄດ້ຮັບປຸ໋ຍປະກອບມີ 8 ບ້ານ, 682 ຄອບຄົວຄື: ບ້ານດົງໃຕ້ 288 ຄອບຄົວ, ນາດິນຈີ່ 212 ຄອບຄົວ, ນາໂພທ່າ 142 ຄອບຄົວ, ໜອງຫ້າງ 6 ຄອບຄົວ, ໂຄກປ່າທ່ອນ 13 ຄອບຄົວ, ດົງຊອກ-ໂພໄຊ 9 ຄອບຄົວ, ດອນທົ່ງ 5 ຄອບຄົວ ແລະ ບ້ານທ່າງາມ 7 ຄອບຄົວ. ສ່ວນເມືອງໜອງບົກ ມີ 8 ບ້ານ ແລະ 307 ຄອບຄົວ ປະກອບມີ: ບ້ານນາຄຳ 218 ຄອບຄົວ, ດົງບູນ 4 ຄອບຄົວ, ດົງຄຸງ 15 ຄອບຄົວ, ໜອງຜໍາ 1 ຄອບຄົວ, ນານ້ອຍ 5 ຄອບຄົວ, ໂນນແຕ້ 21 ຄອບຄົວ ແລະ ບ້ານໂນນສີລາ 43 ຄອບຄົວ ຊຶ່ງຈະໄດ້ຈັດສັນຕາມສັດສ່ວນຈຳນວນເນື້ອທີ່ຖືກຜົນກະທົບຂອງແຕ່ລະບ້ານ ເພື່ອນຳໃຊ້ເຂົ້າໃນການຜະລິດກະສິກຳ ເຮັດໃຫ້ຜົນຜະລິດຂອງພໍ່ແມ່ປະຊາຊົນໄດ້ຮັບປະສິດທິຜົນສູງຂຶ້ນ ຊຶ່ງປຸ໋ຍແມ່ນຈະຊ່ວຍໃຫ້ພືດສາມາດສັງເຄາະແສງໄດ້ດີ, ເຮັດໃຫ້ພືດມີໃບຂຽວ ແລະ ງອກງາມ, ມີລຳຕົ້ນແຂງແຮງ, ມີຄວາມທົນທານຕໍ່ສະພາບອາກາດ ແລະ ທົນຕໍ່ສັດຕູພືດບາງຊະນິດ, ຊ່ວຍໃຫ້ຮາກຂະຫຍາຍຕົວດີ, ຊ່ວຍປັບປຸງເຮັດໃຫ້ດິນມີຄຸນນະພາບສູງຂຶ້ນ, ຍົກສະມັດຕະພາບຂອງພືດຜົນໃຫ້ສູງຂຶ້ນ ແລະ ເພີ່ມລາຍຮັບຂອງພໍ່ແມ່ປະຊາຊົນ. ຊຶ່ງວິຊາການຈາກບໍລິສັດກໍໄດ້ແນະນຳກ່ຽວກັບຂັ້ນຕອນ, ວິທີການ, ປະລິມານ ແລະ ໄລຍະເວລາການນຳໃຊ້ປຸ໋ຍທີ່ຖືກຕ້ອງ, ເໝາະສົມກັບສະພາບຂອງດິນ ແລະ ພືດໃນແຕ່ລະຊະນິດ. ນອກນີ້ ບໍລິສັດຍັງມີແຜນທີ່ຈະຝຶກອົບຮົມທາງດ້ານການປູກ-ການລ້ຽງ ເພື່ອເພີ່ມຄວາມຮູ້ທາງດ້ານເຕັກນິກ, ວິທີການອັນໃໝ່ໆ ໃຫ້ພໍ່ແມ່ປະຊາຊົນສາມາດນຳໄປໃຊ້ ເພື່ອສ້າງອາຊີບ ແລະ ສ້າງລາຍຮັບ ເພື່ອພັດທະນາຊີວິດການເປັນຢູ່ໃຫ້ດີຂຶ້ນ ແລະ ໃນປັດຈຸບັນ ບໍລິສັດຍັງໄດ້ຈັດຕັ້ງປະຕິບັດໂຄງການປູກເຂົ້າ 3 ລະດູ ຢູ່ພາຍໃນຂອບເຂດເນື້ອທີ່ດິນຂອງບໍລິສັດ ຊຶ່ງພໍ່ແມ່ປະຊາຊົນອ້ອມຂ້າງໂຄງການ ແມ່ນສາມາດເຂົ້າຮ່ວມຈັດຕັ້ງປະຕິບັດຮ່ວມກັບບໍລິສັດໄດ້ ໂດຍທາງບໍລິສັດຈະມີເນື້ອທີ່, ແນວພັນ, ປຸ໋ຍ, ເຄື່ອງກົນຈັກ ພ້ອມທັງເກັບກ່ຽວຜົນຜະລິດ ສ່ວນປະຊາຊົນແມ່ນເປັນຜູ້ດູແລບົວລະບັດຮັກສາພືດ ຊຶ່ງພາຍຫຼັງເກັບກ່ຽວ ບໍລິສັດຈະຫັກຕົ້ນທຶນ ແລ້ວແບ່ງປັນຜົນກຳໄລຮ່ວມກັນ ເພື່ອໃຫ້ມີການພັດທະນາຮ່ວມກັນ ບົນພື້ນຖານບໍລິສັດມີການຂະຫຍາຍຕົວ, ປະຊາຊົນມີຢູ່ມີກິນ.
(ຂ່າວ-ພາບ: ກອງຄໍາ)23226776
