ອັດຕາເງິນເຟີ້ ເດືອນມິຖຸນາ 2024 ຍັງສືບຕໍ່ເໜັງຕີງເພີ່ມຂຶ້ນຈາກເດືອນຜ່ານມາ ຢູ່ໃນລະດັບ 26,2% (ເດືອນພຶດສະພາ 2024 ຢູ່ໃນລະດັບ 25,8%) ເຮັດໃຫ້ອັດຕາເງິນເຟີ້ສະເລ່ຍສຳລັບໄຕມາດ 2 ຂອງປີນີ້ ຢູ່ໃນລະດັບ 25,6%ແລະເມື່ອສະເລ່ຍໃສ່ 6 ເດືອນຕົ້ນປີ 2024 ຢູ່ໃນລະດັບ25,3%, ໃນຂະນະທີ່ (6 ເດືອນຕົ້ນປີ 2023 ຢູ່ໃນລະດັບ38,1%).
ສູນສະຖິຕິແຫ່ງຊາດກະຊວງແຜນການແລະການລົງທຶນໄດ້ເຜີຍແຜ່ບົດລາຍງານອັດຕາເງິນເຟີ້ ປະຈຳເດືອນມິຖຸນາ 2024 ໃຫ້ຮູວ່າ: ອັດຕາເງິນເຟີ້ໃນເດືອນມິຖຸນາ 2024 ເພີ່ມຂຶ້ນ 26,2% (ເມື່ອທຽບໃສ່ເດືອນມິຖຸນາ 2023) ໃນນັ້ນ, ໝວດສິນຄ້າທີ່ມີອັດຕາເງິນເຟີ້ເພີ່ມຂຶ້ນສູງແມ່ນ ໝວດຮັກສາສຸຂະພາບ ແລະ ຢາ ເພີ່ມຂຶ້ນ 41,7%, ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 35,3%, ໝວດທີ່ພັກອາໄສ, ນໍ້າປະປາ, ໄຟຟ້າ ແລະ ເຊື້ອເພີງຫຸງຕົ້ມ ເພີ່ມຂຶ້ນ 32,5%, ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 29,5%, ໝວດເຫຼົ້າ ແລະ ຢາສູບ ເພີ່ມຂຶ້ນ 28,8%, ສໍາລັບໝວດສະບຽງອາຫານ ແລະ ເຄື່ອງດື່ມບໍ່ມີທາດເຫຼົ້າ ເພີ່ມຂຶ້ນ 23,7%.
ພ້ອມກັນນັ້ນ, ເມື່ອສັງເກດການປ່ຽນແປງຂອງລາຄາເດືອນມິຖຸນາ 2024ທຽບໃສ່ ເດືອນ ພຶດສະພາ 2024 ເຫັນວ່າຍັງສືບຕໍ່ເພີ່ມຂຶ້ນ, ແຕ່ເພີ່ມຂຶ້ນໃນລັກສະນະຊ້າກວ່າເດືອນຜ່ານມາ ຢູ່ໃນລະດັບ 2,3% (ເດືອນພຶດສະພາ ທຽບໃສ່ເດືອນເມສາ ເພີ່ມຂຶ້ນ 3,1%). ໃນນັ້ນ, ໝວດສິນຄ້າທີ່ມີການປ່ຽນແປງຫຼາຍກວ່າໝູ່ແມ່ນ ໝວດທີ່ພັກອາໄສ, ນໍ້າປະປາ, ໄຟຟ້າ ແລະ ເຊື້ອເພີງຫຸງຕົ້ມ ເພີ່ມຂຶ້ນ 5,1% ພົ້ນເດັ່ນແມ່ນລາຄາດິນບ໋ອກ (ເພີ່ມຂຶ້ນ 5,9%) ສັງກະສີ (4,7%) ຫີນແຮ່ (4,3%), ຊາຍ (3,5%), ອາຍແກັສ (2%), ໝວດເຄື່ອງໃຊ້ໃນເຮືອນ ເພີ່ມຂຶ້ນ 3,7% ພົ້ນເດັ່ນແມ່ນ ລາຄາໝໍ້ຫຸງເຂົ້າ (12,3%), ພັດລົມ (8,8%), ແຟັບ (6%), ດອກໄຟ (5,8%), ໝວດຮັກສາສຸຂະພາບ ແລະ ຢາ ເພີ່ມຂຶ້ນ 2,8% ພົ້ນເດັ່ນແມ່ນ ລາຄາ ຢາປາຣາ (3,6%), ຢາແກ້ໄອເດັກນ້ອຍ (3,6%), ຢາແກ້ໄຂ້ເດັກນ້ອຍ (2,9%), ໝວດສະບຽງອາຫານ ແລະ ເຄື່ອງດື່ມບໍ່ມີທາດເຫຼົ້າ ເພີ່ມຂຶ້ນ 2% ພົ້ນເດັ່ນແມ່ນລາຄາ ໝາກເລັ່ນ (ເພີ່ມຂຶ້ນ 57,7%), ໝາກເຜັດດິບ (12,2%), ຊີ້ນງົວ (2,9%), ໄກ່ (2%).
ສໍາລັບອັດຕາເງິນເຟີ້ໄຕມາດ 2 ປີ 2024 ຢູ່ໃນລະດັບ 25,6% (ໄຕມາດ 2 ປີ 2024 ທຽບກັບໄຕມາດ 2ປີ 2023) ແລະ ສະເລ່ຍ 6 ເດືອນຕົ້ນປີ ອັດຕາເງິນເຟີ້ຢູ່ໃນລະດັບ 25,3% (6 ເດືອນຕົ້ນປີ 2023 ຢູ່ໃນລະດັບ38,1%). ໝວດທີ່ມີອັດຕາເງິນເຟີ້ເພີ່ມຂຶ້ນສູງກວ່າໝູ່ແມ່ນ ໝວດຮັກສາສຸຂະພາບ ແລະ ຢາ ພົ້ນເດັ່ນແມ່ນ ລາຄາຢາ,ການບໍລິການຄົນເຈັບພາຍນອກ ແລະ ການບໍລິການຈາກໂຮງໝໍເອກະຊົນ; ໝວດຮ້ານອາຫານ ແລະ ໂຮງແຮມ ຊຶ່ງພົ້ນເດັ່ນແມ່ນ ລາຄາ ອາຫານສຸກເຊັ່ນ: ເຂົ້າຜັດ, ປີ້ງປານິນ, ເຂົ້າປຽກ, ເຂົ້າຜັດໝູ, ເຂົ້າລາດໜ້າ; ໝວດເຄື່ອງນຸ່ງຫົ່ມແລະ ເກີບ ພົ້ນເດັ່ນແມ່ນ ເຄື່ອງນຸ່ງຊາຍ, ເຄື່ອງນຸ່ງຍິງ, ເຄື່ອງນຸ່ງເດັກນ້ອຍ ແລະ ເກີບແລະ ໝວດເຄື່ອງໃຊ້ໃນເຮືອນ.
ສ່ວນສາເຫດຕົ້ນຕໍຂອງອັດຕາເງິນເຟີ້ປະຈຳເດືອນມິຖຸນາ 2024 ກໍຄື 6 ເດືອນຕົ້ນປີ 2024 ປັດໄຈຕົ້ນຕໍແມ່ນມາຈາກ (1) ການອ່ອນຄ່າຂອງເງິນກີບເມື່ອທຽບກັບເງິນຕາຕ່າງປະເທດ ເປັນຕົ້ນແມ່ນເງິນໂດລາ, ບາດ ແລະ ຢວນຊຶ່ງເປັນສະກຸນຫຼັກໃນການຊຳລະສະສາງສິນຄ້າ ແລະ ການບໍລິການທີ່ນໍາເຂົ້າ, (2) ຖານຜະລິດພາຍໃນປະເທດບໍ່ເຂັ້ມແຂງ, ສ່ວນຫຼາຍແມ່ນເອື້ອຍອີງ ແລະ ນໍາເຂົ້າຈາກຕ່າງປະເທດ ເຊັ່ນ: ສິນຄ້າອຸປະໂພກບໍລິໂພກ, ສິນຄ້າປະພດ ປັດໄຈການຜະລິດລວມເຖິງວັດຖຸດິບ, ເຄື່ອງມືວິທະຍາສາດ ແລະ ພືດຜັກແມ່ນນໍາເຂົ້າຈາກຕ່າງປະເທດ, (3) ມາຈາກການປັບອັດຕາອາກອນມູນຄ່າເພີ່ມ ຈາກ 7% ເປັນ 10%ຊຶ່ງເປັນສ່ວນໜຶ່ງທີ່ມີຜົນຕໍ່ການເພີ່ມຂຶ້ນຂອງລາຄາສິນຄ້າເຊັ່ນກັນ.
ຂ່າວ: ຄ. ຄຳປະສິດ
ສູນສະຖິຕິແຫ່ງຊາດກະຊວງແຜນການແລະການລົງທຶນໄດ້ເຜີຍແຜ່ບົດລາຍງານອັດຕາເງິນເຟີ້ ປະຈຳເດືອນມິຖຸນາ 2024 ໃຫ້ຮູວ່າ: ອັດຕາເງິນເຟີ້ໃນເດືອນມິຖຸນາ 2024 ເພີ່ມຂຶ້ນ 26,2% (ເມື່ອທຽບໃສ່ເດືອນມິຖຸນາ 2023) ໃນນັ້ນ, ໝວດສິນຄ້າທີ່ມີອັດຕາເງິນເຟີ້ເພີ່ມຂຶ້ນສູງແມ່ນ ໝວດຮັກສາສຸຂະພາບ ແລະ ຢາ ເພີ່ມຂຶ້ນ 41,7%, ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 35,3%, ໝວດທີ່ພັກອາໄສ, ນໍ້າປະປາ, ໄຟຟ້າ ແລະ ເຊື້ອເພີງຫຸງຕົ້ມ ເພີ່ມຂຶ້ນ 32,5%, ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 29,5%, ໝວດເຫຼົ້າ ແລະ ຢາສູບ ເພີ່ມຂຶ້ນ 28,8%, ສໍາລັບໝວດສະບຽງອາຫານ ແລະ ເຄື່ອງດື່ມບໍ່ມີທາດເຫຼົ້າ ເພີ່ມຂຶ້ນ 23,7%.
ພ້ອມກັນນັ້ນ, ເມື່ອສັງເກດການປ່ຽນແປງຂອງລາຄາເດືອນມິຖຸນາ 2024ທຽບໃສ່ ເດືອນ ພຶດສະພາ 2024 ເຫັນວ່າຍັງສືບຕໍ່ເພີ່ມຂຶ້ນ, ແຕ່ເພີ່ມຂຶ້ນໃນລັກສະນະຊ້າກວ່າເດືອນຜ່ານມາ ຢູ່ໃນລະດັບ 2,3% (ເດືອນພຶດສະພາ ທຽບໃສ່ເດືອນເມສາ ເພີ່ມຂຶ້ນ 3,1%). ໃນນັ້ນ, ໝວດສິນຄ້າທີ່ມີການປ່ຽນແປງຫຼາຍກວ່າໝູ່ແມ່ນ ໝວດທີ່ພັກອາໄສ, ນໍ້າປະປາ, ໄຟຟ້າ ແລະ ເຊື້ອເພີງຫຸງຕົ້ມ ເພີ່ມຂຶ້ນ 5,1% ພົ້ນເດັ່ນແມ່ນລາຄາດິນບ໋ອກ (ເພີ່ມຂຶ້ນ 5,9%) ສັງກະສີ (4,7%) ຫີນແຮ່ (4,3%), ຊາຍ (3,5%), ອາຍແກັສ (2%), ໝວດເຄື່ອງໃຊ້ໃນເຮືອນ ເພີ່ມຂຶ້ນ 3,7% ພົ້ນເດັ່ນແມ່ນ ລາຄາໝໍ້ຫຸງເຂົ້າ (12,3%), ພັດລົມ (8,8%), ແຟັບ (6%), ດອກໄຟ (5,8%), ໝວດຮັກສາສຸຂະພາບ ແລະ ຢາ ເພີ່ມຂຶ້ນ 2,8% ພົ້ນເດັ່ນແມ່ນ ລາຄາ ຢາປາຣາ (3,6%), ຢາແກ້ໄອເດັກນ້ອຍ (3,6%), ຢາແກ້ໄຂ້ເດັກນ້ອຍ (2,9%), ໝວດສະບຽງອາຫານ ແລະ ເຄື່ອງດື່ມບໍ່ມີທາດເຫຼົ້າ ເພີ່ມຂຶ້ນ 2% ພົ້ນເດັ່ນແມ່ນລາຄາ ໝາກເລັ່ນ (ເພີ່ມຂຶ້ນ 57,7%), ໝາກເຜັດດິບ (12,2%), ຊີ້ນງົວ (2,9%), ໄກ່ (2%).
ສໍາລັບອັດຕາເງິນເຟີ້ໄຕມາດ 2 ປີ 2024 ຢູ່ໃນລະດັບ 25,6% (ໄຕມາດ 2 ປີ 2024 ທຽບກັບໄຕມາດ 2ປີ 2023) ແລະ ສະເລ່ຍ 6 ເດືອນຕົ້ນປີ ອັດຕາເງິນເຟີ້ຢູ່ໃນລະດັບ 25,3% (6 ເດືອນຕົ້ນປີ 2023 ຢູ່ໃນລະດັບ38,1%). ໝວດທີ່ມີອັດຕາເງິນເຟີ້ເພີ່ມຂຶ້ນສູງກວ່າໝູ່ແມ່ນ ໝວດຮັກສາສຸຂະພາບ ແລະ ຢາ ພົ້ນເດັ່ນແມ່ນ ລາຄາຢາ,ການບໍລິການຄົນເຈັບພາຍນອກ ແລະ ການບໍລິການຈາກໂຮງໝໍເອກະຊົນ; ໝວດຮ້ານອາຫານ ແລະ ໂຮງແຮມ ຊຶ່ງພົ້ນເດັ່ນແມ່ນ ລາຄາ ອາຫານສຸກເຊັ່ນ: ເຂົ້າຜັດ, ປີ້ງປານິນ, ເຂົ້າປຽກ, ເຂົ້າຜັດໝູ, ເຂົ້າລາດໜ້າ; ໝວດເຄື່ອງນຸ່ງຫົ່ມແລະ ເກີບ ພົ້ນເດັ່ນແມ່ນ ເຄື່ອງນຸ່ງຊາຍ, ເຄື່ອງນຸ່ງຍິງ, ເຄື່ອງນຸ່ງເດັກນ້ອຍ ແລະ ເກີບແລະ ໝວດເຄື່ອງໃຊ້ໃນເຮືອນ.
ສ່ວນສາເຫດຕົ້ນຕໍຂອງອັດຕາເງິນເຟີ້ປະຈຳເດືອນມິຖຸນາ 2024 ກໍຄື 6 ເດືອນຕົ້ນປີ 2024 ປັດໄຈຕົ້ນຕໍແມ່ນມາຈາກ (1) ການອ່ອນຄ່າຂອງເງິນກີບເມື່ອທຽບກັບເງິນຕາຕ່າງປະເທດ ເປັນຕົ້ນແມ່ນເງິນໂດລາ, ບາດ ແລະ ຢວນຊຶ່ງເປັນສະກຸນຫຼັກໃນການຊຳລະສະສາງສິນຄ້າ ແລະ ການບໍລິການທີ່ນໍາເຂົ້າ, (2) ຖານຜະລິດພາຍໃນປະເທດບໍ່ເຂັ້ມແຂງ, ສ່ວນຫຼາຍແມ່ນເອື້ອຍອີງ ແລະ ນໍາເຂົ້າຈາກຕ່າງປະເທດ ເຊັ່ນ: ສິນຄ້າອຸປະໂພກບໍລິໂພກ, ສິນຄ້າປະພດ ປັດໄຈການຜະລິດລວມເຖິງວັດຖຸດິບ, ເຄື່ອງມືວິທະຍາສາດ ແລະ ພືດຜັກແມ່ນນໍາເຂົ້າຈາກຕ່າງປະເທດ, (3) ມາຈາກການປັບອັດຕາອາກອນມູນຄ່າເພີ່ມ ຈາກ 7% ເປັນ 10%ຊຶ່ງເປັນສ່ວນໜຶ່ງທີ່ມີຜົນຕໍ່ການເພີ່ມຂຶ້ນຂອງລາຄາສິນຄ້າເຊັ່ນກັນ.
ຂ່າວ: ຄ. ຄຳປະສິດ
